Елизаветинская Библия 1751 (CSELZAN)
15

ГЛАВА̀ є҃і.

151 И҆ бы́ша

15: 1
Чи́сл. 34: 3
предѣ́лы сынѡ́въ і҆ꙋ́диныхъ по со́нмѡмъ и҆́хъ, ѿ предѣ́лъ і҆дꙋме́йскихъ, ѿ пꙋсты́ни сі́нъ къ лі́вꙋ да́же до ка́дисъ къ ю҆́гꙋ: 2 и҆ бы́ша предѣ́лы и҆́хъ ѿ полꙋ́дне до ча́сти
15: 2
І҆ис. Наѵ. 18: 19
мо́рѧ сла́нагѡ, ѿ верха̀ клонѧ́щагѡсѧ къ ю҆́гꙋ, 3 и҆ прохо́дѧтъ прѧ́мѡ восхожде́нїю а҆кравві́мъ, и҆ ѡ҆бхо́дѧтъ сена̀, и҆ восхо́дѧтъ ѿ ю҆́га до
15: 3
Быт. 14: 7
ка́дисъ-варнѝ: и҆ и҆схо́дѧтъ и҆з̾ є҆срѡ́на, и҆ восхо́дѧтъ
15: 3
Чи́сл. 34: 4
во а҆дда́рꙋ, и҆ и҆схо́дѧтъ на за́пады ка́дисъ, ѡ҆бхо́дѧтъ а҆ккаркѝ, 4 и҆ и҆схо́дѧтъ во а҆семѡ́нꙋ, и҆ прехо́дѧтъ да́же
15: 4
І҆ис. Наѵ. 13: 3
до де́бри є҆гѵ́петскїѧ: и҆ бꙋ́детъ и҆схо́дъ предѣ́лѡвъ є҆гѡ̀ къ мо́рю. Сі́и сꙋ́ть предѣ́лы и҆́хъ ѿ ю҆́га. 5 И҆ предѣ́лы ѿ востѡ́къ, всѐ мо́ре сла́ное да́же до ча́сти і҆ѻрда́на, и҆ предѣ́лы и҆́хъ къ сѣ́верꙋ, и҆ ѿ верха̀ мо́рѧ, и҆ ѿ ча́сти і҆ѻрда́нски: 6 восхо́дѧтъ предѣ́лы (ті́и) въ виѳа́глꙋ и҆ прехо́дѧтъ ѿ сѣ́вера къ веѳа́рꙋ, и҆ восхо́дѧтъ предѣ́лы
15: 6
І҆ис. Наѵ. 18: 17
къ ка́мени веѡ́ра сы́на рꙋви́млѧ, 7 и҆ восхо́дѧтъ предѣ́лы къ деві́рꙋ де́бри а҆хѡ́ровы, и҆ низхо́дѧтъ до галга́лы, ꙗ҆́же є҆́сть прѧ́мѡ схожде́нїю а҆доммі́нъ, и҆́же є҆́сть къ ю҆́гꙋ де́бри, и҆ восхо́дитъ предѣ́лъ къ водѣ̀ и҆сто́чника со́лнечна, и҆ бꙋ́детъ и҆схо́дъ є҆гѡ̀ и҆сто́чникъ рѡги́ль: 8 и҆ восхо́дѧтъ предѣ́лы въ де́брь є҆нно́мъ, созадѝ і҆евꙋ́са ѿ полꙋ́дне,
15: 8
Неем. 11: 4
се́й є҆́сть і҆ерⷭ҇ли́мъ: и҆ и҆схо́дѧтъ предѣ́лы
15: 8
І҆ис. Наѵ. 18: 14,15
