Елизаветинская Библия 1751 (CSELZAN)
4

ГЛАВА̀ д҃.

Зача́ло т҃і.

41 Да оу҆бои́мсѧ оу҆̀бо, да не когда̀ ѡ҆ста́вленꙋ ѡ҆бѣтова́нїю вни́ти въ поко́й є҆гѡ̀, ꙗ҆ви́тсѧ кто̀ ѿ ва́съ лиши́всѧ. 2

4: 2
1 Петр. 1: 12
И҆́бо на́мъ благовѣствова́но є҆́сть, ꙗ҆́коже и҆ ѡ҆́нѣмъ: но не по́льзова ѻ҆́нѣхъ сло́во слꙋ́ха, не растворе́нное вѣ́рою слы́шавшихъ. 3 Вхо́димъ бо въ поко́й вѣ́ровавшїи, ꙗ҆́коже речѐ:
4: 3
Е҆вр. 3: 11
ꙗ҆́кѡ клѧ́хсѧ во гнѣ́вѣ мое́мъ, а҆́ще вни́дꙋтъ въ поко́й мо́й: а҆́ще и҆ дѣлѡ́мъ ѿ сложе́нїѧ мі́ра бы́вшымъ. 4 Рече́ бо нѣ́гдѣ ