Елизаветинская Библия 1751 (CSELZAN)
11

Ѱало́мъ а҃і.

111 Въ коне́цъ, ѡ҆ ѻ҆смѣ́й, ѱало́мъ дв҃дꙋ.

2 Сп҃си́ мѧ,

11: 2
И҆са́їа. 57: 1
Мїх. 7: 2
гдⷭ҇и, ꙗ҆́кѡ ѡ҆скꙋдѣ̀ прпⷣбный: ꙗ҆́кѡ оу҆ма́лишасѧ и҆́стины ѿ сынѡ́въ человѣ́ческихъ. 3
11: 3
Ѱал. 27: 3
Сꙋ́єтнаѧ глаго́ла кі́йждо ко и҆́скреннемꙋ своемꙋ̀: оу҆стнѣ̀ льсти̑выѧ въ се́рдцы, и҆ въ се́рдцы глаго́лаша ѕла̑ѧ. 4
11: 4
Гала́т. 5: 12
Потреби́тъ гдⷭ҇ь всѧ̑ оу҆стны̀ льсти̑выѧ, ѧ҆зы́къ велерѣ́чивый, 5 ре́кшыѧ: ѧ҆зы́къ на́шъ возвели́чимъ, оу҆стны̀ на̑ша при на́съ сꙋ́ть:
11: 5
И҆схо́д. 5: 2
І҆́ѡв. 21: 15
Дан. 3: 15
кто̀ на́мъ гдⷭ҇ь є҆́сть; 6 Стра́сти ра́ди ни́щихъ и҆ воздыха́нїѧ оу҆бо́гихъ нн҃ѣ воскрⷭ҇нꙋ̀, гл҃етъ гдⷭ҇ь: положꙋ́сѧ во спⷭ҇нїе, не ѡ҆биню́сѧ ѡ҆ не́мъ. 7
11: 7
2 Ца́рств. 22: 31
При́тч. 30: 5
Словеса̀ гдⷭ҇нѧ словеса̀ чи̑ста, сребро̀ разжже́но, и҆скꙋше́но землѝ, ѡ҆чище́но седмери́цею. 8 Ты̀, гдⷭ҇и, сохрани́ши ны̀ и҆ соблюде́ши ны̀ ѿ ро́да сегѡ̀ и҆ во вѣ́къ. 9 Ѡ҆́крестъ нечести́вїи хо́дѧтъ: по высотѣ̀ твое́й оу҆мно́жилъ є҆сѝ сы́ны человѣ́чєскїѧ.

12

Ѱало́мъ в҃і.

121 Въ коне́цъ, ѱало́мъ дв҃дꙋ.

2 Доко́лѣ,

12: 2
Ѱал. 77: 8
А҆ввак. 1: 2
гдⷭ҇и, забꙋ́деши мѧ̀ до конца̀; доко́лѣ ѿвраща́еши лицѐ твоѐ ѿ менє̀; 3 Доко́лѣ положꙋ̀ совѣ́ты въ дꙋшѝ мое́й, бѡлѣ́зни въ се́рдцы мое́мъ де́нь и҆ но́щь; доко́лѣ вознесе́тсѧ вра́гъ мо́й на мѧ̀; 4 При́зри, оу҆слы́ши мѧ̀, гдⷭ҇и бж҃е мо́й:
12: 4
1 Є҆́здр. 9: 8
просвѣтѝ ѻ҆́чи моѝ,
12: 4
І҆ерем. 51: 39
да не когда̀ оу҆снꙋ̀ въ сме́рть: 5 да не когда̀ рече́тъ вра́гъ мо́й: оу҆крѣпи́хсѧ на него̀. 6 Стꙋжа́ющїи мѝ возра́дꙋютсѧ, а҆́ще подви́жꙋсѧ. 7
12: 7
И҆са́їа. 66: 14
А҆́зъ же на млⷭ҇ть твою̀ оу҆пова́хъ: возра́дꙋетсѧ се́рдце моѐ ѡ҆ спⷭ҇нїи твое́мъ: воспою̀ гдⷭ҇еви
12: 7
Ѱал. 102: 2
бл҃годѣ́ѧвшемꙋ мнѣ̀ и҆ пою̀ и҆́мени гдⷭ҇а вы́шнѧгѡ.

13

Ѱало́мъ г҃і.

Въ коне́цъ, ѱало́мъ дв҃дꙋ.

131 Речѐ

13: 1
Ѱал. 9: 27
52: 2
безꙋ́менъ въ се́рдцы свое́мъ: нѣ́сть бг҃ъ. Растлѣ́ша и҆ ѡ҆мерзи́шасѧ въ начина́нїихъ: нѣ́сть творѧ́й бл҃госты́ню. 2
13: 2
Ѱал. 32: 13
Заха́р. 9: 1
Гдⷭ҇ь съ нб҃сѐ прини́че на сы́ны человѣ́чєскїѧ, ви́дѣти, а҆́ще є҆́сть разꙋмѣва́ѧй, и҆лѝ взыска́ѧй бг҃а. 3
13: 3
Ри́млѧн. 3: 10
Всѝ оу҆клони́шасѧ, вкꙋ́пѣ неключи́ми бы́ша: нѣ́сть творѧ́й бл҃госты́ню, нѣ́сть до є҆ди́нагѡ. 4 Ни лѝ оу҆разꙋмѣ́ютъ всѝ дѣ́лающїи беззако́нїе, снѣда́ющїи лю́ди моѧ̑ въ снѣ́дь хлѣ́ба; гдⷭ҇а не призва́ша. 5 Та́мѡ оу҆боѧ́шасѧ стра́ха, и҆дѣ́же не бѣ̀ стра́хъ: ꙗ҆́кѡ гдⷭ҇ь въ ро́дѣ првⷣныхъ. 6
13: 6
Е҆кклес. 9: 16
Совѣ́тъ ни́щагѡ посрами́сте: гдⷭ҇ь же оу҆пова́нїе є҆гѡ̀ є҆́сть. 7
13: 7
Ѱал. 52: 7
И҆са́їа. 59: 20
Кто̀ да́стъ ѿ сїѡ́на спⷭ҇нїе і҆н҃лево; 8 Внегда̀ возврати́тъ гдⷭ҇ь плѣне́нїе люді́й свои́хъ, возра́дꙋетсѧ і҆а́кѡвъ, и҆ возвесели́тсѧ і҆н҃ль.