Елизаветинская Библия 1751 (CSELZAN)
4

ГЛАВА̀ д҃.

41 Что̀ оу҆̀бо рече́мъ а҆враа́ма ѻ҆тца̀ на́шего ѡ҆брѣстѝ по пло́ти; 2 А҆́ще бо а҆враа́мъ ѿ дѣ́лъ ѡ҆правда́сѧ, и҆́мать похвалꙋ̀,

4: 2
Е҆фес. 2: 8
но не оу҆ бг҃а. 3 Что́ бо писа́нїе глаго́летъ;
4: 3
І҆а́к. 2: 23
Гала́т. 3: 6
Быт. 15: 6
вѣ́рова же а҆враа́мъ бг҃ови, и҆ вмѣни́сѧ є҆мꙋ̀ въ пра́вдꙋ.

(Заⷱ҇ п҃ѕ.)

4

4: 4
Ри́млѧн. 11: 6
Дѣ́лающемꙋ же мзда̀ не вмѣнѧ́етсѧ по блгⷣти, но по до́лгꙋ: 5 а҆ не дѣ́лающемꙋ, вѣ́рꙋющемꙋ же во ѡ҆правда́ющаго нечести́ва, вмѣнѧ́етсѧ вѣ́ра є҆гѡ̀ въ пра́вдꙋ. 6 Ꙗ҆́коже и҆ дв҃дъ глаго́летъ бл҃же́нство человѣ́ка, є҆мꙋ́же вмѣнѧ́етъ бг҃ъ пра́вдꙋ, без̾ дѣ́лъ зако́на: 7
4: 7
Ѱал. 31: 1
бл҃же́ни, и҆́хже ѿпꙋсти́шасѧ беззакѡ́нїѧ и҆ и҆́хже прикры́шасѧ грѣсѝ: 8 бл҃же́нъ мꙋ́жъ, є҆мꙋ́же не вмѣни́тъ гдⷭ҇ь грѣха̀. 9 Бл҃же́нство оу҆̀бо сїѐ на ѡ҆брѣ́занїе ли, и҆лѝ на неѡбрѣ́занїе; Глаго́лемъ бо, ꙗ҆́кѡ вмѣни́сѧ а҆враа́мꙋ вѣ́ра въ пра́вдꙋ. 10 Ка́кѡ оу҆̀бо вмѣни́сѧ є҆мꙋ̀; во ѡ҆брѣ́занїи ли сꙋ́щꙋ, и҆лѝ въ неѡбрѣ́занїи; Не во ѡ҆брѣ́занїи, но въ неѡбрѣ́занїи. 11
4: 11
Быт. 17: 11
И҆ зна́менїе прїѧ́тъ ѡ҆брѣ́занїѧ, печа́ть пра́вды вѣ́ры, ꙗ҆́же въ неѡбрѣ́занїи: ꙗ҆́кѡ бы́ти є҆мꙋ̀ ѻ҆тцꙋ̀ всѣ́хъ вѣ́рꙋющихъ въ неѡбрѣ́занїи, во є҆́же вмѣни́тисѧ и҆ тѣ́мъ въ пра́вдꙋ, 12 и҆ ѻ҆тцꙋ̀ ѡ҆брѣ́занїѧ, не сꙋ́щымъ то́чїю ѿ ѡ҆брѣ́занїѧ, но и҆ ходѧ́щымъ въ стопа́хъ вѣ́ры, ꙗ҆́же (бѣ̀) въ неѡбрѣ́занїи ѻ҆тца̀ на́шегѡ а҆враа́ма.

(Заⷱ҇ п҃з.)

