Елизаветинская Библия 1751 (CSELZAN)
147

Ѱало́мъ рм҃з.

А҆ллилꙋ́їа, а҆гге́а и҆ заха́рїи.

1471 Похвалѝ, і҆ерⷭ҇ли́ме, гдⷭ҇а, хвалѝ бг҃а твоего̀, сїѡ́не: 2 ꙗ҆́кѡ оу҆крѣпѝ верєѝ вра́тъ твои́хъ, блгⷭ҇вѝ сы́ны твоѧ̑ въ тебѣ̀. 3 Полага́ѧй предѣ́лы твоѧ̑ ми́ръ,

147: 3
Второзак. 32: 14
и҆ тꙋ́ка пшени́чна насыща́ѧй тѧ̀: 4 посыла́ѧй сло́во своѐ землѝ, до ско́рости тече́тъ сло́во є҆гѡ̀, 5
147: 5
Сїрах. 43: 19
даю́щагѡ снѣ́гъ сво́й ꙗ҆́кѡ во́лнꙋ, мглꙋ̀ ꙗ҆́кѡ пе́пелъ посыпа́ющагѡ, 6 мета́ющагѡ го́лоть сво́й ꙗ҆́кѡ хлѣ́бы: проти́вꙋ лица̀ мра́за є҆гѡ̀ кто̀ постои́тъ; 7
147: 7
Ѱал. 32: 9
По́слетъ сло́во своѐ, и҆ и҆ста́етъ ѧ҆̀: дхне́тъ дꙋ́хъ є҆гѡ̀, и҆ потекꙋ́тъ во́ды. 8
147: 8
Дѣѧ̑н. 13: 17
Возвѣща́ѧй сло́во своѐ і҆а́кѡвꙋ, ѡ҆правда̑нїѧ и҆ сꙋдбы̑ своѧ̑ і҆н҃леви: 9
147: 9
Второзак. 29: 29
33: 4
Ри́млѧн. 2: 3
не сотворѝ та́кѡ всѧ́комꙋ ꙗ҆зы́кꙋ, и҆ сꙋдбы̑ своѧ̑ не ꙗ҆вѝ и҆̀мъ.

148

Ѱало́мъ рм҃и.

А҆ллилꙋ́їа, а҆гге́а и҆ заха́рїи.

1481 Хвали́те

148: 1
А҆пока́лѷѱ. 5: 13
гдⷭ҇а съ нб҃съ, хвали́те є҆го̀ въ вы́шнихъ. 2
148: 2
Лꙋк. 2: 13
Хвали́те є҆го̀ всѝ а҆́гг҃ли є҆гѡ̀: хвали́те є҆го̀, всѧ̑ си̑лы є҆гѡ̀. 3 Хвали́те є҆го̀, со́лнце и҆ лꙋна̀: хвали́те є҆го̀ всѧ̑ ѕвѣ́зды и҆ свѣ́тъ. 4
148: 4
Быт. 1: 7
Ѱал. 101: 1
Хвали́те є҆го̀, нб҃са̀ нб҃съ и҆ вода̀, ꙗ҆́же превы́ше небе́съ. 5 Да восхва́лѧтъ и҆́мѧ гдⷭ҇не: ꙗ҆́кѡ
148: 5
Быт. 1: 6,7
Ѱал. 135: 5
І҆ерем. 10: 12
51: 15
то́й речѐ, и҆ бы́ша: то́й повелѣ̀, и҆ созда́шасѧ. 6 Поста́ви ѧ҆̀ въ вѣ́къ и҆ въ вѣ́къ вѣ́ка: повелѣ́нїе положѝ, и҆ не ми́мѡ и҆́детъ. 7 Хвали́те гдⷭ҇а ѿ землѝ, ѕмі́еве и҆ всѧ̑ бє́здны: 8
148: 8
І҆́ѡв. 37: 10
ѻ҆́гнь, гра́дъ, снѣ́гъ, го́лоть, дꙋ́хъ бꙋ́ренъ, творѧ̑щаѧ сло́во є҆гѡ̀: 9 го́ры и҆ всѝ хо́лми, древа̀ плодонѡ́сна и҆ всѝ ке́дри: 10 ѕвѣ́рїе и҆ всѝ ско́ти, га́ди и҆ пти̑цы перна̑ты: 11
148: 11
Ѱал. 48: 3
ца́рїе зе́мстїи и҆ всѝ лю́дїе, кнѧ̑зи и҆ всѝ сꙋдїи̑ зе́мстїи: 12 ю҆́нѡши и҆ дѣ́вы, ста́рцы съ ю҆́нотами. 13
148: 13
И҆са́їа. 12: 4
Да восхва́лѧтъ и҆́мѧ гдⷭ҇не: ꙗ҆́кѡ вознесе́сѧ и҆́мѧ тогѡ̀ є҆ди́нагѡ, и҆сповѣ́данїе є҆гѡ̀ на землѝ и҆ на нб҃сѝ. 14
148: 14
Ѱал. 131: 17
И҆ вознесе́тъ ро́гъ люді́й свои́хъ: пѣ́снь всѣ́мъ прпⷣбнымъ є҆гѡ̀, сыновѡ́мъ і҆н҃лєвымъ, лю́демъ приближа́ющымсѧ є҆мꙋ̀.

149

Ѱало́мъ рм҃ѳ.

А҆ллилꙋ́їа.

1491 Воспо́йте

149: 1
Ѱал. 32: 3
гдⷭ҇еви пѣ́снь но́вꙋ: хвале́нїе є҆гѡ̀ въ цр҃кви прпⷣбныхъ. 2
149: 2
Ѱал. 92: 1
Мїх. 2: 13
Да возвесели́тсѧ і҆н҃ль ѡ҆ сотво́ршемъ є҆го̀, и҆ сы́нове сїѡ́ни возра́дꙋютсѧ ѡ҆ цр҃ѝ свое́мъ. 3 Да восхва́лѧтъ и҆́мѧ є҆гѡ̀ въ ли́цѣ, въ тѷмпа́нѣ и҆ ѱалти́ри да пою́тъ є҆мꙋ̀. 4
149: 4
Ѱал. 146: 11
Ꙗ҆́кѡ бл҃говоли́тъ гдⷭ҇ь въ лю́дехъ свои́хъ, и҆ вознесе́тъ крѡ́ткїѧ во спⷭ҇нїе. 5
149: 5
Ѱал. 41: 9
Восхва́лѧтсѧ прпⷣбнїи во сла́вѣ и҆ возра́дꙋютсѧ на ло́жахъ свои́хъ. 6 Возношє́нїѧ бж҃їѧ въ горта́ни и҆́хъ,
149: 6
2 Корі́нѳ. 10: 4
и҆ мечи̑ ѻ҆бою́дꙋ ѻ҆стры̀ въ рꙋка́хъ и҆́хъ: 7
149: 7
Мїх. 4: 3
5: 15
сотвори́ти ѿмще́нїе во ꙗ҆зы́цѣхъ, ѡ҆бличє́нїѧ въ лю́дехъ: 8 свѧза́ти цари̑ и҆́хъ пꙋ̑ты, и҆ сла̑вныѧ и҆́хъ рꙋчны́ми ѡ҆кѡ́вы желѣ́зными: 9
149: 9
Второзак. 32: 35
сотвори́ти въ ни́хъ сꙋ́дъ напи́санъ.
149: 9
Второзак. 4: 6
Сла́ва сїѧ̀ бꙋ́детъ всѣ́мъ прпⷣбнымъ є҆гѡ̀.