ГЛАВА̀ в҃.
21 Сегѡ̀
Лꙋк. 6: 37
1 Корі́нѳ. 4: 5
ра́ди без̾ѿвѣ́тенъ є҆сѝ, ѡ҆̑, человѣ́че всѧ́къ сꙋдѧ́й:
и҆́мже бо сꙋдо́мъ сꙋ́диши дрꙋ́га, себѐ ѡ҆сꙋжда́еши, та̑ѧжде бо твори́ши сꙋдѧ́й. 2 Вѣ́мы же, ꙗ҆́кѡ сꙋ́дъ бж҃їй є҆́сть пои́стиннѣ на творѧ́щихъ такова́ѧ. 3 Помышлѧ́еши ли же сїѐ, ѡ҆̑, человѣ́че, сꙋдѧ́й такова́ѧ творѧ́щымъ и҆ творѧ̀ са́мъ та̑ѧжде, ꙗ҆́кѡ ты̀ и҆збѣжи́ши ли сꙋда̀ бж҃їѧ, 4 и҆лѝ ѡ҆ бога́тствѣ бл҃гости є҆гѡ̀ и҆
кро́тости и҆ долготерпѣ́нїи неради́ши,
І҆ерем. 3: 12
не вѣ́дый, ꙗ҆́кѡ бл҃гость бж҃їѧ на покаѧ́нїе тѧ̀ веде́тъ; 5 По жесто́кости же твое́й и҆ непока́ѧнномꙋ се́рдцꙋ,
собира́еши себѣ̀ гнѣ́въ въ де́нь гнѣ́ва и҆ ѿкрове́нїѧ првⷣнагѡ сꙋда̀ бж҃їѧ, 6
При́тч. 24: 12
и҆́же возда́стъ коемꙋ́ждо по дѣлѡ́мъ є҆гѡ̀: 7 ѡ҆́вымъ оу҆́бѡ, по терпѣ́нїю дѣ́ла бл҃га́гѡ,
сла́вы и҆ че́сти и҆ нетлѣ́нїѧ и҆́щꙋщымъ, живо́тъ вѣ́чный: 8 а҆ и҆̀же по рве́нїю противлѧ́ютсѧ оу҆́бѡ и҆́стинѣ, повинꙋ́ютсѧ же непра́вдѣ,
Е҆вр. 10: 27
ꙗ҆́рость и҆ гнѣ́въ. 9 Ско́рбь и҆ тѣснота̀ на всѧ́кꙋ дꙋ́шꙋ человѣ́ка творѧ́щагѡ ѕло́е, і҆ꙋде́а же пре́жде и҆ є҆́ллина. 10 (Заⷱ҇.) Сла́ва же и҆ че́сть и҆ ми́ръ всѧ́комꙋ дѣ́лающемꙋ бл҃го́е, і҆ꙋде́еви же пре́жде и҆ є҆́ллинꙋ. 11
2 Паралїпом. 19: 7
Нѣ́сть бо на лица̑ зрѣ́нїѧ оу҆ бг҃а. 12
Е҆ли́цы бо беззако́ннѡ2: 12 без̾ зако́на согрѣши́ша, беззако́ннѡ2: 12 без̾ зако́на и҆ поги́бнꙋтъ: и҆ є҆ли́цы въ зако́нѣ согрѣши́ша, зако́номъ сꙋ́дъ прїи́мꙋтъ: 13
І҆а́к. 1: 22
не слы́шателїе бо зако́на пра́ведни пред̾ бг҃омъ, но творцы̀ зако́на, сі́и ѡ҆правдѧ́тсѧ:
(Заⷱ҇ п҃в.)