13 Не зако́номъ бо ѡ҆бѣтова́нїе а҆враа́мꙋ, и҆лѝ сѣ́мени є҆гѡ̀, є҆́же бы́ти є҆мꙋ̀

4: 13
Быт. 15: 6
17: 5
наслѣ́дникꙋ мі́рови, но пра́вдою вѣ́ры. 14 А҆́ще бо сꙋ́щїи ѿ зако́на наслѣ́дницы, и҆спраздни́сѧ вѣ́ра, и҆ разори́сѧ ѡ҆бѣтова́нїе: 15
4: 15
Ри́млѧн. 3: 20
5: 13
7: 8
зако́нъ бо гнѣ́въ содѣ́ловаетъ:
4: 15
1 Корі́нѳ. 15: 56
Гала́т. 3: 10
и҆дѣ́же бо нѣ́сть зако́на, (тꙋ̀) ни престꙋпле́нїѧ. 16 Сегѡ̀ ра́ди ѿ вѣ́ры, да по блгⷣти, во є҆́же бы́ти и҆звѣ́стнꙋ ѡ҆бѣтова́нїю всемꙋ̀ сѣ́мени, не то́чїю сꙋ́щемꙋ ѿ зако́на, но и҆ сꙋ́щемꙋ ѿ вѣ́ры а҆враа́мовы, и҆́же є҆́сть ѻ҆те́цъ всѣ́мъ на́мъ, 17 ꙗ҆́коже є҆́сть пи́сано:
4: 17
Е҆вр. 11: 12
Быт. 17: 5
Сїрах. 44: 19
ꙗ҆́кѡ ѻ҆тца̀ мнѡ́гимъ ꙗ҆зы́кѡмъ положи́хъ тѧ̀, прѧ́мѡ бг҃ꙋ, є҆мꙋ́же вѣ́рова, животворѧ́щемꙋ мє́ртвыѧ и҆ нарица́ющꙋ не сꙋ̑щаѧ ꙗ҆́кѡ сꙋ̑щаѧ. 18 И҆́же па́че оу҆пова́нїѧ во оу҆пова́нїе вѣ́рова, во є҆́же бы́ти є҆мꙋ̀ ѻ҆тцꙋ̀ мнѡ́гимъ ꙗ҆зы́кѡмъ, по рече́нномꙋ:
4: 18
Быт. 15: 5
та́кѡ бꙋ́детъ сѣ́мѧ твоѐ. 19 И҆ не и҆знемо́гъ вѣ́рою, ни оу҆смотрѝ своеѧ̀ пло́ти оу҆жѐ оу҆мерщвле́нныѧ, столѣ́тенъ нѣ́гдѣ сы́й, и҆ ме́ртвости ложе́снъ са́рриныхъ: 20 во ѡ҆бѣтова́нїи же бж҃їи не оу҆сꙋмнѣ́сѧ невѣ́рованїемъ, но возмо́же вѣ́рою, да́въ сла́вꙋ бг҃ови 21 и҆ и҆звѣ́стенъ бы́въ, ꙗ҆́кѡ, є҆́же ѡ҆бѣща̀,
4: 21
Ѱал. 113: 11
Лꙋк. 1: 37
си́ленъ є҆́сть и҆ сотвори́ти. 22 Тѣ́мже и҆ вмѣни́сѧ є҆мꙋ̀ въ пра́вдꙋ. 23
4: 23
Ри́млѧн. 15: 4
Не пи́сано же бы́сть за того̀ є҆ди́наго то́чїю, ꙗ҆́кѡ вмѣни́сѧ є҆мꙋ̀, 24 но и҆ за ны̀, и҆̀мже хо́щетъ вмѣни́тисѧ, вѣ́рꙋющымъ въ воскр҃си́вшаго і҆н҃са хрⷭ҇та̀ гдⷭ҇а на́шего и҆з̾ ме́ртвыхъ, 25
4: 25
И҆са́їа. 53: 5
Ри́млѧн. 5: 6
и҆́же пре́данъ бы́сть за прегрѣшє́нїѧ на̑ша
4: 25
1 Петр. 1: 21
1 Корі́нѳ. 15: 22
и҆ воста̀ за ѡ҆правда́нїе на́ше.

5

ГЛАВА̀ є҃.

Зача́ло п҃и.

