Елизаветинская Библия 1751 (CSELZAN)
13

ГЛАВА̀ г҃і.

131 По словесѝ є҆фре́мовꙋ ѡ҆правда̑нїѧ прїѧ̀ се́й во і҆н҃ли,

13: 1
3 Ца́рств. 16: 31
и҆ положѝ ѧ҆̀ ваа́лови,
13: 1
3 Ца́рств. 14: 10
4 Ца́рств. 9: 7
и҆ оу҆́мре. 2 И҆ нн҃ѣ приложи́ша согрѣша́ти и҆ сотвори́ша себѣ̀ слїѧ́нїе ѿ зла́та и҆ сребра̀ своегѡ̀ по ѡ҆́бразꙋ і҆́дѡлѡвъ, дѣла̀ хꙋдо́жникѡвъ совершє́на: и҆̀мъ сі́и глаго́лютъ:
13: 2
4 Ца́рств. 17: 17
2 Паралїпом. 28: 3
пожри́те человѣ́кѡвъ, ѡ҆скꙋдѣ́ша бо телцы̀. 3
13: 3
І҆́ѡв. 21: 18
Ѱал. 1: 4
Сегѡ̀ ра́ди бꙋ́дꙋтъ ꙗ҆́кѡ ѡ҆́блакъ оу҆́треннїй, ꙗ҆́коже роса̀ оу҆́треннѧѧ и҆дꙋ́щи, ꙗ҆́коже пле́вы съ то́ка (и҆ пра́хъ съ вѣ́твїѧ) развѣва́емый ви́хромъ, ꙗ҆́коже ды́мъ и҆з̾ трꙋбы̀. 4
13: 4
И҆схо́д. 20: 2
Второзак. 5: 6
А҆́зъ же гдⷭ҇ь бг҃ъ тво́й оу҆твержда́ѧй не́бо и҆ созида́ѧй зе́млю, є҆гѡ́же рꙋ́цѣ созда́стѣ всѐ во́инство небе́сное, и҆ не показа́хъ тѝ и҆̀хъ, є҆́же ходи́ти в̾слѣ́дъ и҆́хъ:
13: 4
Ѡ҆сі́а. 12: 9
и҆ а҆́зъ и҆зведо́хъ тѧ̀ и҆з̾ землѝ є҆гѵ́петскїѧ, и҆ бг҃а ра́звѣ менє̀ да не позна́еши,
13: 4
Ѱал. 3: 9
и҆ сп҃са́ющагѡ нѣ́сть ра́звѣ менє̀. 5
13: 5
Второзак. 8: 15
А҆́зъ пасо́хъ тѧ̀ въ пꙋсты́ни на землѝ ненаселе́ннѣй, 6
13: 6
Второзак. 8: 11,12,13,14
31: 20
на па́житехъ и҆́хъ, и҆ насы́тишасѧ до и҆сполне́нїѧ, и҆ вознесо́шасѧ сердца̀ и҆́хъ, сегѡ̀ ра́ди забы́ша мѧ̀. 7 И҆ бꙋ́дꙋ и҆̀мъ ꙗ҆́кѡ
13: 7
Пла́ч. І҆ерем. 3: 10
Ѡ҆сі́а. 5: 14
панѳи́рь, и҆ ꙗ҆́кѡ ры́сь на пꙋтѝ а҆ссѷрі́євъ: 8 и҆ срѧ́щꙋ и҆̀хъ а҆́ки медвѣ́дица лиша́ема, и҆ разрꙋшꙋ̀ соключе́нїе серде́цъ и҆́хъ: и҆ поѧдѧ́тъ ѧ҆̀ скѵ́мни дꙋбра́внїи, и҆ ѕвѣ́рїе польсті́и расто́ргнꙋтъ ѧ҆̀. 9
13: 9
И҆са́їа. 3: 9
І҆ерем. 2: 11
Въ поги́бели твое́й, і҆н҃лю, кто̀ помо́жетъ тебѣ̀; 10 Гдѣ̀ ца́рь тво́й се́й; то́й да спасе́тъ тѧ̀ во всѣ́хъ градѣ́хъ твои́хъ: и҆ да сꙋ́дитъ тѝ, ѡ҆ не́мже глаго́лалъ є҆сѝ:
13: 10
1 Ца́рств. 8: 5
да́ждь мѝ царѧ̀ и҆ кнѧ́зѧ. 11
13: 11
І҆́ѡв. 34: 30
Дѣѧ̑н. 13: 21
И҆ да́хъ тебѣ̀ царѧ̀ во гнѣ́вѣ мое́мъ, и҆ оу҆твержа́хсѧ въ ꙗ҆́рости мое́й. 12 Согромажде́нїе непра́вды є҆фре́мъ,
13: 12
І҆́ѡв. 14: 17
І҆ерем. 17: 1
сокрове́нъ грѣ́хъ є҆гѡ̀: 13 бѡлѣ́зни а҆́ки
13: 13
Быт. 35: 18
ражда́ющїѧ прїи́дꙋтъ є҆мꙋ̀: се́й сы́нъ немꙋ́дрый, занѐ нн҃ѣ не оу҆стои́тъ въ сокрꙋше́нїи ча̑дъ. 14
13: 14
Ѱал. 15: 10
55: 14
Дѣѧ̑н. 10: 42
Ѿ рꙋкѝ а҆́довы и҆зба́влю ѧ҆̀ и҆ ѿ сме́рти и҆скꙋплю̀ ѧ҆̀:
13: 14
1 Корі́нѳ. 15: 55
Е҆вр. 2: 14
гдѣ̀ прѧ̀ твоѧ̀, сме́рте; гдѣ̀ ѻ҆сте́нъ тво́й, а҆́де; оу҆тѣше́нїе скры́сѧ ѿ ѻ҆́чїю моє́ю: 15 занѐ се́й междꙋ̀ бра́тїѧми разлꙋчи́тъ: наведе́тъ гдⷭ҇ь
13: 15
І҆езек. 19: 12
Ѡ҆сі́а. 4: 19
вѣ́тръ зно́енъ и҆з̾ пꙋсты́ни на́нь, и҆ и҆зсꙋши́тъ жи̑лы є҆гѡ̀ и҆ ѡ҆пꙋстоши́тъ и҆сто́чники є҆гѡ̀: се́й и҆зсꙋши́тъ зе́млю є҆гѡ̀ и҆ всѧ̑ сосꙋ́ды є҆гѡ̀ люби̑мыѧ.

