Елизаветинская Библия 1751 (CSELZAN)
140

Ѱало́мъ р҃м.

Ѱало́мъ дв҃дꙋо́.

1401 Гдⷭ҇и, воззва́хъ къ тебѣ̀, оу҆слы́ши мѧ̀: вонмѝ гла́сꙋ моле́нїѧ моегѡ̀, внегда̀ воззва́ти мѝ къ тебѣ̀. 2

140: 2
И҆схо́д. 30: 7,8
Да и҆спра́витсѧ моли́тва моѧ̀ ꙗ҆́кѡ кади́ло пред̾ тобо́ю: воздѣѧ́нїе
140: 2
И҆схо́д. 29: 39
рꙋкꙋ̀ моє́ю, же́ртва вече́рнѧѧ. 3
140: 3
Ѱал. 38: 2
Сїрах. 22: 31
Положѝ, гдⷭ҇и, хране́нїе оу҆стѡ́мъ мои̑мъ и҆ две́рь ѡ҆гражде́нїѧ ѡ҆ оу҆стна́хъ мои́хъ. 4
140: 4
3 Ца́рств. 8: 58
При́тч. 1: 10,15
Не оу҆клонѝ се́рдце моѐ въ словеса̀ лꙋка́вствїѧ, непщева́ти вины̀ ѡ҆ грѣсѣ́хъ съ челѡвѣ́ки дѣ́лающими беззако́нїе: и҆ не сочтꙋ́сѧ со и҆збра́нными и҆́хъ. 5
140: 5
При́тч. 12: 1
15: 12
25: 12
Нака́жетъ мѧ̀ првⷣникъ ми́лостїю и҆ ѡ҆бличи́тъ мѧ̀, є҆ле́й же грѣ́шнагѡ да не нама́ститъ главы̀ моеѧ̀: ꙗ҆́кѡ є҆щѐ и҆ моли́тва моѧ̀ во благоволе́нїихъ и҆́хъ. 6 Пожє́рты бы́ша при ка́мени сꙋдїи̑ и҆́хъ: оу҆слы́шатсѧ глагѡ́ли моѝ, ꙗ҆́кѡ возмого́ша140: 6 оу҆слади́шасѧ. 7 Ꙗ҆́кѡ то́лща землѝ просѣ́десѧ на землѝ, расточи́шасѧ кѡ́сти и҆́хъ при а҆́дѣ. 8 Ꙗ҆́кѡ къ тебѣ̀, гдⷭ҇и, гдⷭ҇и, ѻ҆́чи моѝ: на тѧ̀ оу҆пова́хъ, не ѿимѝ дꙋ́шꙋ мою̀: 9
140: 9
Ѱал. 139: 6
сохрани́ мѧ ѿ сѣ́ти, ю҆́же соста́виша мѝ, и҆ ѿ собла̑знъ дѣ́лающихъ беззако́нїе. 10
140: 10
Ѱал. 7: 16
9: 16
Падꙋ́тъ во мре́жꙋ свою̀ грѣ́шницы: є҆ди́нъ є҆́смъ а҆́зъ, до́ндеже прейдꙋ̀.