Елизаветинская Библия 1751 (CSELZAN)
80

Ѱало́мъ п҃.

801 Въ коне́цъ,

80: 1
Ѱал. 8: 1
83: 1
ѡ҆ точи́лѣхъ, ѱало́мъ а҆са́фꙋо́.

2 Ра́дꙋйтесѧ бг҃ꙋ помо́щникꙋ на́шемꙋ, воскли́кните бг҃ꙋ і҆а́кѡвлю: 3 прїими́те ѱало́мъ и҆ дади́те тѷмпа́нъ, ѱалти́рь красе́нъ съ гꙋ́сльми: 4 вострꙋби́те въ новомⷭ҇чїи трꙋбо́ю,

80: 4
Чи́сл. 10: 10
во бл҃гознамени́тый де́нь пра́здника ва́шегѡ: 5
80: 5
И҆схо́д. 23: 17
ꙗ҆́кѡ повелѣ́нїе і҆н҃леви є҆́сть, и҆ сꙋдба̀ бг҃ꙋ і҆а́ковлю. 6 Свидѣ́нїе во і҆ѡ́сифѣ положѝ є҆̀, внегда̀ и҆зы́ти є҆мꙋ̀ ѿ землѝ є҆гѵ́петскїѧ: ѧ҆зы́ка, є҆гѡ́же не вѣ́дѧше, оу҆слы́ша. 7 Ѿѧ́тъ ѿ бре́мене хребе́тъ є҆гѡ̀: рꙋ́цѣ є҆гѡ̀ въ кошѝ порабо́тастѣ. 8 Въ ско́рби призва́лъ мѧ̀ є҆сѝ, и҆ и҆зба́вихъ тѧ̀: оу҆слы́шахъ тѧ̀ въ та́йнѣ бꙋ́рнѣ:
80: 8
И҆схо́д. 17: 6
и҆скꙋси́хъ тѧ̀ на водѣ̀ прерѣка́нїѧ. 9
80: 9
И҆схо́д. 20: 1,2
Ѱал. 49: 7
Слы́шите, лю́дїе моѝ, и҆ засвидѣ́телствꙋю ва́мъ, і҆н҃лю, а҆́ще послꙋ́шаеши менє̀: 10 не бꙋ́детъ тебѣ̀ бо́гъ но́въ, нижѐ поклони́шисѧ бо́гꙋ чꙋжде́мꙋ. 11 А҆́зъ бо є҆́смь гдⷭ҇ь бг҃ъ тво́й, и҆зведы́й тѧ̀ ѿ землѝ є҆гѵ́петскїѧ: разширѝ оу҆ста̀ твоѧ̀, и҆ и҆спо́лню ѧ҆̀. 12 И҆ не послꙋ́шаша лю́дїе моѝ гла́са моегѡ̀, и҆ і҆н҃ль не внѧ́тъ мѝ: 13
80: 13
Дѣѧ̑н. 14: 16
и҆ ѿпꙋсти́хъ ѧ҆̀ по начина́нїємъ серде́цъ и҆́хъ, по́йдꙋтъ въ начина́нїихъ свои́хъ. 14
80: 14
Леѵі́т. 26: 3
А҆́ще бы́ша лю́дїе моѝ послꙋ́шали менє̀, і҆н҃ль а҆́ще бы въ пꙋти̑ моѧ̑ ходи́лъ: 15 ни ѡ҆ чесо́мже оу҆́бѡ врагѝ є҆гѡ̀ смири́лъ бы́хъ, и҆ на ѡ҆скорблѧ́ющыѧ и҆̀хъ возложи́лъ бы́хъ рꙋ́кꙋ мою̀. 16 Вразѝ гдⷭ҇ни солга́ша є҆мꙋ̀, и҆ бꙋ́детъ вре́мѧ и҆́хъ въ вѣ́къ: 17
80: 17
Второзак. 32: 13
и҆ напита̀ и҆̀хъ ѿ тꙋ́ка пшени́чна, и҆ ѿ ка́мене ме́да насы́ти и҆̀хъ.

81

Ѱало́мъ п҃а.

Ѱало́мъ а҆са́фꙋ.