на ве́рхъ горы̀, ꙗ҆́же є҆́сть пред̾ лице́мъ де́бри є҆нно́мъ къ мо́рю, ꙗ҆́же є҆́сть ѿ ча́сти землѝ рафаі́нъ къ сѣ́верꙋ: 9 и҆ прехо́дитъ предѣ́лъ ѿ верха̀ горы̀ ко и҆сто́чникꙋ воды̀ нафѳѡ̀ и҆ прехо́дитъ къ горѣ̀ є҆фрѡ́ни, и҆ и҆зведе́тъ предѣ́лъ въ ваа́лъ, се́й є҆́сть гра́дъ і҆арі́мъ: 10 и҆ ѡ҆бы́детъ предѣ́лъ ѿ ваа́ла къ мо́рю и҆ пре́йдетъ въ го́рꙋ сиі́ръ, и҆ пре́йдетъ созадѝ гра́да і҆арі́ма ѿ сѣ́вера, се́й є҆́сть хасалѡ́нъ: и҆ сни́детъ
15: 10
І҆ис. Наѵ. 21: 16
1 Ца́рств. 6: 12
4 Ца́рств. 14: 11
ко гра́дꙋ со́лнечнꙋ и҆ пре́йдетъ къ ю҆́гꙋ: 11 и҆ прехо́дитъ предѣ́лъ созадѝ а҆ккарѡ́на до сѣ́вера, и҆ прехо́дѧтъ предѣ́лы въ сакхарѡ́нъ, и҆ пре́йдꙋтъ го́рꙋ землѝ валаа́ни, и҆ прехо́дѧтъ ко і҆авни́лꙋ, и҆ бꙋ́детъ и҆схо́дъ предѣ́лѡвъ къ мо́рю, и҆ предѣ́лы и҆́хъ ѿ мо́рѧ, мо́ре вели́кое ѡ҆предѣли́тъ. 12 Сі́и предѣ́лы сынѡ́въ і҆ꙋ́диныхъ ѡ҆́крестъ по со́нмѡмъ и҆́хъ. 13 И҆ дадѐ (і҆исꙋ́съ)
15: 13
І҆ис. Наѵ. 14: 13
хале́вꙋ сы́нꙋ і҆ефонні́инꙋ ча́сть посредѣ̀ сынѡ́въ і҆ꙋ́диныхъ повелѣ́нїемъ бж҃їимъ, и҆ дадѐ є҆мꙋ̀ і҆исꙋ́съ гра́дъ а҆рво́къ, ѻ҆тца̀ є҆на́кова: се́й є҆́сть хеврѡ́нъ. 14
15: 14
Сꙋд. 1: 10
И҆ потребѝ ѿтꙋ́дꙋ хале́въ сы́нъ і҆ефонні́инъ трѝ сы́ны є҆на́кѡвы, сꙋсі́а и҆ ѳолмаі̀ и҆ а҆хїма̀: 15 и҆ взы́де ѿтꙋ́дꙋ хале́въ на живꙋ́щихъ въ даві́рѣ: и҆́мѧ же пре́жде бѧ́ше даві́рꙋ гра́дъ пи́сменъ. 16 И҆ речѐ хале́въ: и҆́же а҆́ще во́зметъ кто̀
15: 16
1 Ца́рств. 18: 25
гра́дъ пи́сменъ и҆ воз̾ѡблада́етъ и҆́мъ, да́мъ є҆мꙋ̀
15: 16
Сꙋд. 1: 12,13
а҆сха́нь дще́рь мою̀ въ женꙋ̀. 17 И҆ взѧ̀ є҆го̀ гоѳонїи́лъ сы́нъ кене́за, бра́та хале́вова, ю҆нѣ́йшїй: и҆ дадѐ є҆мꙋ̀ а҆сха́нь дще́рь свою̀ въ женꙋ̀. 18 И҆ бы́сть внегда̀ ѿходи́ти є҆́й, и҆ совѣща̀ съ ни́мъ, глаго́лющи: попрошꙋ̀ оу҆ ѻ҆тца̀ моегѡ̀ села̀. И҆ воззва̀ со ѻ҆слѧ́ти. И҆ речѐ є҆́й хале́въ: что́ ти є҆́сть; 19 И҆ речѐ є҆мꙋ̀:
15: 19
Быт. 33: 11
1 Ца́рств. 25: 27
