Елизаветинская Библия 1751 (CSELZAN)
2

ГЛАВА̀ в҃.

21 А҆́ще оу҆̀бо ко́е оу҆тѣше́нїе ѡ҆ хрⷭ҇тѣ̀, (и҆лѝ) а҆́ще ка́ѧ оу҆тѣ́ха

2: 1
Колос. 3: 12
любвѐ, а҆́ще ко́е ѻ҆бще́нїе дꙋ́ха, а҆́ще ко́е милосе́рдїе и҆ щедрѡ́ты, 2
2: 2
Фїлїппис. 3: 16
Ри́млѧн. 15: 5
и҆спо́лните мою̀ ра́дость, да то́жде мꙋ́дрствꙋете, тꙋ́ же любо́вь и҆мꙋ́ще, є҆динодꙋ́шни, є҆диномꙋ́дренни: 3 ничто́же по рве́нїю и҆лѝ тщесла́вїю,
2: 3
Лꙋк. 14: 11
Ри́млѧн. 12: 10
но смиреномⷣрїемъ дрꙋ́гъ дрꙋ́га че́стїю бо́лша себє̀ творѧ́ще. 4
2: 4
1 Корі́нѳ. 10: 24
Не свои́хъ сѝ кі́йждо, но и҆ дрꙋ́жнихъ кі́йждо смотрѧ́йте.

(Заⷱ҇ с҃м.)

5 Сїе́ бо

2: 5
Матѳ. 11: 29
да мꙋ́дрствꙋетсѧ въ ва́съ, є҆́же и҆ во хрⷭ҇тѣ̀ і҆н҃сѣ: 6 и҆́же,
2: 6
2 Корі́нѳ. 4: 4
Колос. 1: 15
во ѡ҆́бразѣ бж҃їи сы́й, не восхище́нїемъ непщева̀ бы́ти ра́венъ бг҃ꙋ: 7
2: 7
Матѳ. 20: 28
Ѱал. 21: 7
И҆са́їа. 49: 6
но себѐ оу҆ма́лилъ2: 7 и҆стощи́лъ, зра́къ раба̀ прїи́мъ, въ подо́бїи человѣ́честѣмъ бы́въ, и҆ ѡ҆́бразомъ ѡ҆брѣ́тесѧ ꙗ҆́коже человѣ́къ: 8
2: 8
Матѳ. 26: 39
Е҆вр. 2: 17
смири́лъ себѐ, послꙋшли́въ бы́въ да́же до сме́рти, сме́рти же крⷭ҇тныѧ. 9
2: 9
Матѳ. 28: 18
Е҆вр. 1: 4
Тѣ́мже и҆ бг҃ъ є҆го̀ превознесѐ и҆ дарова̀ є҆мꙋ̀ и҆́мѧ, є҆́же па́че всѧ́кагѡ и҆́мене, 10
2: 10
Ри́млѧн. 14: 11
И҆са́їа. 45: 23
А҆пока́лѷѱ. 5: 14
да ѡ҆ и҆́мени і҆н҃совѣ всѧ́ко колѣ́но поклони́тсѧ нбⷭ҇ныхъ и҆ земны́хъ и҆ преиспо́днихъ, 11 и҆ всѧ́къ ѧ҆зы́къ и҆сповѣ́сть,
2: 11
І҆ѡа́н. 13: 13
1 Корі́нѳ. 8: 6
ꙗ҆́кѡ гдⷭ҇ь і҆н҃съ хрⷭ҇то́съ въ сла́вꙋ бг҃а ѻ҆ц҃а̀.

(Заⷱ҇ см҃а.)

12 Тѣ́мже, возлю́бленнїи моѝ, ꙗ҆́коже всегда̀ послꙋ́шасте менє̀, не ꙗ҆́коже въ прише́ствїи мое́мъ то́чїю, но нн҃ѣ мно́гѡ па́че во ѿше́ствїи мое́мъ, со стра́хомъ и҆ тре́петомъ своѐ спⷭ҇нїе содѣва́йте: 13

2: 13
2 Корі́нѳ. 3: 5
Е҆вр. 13: 21
бг҃ъ бо є҆́сть дѣ́йствꙋѧй въ ва́съ и҆ є҆́же хотѣ́ти и҆ є҆́же дѣ́ѧти ѡ҆ бл҃говоле́нїи. 14
2: 14
1 Петр. 4: 9
Всѧ̑ твори́те без̾ ропта́нїѧ и҆ размышле́нїѧ, 15 да бꙋ́дете непови́нни и҆ цѣ́ли, ча̑да бж҃їѧ непорѡ́чна посредѣ̀ ро́да стропти́ва и҆ развраще́на,
2: 15
Матѳ. 5: 14
При́тч. 4: 18
въ ни́хже ꙗ҆влѧ́етесѧ ꙗ҆́коже свѣти̑ла въ мі́рѣ, 16 сло́во живо́тно придержа́ще,
2: 16
Фїлїппис. 4: 1
въ похвалꙋ̀ мнѣ̀ въ де́нь хрⷭ҇то́въ,

(Заⷱ҇ см҃в.)

