Елизаветинская Библия 1751 (CSELZAN)
1

ГЛАВА̀ а҃.

11 Да

1: 1
Е҆фес. 5: 32
ло́бжетъ мѧ̀ ѿ лобза́нїй оу҆́стъ свои́хъ:
1: 1
Пѣ́сн. Пѣ́сн. 4: 10
ꙗ҆́кѡ бла̑га сосца̑ твоѧ̑ па́че вїна̀, 2 и҆ вонѧ̀ мѵ́ра твоегѡ̀ па́че всѣ́хъ а҆рѡма̑тъ.
1: 2
Ѱал. 44: 8
Мѵ́ро и҆злїѧ́ное и҆́мѧ твоѐ: сегѡ̀ ра́ди ѻ҆трокови̑цы возлюби́ша тѧ̀. 3 Привлеко́ша тѧ̀1: 3 Е҆вр.: влецы́ мѧ.: в̾слѣ́дъ тебє̀
1: 3
Ѱал. 44: 9
въ воню̀ мѵ́ра твоегѡ̀ тече́мъ. Введе́ мѧ ца́рь въ ло́жницꙋ свою̀: возра́дꙋемсѧ и҆ возвесели́мсѧ ѡ҆ тебѣ̀, возлю́бимъ сосца̑ твоѧ̑ па́че вїна̀: пра́вость возлюби́ тѧ. 4
1: 4
Ѱал. 44: 14
Черна̀ є҆́смь а҆́зъ и҆ добра̀, дщє́ри і҆ерⷭ҇ли̑мскїѧ,
1: 4
Ѱал. 119: 5
ꙗ҆́коже селє́нїѧ кида̑рска, ꙗ҆́коже завѣ́сы соломѡ̑ни. 5 Не зри́те менѐ, ꙗ҆́кѡ а҆́зъ є҆́смь ѡ҆черне́на,
1: 5
А҆пока́лѷѱ. 7: 16
ꙗ҆́кѡ ѡ҆пали́ мѧ со́лнце: сы́нове ма́тере моеѧ̀ сварѧ́хꙋсѧ ѡ҆ мнѣ̀, положи́ша мѧ̀ стра́жа въ вїногра́дѣхъ: вїногра́да моегѡ̀ не сохрани́хъ. 6
1: 6
Пѣ́сн. Пѣ́сн. 3: 1
Возвѣстѝ мѝ, є҆го́же возлюбѝ дꙋша̀ моѧ̀, гдѣ̀ пасе́ши;
1: 6
І҆ѡа́н. 1: 41
гдѣ̀ почива́еши въ полꙋ́дне; да не когда̀ бꙋ́дꙋ ꙗ҆́кѡ ѡ҆блага́ющаѧсѧ над̾ ста́ды дрꙋгѡ́въ твои́хъ. 7
1: 7
Пѣ́сн. Пѣ́сн. 5: 9
А҆́ще не оу҆вѣ́си са́мꙋю тебѐ, до́браѧ въ жена́хъ, и҆зы́ди ты̀ въ пѧта́хъ па́ствъ и҆ пасѝ кѡ́злища твоѧ̑ оу҆ кꙋ́щей па́стырскихъ. 8
1: 8
3 Ца́рств. 10: 28
Ко́нємъ мои̑мъ въ колесни́цѣхъ фараѡ́новыхъ оу҆подо́бихъ тѧ̀,
1: 8
Пѣ́сн. Пѣ́сн. 2: 2
І҆ѡа́н. 15: 14
бли́жнѧѧ моѧ̀. 9
1: 9
І҆езек. 16: 11
Что̀ оу҆кра́шєны лани̑ты твоѧ̑ ꙗ҆́кѡ гѡ́рлицы, вы́ѧ твоѧ̀ ꙗ҆́кѡ мѡни́сты; 10 подѡ́бїѧ зла́та сотвори́мъ тѝ съ пестрота́ми сребра̀. 11 До́ндеже (бꙋ́детъ) ца́рь на восклоне́нїи свое́мъ, на́рдъ мо́й дадѐ воню̀ свою̀. 12 Вѧза́нїе ста́кти бра́тъ мо́й1: 12 Е҆вр.: возлю́бленный мо́й. мнѣ̀, посредѣ̀ сосцꙋ̑ моє́ю водвори́тсѧ: 13
1: 13
І҆ѡа́н. 15: 1
гре́знъ кѵ́провъ бра́тъ мо́й мнѣ̀ въ вїногра́дѣхъ
1: 13
1 Ца́рств. 24: 1
є҆нга́ддовыхъ. 14
1: 14
Пѣ́сн. Пѣ́сн. 4: 1
Сѐ, є҆сѝ добра̀, и҆́скреннѧѧ моѧ̀, сѐ, є҆сѝ добра̀: ѻ҆́чи твоѝ голꙋби̑нѣ. 15 Сѐ, є҆сѝ до́бръ, бра́тъ мо́й, и҆ є҆щѐ красе́нъ: ѻ҆́дръ на́шъ со ѡ҆сѣне́нїемъ, 16 прекла̑ди до́мꙋ на́шегѡ ке́дровїи, дски̑ на́шѧ кѷпарі̑сныѧ.

