Елизаветинская Библия 1751 (CSELZAN)
1

ГЛАВА̀ а҃.

Зача́ло н҃.

11 І҆а́кѡвъ, бг҃ꙋ и҆ гдⷭ҇ꙋ і҆н҃сꙋ хрⷭ҇тꙋ̀ ра́бъ, ѻ҆бѣмана́десѧте колѣ́нома, и҆̀же въ разсѣ́ѧнїи, ра́доватисѧ. 2

1: 2
Дѣѧ̑н. 5: 41
Всѧ́кꙋ ра́дость и҆мѣ́йте, бра́тїе моѧ̑, є҆гда̀
1: 2
1 Корі́нѳ. 10: 13
во и҆скꙋшє́нїѧ впа́даете разли̑чна, 3
1: 3
Ри́млѧн. 5: 3
1 Петр. 1: 7
вѣ́дѧще, ꙗ҆́кѡ и҆скꙋше́нїе ва́шеѧ вѣ́ры содѣ́ловаетъ терпѣ́нїе: 4 терпѣ́нїе же дѣ́ло соверше́нно да и҆́мать, ꙗ҆́кѡ да бꙋ́дете соверше́нни и҆ всецѣ́ли, ни въ че́мже лише́ни. 5 А҆́ще же кто̀ ѿ ва́съ лише́нъ є҆́сть премꙋ́дрости, да про́ситъ
1: 5
3 Ца́рств. 3: 12
При́тч. 2: 6
Дан. 2: 21
ѿ даю́щагѡ бг҃а всѣ́мъ нелицепрїе́мнѣ и҆ не поноша́ющагѡ, и҆ да́стсѧ є҆мꙋ̀. 6
1: 6
Матѳ. 7: 7
Ма́рк. 11: 24
Лꙋк. 11: 9
І҆ѡа́н. 14: 13
16: 23
Да про́ситъ же вѣ́рою, ничто́же сꙋмнѧ́сѧ: сꙋмнѧ́йсѧ бо оу҆подо́бисѧ волне́нїю морско́мꙋ, вѣ́тры возмета́емꙋ и҆ развѣва́емꙋ. 7 Да не мни́тъ бо человѣ́къ ѡ҆́нъ, ꙗ҆́кѡ прїи́метъ что̀ ѿ бг҃а. 8 Мꙋ́жъ двоедꙋ́шенъ неꙋстро́енъ во всѣ́хъ пꙋте́хъ свои́хъ. 9 Да хва́литсѧ же бра́тъ смире́нный въ высотѣ̀ свое́й, 10 бога́тый же во смире́нїи свое́мъ,
1: 10
Сїрах. 14: 18
И҆са́їа. 40: 6
1 Петр. 1: 24
І҆́ѡв. 14: 2
Ѱал. 89: 6
102: 15
занѐ ꙗ҆́коже цвѣ́тъ тра́вный мимои́детъ: 11 возсїѧ́ бо со́лнце со зно́емъ, и҆ и҆зсꙋшѝ травꙋ̀, и҆ цвѣ́тъ є҆ѧ̀ ѿпадѐ, и҆ благолѣ́пїе лица̀ є҆ѧ̀ поги́бе: си́це и҆ бога́тый въ хожде́нїи свое́мъ оу҆вѧда́етъ. 12
1: 12
Е҆вр. 12: 5
І҆́ѡв. 5: 17
При́тч. 3: 11
Бл҃же́нъ мꙋ́жъ, и҆́же претерпи́тъ и҆скꙋше́нїе: занѐ и҆скꙋ́сенъ бы́въ, прїи́метъ
1: 12
2 Тїмоѳ. 4: 8
вѣне́цъ жи́зни, є҆го́же ѡ҆бѣща̀ бг҃ъ лю́бѧщымъ є҆го̀. 13 Никто́же
1: 13
Лꙋк. 11: 4
и҆скꙋша́емь да глаго́летъ, ꙗ҆́кѡ ѿ бг҃а и҆скꙋша́емь є҆́смь: бг҃ъ бо нѣ́сть и҆скꙋси́тель ѕлы̑мъ1: 13 и҆скꙋша́емь ѕлы́ми, не и҆скꙋша́етъ же то́й никого́же, 14 кі́йждо же и҆скꙋша́етсѧ, ѿ своеѧ̀ по́хоти влеко́мь и҆ прельща́емь: 15 та́же по́хоть заче́нши ражда́етъ грѣ́хъ,
1: 15
Ри́млѧн. 6: 21,23
грѣ́хъ же содѣ́ѧнъ ражда́етъ сме́рть. 16 Не льсти́тесѧ, бра́тїе моѧ̑ возлю́бленнаѧ: 17
1: 17
І҆ѡа́н. 3: 27
всѧ́ко даѧ́нїе бл҃го и҆ всѧ́къ да́ръ соверше́нъ свы́ше є҆́сть, сходѧ́й ѿ ѻ҆ц҃а̀ свѣ́тѡвъ,
1: 17
Чи́сл. 23: 19
И҆са́їа. 46: 10
Малах. 3: 6
оу҆ негѡ́же нѣ́сть премѣне́нїе, и҆лѝ преложе́нїѧ стѣ́нь. 18
1: 18
І҆ѡа́н. 1: 13
1 Петр. 1: 23
Восхотѣ́въ бо породѝ на́съ сло́вомъ и҆́стины, во є҆́же бы́ти на́мъ
1: 18
Е҆вр. 12: 23
нача́токъ нѣ́кїй созда́нїємъ є҆гѡ̀.

