Елизаветинская Библия 1751 (CSELZAN)
5

ГЛАВА̀ є҃.

51 Не оу҆пова́й

5: 1
Лꙋк. 12: 19
на и҆мѣ́нїѧ твоѧ̑ и҆ не и҆ рцы̀: довѡ́лна мѝ сꙋ́ть. 2 Не послѣ́дꙋй дꙋшѝ твое́й и҆ крѣ́пости твое́й, є҆́же ходи́ти въ по́хотехъ се́рдца твоегѡ̀, 3 и҆ не рцы̀: кто́ мѧ премо́жетъ;
5: 3
Ѱал. 10: 4
гдⷭ҇ь бо мстѧ́й ѿмсти́тъ тѝ. 4 Не рцы̀: согрѣши́хъ,
5: 4
Ри́млѧн. 2: 4
6: 1
и҆ что́ ми бы́сть; гдⷭ҇ь бо є҆́сть долготерпѣли́въ. 5 Ѡ҆ ѡ҆чище́нїи безстра́шенъ не бꙋ́ди, прилага́ти грѣхѝ на грѣхѝ, 6 не рцы̀: щедро́та є҆гѡ̀ мно́га є҆́сть, мно́жество грѣхѡ́въ мои́хъ ѡ҆чтⷭ҇итъ: 7
5: 7
Второзак. 32: 22
Ѱал. 2: 12
І҆ерем. 15: 14
млⷭ҇ть бо и҆ гнѣ́въ оу҆ негѡ̀, и҆ на грѣ́шницѣхъ почі́етъ ꙗ҆́рость є҆гѡ̀. 8
5: 8
Сїрах. 18: 22
Не ме́дли ѡ҆брати́тисѧ ко гдⷭ҇ꙋ и҆ не ѿлага́й де́нь ѿ днѐ: 9 внеза́пꙋ бо и҆зы́детъ гнѣ́въ гдⷭ҇ень, и҆ во вре́мѧ мє́сти поги́бнеши. 10
5: 10
І҆́ѡв. 20: 20
При́тч. 11: 4
Не оу҆пова́й на и҆мѣ́нїѧ непра́вєдна: ни чи́мже бо оу҆по́льзꙋютъ въ де́нь наведе́нїѧ. 11
5: 11
Е҆фес. 4: 14
Не вѣ́й себѐ всѧ́кимъ вѣ́тромъ и҆ не ходѝ всѧ́кимъ пꙋте́мъ: си́це грѣ́шникъ двоѧзы́ченъ. 12
5: 12
І҆́ѡв. 20: 3
Бꙋ́ди оу҆твержде́нъ въ ра́зꙋмѣ твое́мъ, и҆ є҆ди́но бꙋ́ди сло́во твоѐ. 13
5: 13
І҆а́к. 1: 19
Бꙋ́ди ско́ръ въ слꙋ́шанїи твое́мъ, и҆ съ долготерпѣ́нїемъ ѿвѣщава́й ѿвѣ́тъ. 14 А҆́ще є҆́сть въ тебѣ̀ ра́зꙋмъ, ѿвѣща́й и҆́скреннемꙋ: а҆́ще же нѝ, то̀ бꙋ́ди рꙋка̀ твоѧ̀ на оу҆стѣ́хъ твои́хъ. 15 Сла́ва и҆ безче́стїе въ бесѣ́дѣ
5: 15
При́тч. 12: 13
и҆ ѧ҆зы́къ человѣ́чь паде́нїе є҆мꙋ̀. 16
5: 16
Леѵі́т. 19: 16
Ѱал. 14: 3
При́тч. 16: 28
Не словѝ шепотни́къ и҆ ѧ҆зы́комъ твои́мъ не оу҆ловлѧ́й: 17 на та́ти бо стꙋ́дъ є҆́сть и҆ зазо́ръ лꙋка́въ над̾ двоѧзы́чнымъ. 18 Ѡ҆ вели́цѣ и҆ ѡ҆ ма́лѣ не неразꙋмѣва́й.