Елизаветинская Библия 1751 (CSELZAN)
21

ГЛАВА̀ к҃а.

Видѣ́нїе пꙋсты́ни.

211 Ꙗ҆́коже бꙋ́рѧ сквозѣ̀ пꙋсты́ню прохо́дитъ, ѿ пꙋсты́ни и҆сходѧ́щаѧ и҆з̾ землѝ, 2 стра́шно видѣ́нїе и҆ же́стоко повѣ́дасѧ мнѣ̀: престꙋпа́ѧй престꙋпа́етъ, и҆ беззако́ннꙋѧй беззако́нствꙋетъ: на мѧ̀

21: 2
И҆са́їа. 22: 6
І҆ерем. 49: 34
Дѣѧ̑н. 2: 9
є҆ламі́тє, и҆ послы̀ пе́рсстїи на мѧ̀ и҆́дꙋтъ: нн҃ѣ воздохнꙋ̀ и҆ оу҆тѣ́шꙋ себѐ. 3
21: 3
І҆ерем. 4: 19
Мїх. 1: 8
Сегѡ̀ ра́ди напо́лнишасѧ чрє́сла моѧ̑ разслабле́нїѧ, и҆
21: 3
И҆са́їа. 13: 8
бѡлѣ́зни прїѧ́ша мѧ̀ а҆́ки ражда́ющꙋю: непра́вдовахъ є҆́же не слы́шати, потща́хсѧ є҆́же не ви́дѣти. 4
21: 4
И҆са́їа. 15: 5
Се́рдце моѐ заблꙋжда́етъ, и҆ беззако́нїе погрꙋжа́етъ мѧ̀, дꙋша̀ моѧ̀ стои́тъ во стра́сѣ. 5
21: 5
І҆ерем. 6: 1
Оу҆гото́вите трапе́зꙋ, ꙗ҆ди́те, пі́йте: воста́вше, кнѧ̑зи, оу҆гото́вите щиты̀, 6
21: 6
Ѱал. 120: 4
ꙗ҆́кѡ та́кѡ речѐ гдⷭ҇ь ко мнѣ̀: ше́дъ поста́ви себѣ̀ стра́жа, и҆ є҆́же а҆́ще оу҆́зриши, возвѣстѝ. 7 И҆ оу҆зрѣ́хъ вса́дники кѡ́нныѧ два̀, вса́дника на ѻ҆слѧ́ти и҆ вса́дника на велблю́дѣ. Послꙋ́шай слꙋ́шанїемъ мно́гимъ 8 и҆ призовѝ оу҆рі́ю
21: 8
А҆ввак. 2: 1
на стра́жбꙋ гдⷭ҇ню. И҆ речѐ: стоѧ́хъ вы́нꙋ де́нь, и҆ оу҆ по́лчища а҆́зъ стоѧ́хъ всю̀ но́щь, 9 и҆ сѐ, са́мъ грѧде́тъ (мꙋ́жъ) вса́дникъ двоко́нный, и҆ ѿвѣща́въ речѐ: падѐ,
21: 9
І҆ерем. 51: 8
А҆пока́лѷѱ. 14: 8
18: 2,10
падѐ вавѷлѡ́нъ, и҆ всѝ кꙋмі́ры є҆гѡ̀ и҆ всѧ̑ рꙋкотворє́ннаѧ є҆гѡ̀ сокрꙋши́шасѧ на землѝ. 10
21: 10
И҆са́їа. 25: 10
І҆ерем. 51: 33
Мїх. 4: 13
Послꙋ́шайте, ѡ҆ста́вшїисѧ, и҆ болѣ́знꙋющїи, оу҆слы́шите: є҆́же слы́шахъ ѿ гдⷭ҇а саваѡ́ѳа, бг҃ъ і҆н҃левъ возвѣстѝ на́мъ.

Видѣ́нїе на і҆дꙋме́ю.

11 Ко мнѣ̀ зовѝ ѿ сиі́ра: стреги́те забра̑ла. 12 Стрегꙋ̀ заꙋ́тра и҆ но́щїю. А҆́ще и҆́щеши, и҆щѝ и҆ оу҆ менє̀ ѡ҆бита́й. 13 Въ дꙋбра́вѣ въ ве́черъ преспи́ши, и҆лѝ на пꙋтѝ

21: 13
І҆ерем. 25: 23
деда́новѣ. 14 Во срѣ́тенїе жа́ждꙋщемꙋ во́дꙋ принеси́те, живꙋ́щїи во странѣ̀
21: 14
Быт. 25: 3,15
ѳема́новѣ, со хлѣ́бы срѣта́йте бѣжа́щыѧ мно́жества ра́ди оу҆бїе́нныхъ 15 и҆ мно́жества ра́ди заблꙋжда́ющихъ, и҆ мно́жества ра́ди мече́й и҆ мно́жества ра́ди лꙋкѡ́въ напрѧже́нныхъ, и҆ мно́жества ра́ди па́дшихъ на сѣ́чи. 16 Ꙗ҆́кѡ си́це речѐ гдⷭ҇ь ко мнѣ̀: є҆щѐ лѣ́то (є҆ди́но), ꙗ҆́коже
21: 16
И҆са́їа. 16: 14
лѣ́то нае́мника, ѡ҆скꙋдѣ́етъ сла́ва сынѡ́въ
21: 16
І҆ерем. 49: 28
кида́рскихъ, 17 и҆ ѡ҆ста́нокъ лꙋкѡ́въ си́льныхъ сынѡ́въ кида́рскихъ бꙋ́детъ ма́лъ,
21: 17
И҆са́їа. 22: 25
25: 8
ꙗ҆́кѡ гдⷭ҇ь бг҃ъ і҆н҃левъ гл҃а.