Ѱало́мъ а҃.
Ѱало́мъ дв҃дꙋ.
11 Бл҃же́нъ мꙋ́жъ,
І҆ерем. 15: 17
При́тч. 10: 30
и҆́же не и҆́де на совѣ́тъ нечести́выхъ, и҆ на пꙋтѝ грѣ́шныхъ не ста̀, и҆ на сѣда́лищи гꙋби́телей не сѣ́де: 2
но въ зако́нѣ гдⷭ҇ни во́лѧ є҆гѡ̀, и҆ въ зако́нѣ є҆гѡ̀ поꙋчи́тсѧ де́нь и҆ но́щь. 3
І҆ерем. 17: 8
И҆ бꙋ́детъ ꙗ҆́кѡ дре́во насажде́ное при и҆схо́дищихъ во́дъ, є҆́же пло́дъ сво́й да́стъ во вре́мѧ своѐ, и҆ ли́стъ є҆гѡ̀ не ѿпаде́тъ: и҆ всѧ̑, є҆ли̑ка а҆́ще твори́тъ, оу҆спѣ́етъ. 4
И҆са́їа. 29: 5
Не та́кѡ нечести́вїи, не та́кѡ: но ꙗ҆́кѡ пра́хъ, є҆го́же возмета́етъ вѣ́тръ ѿ лица̀ землѝ. 5 Сегѡ̀ ра́ди
не воскре́снꙋтъ нечести́вїи на сꙋ́дъ, нижѐ грѣ́шницы въ совѣ́тъ првⷣныхъ. 6 Ꙗ҆́кѡ
І҆ѡа́н. 10: 14
2 Тїмоѳ. 2: 19
вѣ́сть гдⷭ҇ь пꙋ́ть првⷣныхъ, и҆ пꙋ́ть нечести́выхъ поги́бнетъ.
Ѱало́мъ в҃.
Ѱало́мъ дв҃дꙋ.
21 Вскꙋ́ю
шата́шасѧ ꙗ҆зы́цы, и҆ лю́дїе поꙋчи́шасѧ тщє́тнымъ; 2 Предста́ша ца́рїе зе́мстїи, и҆ кнѧ̑зи собра́шасѧ вкꙋ́пѣ на гдⷭ҇а и҆ на хрⷭ҇та̀ є҆гѡ̀. 3 Расто́ргнемъ2: 3 расто́ргнимъ оу҆́зы и҆́хъ и҆ ѿве́ржемъ2: 3 ѿве́ржимъ ѿ на́съ и҆́го и҆́хъ. 4 Живы́й на нб҃сѣ́хъ
При́тч. 1: 26
посмѣе́тсѧ и҆̀мъ, и҆ гдⷭ҇ь порꙋга́етсѧ и҆̀мъ. 5 Тогда̀ возгл҃етъ къ ни̑мъ гнѣ́вомъ свои́мъ и҆ ꙗ҆́ростїю свое́ю смѧте́тъ ѧ҆̀: 6
І҆ѡа́н. 18: 37
а҆́зъ же поста́вленъ є҆́смь цр҃ь ѿ негѡ̀ над̾
сїѡ́номъ, горо́ю ст҃о́ю є҆гѡ̀, 7 возвѣща́ѧй поелѣ́нїе. Гдⷭ҇ь речѐ ко мнѣ̀:
Е҆вр. 1: 5
5: 5
сн҃ъ мо́й є҆сѝ ты̀, а҆́зъ дне́сь роди́хъ тѧ̀: 8
просѝ ѿ менє̀, и҆ да́мъ тѝ ꙗ҆зы́ки достоѧ́нїе твоѐ, и҆ ѡ҆держа́нїе твоѐ концы̀ землѝ: 9
19: 15
оу҆пасе́ши ѧ҆̀ жезло́мъ желѣ́знымъ, ꙗ҆́кѡ сосꙋ́ды скꙋдє́льничи сокрꙋши́ши ѧ҆̀. 10
И҆ нн҃ѣ, ца́рїе, разꙋмѣ́йте, накажи́тесѧ всѝ сꙋдѧ́щїи землѝ. 11 Рабо́тайте гдⷭ҇еви со стра́хомъ, и҆ ра́дꙋйтесѧ є҆мꙋ̀ со тре́петомъ. 12 Прїими́те наказа́нїе, да не когда̀ прогнѣ́ваетсѧ гдⷭ҇ь, и҆ поги́бнете ѿ пꙋтѝ првⷣнагѡ, є҆гда̀ возгори́тсѧ вско́рѣ ꙗ҆́рость є҆гѡ̀:
При́тч. 16: 20
И҆са́їа. 30: 18
1 Петр. 2: 6
бл҃же́ни всѝ надѣ́ющїисѧ на́нь.