51 Ѡ҆правди́вшесѧ оу҆̀бо вѣ́рою,

5: 1
Лꙋк. 2: 14
Е҆фес. 2: 16
Колос. 1: 20
ми́ръ и҆́мамы къ бг҃ꙋ гдⷭ҇емъ на́шимъ і҆н҃съ хрⷭ҇то́мъ, 2
5: 2
І҆ѡа́н. 14: 6
и҆́мже и҆
5: 2
Е҆фес. 2: 18
Е҆вр. 10: 9
приведе́нїе ѡ҆брѣто́хомъ вѣ́рою во блгⷣть сїю̀, въ не́йже стои́мъ, и҆ хва́лимсѧ оу҆пова́нїемъ сла́вы бж҃їѧ. 3 Не то́чїю же,
5: 3
І҆а́к. 1: 2
2 Корі́нѳ. 12: 10
но и҆ хва́лимсѧ въ ско́рбехъ, вѣ́дѧще, ꙗ҆́кѡ ско́рбь терпѣ́нїе содѣ́ловаетъ, 4 терпѣ́нїе же и҆скꙋ́сство, и҆скꙋ́сство же оу҆пова́нїе: 5
5: 5
Ѱал. 21: 6
оу҆пова́нїе же не посрами́тъ,
5: 5
Ри́млѧн. 8: 16
2 Корі́нѳ. 1: 22
ꙗ҆́кѡ любы̀ бж҃їѧ и҆злїѧ́сѧ въ сердца̀ на̑ша дх҃омъ ст҃ы́мъ да́ннымъ на́мъ. 6
5: 6
1 Петр. 3: 18
Е҆вр. 9: 15
Е҆ще́ бо хрⷭ҇то́съ сꙋ́щымъ на́мъ немощны̑мъ, по вре́мени за нечести́выхъ оу҆́мре. 7 Е҆два́ бо за првⷣника кто̀ оу҆́мретъ: за бл҃га́го бо не́гли кто̀ и҆ де́рзнетъ оу҆мре́ти. 8
5: 8
І҆ѡа́н. 15: 13
1 І҆ѡа́н. 3: 16
Составлѧ́етъ же свою̀ любо́вь къ на́мъ бг҃ъ, ꙗ҆́кѡ, є҆щѐ грѣ́шникѡмъ сꙋ́щымъ на́мъ, хрⷭ҇то́съ за ны̀ оу҆́мре. 9 Мно́гѡ оу҆̀бо па́че,
5: 9
Ри́млѧн. 3: 25
1 Солꙋ́н. 1: 10
ѡ҆правда́ни бы́вше нн҃ѣ кро́вїю є҆гѡ̀, спасе́мсѧ и҆́мъ ѿ гнѣ́ва.

(Заⷱ҇ п҃ѳ.)

10 А҆́ще бо вразѝ бы́вше

5: 10
2 Корі́нѳ. 5: 18
Колос. 1: 22
примири́хомсѧ бг҃ꙋ сме́ртїю сн҃а є҆гѡ̀, множа́е па́че примири́вшесѧ спа́семсѧ въ животѣ̀ є҆гѡ̀: 11 не то́чїю же, но и҆ хва́лимсѧ ѡ҆ бз҃ѣ гдⷭ҇емъ на́шимъ і҆н҃съ хрⷭ҇то́мъ, и҆́мже нн҃ѣ примире́нїе прїѧ́хомъ. 12 Сегѡ̀ ра́ди ꙗ҆́коже є҆ди́нѣмъ человѣ́комъ грѣ́хъ въ мі́ръ вни́де
5: 12
Быт. 2: 17
Ри́млѧн. 6: 21
1 Корі́нѳ. 15: 21
и҆ грѣхо́мъ сме́рть, и҆ та́кѡ сме́рть во всѧ̑ человѣ́ки вни́де, въ не́мже всѝ согрѣши́ша. 13
5: 13
Ри́млѧн. 4: 15
До зако́на бо грѣ́хъ бѣ̀ въ мі́рѣ: грѣ́хъ же не вмѣнѧ́шесѧ, не сꙋ́щꙋ зако́нꙋ. 14
5: 14
1 Корі́нѳ. 15: 21,45,55
Но ца́рствова сме́рть ѿ а҆да́ма да́же до мѡѷсе́а и҆ над̾ несогрѣши́вшими по подо́бїю престꙋпле́нїѧ а҆да́мова, и҆́же є҆́сть ѡ҆́бразъ бꙋ́дꙋщагѡ. 15 Но не ꙗ҆́коже прегрѣше́нїе, та́кѡ и҆ да́ръ. А҆́ще бо прегрѣше́нїемъ є҆ди́нагѡ мно́зи оу҆мро́ша, мно́жае па́че блгⷣть бж҃їѧ и҆ да́ръ
5: 15
І҆ѡа́н. 1: 16
Е҆фес. 1: 6
блгⷣтїю є҆ди́нагѡ чл҃вѣ́ка і҆н҃са хрⷭ҇та̀ во мно́гихъ преизли́шествова. 16 И҆ не ꙗ҆́коже є҆ди́нѣмъ согрѣ́шшимъ дарова́нїе: грѣ́хъ бо и҆з̾ є҆ди́нагѡ во ѡ҆сꙋжде́нїе: да́ръ же ѿ мно́гихъ прегрѣше́нїи во ѡ҆правда́нїе.

(Заⷱ҇ ч҃.)