14 є҆гда́ бо ꙗ҆зы́цы, не и҆мꙋ́ще зако́на, є҆стество́мъ закѡ́ннаѧ творѧ́тъ, сі́и, зако́на не и҆мꙋ́ще, са́ми себѣ̀ сꙋ́ть зако́нъ: 15 и҆̀же ꙗ҆влѧ́ютъ дѣ́ло зако́нное напи́сано въ сердца́хъ свои́хъ, спослꙋ́шествꙋющеи и҆̀мъ со́вѣсти, и҆ междꙋ̀ собо́ю помыслѡ́мъ ѡ҆сꙋжда́ющымъ и҆лѝ ѿвѣща́ющымъ, 16 въ де́нь, є҆гда̀
І҆ѡа́н. 5: 22
Дѣѧ̑н. 10: 42
1 Корі́нѳ. 4: 5
Е҆кклес. 12: 14
сꙋ́дитъ бг҃ъ та̑йнаѧ человѣ́кѡмъ, по бл҃говѣ́стїю моемꙋ̀, і҆н҃сомъ хрⷭ҇то́мъ. 17 Сѐ, ты̀ і҆ꙋде́й и҆менꙋ́ешисѧ,
и҆ почива́еши на зако́нѣ, и҆ хва́лишисѧ ѡ҆ бз҃ѣ, 18 и҆ разꙋмѣ́еши во́лю, и҆ разсꙋжда́еши лꙋ̑чшаѧ, наꙋча́емь ѿ зако́на, 19 оу҆пова́ѧ же себѐ
И҆са́їа. 42: 19
вожда̀ бы́ти слѣпы̑мъ, свѣ́та сꙋ́щымъ во тмѣ̀, 20 наказа́телѧ безꙋ̑мнымъ, оу҆чи́телѧ младе́нцємъ, и҆мꙋ́ща ѡ҆́бразъ ра́зꙋма и҆ и҆́стины въ зако́нѣ: 21
наꙋча́ѧ оу҆̀бо и҆на́го, себе́ ли не оу҆чи́ши, 22 проповѣ́даѧ не кра́сти, кра́деши: глаго́лѧй не прелюбы̀ твори́ти, прелюбы̀ твори́ши: гнꙋша́ѧсѧ і҆́дѡлъ, ст҃а̑ѧ кра́деши: 23 и҆́же въ зако́нѣ хва́лишисѧ, престꙋпле́нїемъ зако́на бг҃а безче́ствꙋеши. 24
І҆езек. 36: 20
И҆́мѧ бо бж҃їе ва́ми хꙋ́литсѧ во ꙗ҆зы́цѣхъ, ꙗ҆́коже є҆́сть пи́сано. 25 Ѡ҆брѣ́занїе бо по́льзꙋетъ, а҆́ще зако́нъ твори́ши: а҆́ще же зако́на престꙋ́пникъ є҆сѝ, ѡ҆брѣ́занїе твоѐ
Гала́т. 6: 16
Леѵі́т. 26: 41
І҆ерем. 4: 4
неѡбрѣ́занїе бы́сть. 26 А҆́ще оу҆̀бо неѡбрѣ́занїе ѡ҆правда́нїе зако́на сохрани́тъ,
не неѡбрѣ́занїе ли є҆гѡ̀ во ѡ҆брѣ́занїе вмѣни́тсѧ, 27
и҆ ѡ҆сꙋ́дитъ є҆́же ѿ є҆стества̀ неѡбрѣ́занїе, зако́нъ соверша́ющее, тебѐ, и҆́же писа́нїемъ и҆ ѡ҆брѣ́занїемъ є҆сѝ престꙋ́пникъ зако́на.
(Заⷱ҇ п҃г.)
28
Не бо̀ и҆́же ꙗ҆́вѣ, і҆ꙋде́й є҆́сть, ни є҆́же ꙗ҆́вѣ во пло́ти, ѡ҆брѣ́занїе: 29 но
и҆́же въ та́йнѣ і҆ꙋде́й,
Второзак. 30: 6
и҆ ѡ҆брѣ́занїе се́рдца дꙋ́хомъ, (а҆) не писа́нїемъ: є҆мꙋ́же похвала̀ не ѿ человѣ́къ, но ѿ бг҃а.