Елизаветинская Библия 1751 (CSELZAN)
5

ГЛАВА̀ є҃.

51 Слы́шите

5: 1
И҆са́їа. 1: 10
сїѧ̑, жерцы̀, и҆ вонми́те, до́ме і҆н҃левъ, и҆ до́ме царе́въ, внꙋши́те, поне́же къ ва́мъ є҆́сть сꙋ́дъ: ꙗ҆́кѡ
5: 1
Ѡ҆сі́а. 9: 8
прꙋгло̀ бы́сте стражбѣ̀, и҆ ꙗ҆́коже мре́жа распросте́рта на і҆тавѷрі́и, 2 ю҆́же ловѧ́щїи ло́въ поткнꙋ́ша, а҆́зъ же наказа́тель ва́мъ: 3 а҆́зъ позна́хъ є҆фре́ма, и҆ і҆н҃ль не ѿстꙋпѝ ѿ менє̀, занѐ нн҃ѣ
5: 3
І҆езек. 16: 35
соблꙋдѝ є҆фре́мъ, и҆ ѡ҆скверни́сѧ і҆н҃ль: 4
5: 4
Лꙋк. 20: 12
не положи́ша помышле́нїй свои́хъ, є҆́же возврати́тисѧ къ бг҃ꙋ своемꙋ̀, ꙗ҆́кѡ
5: 4
Ѡ҆сі́а. 4: 12
дꙋ́хъ блꙋже́нїѧ є҆́сть въ ни́хъ, и҆ гдⷭ҇а не оу҆вѣ́дѣша. 5
5: 5
Ѡ҆сі́а. 7: 10
И҆ смири́тсѧ оу҆кори́зна і҆н҃лева въ лицѐ є҆мꙋ̀, и҆ і҆н҃ль и҆ є҆фре́мъ и҆знемо́гꙋтъ въ непра́вдахъ свои́хъ, и҆знемо́жетъ же и҆ і҆ꙋ́да съ ни́ми. 6 Со ѻ҆вца́ми и҆ телцы̑
5: 6
Ѡ҆сі́а. 6: 1
по́йдꙋтъ взыска́ти гдⷭ҇а и҆ не ѡ҆брѧ́щꙋтъ є҆гѡ̀,
5: 6
Ѡ҆сі́а. 2: 4
оу҆клони́сѧ бо ѿ ни́хъ. 7 Ꙗ҆́кѡ гдⷭ҇а ѡ҆ста́виша, ꙗ҆́кѡ ча̑да чꙋ̑жда породи́ша себѣ̀: нн҃ѣ поѧ́стъ ѧ҆̀ ржа̀, и҆ прича̑стїѧ и҆́хъ. 8 Вострꙋби́те трꙋбо́ю на хо́лмѣхъ, возгласи́те на высо́кихъ, проповѣ́дите
5: 8
Ѡ҆сі́а. 4: 15
въ домꙋ̀ ѡ҆́новѣ, оу҆жасе́сѧ венїамі́нъ, 9 є҆фре́мъ въ па́гꙋбꙋ бы́сть во дни̑ наказа́нїѧ: въ племенѣ́хъ і҆н҃левыхъ показа́хъ вѣ́рнаѧ. 10 Бы́ша кнѧ̑зи і҆ꙋ̑дины
5: 10
Второзак. 19: 14
27: 17
ꙗ҆́кѡ прелага́юще предѣ́лы: на нѧ̀ и҆злїю̀ ꙗ҆́кѡ во́дꙋ гнѣ́въ мо́й. 11 Соѡдолѣ̀ є҆фре́мъ сопе́рника своего̀, попра̀ сꙋ́дъ, ꙗ҆́кѡ нача̀ ходи́ти в̾слѣ́дъ сꙋ́етныхъ. 12 А҆́зъ же ꙗ҆́кѡ мѧте́жъ є҆фре́мови и҆ ꙗ҆́кѡ ѻ҆сте́нъ до́мꙋ і҆ꙋ́динꙋ. 13 И҆ ви́дѣ є҆фре́мъ не́мощь свою̀ и҆ і҆ꙋ́да болѣ́знь свою̀: и҆ и҆́де є҆фре́мъ ко а҆ссѷрі́ємъ и҆ посла̀ послы̀
5: 13
І҆ерем. 2: 18
Ѡ҆сі́а. 10: 6
ко царю̀ і҆арі́мꙋ: и҆ то́й не возмо́же и҆зцѣли́ти ва́съ, и҆ не преста́нетъ ѿ ва́съ болѣ́знь. 14 Занѐ а҆́зъ є҆́смь ꙗ҆́кѡ
5: 14
Пла́ч. І҆ерем. 3: 10
Ѡ҆сі́а. 13: 7
панѳи́рь є҆фре́мови и҆ ꙗ҆́кѡ ле́въ до́мꙋ і҆ꙋ́динꙋ: и҆ а҆́зъ восхищꙋ̀, и҆ пойдꙋ̀,
5: 14
Мїх. 5: 8
и҆ возмꙋ̀, и҆ не бꙋ́детъ и҆з̾има́ѧй: 15 пойдꙋ̀ и҆ возвращꙋ́сѧ на мѣ́сто своѐ, до́ндеже поги́бнꙋтъ, и҆ взы́щꙋтъ лица̀ моегѡ̀.