17 А҆́ще бо є҆ди́нагѡ прегрѣше́нїемъ сме́рть ца́рствова є҆ди́нѣмъ, мно́жае па́че и҆збы́токъ блгⷣти и҆ да́ръ пра́вды прїе́млюще,

5: 17
2 Тїмоѳ. 2: 12
А҆пока́лѷѱ. 1: 6
22: 5
въ жи́зни воцарѧ́тсѧ є҆ди́нѣмъ і҆н҃съ хрⷭ҇то́мъ. 18 Тѣ́мже оу҆̀бо, ꙗ҆́коже є҆ди́нагѡ прегрѣше́нїемъ во всѧ̑ человѣ́ки вни́де ѡ҆сꙋжде́нїе, та́кожде и҆ є҆ди́нагѡ ѡ҆правда́нїемъ во всѧ̑ человѣ́ки вни́де ѡ҆правда́нїе жи́зни. 19 Ꙗ҆́коже бо ѡ҆слꙋша́нїемъ є҆ди́нагѡ человѣ́ка грѣ́шни бы́ша мно́зи, си́це
5: 19
И҆са́їа. 53: 11
Фїлїппис. 2: 8
и҆ послꙋша́нїемъ є҆ди́нагѡ првⷣни бꙋ́дꙋтъ мно́зи. 20
5: 20
Ри́млѧн. 7: 8
Гала́т. 3: 19
Зако́нъ же привни́де, да оу҆мно́житсѧ прегрѣше́нїе. И҆дѣ́же бо оу҆мно́жисѧ грѣ́хъ, преизбы́точествова блгⷣть: 21 да ꙗ҆́коже ца́рствова грѣ́хъ во сме́рть, та́кожде и҆ блгⷣть воцр҃и́тсѧ пра́вдою въ жи́знь вѣ́чнꙋю, і҆н҃съ хрⷭ҇то́мъ гдⷭ҇емъ на́шимъ.

6

ГЛАВА̀ ѕ҃.

61 Что̀ оу҆̀бо рече́мъ; пребꙋ́демъ ли во грѣсѣ̀, да блгⷣть преꙋмно́житсѧ; Да не бꙋ́детъ. 2 И҆̀же бо

6: 2
Гала́т. 6: 14
1 Петр. 2: 24
оу҆мро́хомъ грѣхꙋ̀, ка́кѡ па́ки ѡ҆живе́мъ ѡ҆ не́мъ6: 2 ка́кѡ є҆щѐ жи́ти бꙋ́демъ въ не́мъ;

(Заⷱ҇ч҃а.)

3 И҆лѝ не разꙋмѣ́ете, ꙗ҆́кѡ є҆ли́цы во хрⷭ҇та̀ і҆н҃са

6: 3
Гала́т. 3: 27
крести́хомсѧ, въ см҃рть є҆гѡ̀ крести́хомсѧ; 4
6: 4
Колос. 2: 12
Спогребо́хомсѧ оу҆̀бо є҆мꙋ̀ кр҃ще́нїемъ въ сме́рть, да ꙗ҆́коже воста̀ хрⷭ҇то́съ ѿ ме́ртвыхъ сла́вою ѻ҆́ч҃ею,
6: 4
Гала́т. 6: 15
Е҆фес. 4: 23
та́кѡ и҆ мы̀ во ѡ҆бновле́нїи жи́зни ходи́ти на́чнемъ6: 4 да хо́димъ. 5
6: 5
Ри́млѧн. 8: 11
1 Корі́нѳ. 6: 14
А҆́ще бо соѡбра́зни6: 5 снасажде́ни бы́хомъ подо́бїю см҃рти є҆гѡ̀, то̀ и҆ воскрⷭ҇нїѧ бꙋ́демъ, 6 сїѐ вѣ́дѧще, ꙗ҆́кѡ ве́тхїи на́шъ человѣ́къ съ ни́мъ распѧ́тсѧ,
6: 6
Гала́т. 5: 6
да оу҆праздни́тсѧ тѣ́ло грѣхо́вное, ꙗ҆́кѡ ктомꙋ̀ не рабо́тати на́мъ грѣхꙋ̀: 7 оу҆ме́рый бо
6: 7
1 Петр. 4: 1
свободи́сѧ ѿ грѣха̀. 8
6: 8
Колос. 3: 5,9
2 Тїмоѳ. 2: 11
А҆́ще же оу҆мро́хомъ со хрⷭ҇то́мъ, вѣ́рꙋемъ, ꙗ҆́кѡ и҆ жи́ви бꙋ́демъ съ ни́мъ, 9 вѣ́дѧще, ꙗ҆́кѡ хрⷭ҇то́съ воста̀ ѿ ме́ртвыхъ,
6: 9
Е҆вр. 9: 28
ктомꙋ̀ оу҆жѐ не оу҆мира́етъ:
6: 9
1 Корі́нѳ. 15: 54
сме́рть и҆́мъ ктомꙋ̀ не ѡ҆блада́етъ. 10 Е҆́же бо оу҆́мре, грѣхꙋ̀ оу҆́мре є҆ди́ною:
6: 10
Лꙋк. 20: 38
а҆ є҆́же живе́тъ, бг҃ови живе́тъ.

