Елизаветинская Библия 1751 (CSELZAN)
4

ГЛАВА̀ д҃.

41 Слы́шите сло́во гдⷭ҇не, сы́нове і҆н҃лєвы, ꙗ҆́кѡ сꙋ́дъ гдⷭ҇еви

4: 1
Мїх. 6: 2
къ живꙋ́щымъ на землѝ: занѐ
4: 1
И҆са́їа. 59: 14
І҆ерем. 7: 28
нѣ́сть и҆́стины, ни ми́лости, ни вѣ́дѣнїѧ бж҃їѧ на землѝ: 2 клѧ́тва и҆ лжа̀, и҆ оу҆бі́йство и҆ татьба̀ и҆ любодѣѧ́нїе разлїѧ́сѧ по землѝ, и҆ кро́вь съ кровьмѝ мѣша́ютъ. 3 Сегѡ̀ ра́ди воспла́четсѧ землѧ̀
4: 3
І҆ерем. 4: 25
14: 4
Софо́н. 1: 3
и҆ оу҆ма́литсѧ со всѣ́ми всели́вшимисѧ на не́й, со ѕвѣрьмѝ польски́ми и҆ съ га̑ды зємны́ми и҆ со пти́цами небе́сными, и҆ ры̑бы морскі̑ѧ ѡ҆скꙋдѣ́ютъ: 4
4: 4
И҆са́їа. 30: 10
А҆мѡ́с. 5: 10
ꙗ҆́кѡ да никто́же не при́тсѧ, ни ѡ҆блича́етсѧ никто́же: лю́дїе же моѝ а҆́ки
4: 4
І҆ерем. 15: 10
прерѣка́емый жре́цъ, 5 и҆ и҆знемо́жетъ во дне́хъ, и҆ и҆знемо́жетъ проро́къ съ тобо́ю: но́щи оу҆подо́бихъ ма́терь твою̀. 6
4: 6
И҆са́їа. 42: 19
Оу҆подо́бишасѧ лю́дїе моѝ а҆́ки не и҆мꙋ́ще оу҆мѣ́нїѧ: ꙗ҆́кѡ ты̀
4: 6
И҆са́їа. 42: 20
Заха́р. 7: 11
оу҆мѣ́нїе ѿве́рглъ є҆сѝ, ѿве́ргꙋ и҆ а҆́зъ тебѐ, є҆́же не жре́чествовати мнѣ̀, и҆ забы́лъ є҆сѝ зако́нъ бг҃а своегѡ̀, забꙋ́дꙋ и҆ а҆́зъ ча̑да твоѧ̑. 7 По мно́жествꙋ и҆́хъ та́кѡ согрѣши́ша мнѣ̀: сла́вꙋ и҆́хъ въ безче́стїе положꙋ̀. 8
4: 8
Леѵі́т. 6: 26
Заха́р. 11: 16
Грѣхѝ люді́й мои́хъ снѣдѧ́тъ и҆ въ непра́вдахъ и҆́хъ во́змꙋтъ дꙋ́шы и҆́хъ. 9
4: 9
И҆са́їа. 24: 2
И҆ бꙋ́детъ ꙗ҆́коже лю́дїе, та́кѡ и҆ жре́цъ: и҆ ѿмщꙋ̀ на ни́хъ пꙋти̑ и҆́хъ, и҆ оу҆мышлє́нїѧ и҆́хъ возда́мъ и҆̀мъ. 10
4: 10
Леѵі́т. 26: 26
Мїх. 6: 14
А҆гг. 1: 6
И҆ бꙋ́дꙋтъ ꙗ҆́сти и҆ не насы́тѧтсѧ: соблꙋди́ша и҆ не и҆спра́вѧтсѧ: поне́же гдⷭ҇а ѡ҆ста́виша є҆́же снабдѣ́ти. 11
4: 11
И҆са́їа. 28: 7
Матѳ. 14: 7
Блꙋ́дъ и҆ вїно̀ и҆ пїѧ́нство прїѧ́тъ се́рдце люді́й мои́хъ. 12 Въ зна́менїихъ вопроша́хꙋ и҆ въ жезлѣ́хъ свои́хъ повѣ́дахꙋ тѣ́мъ: дꙋ́хомъ блꙋже́нїѧ прельсти́шасѧ и҆ соблꙋди́ша ѿ бг҃а своегѡ̀: 13
4: 13
Второзак. 12: 2
на версѣ́хъ го́ръ кадѧ́хꙋ и҆ на холмѣ́хъ жрѧ́хꙋ под̾ дꙋ́бомъ и҆ под̾ є҆́лїю и҆ под̾ дре́вомъ вѣ́твеннымъ, ꙗ҆́кѡ до́бръ кро́въ: сегѡ̀ ра́ди соблꙋ́дѧтъ дщє́ри ва́шѧ, и҆ невѣ́сты ва́шѧ возлюбодѣ́ютъ. 14 И҆ не присѣщꙋ̀ на дщє́ри ва́шѧ, є҆гда̀ соблꙋ́дѧтъ, и҆ на невѣ́сты ва́шѧ, є҆гда̀ возлюбодѣ́ютъ: ꙗ҆́кѡ и҆ ті́и со блꙋдни́цами смѣси́шасѧ и҆ со блꙋдника́ми трє́бы жрѧ́хꙋ, и҆ лю́дїе смы́слѧщїи со блꙋдни́цею сплета́хꙋсѧ. 15 Ты́ же, і҆н҃лю, не не разꙋмѣва́й, и҆ і҆ꙋ́до: не входи́те
4: 15
І҆ис. Наѵ. 5: 9
Ѡ҆сі́а. 9: 15
въ галга́лꙋ и҆ не восходи́те въ до́мъ
4: 15
3 Ца́рств. 12: 29
ѡ҆́новъ, и҆ не клени́тесѧ гдⷭ҇емъ живы̑мъ. 16 Занѐ ꙗ҆́коже ю҆́ница стрѣка́ломъ стрѣ́чема разсвирѣ́пѣ і҆н҃ль: нн҃ѣ оу҆пасе́тъ ѧ҆̀ гдⷭ҇ь, ꙗ҆́кѡ а҆́гнца на простра́нствѣ. 17 Прича́стникъ кꙋмі́рѡмъ є҆фре́мъ положѝ себѣ̀ собла́зны, 18 и҆збра̀ ханане́ѡвъ: блꙋдѧ́ще возблꙋди́ша, возлюби́ша безче́стїе ѿ хрепета́нїѧ своегѡ̀. 19
4: 19
И҆са́їа. 41: 16
Ви́хръ дꙋ́ха возсви́щетъ въ крилѣ́хъ свои́хъ,
4: 19
І҆ерем. 3: 24
и҆ посра́мѧтсѧ ѿ тре́бищъ свои́хъ.