2

ГЛАВА̀ в҃.

21 А҆́зъ цвѣ́тъ по́льный и҆ крі́нъ оу҆до́льный. 2 Ꙗ҆́коже

2: 2
И҆са́їа. 53: 2
І҆ерем. 33: 15
крі́нъ въ те́рнїи, та́кѡ и҆́скреннѧѧ моѧ̀ посредѣ̀ дще́рей. 3 Ꙗ҆́кѡ ꙗ҆́блонь посредѣ̀ древе́съ лѣсны́хъ, та́кѡ бра́тъ мо́й посредѣ̀ сынѡ́въ:
2: 3
Ѱал. 90: 1
А҆пока́лѷѱ. 2: 7
22: 2
под̾ сѣ́нь є҆гѡ̀ восхотѣ́хъ и҆ сѣдо́хъ, и҆ пло́дъ є҆гѡ̀ сла́докъ въ горта́ни мое́мъ. 4 Введи́те мѧ̀
2: 4
Ѱал. 35: 9
въ до́мъ вїна̀, вчини́те ко мнѣ̀ любо́вь: 5 оу҆тверди́те мѧ̀ въ мѵ́рѣхъ, положи́те мѧ̀ во ꙗ҆́блоцѣхъ: ꙗ҆́кѡ оу҆ѧ́звлена (є҆́смь) любо́вїю а҆́зъ. 6
2: 6
Пѣ́сн. Пѣ́сн. 8: 3
Шꙋ́йца є҆гѡ̀ под̾ главо́ю мое́ю, и҆ десни́ца є҆гѡ̀ ѡ҆б̾и́метъ мѧ̀. 7
2: 7
Пѣ́сн. Пѣ́сн. 3: 5
8: 9
Заклѧ́хъ ва́съ, дщє́ри і҆ерⷭ҇ли̑мли, въ си́лахъ и҆ крѣ́постехъ села̀: а҆́ще возста́вите и҆ возбꙋ́дите любо́вь, до́ндеже восхо́щетъ. 8
2: 8
І҆ѡа́н. 10: 19
Гла́съ бра́та моегѡ̀: сѐ, то́й и҆́детъ, скача̀ на го́ры и҆ прескача̀ на хо́лмы. 9 Подо́бенъ є҆́сть бра́тъ мо́й се́рнѣ и҆лѝ мла́дꙋ є҆ле́ню на гора́хъ веѳи́льскихъ. Сѐ, се́й стои́тъ за стѣно́ю на́шею, проглѧ́даѧй ѻ҆ко́нцами, приница́ѧй сквозѣ̀ мрє́жи. 10 Ѿвѣща́етъ бра́тъ мо́й и҆ глаго́летъ мнѣ̀: воста́ни, прїидѝ, бли́жнѧѧ моѧ̀, до́браѧ моѧ̀, голꙋби́це моѧ̀. 11 Ꙗ҆́кѡ сѐ, зима̀ пре́йде, до́ждь ѿи́де, ѿи́де себѣ̀: 12 цвѣ́ти ꙗ҆ви́шасѧ на землѝ, вре́мѧ ѡ҆брѣ́занїѧ приспѣ̀, гла́съ го́рлицы слы́шанъ въ землѝ на́шей: 13
2: 13
Лꙋк. 21: 30
смо́квь и҆знесѐ цвѣ́тъ сво́й, вїногра́ди зрѣ́юще да́ша воню̀. Воста́ни, прїидѝ, бли́жнѧѧ моѧ̀, до́браѧ моѧ̀, голꙋби́це моѧ̀, и҆ прїидѝ. 14
2: 14
Пѣ́сн. Пѣ́сн. 6: 8
Матѳ. 10: 16
Ты̀, голꙋби́це моѧ̀, въ покро́вѣ ка́меннѣ, бли́з̾ предстѣ́нїѧ: ꙗ҆ви́ ми зра́къ тво́й,
2: 14
Пѣ́сн. Пѣ́сн. 8: 13
и҆ оу҆слы́шанъ сотвори́ ми гла́съ тво́й: ꙗ҆́кѡ гла́съ тво́й сла́докъ,
2: 14
Пѣ́сн. Пѣ́сн. 1: 15
и҆ ѡ҆́бразъ тво́й красе́нъ. 15
2: 15
І҆езек. 13: 4
Лꙋк. 13: 32
И҆ми́те на́мъ ли̑сы ма̑лыѧ, гꙋбѧ́щыѧ вїногра́ды: и҆ вїногра́ди на́ши созрѣва́ютъ. 16
2: 16
Пѣ́сн. Пѣ́сн. 6: 2
7: 10
Бра́тъ мо́й мнѣ̀, и҆ а҆́зъ є҆мꙋ̀, пасы́й въ крі́нахъ, 17
2: 17
Пѣ́сн. Пѣ́сн. 4: 6
до́ндеже дхне́тъ де́нь, и҆ дви́гнꙋтсѧ сѣ́ни. Ѡ҆брати́сѧ, оу҆подо́бисѧ ты̀, бра́те мо́й, се́рнѣ и҆лѝ мла́дꙋ є҆ле́ню на гора́хъ ю҆до́лїй.