811 Бг҃ъ ста̀ въ со́нмѣ богѡ́въ, посредѣ́ же бо́ги разсꙋ́дитъ. 2

81: 2
Второзак. 1: 17
2 Паралїпом. 19: 6
Доко́лѣ сꙋ́дите непра́вдꙋ, и҆ ли́ца грѣ́шникѡвъ прїе́млете; 3 Сꙋди́те си́рꙋ и҆ оу҆бо́гꙋ, смире́на и҆ ни́ща ѡ҆правда́йте: 4
81: 4
При́тч. 24: 11
И҆са́їа. 1: 17
и҆зми́те ни́ща и҆ оу҆бо́га, и҆з̾ рꙋкѝ грѣ́шничи и҆зба́вите є҆го̀. 5
81: 5
1 І҆ѡа́н. 1: 6
Не позна́ша, нижѐ оу҆разꙋмѣ́ша, во тмѣ̀ хо́дѧтъ: да подви́жатсѧ всѧ̑ ѡ҆снова̑нїѧ землѝ. 6
81: 6
І҆ѡа́н. 10: 34
А҆́зъ рѣ́хъ: бо́зи є҆стѐ, и҆ сы́нове вы́шнѧгѡ всѝ: 7
81: 7
І҆езек. 31: 14
вы́ же ꙗ҆́кѡ человѣ́цы оу҆мира́ете, и҆ ꙗ҆́кѡ є҆ди́нъ ѿ кнѧзе́й па́даете. 8
81: 8
Ѱал. 2: 8
Е҆вр. 1: 2
Воскрⷭ҇нѝ, бж҃е, сꙋдѝ землѝ: ꙗ҆́кѡ ты̀ наслѣ́диши во всѣ́хъ ꙗ҆зы́цѣхъ.

82

Ѱало́мъ п҃в.

821 Пѣ́снь ѱалма̀ а҆са́фꙋ.

2 Бж҃е, кто̀ оу҆подо́битсѧ тебѣ̀; не премолчѝ, нижѐ оу҆кротѝ82: 2 нижѐ оу҆кроти́сѧ, бж҃е: 3

82: 3
Ѱал. 108: 1
ꙗ҆́кѡ сѐ, вразѝ твоѝ возшꙋмѣ́ша,
82: 3
Матѳ. 26: 4
и҆ ненави́дѧщїи тѧ̀ воздвиго́ша главꙋ̀. 4 На лю́ди твоѧ̑ лꙋка́вноваша во́лею, и҆ совѣща́ша на ст҃ы̑ѧ твоѧ̑. 5 Рѣ́ша:
82: 5
І҆ерем. 11: 19
Дѣѧ̑н. 14: 5
прїиди́те и҆ потреби́мъ ѧ҆̀ ѿ ꙗ҆зы̑къ, и҆ не помѧне́тсѧ и҆́мѧ і҆н҃лево ктомꙋ̀. 6 Ꙗ҆́кѡ совѣща́ша є҆диномышле́нїемъ вкꙋ́пѣ, на тѧ̀ завѣ́тъ завѣща́ша: 7 селє́нїѧ і҆дꙋмє́йска и҆ і҆сма́илїте, мѡа́въ и҆ а҆га́рѧне, 8
82: 8
І҆ерем. 27: 9
гева́лъ и҆ а҆ммѡ́нъ и҆ а҆мали́къ, и҆ноплемє́нницы съ живꙋ́щими въ тѵ́рѣ: 9 и҆́бо и҆ а҆ссꙋ́ръ прїи́де съ ни́ми, бы́ша въ застꙋпле́нїе
82: 9
Быт. 19: 37
сыновѡ́мъ лѡ́тѡвымъ: 10 сотворѝ и҆̀мъ ꙗ҆́кѡ
82: 10
Сꙋд. 7: 25
мадїа́мꙋ и҆
82: 10
Сꙋд. 4: 15
сїса́рѣ, ꙗ҆́кѡ і҆аві́мꙋ въ пото́цѣ кі́ссовѣ: 11 потреби́шасѧ во а҆ендѡ́рѣ, бы́ша ꙗ҆́кѡ гно́й земны́й. 12 Положѝ кнѧ́зи и҆́хъ ꙗ҆́кѡ
82: 12
Сꙋд. 8: 12,21
ѡ҆ри́ва и҆ зи́ва, и҆ зеве́а и҆ салма́на, всѧ̑ кнѧ̑зи и҆́хъ, 13 и҆́же рѣ́ша: да наслѣ́димъ себѣ̀ ст҃и́лище бж҃їе. 14
82: 14
И҆са́їа. 17: 13
Ѱал. 1: 4
Бж҃е мо́й, положѝ ѧ҆̀ ꙗ҆́кѡ ко́ло, ꙗ҆́кѡ тро́сть пред̾ лице́мъ вѣ́тра. 15 Ꙗ҆́кѡ ѻ҆́гнь попалѧ́ѧй дꙋбра̑вы, ꙗ҆́кѡ пла́мень пожига́ѧй го́ры: 16 та́кѡ пожене́ши ѧ҆̀ бꙋ́рею твое́ю, и҆ гнѣ́вомъ твои́мъ смѧте́ши ѧ҆̀. 17
82: 17
Ѱал. 69: 3
И҆спо́лни ли́ца и҆́хъ безче́стїѧ, и҆ взы́щꙋтъ и҆́мене твоегѡ̀, гдⷭ҇и. 18 Да постыдѧ́тсѧ и҆ смѧтꙋ́тсѧ въ вѣ́къ вѣ́ка, и҆ посра́мѧтсѧ и҆ поги́бнꙋтъ. 19 И҆ да позна́ютъ,
82: 19
И҆схо́д. 14: 4
15: 3
ꙗ҆́кѡ и҆́мѧ тебѣ̀ гдⷭ҇ь, ты̀ є҆ди́нъ вы́шнїй по все́й землѝ.