14

ГЛАВА̀ д҃і.

141 Поги́бнетъ

14: 1
Ѡ҆сі́а. 5: 9
самарі́а, ꙗ҆́кѡ сопроти́висѧ и҆ бг҃ꙋ своемꙋ̀:
14: 1
Ѡ҆сі́а. 11: 6
ѻ҆рꙋ́жїемъ падꙋ́тъ са́ми, и҆ младе́нцы и҆́хъ разбїю́тсѧ, и҆ во оу҆тро́бѣ и҆мꙋ́щыѧ и҆́хъ разсѧ́дꙋтсѧ. 2
14: 2
І҆ерем. 3: 22
Заха́р. 1: 4
Ѡ҆брати́сѧ, і҆н҃лю, ко гдⷭ҇ꙋ бг҃ꙋ твоемꙋ̀, занѐ и҆знемо́глъ є҆сѝ въ непра́вдахъ твои́хъ. 3 Возми́те съ собо́ю словеса̀ и҆ ѡ҆брати́тесѧ ко гдⷭ҇ꙋ бг҃ꙋ ва́шемꙋ,
14: 3
Лꙋк. 15: 18
рцы́те є҆мꙋ̀: (мо́жеши всѧ́къ ѿврещѝ грѣ́хъ:) ꙗ҆́кѡ да не прїи́мете непра́вды, но да прїи́мете блага̑ѧ,
14: 3
Е҆вр. 13: 15
и҆ воздади́мъ пло́дъ оу҆сте́нъ на́шихъ. 4
14: 4
І҆ерем. 17: 5
Мїх. 7: 5
А҆ссꙋ́ръ не спасе́тъ на́съ, на ко́ни не взы́демъ, ксемꙋ̀ не рече́мъ: 5 бо́зи на́ши, дѣла́мъ рꙋ́къ на́шихъ: ꙗ҆́кѡ въ тебѣ̀ поми́лꙋетсѧ сирота̀. И҆зцѣлю̀ селє́нїѧ и҆́хъ, возлюблю̀ ѧ҆̀ ꙗ҆вле́ннѡ, ꙗ҆́кѡ ѿврати́сѧ гнѣ́въ мо́й ѿ ни́хъ. 6 Бꙋ́дꙋ ꙗ҆́коже роса̀ і҆н҃лю, процвѣте́тъ ꙗ҆́кѡ крі́нъ и҆ простре́тъ коре́нїе своѐ
14: 6
Ѱал. 71: 16
ꙗ҆́коже лїва́нъ. 7 По́йдꙋтъ вѣ́тви є҆гѡ̀, и҆ бꙋ́детъ
14: 7
Ѱал. 51: 10
ꙗ҆́коже ма́слина плодови́та,
14: 7
Пѣ́сн. Пѣ́сн. 4: 11
Фїлїппис. 4: 18
и҆ ѡ҆бонѧ́нїе є҆гѡ̀ а҆́ки лїва́на: 8 ѡ҆братѧ́тсѧ и҆ сѧ́дꙋтъ под̾ кро́вомъ є҆гѡ̀, поживꙋ́тъ и҆ оу҆твердѧ́тсѧ пшени́цею, и҆ процвѣте́тъ ꙗ҆́кѡ вїногра́дъ па́мѧть є҆гѡ̀, ꙗ҆́коже вїно̀ лїва́ново. 9 Е҆фре́мови что̀ є҆мꙋ̀ є҆щѐ и҆ кꙋмі́рѡмъ; а҆́зъ смири́хъ є҆го̀, а҆́зъ и҆ оу҆крѣплю̀ є҆го̀: а҆́ки сме́рчїе оу҆чаще́ное, ѿ менє̀ ѡ҆брѣ́тесѧ пло́дъ тво́й. 10
14: 10
Второзак. 32: 28
І҆ерем. 9: 12
Кто̀ премꙋ́дръ и҆ оу҆разꙋмѣ́етъ сїѧ̑; и҆ смы́сленъ, и҆ оу҆вѣ́сть сїѧ̑;
14: 10
Ѱал. 17: 31
ꙗ҆́кѡ пра̑вы пꙋтїѐ гдⷭ҇ни, и҆ првⷣнїи по́йдꙋтъ въ ни́хъ, а҆ нечести́вїи и҆знемо́гꙋтъ въ ни́хъ.