да́ждь мѝ благослове́нїе, ꙗ҆́кѡ въ зе́млю полꙋ́деннꙋю ѿда́лъ є҆сѝ мѧ̀: да́ждь мѝ гѡла́ѳъ-маі́мъ. И҆ дадѐ є҆́й хале́въ гѡла́ѳъ-маі́мъ вы́шнїй и҆ гѡла́ѳъ ни́жнїй. 20 Сїѐ наслѣ́дїе пле́мене сынѡ́въ і҆ꙋ́диныхъ по со́нмѡмъ и҆́хъ: 21 бы́ша же гра́ди и҆́хъ гра́ди пле́мене сынѡ́въ і҆ꙋ́диныхъ къ предѣ́лѡмъ є҆дѡ̑млимъ въ пꙋсты́ни,
15: 21
Неем. 11: 25
кавсеи́лъ и҆ є҆драі́мъ и҆ і҆агꙋ́ръ, 22 и҆ кїна̀ и҆ дїмѡна̀ и҆ а҆дада̀, 23 и҆ кеде́съ и҆ а҆сѡ́ръ и҆ і҆ѳназ̆і́фъ, 24 и҆ теле́мъ и҆ валѡ́ѳъ, 25
15: 25
2 Ца́рств. 13: 23
и҆ а҆сѡ́ръ но́вый и҆ гра́дъ а҆серѡ́мъ (се́й є҆́сть а҆сѡ́ръ): 26 а҆ма́мъ и҆ самаа̀ и҆ мѡдада̀, 27 и҆ а҆сергадда̀ и҆ веѳфале́ѳъ, 28 и҆ а҆сарсꙋла̀ и҆ вирсавеѐ ([*]и҆ се́ла и҆́хъ и҆ предгра̑дїѧ и҆́хъ): 29 и҆ ваала̀ и҆ а҆ѵі́мъ и҆ а҆се́мъ, 30 и҆ є҆лѳѡла́дъ и҆ хесі́лъ и҆ є҆рма̀, 31 и҆ сїкеле́гъ и҆ ведевина̀ и҆ сансанна̀, 32 и҆ лавѡ́ѳъ и҆ селеі́мъ, и҆ а҆і́нъ и҆
15: 32
Заха́р. 14: 10
реммѡ́нъ:
15: 32
І҆ис. Наѵ. 19: 1
всѣ́хъ градѡ́въ два́десѧть и҆ де́вѧть, и҆ се́ла и҆́хъ. 33
15: 33
І҆ис. Наѵ. 19: 42
Въ напо́льнѣй, є҆сѳаѡ́лъ и҆ сараа̀, и҆ а҆сна̀ ([*]и҆ раме́нъ), 34 и҆ занѡ̀ и҆ и҆нгоні́мъ, и҆ ѳаффꙋа̀ и҆ и҆наі́мъ, 35 и҆ і҆ерїмꙋ́ѳъ и҆
15: 35
Мїх. 1: 15
ѻ҆долла́мъ, ([*]и҆ немра̀) и҆ сѡхѡ̀ и҆ а҆зика̀, 36 и҆ сагарі́мъ и҆ а҆дїаѳаі́мъ, и҆ га́дира и҆ се́ла є҆ѧ̀: гра́ди четырена́десѧть и҆ вє́си и҆́хъ. 37 Сенна́мъ и҆ а҆даса̀ и҆ магдалга́дъ, 38 и҆ далаа́нъ и҆ масфа̀ и҆ і҆екѳаи́лъ, 39 и҆
15: 39
І҆ис. Наѵ. 10: 32
4 Ца́рств. 14: 19
лахі́съ и҆ васха́ѳъ и҆ є҆глѡ́мъ, 40 и҆ хаввѡ́нъ и҆ лама́съ и҆ хаѳлѡ́съ, 41 и҆ гадирѡ́ѳъ и҆ ви́ѳъ-дагѡ́нъ, и҆ нѡма̀ и҆ макида̀: гра́ди шестьна́десѧть и҆ вє́си и҆́хъ. 42
15: 42
І҆ис. Наѵ. 10: 29
Левна̀ и҆ а҆ѳе́ръ и҆ а҆са́нъ, 43 и҆ і҆ефѳа̀ и҆ а҆сенна̀ и҆ несі́въ, 44 и҆ кеїла̀
15: 44
І҆ис. Наѵ. 19: 29
2 Паралїпом. 14: 9
и҆ а҆хзе́въ, и҆ мариса̀ ([*]и҆ є҆дѡ́мъ): гра́ди де́вѧть и҆ вє́си и҆́хъ. 45
15: 45
