Елизаветинская Библия 1751 (CSELZAN)
28

ГЛАВА̀ к҃и.

Зача́ло рє҃і.

281 Въ

28: 1
Ма́рк. 16: 1
Лꙋк. 24: 1
І҆ѡа́н. 20: 1
ве́черъ же сꙋббѡ́тный28: 1 по ве́чери же сꙋббѡ́тнѣмъ, свита́ющи во є҆ди́нꙋ ѿ сꙋббѡ́тъ, прїи́де марі́а магдали́на и҆ дрꙋга́ѧ марі́а, ви́дѣти гро́бъ. 2 И҆ сѐ, трꙋ́съ бы́сть ве́лїй: а҆́гг҃лъ бо гдⷭ҇ень сше́дъ съ нб҃сѐ, пристꙋ́пль ѿвалѝ ка́мень ѿ две́рїй гро́ба и҆ сѣдѧ́ше на не́мъ: 3 бѣ́ же зра́къ є҆гѡ̀ ꙗ҆́кѡ мо́лнїѧ, и҆ ѡ҆дѣѧ́нїе є҆гѡ̀ бѣло̀ ꙗ҆́кѡ снѣ́гъ. 4 Ѿ стра́ха же є҆гѡ̀ сотрѧсо́шасѧ стрегꙋ́щїи и҆ бы́ша ꙗ҆́кѡ ме́ртви. 5 Ѿвѣща́въ же а҆́гг҃лъ речѐ жена́мъ:
28: 5
Ма́рк. 16: 6
не бо́йтесѧ вы̀: вѣ́мъ бо, ꙗ҆́кѡ і҆н҃са распѧ́таго и҆́щете: 6 нѣ́сть здѣ̀: воста́ бо, ꙗ҆́коже
28: 6
Матѳ. 12: 40
16: 21
17: 23
речѐ: прїиди́те, ви́дите мѣ́сто, и҆дѣ́же лежа̀ гдⷭ҇ь, 7 и҆ ско́рѡ ше́дшѣ рцы́те оу҆чн҃кѡ́мъ є҆гѡ̀, ꙗ҆́кѡ воста̀ ѿ ме́ртвыхъ и҆ сѐ, варѧ́етъ вы̀ въ галїле́и:
28: 7
Матѳ. 26: 32
Ма́рк. 14: 28
І҆ѡа́н. 21: 1
Дѣѧ̑н. 1: 3
10: 41
1 Корі́нѳ. 15: 5
та́мѡ є҆го̀ оу҆́зрите: сѐ, рѣ́хъ ва́мъ. 8 И҆ и҆зше́дшѣ ско́рѡ ѿ гро́ба со стра́хомъ и҆ ра́достїю ве́лїею, теко́стѣ возвѣсти́ти оу҆чн҃кѡ́мъ є҆гѡ̀. 9 Е҆гда́ же и҆дѧ́стѣ возвѣсти́ти оу҆чн҃кѡ́мъ є҆гѡ̀,
28: 9
Ма́рк. 16: 5
І҆ѡа́н. 20: 14
и҆ сѐ, і҆н҃съ срѣ́те ѧ҆̀, гл҃ѧ: ра́дꙋйтесѧ. Ѻ҆нѣ́ же пристꙋ́пльшѣ ꙗ҆́стѣсѧ за но́зѣ є҆гѡ̀ и҆ поклони́стѣсѧ є҆мꙋ̀. 10 Тогда̀ гл҃а и҆́ма і҆н҃съ: не бо́йтесѧ:
28: 10
І҆ѡа́н. 20: 17
Е҆вр. 2: 11
и҆ди́те, возвѣсти́те бра́тїи мое́й, да и҆́дꙋтъ въ галїле́ю, и҆ тꙋ̀ мѧ̀ ви́дѧтъ. 11 И҆дꙋ́щема же и҆́ма, сѐ, нѣ́цыи ѿ кꙋстѡді́и прише́дше во гра́дъ, возвѣсти́ша а҆рхїере́ѡмъ всѧ̑ бы̑вшаѧ. 12 И҆ собра́вшесѧ со ста̑рцы, совѣ́тъ сотвори́ша, сре́бреники довѡ́лны да́ша во́инѡмъ, 13 глаго́люще: рцы́те, ꙗ҆́кѡ оу҆чн҃цы̀ є҆гѡ̀ но́щїю прише́дше оу҆крадо́ша є҆го̀, на́мъ спѧ́щымъ: 14 и҆ а҆́ще сїѐ оу҆слы́шано бꙋ́детъ оу҆ и҆ге́мѡна, мы̀ оу҆толи́мъ є҆го̀ и҆ ва́съ безпеча̑льны сотвори́мъ. 15 Ѻ҆ни́ же прїе́мше сре́бреники, сотвори́ша, ꙗ҆́коже наꙋче́ни бы́ша. И҆ промче́сѧ сло́во сїѐ во і҆ꙋде́ехъ да́же до сегѡ̀ днѐ.

(Заⷱ҇ рѕ҃і.)

16 Е҆ди́нїи же на́десѧте оу҆чн҃цы̀ и҆до́ша въ галїле́ю, въ го́рꙋ, а҆́може повелѣ̀ и҆̀мъ і҆н҃съ: 17 и҆ ви́дѣвше є҆го̀, поклони́шасѧ є҆мꙋ̀: ѻ҆́ви же оу҆сꙋмнѣ́шасѧ. 18 И҆ пристꙋ́пль і҆н҃съ, речѐ и҆̀мъ, гл҃ѧ:

28: 18
Матѳ. 11: 27
Лꙋк. 1: 32
І҆ѡа́н. 3: 35
13: 3
17: 2
Ри́млѧн. 14: 9
Е҆фес. 1: 10
Фїлїппис. 2: 9
Колос. 1: 16
1 Петр. 3: 22
А҆пока́лѷѱ. 19: 16
Е҆вр. 2: 8
даде́сѧ мѝ всѧ́ка вла́сть на нб҃сѝ и҆ на землѝ: 19 ше́дше оу҆̀бо наꙋчи́те всѧ̑ ꙗ҆зы́ки, крⷭ҇тѧ́ще и҆̀хъ во и҆́мѧ ѻ҆ц҃а̀ и҆ сн҃а и҆ ст҃а́гѡ дх҃а, 20 оу҆ча́ще и҆̀хъ блюстѝ всѧ̑, є҆ли̑ка заповѣ́дахъ ва́мъ: и҆ сѐ, а҆́зъ съ ва́ми є҆́смь во всѧ̑ дни̑ до сконча́нїѧ вѣ́ка. А҆ми́нь.