Елизаветинская Библия 1751 (CSELZAN)
7

ГЛАВА̀ з҃.

71 Не творѝ ѕла̀, и҆ не пости́гнетъ тѧ̀ ѕло̀: 2 ѿстꙋпѝ ѿ непра́вды, и҆ оу҆клони́тсѧ ѿ тебє̀. 3

7: 3
Ѡ҆сі́а. 10: 12
Сы́не, не сѣ́й на бразда́хъ непра̑вды и҆
7: 3
При́тч. 22: 8
не и҆́маши пожа́ти и҆̀хъ седмери́цею. 4 Не
7: 4
Матѳ. 20: 22
просѝ оу҆ гдⷭ҇а влады́чества, нижѐ ѿ царѧ̀ сѣда́лища сла́вы. 5
7: 5
І҆́ѡв. 9: 2,20
Ѱал. 142: 2
При́тч. 20: 9
Е҆кклес. 7: 17
Лꙋк. 8: 11
Не ѡ҆правда́й себѐ пред̾ бг҃омъ и҆ пред̾ царе́мъ не мꙋдри́сѧ. 6 Не и҆щѝ, да бꙋ́деши сꙋдїѧ̀, є҆гда̀ не возмо́жеши ѿѧ́ти непра̑вды: да не когда̀ оу҆бои́шисѧ лица̀ си́льнагѡ и҆ положи́ши собла́знъ въ пра́вости твое́й. 7 Не согрѣша́й во мно́жествѣ гра́да и҆ не низлага́й себѐ въ наро́дѣ. 8 Не свѧжѝ два́жды грѣха̀, и҆ во є҆ди́нѣмъ бо не непови́ненъ бꙋ́деши. 9 Не рцы̀:
7: 9
Ѡ҆сі́а. 8: 13
Мїх. 6: 7
на мно́жество дарѡ́въ мои́хъ воззри́тъ, и҆ приносѧ́щꙋ мѝ бг҃ꙋ вы́шнемꙋ, прїи́метъ. 10
7: 10
1 Тїмоѳ. 2: 8
І҆а́к. 1: 6
Не малодꙋ́шествꙋй въ моли́твѣ твое́й и҆ ми́лостыню твори́ти не пре́зри. 11 Не рꙋга́йсѧ человѣ́кꙋ сꙋ́щꙋ въ го́рести дꙋшѝ є҆гѡ̀:
7: 11
1 Ца́рств. 2: 7
є҆́сть бо смирѧ́ѧй и҆ возносѧ́й. 12 Не ѡ҆рѝ лжѝ на бра́та твоего̀, нижѐ дрꙋ́гꙋ то́жде творѝ. 13 Не восхощѝ лга́ти всѧ́кїѧ лжѝ: оу҆чаще́нїе бо є҆ѧ̀ не на бла́го. 14 Не бꙋ́ди велерѣ́чивъ во мно́жествѣ ста́рєцъ и҆
7: 14
Матѳ. 6: 7
не повторѝ сло́ва въ моли́твѣ твое́й. 15 Не возненави́ди трꙋ́днагѡ дѣ́ла и҆
7: 15
Быт. 3: 17,19
земледѣ́лїѧ ѿ вы́шнѧгѡ со́здана. 16 Не привмѣнѧ́й себѐ ко мно́жествꙋ грѣ́шникѡвъ. 17
7: 17
І҆а́к. 4: 10
Смирѝ дꙋ́шꙋ твою̀ ѕѣлѡ̀. 18 Помѧнѝ, ꙗ҆́кѡ
7: 18
И҆са́їа. 66: 24
гнѣ́въ не заме́длитъ, 19
7: 19
Ма́рк. 9: 44
поне́же ме́сть нечести́вагѡ ѻ҆́гнь и҆ че́рвь. 20
7: 20
При́тч. 27: 10
Не и҆змѣнѝ дрꙋ́га ни на что̀, ни бра́та прⷭ҇на на зла́тѣ сѡфі́рстѣмъ. 21 Не ѿстꙋпа́й ѿ жены̀ премꙋ́дры и҆ бла́ги, и҆́бо благода́ть є҆ѧ̀ па́че зла́та. 22