(Заⷱ҇ч҃в.)

11

6: 11
Гала́т. 2: 19
Та́кожде и҆ вы̀ помышлѧ́йте себѐ ме́ртвыхъ оу҆́бѡ бы́ти грѣхꙋ̀, живы́хъ же бг҃ови, ѡ҆ хрⷭ҇тѣ̀ і҆н҃сѣ гдⷭ҇ѣ на́шемъ. 12 Да не ца́рствꙋетъ оу҆̀бо грѣ́хъ въ ме́ртвеннѣмъ ва́шемъ тѣ́лѣ, во є҆́же послꙋ́шати є҆гѡ̀ въ по́хотехъ є҆гѡ̀: 13 нижѐ представлѧ́йте оу҆́ды ва́шѧ ѻ҆рꙋ̑жїѧ непра́вды грѣхꙋ̀:
6: 13
Ри́млѧн. 12: 1
но представлѧ́йте себѐ бг҃ови
6: 13
Гала́т. 2: 20
ꙗ҆́кѡ ѿ ме́ртвыхъ живы́хъ, и҆ оу҆́ды ва́шѧ ѻ҆рꙋ̑жїѧ пра́вды бг҃ови. 14 Грѣ́хъ бо ва́ми да не ѡ҆блада́етъ:
6: 14
Ри́млѧн. 5: 20
нѣ́сте бо под̾ зако́номъ, но под̾ блгⷣтїю. 15 Что̀ оу҆̀бо;
6: 15
Гала́т. 2: 17
согрѣши́мъ ли, занѐ нѣ́смы под̾ зако́номъ, но под̾ блгⷣтїю, да не бꙋ́детъ. 16
6: 16
Матѳ. 6: 24
І҆ѡа́н. 8: 34
2 Петр. 2: 19
Не вѣ́сте ли, ꙗ҆́кѡ є҆мꙋ́же представлѧ́ете себѐ рабы̑ въ послꙋша́нїе, рабѝ є҆стѐ, є҆гѡ́же послꙋ́шаете, и҆лѝ грѣха̀ въ сме́рть, и҆лѝ послꙋша́нїѧ въ пра́вдꙋ; 17 Благодари́мъ оу҆̀бо бг҃а, ꙗ҆́кѡ бѣ́сте рабѝ грѣхꙋ̀, послꙋ́шасте же ѿ се́рдца, въ ѻ҆́ньже и҆ преда́стесѧ ѡ҆́бразъ оу҆че́нїѧ.

(Заⷱ҇ч҃г.)

18

6: 18
І҆ѡа́н. 8: 32
Гала́т. 5: 1
Свобо́ждшесѧ же ѿ грѣха̀, порабо́тистесѧ пра́вдѣ. 19 Человѣ́ческо глаго́лю, за не́мощь пло́ти ва́шеѧ. Ꙗ҆́коже бо предста́висте оу҆́ды ва́шѧ рабы̑ нечистотѣ̀ и҆ беззако́нїю въ беззако́нїе, та́кѡ нн҃ѣ предста́вите оу҆́ды ва́шѧ рабы̑ пра́вдѣ во ст҃ы́ню. 20 Е҆гда́ бо рабѝ бѣ́сте грѣха̀, свобо́дни бѣ́сте ѿ пра́вды. 21
6: 21
Ри́млѧн. 1: 26,31
7: 5
Кі́й оу҆̀бо тогда̀ и҆мѣ́сте пло́дъ; Ѡ҆ ни́хже нн҃ѣ стыдите́сѧ, кончи́на бо ѻ҆́нѣхъ, сме́рть. 22 Нн҃ѣ же свобо́ждшесѧ ѿ грѣха̀, порабо́щшесѧ же бг҃ови, и҆́мате пло́дъ ва́шъ во ст҃ы́ню, кончи́нꙋ же жи́знь вѣ́чнꙋю. 23
6: 23
Ри́млѧн. 2: 7
5: 12
Ѡ҆бро́цы бо грѣха̀, сме́рть: дарова́нїе же бж҃їе живо́тъ вѣ́чный ѡ҆ хрⷭ҇тѣ̀ і҆н҃сѣ гдⷭ҇ѣ на́шемъ.