Елизаветинская Библия 1751 (CSELZAN)
90

Ѱало́мъ ч҃.

Хвала̀ пѣ́сни дв҃довы, не надпи́санъ оу҆ є҆врє́йо́.

901 Живы́й въ по́мощи вы́шнѧгѡ,

90: 1
Ѱал. 16: 8
35: 8
Ѡ҆сі́а. 14: 8
въ кро́вѣ бг҃а нбⷭ҇нагѡ водвори́тсѧ, 2 рече́тъ гдⷭ҇еви:
90: 2
Ѱал. 141: 6
застꙋ́пникъ мо́й є҆сѝ и҆ прибѣ́жище моѐ, бг҃ъ мо́й, и҆ оу҆пова́ю на него̀. 3 Ꙗ҆́кѡ то́й и҆зба́витъ тѧ̀ ѿ сѣ́ти ло́вчи и҆ ѿ словесѐ мѧте́жна: 4
90: 4
Матѳ. 23: 37
плещма̀ свои́ма ѡ҆сѣни́тъ тѧ̀, и҆ под̾ крилѣ́ є҆гѡ̀ надѣ́ешисѧ: ѻ҆рꙋ́жїемъ ѡ҆бы́детъ тѧ̀ и҆́стина є҆гѡ̀. 5
90: 5
2 Ца́рств. 22: 31
Ѱал. 83: 12
Не оу҆бои́шисѧ ѿ стра́ха нощна́гѡ, ѿ стрѣлы̀ летѧ́щїѧ во днѝ, 6 ѿ ве́щи во тмѣ̀ преходѧ́щїѧ, ѿ срѧ́ща90: 6 ѿ нападе́нїѧ и҆ бѣ́са полꙋ́деннагѡ. 7
90: 7
І҆́ѡв. 11: 19
Паде́тъ ѿ страны̀ твоеѧ̀ ты́сѧща, и҆ тма̀ ѡ҆деснꙋ́ю тебє̀, къ тебѣ́ же не прибли́житсѧ: 8
90: 8
Ѱал. 91: 12
111: 8
ѻ҆ба́че ѻ҆чи́ма твои́ма смо́триши и҆ воздаѧ́нїе грѣ́шникѡвъ оу҆́зриши. 9 Ꙗ҆́кѡ ты̀, гдⷭ҇и, оу҆пова́нїе моѐ: вы́шнѧго положи́лъ є҆сѝ прибѣ́жище твоѐ. 10 Не прїи́детъ къ тебѣ̀ ѕло̀, и҆ ра́на не прибли́житсѧ тѣлесѝ твоемꙋ̀90: 10 селе́нїю твоемꙋ̀: 11
90: 11
Матѳ. 4: 6
Лꙋк. 4: 10
ꙗ҆́кѡ а҆́гг҃лѡмъ свои̑мъ заповѣ́сть ѡ҆ тебѣ̀, сохрани́ти тѧ̀ во всѣ́хъ пꙋте́хъ твои́хъ. 12
90: 12
І҆́ѡв. 5: 23
На рꙋка́хъ во́змꙋтъ тѧ̀, да не когда̀ преткне́ши ѡ҆ ка́мень но́гꙋ твою̀: 13
90: 13
Лꙋк. 10: 19
на а҆́спїда и҆ васїлі́ска настꙋ́пиши, и҆ попере́ши льва̀ и҆ ѕмі́ѧ. 14
90: 14
Ѱал. 144: 19
Дан. 6: 23
Ꙗ҆́кѡ на мѧ̀ оу҆пова̀, и҆ и҆зба́влю и҆̀: покры́ю и҆̀, ꙗ҆́кѡ позна̀ и҆́мѧ моѐ. 15
90: 15
І҆́ѡв. 22: 27
33: 24
Заха́р. 13: 9
Воззове́тъ ко мнѣ̀, и҆ оу҆слы́шꙋ є҆го̀: съ ни́мъ є҆́смь въ ско́рби, и҆змꙋ̀ є҆го̀ и҆ просла́влю є҆го̀: 16
90: 16
И҆са́їа. 43: 2
долгото́ю дні́й и҆спо́лню є҆го̀ и҆ ꙗ҆влю̀ є҆мꙋ̀ спⷭ҇нїе моѐ.