7: 22
Леѵі́т. 19: 13
Второзак. 24: 14
Не ѡ҆ѕло́би раба̀ дѣ́лающа во и҆́стинѣ, нижѐ нае́мника вдаю́ща дꙋ́шꙋ свою̀. 23 Раба̀ разꙋми́ва да лю́битъ дꙋша̀ твоѧ̀, и҆ не лишѝ є҆го̀ свобо́ды. 24
7: 24
Второзак. 25: 4
Е҆́сть ли тѝ ско́тъ, призира́й є҆го̀, и҆ а҆́ще тѝ бꙋ́детъ потре́бенъ, да пребꙋ́детъ тѝ. 25
7: 25
Сїрах. 30: 12
Сꙋ́ть ли тѝ ча̑да, накажѝ ѧ҆̀ и҆ преклонѝ ѿ ю҆́ности вы́ю и҆́хъ. 26 Сꙋ́ть ли тѝ дщє́ри, внима́й тѣ́лꙋ и҆́хъ и҆ не ꙗ҆влѧ́й весе́лагѡ къ ни̑мъ лица̀ твоегѡ̀. 27
7: 27
Сїрах. 42: 9
Вы́дай дще́рь, и҆ бꙋ́деши соверши́вый дѣ́ло вели́ко: и҆ мꙋ́жеви разꙋми́вꙋ да́ждь ю҆̀. 28 Е҆́сть ли тѝ жена̀ по дꙋшѝ, не и҆зженѝ є҆ѧ̀. 29
7: 29
Тѡв. 4: 3
Сїрах. 3: 8
Всѣ́мъ се́рдцемъ твои́мъ прославлѧ́й ѻ҆тца̀ твоего̀ и҆ ма́тернихъ болѣ́зней не забꙋ́ди: 30 помѧнѝ, ꙗ҆́кѡ тѣ́ма рожде́нъ є҆сѝ, и҆ что̀ и҆́ма возда́си, ꙗ҆́коже ѻ҆́на тебѣ̀; 31 Все́ю дꙋше́ю твое́ю благоговѣ́й гдⷭ҇еви
7: 31
Второзак. 12: 19
и҆ і҆ерє́и є҆гѡ̀ чтѝ. 32 Все́ю си́лою (твое́ю) возлюбѝ сотво́ршаго тѧ̀ и҆ слꙋжи́телей є҆гѡ̀ не ѡ҆ста́ви. 33
7: 33
Леѵі́т. 2: 3
1 Тїмоѳ. 5: 17
Бо́йсѧ гдⷭ҇а и҆ просла́ви і҆ере́а, и҆ да́ждь ча́сть є҆мꙋ̀, ꙗ҆́коже заповѣ́дано тѝ: 34
7: 34
Матѳ. 10: 10
1 Корі́нѳ. 9: 14
нача́тки, и҆ ѡ҆ согрѣше́нїи, и҆ даѧ́нїе мы́шцей, и҆ же́ртвꙋ ст҃ы́ни, и҆ нача́токъ ст҃ы́хъ. 35
7: 35
Ѱал. 40: 2
И҆ ни́щемꙋ прострѝ рꙋ́кꙋ твою̀, да соверши́тсѧ благослове́нїе твоѐ. 36
7: 36
Ри́млѧн. 14: 18
Благода́ть даѧ́нїѧ пред̾ всѧ́кимъ живы́мъ (да бꙋ́детъ), и҆ над̾ мертвеце́мъ
7: 36
Тѡв. 1: 21
не возбранѝ благода́ти. 37
7: 37
Ри́млѧн. 12: 15
Не оу҆странѧ́йсѧ ѿ пла́чꙋщихъ и҆ съ сѣ́тꙋющими сѣ́тꙋй. 38
7: 38
Матѳ. 25: 36
І҆а́к. 1: 27
Не лѣни́сѧ посѣща́ти болѧ́ща: си́ми бо возлю́бленъ бꙋ́деши. 39 Во всѣ́хъ словесѣ́хъ твои́хъ
7: 39
Пла́ч. І҆ерем. 1: 9
помина́й послѣ́днѧѧ твоѧ̑, и҆ во вѣ́ки не согрѣши́ши.