ꙗ҆́кѡ не вотщѐ теко́хъ, ни вотщѐ трꙋди́хсѧ. 17 Но а҆́ще

2: 17
2 Тїмоѳ. 4: 6
и҆ жре́нъ быва́ю ѡ҆ же́ртвѣ и҆ слꙋ́жбѣ вѣ́ры ва́шеѧ, ра́дꙋюсѧ и҆ сора́дꙋюсѧ всѣ́мъ ва́мъ: 18 та́кожде и҆ вы̀ ра́дꙋйтесѧ и҆ сора́дꙋйтесѧ мнѣ̀. 19 Оу҆пова́ю же ѡ҆ гдⷭ҇ѣ і҆н҃сѣ
2: 19
Дѣѧ̑н. 16: 1
тїмоѳе́а вско́рѣ посла́ти къ ва́мъ, да и҆ а҆́зъ благодꙋ́шствꙋю, оу҆вѣ́дѣвъ ꙗ҆̀же ѡ҆ ва́съ. 20 Ни є҆ди́нагѡ бо и҆́мамъ равнодꙋ́шна, и҆́же прⷭ҇нѣе ѡ҆ ва́съ попече́тсѧ: 21
2: 21
1 Корі́нѳ. 10: 24
вси́ бо свои́хъ сѝ и҆́щꙋтъ, (а҆) не ꙗ҆̀же хрⷭ҇та̀ і҆н҃са. 22
2: 22
Дѣѧ̑н. 16: 2
И҆скꙋ́сство же є҆гѡ̀ зна́ете, занѐ ꙗ҆́коже ѻ҆тцꙋ̀ ча́до, со мно́ю порабо́талъ въ бл҃говѣ́стїи. 23 Сего́ же оу҆̀бо оу҆пова́ю посла́ти а҆́бїе, повнегда̀ оу҆вѣ́мъ ꙗ҆̀же ѡ҆ мнѣ̀.

(Заⷱ҇ см҃г.)

24 Надѣ́юсѧ же ѡ҆ гдⷭ҇ѣ, ꙗ҆́кѡ и҆ са́мъ ско́рѡ прїидꙋ̀ къ ва́мъ. 25 Потре́бнѣе же возмнѣ́хъ є҆пафроді́та бра́та и҆ споспѣ́шника и҆ сво́инника моего̀, ва́шего же посла́нника и҆ слꙋжи́телѧ потре́бѣ мое́й, посла́ти къ ва́мъ, 26 поне́же жела́нїемъ жела́ше ви́дѣти всѣ́хъ ва́съ, и҆ тꙋжа́ше, занѐ слы́шасте, ꙗ҆́кѡ болѣ̀. 27 И҆́бо болѣ̀ бли́з̾ сме́рти: но бг҃ъ поми́лова є҆го̀, не є҆го́ же то́кмѡ, но и҆ менѐ, да не ско́рбь на ско́рбь прїимꙋ̀. 28 Скорѣ́е оу҆̀бо посла́хъ є҆го̀, да ви́дѣвше є҆го̀ па́ки, возра́дꙋетесѧ, и҆ а҆́зъ безпеча́ленъ пребꙋ́дꙋ. 29

2: 29
1 Солꙋ́н. 5: 12
Прїими́те оу҆̀бо є҆го̀ ѡ҆ гдⷭ҇ѣ со всѧ́кою ра́достїю, и҆ такѡвы́ѧ чє́стны и҆мѣ́йте, 30 занѐ за дѣ́ло хрⷭ҇то́во да́же до сме́рти прибли́жисѧ, понꙋ́дивъ себѐ вседꙋ́шнѡ2: 30 презрѣ́въ дꙋ́шꙋ свою̀, да и҆спо́лнитъ ва́ше лише́нїе слꙋ́жбы ꙗ҆́же ко мнѣ̀.