ГЛАВА̀ а҃.
Зача́ло а҃.
11 Кни́га родства̀ і҆н҃са хрⷭ҇та̀, сн҃а
дв҃дова, сн҃а а҆враа́млѧ. 2
А҆враа́мъ родѝ і҆саа́ка.
І҆саа́къ же родѝ і҆а́кова.
І҆а́ковъ же родѝ і҆ꙋ́дꙋ и҆ бра́тїю є҆гѡ̀. 3
І҆ꙋ́да же родѝ фаре́са и҆ за́рꙋ ѿ ѳама́ры.
Рꙋ́ѳ. 4: 18
1 Паралїпом. 2: 5
Фаре́съ же родѝ є҆сро́ма. Е҆сро́мъ же родѝ а҆ра́ма. 4 А҆ра́мъ же родѝ а҆мїнада́ва. А҆мїнада́въ же родѝ наассѡ́на. Наассѡ́нъ же родѝ салмѡ́на. 5
1 Паралїпом. 2: 11
Салмѡ́нъ же родѝ воо́за ѿ раха́вы. Воо́зъ же родѝ ѡ҆ви́да ѿ рꙋ́ѳы. Ѡ҆ви́дъ же родѝ і҆ессе́а. 6
І҆ессе́й же родѝ дв҃да царѧ̀.
Дв҃дъ же ца́рь родѝ соломѡ́на ѿ оу҆рі́ины. 7
Соломѡ́нъ же родѝ ровоа́ма.
Ровоа́мъ же родѝ а҆ві́ю.
А҆ві́а же родѝ
а҆́сꙋ. 8 А҆́са же родѝ і҆ѡсафа́та. І҆ѡсафа́тъ же родѝ і҆ѡра́ма. І҆ѡра́мъ же родѝ ѻ҆зі́ю. 9 Ѻ҆зі́а же родѝ і҆ѡаѳа́ма. І҆ѡаѳа́мъ же родѝ а҆ха́за. А҆ха́зъ же родѝ є҆зекі́ю. 10
1 Паралїпом. 3: 13
Е҆зекі́а же родѝ манассі́ю. Манассі́а же родѝ а҆мѡ́на. А҆мѡ́нъ же родѝ і҆ѡсі́ю. 11
І҆ѡсі́а же родѝ
2 Паралїпом. 36: 4
і҆ехо́нїю и҆ бра́тїю є҆гѡ̀, въ преселе́нїе вавѷлѡ́нское1: 11 Ст. а҃і въ нѣ́кїихъ гре́ч.: їѡсі́а же родѝ їѡакі́ма и҆ бра́тїю є҆гѡ̀. І҆ѡакі́мъ же родѝ їехо́нїю въ преселе́нїе вавѷлѡ́нское.. 12 По преселе́нїи же вавѷлѡ́нстѣмъ,
2 Паралїпом. 36: 8
і҆ехо́нїа родѝ салаѳі́илѧ.
1 Є҆́здр. 3: 2
5: 2
Салаѳі́иль же родѝ зорова́велѧ. 13 Зорова́вель же родѝ а҆вїꙋ́да. А҆вїꙋ́дъ же родѝ є҆лїакі́ма. Е҆лїакі́мъ же родѝ а҆зѡ́ра. 14 А҆зѡ́ръ же родѝ садѡ́ка. Садѡ́къ же родѝ а҆хі́ма. А҆хі́мъ же родѝ є҆лїꙋ́да. 15 Е҆лїꙋ́дъ же родѝ є҆леаза́ра. Е҆леаза́ръ же родѝ матѳа́на. Матѳа́нъ же родѝ і҆а́кѡва. 16 І҆а́кѡвъ же родѝ і҆ѡ́сифа, мꙋ́жа мр҃і́ина, и҆з̾ неѧ́же роди́сѧ і҆н҃съ, глаго́лемый хрⷭ҇то́съ. 17 Всѣ́хъ же родѡ́въ ѿ а҆враа́ма до дв҃да ро́дове четырена́десѧте: и҆ ѿ дв҃да до преселе́нїѧ вавѷлѡ́нскаго ро́дове четырена́десѧте: и҆ ѿ преселе́нїѧ вавѷлѡ́нскаго до хрⷭ҇та̀ ро́дове четырена́десѧте.
(Заⷱ҇ в҃.)
18 І҆н҃съ хрⷭ҇то́во ржⷭ҇тво̀ си́це бѣ̀:
ѡ҆брꙋче́ннѣй бо бы́вши мт҃ри є҆гѡ̀ мр҃і́и і҆ѡ́сифови, пре́жде да́же не сни́тисѧ и҆́ма, ѡ҆брѣ́тесѧ и҆мꙋ́щи во чре́вѣ ѿ дх҃а ст҃а. 19 І҆ѡ́сифъ же мꙋ́жъ є҆ѧ̀, првⷣнъ сы́й и҆ не хотѧ̀ є҆ѧ̀ ѡ҆бличи́ти, восхотѣ̀ та́й пꙋсти́ти ю҆̀. 20 Сїѧ̑ же є҆мꙋ̀ помы́слившꙋ, сѐ, а҆́гг҃лъ гдⷭ҇ень во снѣ̀ ꙗ҆ви́сѧ є҆мꙋ̀, глаго́лѧ: і҆ѡ́сифе, сы́не дв҃довъ, не оу҆бо́йсѧ прїѧ́ти мр҃їа́мъ жены̀ твоеѧ̀: ро́ждшеебосѧ въ не́й, ѿ дх҃а є҆́сть ст҃а: 21 роди́тъ же сн҃а,
и҆ нарече́ши и҆́мѧ є҆мꙋ̀ і҆н҃съ:
1 І҆ѡа́н. 2: 2
Ри́млѧн. 3: 24
то́й бо сп҃се́тъ лю́ди своѧ̑ ѿ грѣ́хъ и҆́хъ. 22 Сїе́ же всѐ бы́сть, да сбꙋ́детсѧ рече́нное ѿ гдⷭ҇а прⷪ҇ро́комъ, глаго́лющимъ: 23
сѐ, дв҃а во чре́вѣ прїи́метъ и҆ роди́тъ сн҃а, и҆ нарекꙋ́тъ и҆́мѧ є҆мꙋ̀ є҆мманꙋ́илъ, є҆́же є҆́сть сказа́емо: съ на́ми бг҃ъ. 24 Воста́въ же і҆ѡ́сифъ ѿ сна̀, сотворѝ ꙗ҆́коже повелѣ̀ є҆мꙋ̀ а҆́гг҃лъ гдⷭ҇ень, и҆ прїѧ́тъ женꙋ̀ свою̀, 25 и҆ не зна́ѧше є҆ѧ̀, до́ндеже родѝ сн҃а своего̀ пе́рвенца,
и҆ наречѐ и҆́мѧ є҆мꙋ̀ і҆н҃съ.