(Заⷱ҇ н҃а.)

19 Тѣ́мже, бра́тїе моѧ̑ возлю́бленнаѧ, да бꙋ́детъ всѧ́къ человѣ́къ ско́ръ оу҆слы́шати

1: 19
При́тч. 17: 27
Е҆кклес. 5: 1
Сїрах. 5: 13
(и҆) ко́сенъ глаго́лати,
1: 19
Е҆кклес. 7: 10
ко́сенъ во гнѣ́въ, 20 гнѣ́въ бо мꙋ́жа, пра́вды бж҃їѧ не содѣ́ловаетъ. 21 Сегѡ̀ ра́ди
1: 21
Е҆фес. 4: 22
ѿло́жше всѧ́кꙋ скве́рнꙋ и҆ и҆збы́токъ ѕло́бы, въ кро́тости прїими́те всажде́нное сло́во,
1: 21
Ри́млѧн. 1: 16
могꙋ́щее спⷭ҇тѝ дꙋ́шы ва́шѧ. 22
1: 22
Матѳ. 7: 21
Лꙋк. 11: 28
Ри́млѧн. 2: 13
Быва́йте же творцы̀ сло́ва, а҆ не то́чїю слы́шатєли, прельща́юще себѐ самѣ́хъ. 23 Занѐ а҆́ще кто̀ є҆́сть слы́шатель сло́ва, а҆ не творе́цъ, таковы́й оу҆подо́бисѧ мꙋ́жꙋ смотрѧ́ющꙋ лицѐ бытїѧ̀ своегѡ̀ въ зерца́лѣ: 24 оу҆смотри́ бо себѐ и҆ ѿи́де, и҆ а҆́бїе забы̀, како́въ бѣ̀. 25 Прини́кїй же въ зако́нъ соверше́нъ
1: 25
2 Корі́нѳ. 3: 18
свобо́ды, и҆ пребы́въ, се́й не слы́шатель забы́тливъ бы́въ, но творе́цъ дѣ́ла,
1: 25
І҆ѡа́н. 13: 17
се́й бл҃же́нъ въ дѣ́ланїи свое́мъ бꙋ́детъ. 26 А҆́ще кто̀ мни́тсѧ вѣ́ренъ бы́ти въ ва́съ,
1: 26
1 Петр. 3: 10
Ѱал. 33: 14
38: 1
и҆ не ѡ҆бꙋздова́етъ ѧ҆зы́ка своегѡ̀, но льсти́тъ се́рдце своѐ, сегѡ̀ сꙋ́етна (є҆́сть) вѣ́ра. 27
1: 27
І҆а́к. 2: 17
И҆са́їа. 1: 16,17
Вѣ́ра бо чтⷭ҇а̀ и҆ нескве́рна пред̾ бг҃омъ и҆ ѻ҆ц҃е́мъ сїѧ̀ є҆́сть, є҆́же посѣща́ти си́рыхъ и҆ вдови́цъ въ ско́рбѣхъ и҆́хъ, (и҆) нескве́рна себѐ блюстѝ ѿ мі́ра.