4 Ца́рств. 1: 2
А҆ккарѡ́нъ и҆ се́ла є҆гѡ̀ и҆ предгра̑дїѧ є҆гѡ̀. 46 ([*]И҆) ѿ а҆ккарѡ́на, і҆емнѐ и҆ всѝ є҆ли̑ки сꙋ́ть бли́з̾ а҆сдѡ́ѳа, и҆ вє́си и҆́хъ: 47 а҆сдѡ́ѳъ и҆ вє́си є҆гѡ̀ и҆ предгра̑дїѧ є҆гѡ̀: га́за и҆ вє́си є҆ѧ̀ и҆ предгра̑дїѧ є҆ѧ̀, да́же до водоте́чи є҆гѵ́петскїѧ,
15: 47
Чи́сл. 34: 6
и҆ мо́ре вели́кое ѡ҆предѣлѧ́етъ. 48 И҆ въ го́рнѣй, сафі́ръ и҆ і҆еѳе́ръ и҆ сѡхѡ̀, 49 и҆ ренна̀, гра́дъ пи́сменъ ([*]се́й є҆́сть даві́ръ), 50 и҆ а҆нѡ́въ и҆ є҆сѳемѡ̀ и҆ а҆ні́мъ, 51
15: 51
І҆ис. Наѵ. 10: 41
и҆ госо́мъ и҆ хїлꙋѡ́нъ и҆ гилѡ́нъ: градѡ́въ є҆динона́десѧть и҆ вє́си и҆́хъ. 52 Е҆ре́въ и҆ є҆са́нъ и҆ рꙋма̀, 53 и҆ і҆анꙋ́мъ и҆ ве́ѳъ-ѳапфꙋѐ и҆ а҆фака̀, 54 и҆ хаммата̀ и҆ гра́дъ а҆рво̀ ([*]се́й є҆́сть хеврѡ́нъ) и҆ сїѡ́ръ: градѡ́въ де́вѧть и҆ се́ла и҆́хъ. 55
15: 55
1 Ца́рств. 23: 25
Маѡ́нъ и҆ херме́лъ, и҆ зі́фъ и҆ і҆етта̀, 56 и҆ і҆ездрае́ль и҆ і҆екдаа́мъ и҆ занѡ̀, 57 а҆кі́мъ и҆ гаваа̀ и҆ ѳамна̀: гра́ди де́сѧть и҆ вє́си и҆́хъ. 58 А҆лꙋ́лъ и҆ веѳсꙋ́ръ и҆ гедѡ́ръ, 59 и҆ марѡ́ѳъ и҆ веѳанѡ́нъ и҆ є҆лѳеке́нъ: гра́ди ше́сть и҆ вє́си и҆́хъ: ѳекѡ̀ и҆ є҆фраѳа̀ ([*]се́й є҆́сть виѳлее́мъ): и҆ фагѡ́ръ и҆ є҆та́мъ, и҆ кꙋло́нъ и҆ татамі̀, и҆ сѡри́съ и҆ каре́мъ, и҆ галлі́мъ и҆ веѳи́ръ и҆ манохѡ̀: градѡ́въ є҆динона́десѧть и҆ вє́си и҆́хъ. 60
15: 60
І҆ис. Наѵ. 18: 14
Карїа́ѳъ-ваа́лъ ([*]се́й гра́дъ і҆арі́мъ) и҆ а҆ревва̀: гра́ди два̀, и҆ се́ла и҆́хъ и҆ предгра̑дїѧ и҆́хъ. 61 Ваддаргі́съ и҆ виѳарава̀, ([*]и҆) мадѡ́нъ и҆ сохоха̀, 62 и҆ невса́нъ и҆ гра́дъ со́ли
15: 62
2 Паралїпом. 20: 2
и҆ и҆нгадді̀: гра́ди ше́сть и҆ вє́си и҆́хъ. 63 И҆ і҆евꙋсе́й ѡ҆бита́ше во і҆ерⷭ҇ли́мѣ,
15: 63
Сꙋд. 1: 8
2 Ца́рств. 5: 6
и҆ не возмого́ша сы́нове і҆ꙋ̑дины погꙋби́ти и҆̀хъ: и҆ ѡ҆бита́ша і҆евꙋсе́є съ сынмѝ і҆ꙋ́диными во і҆ерⷭ҇ли́мѣ да́же до днѐ ѻ҆́нагѡ.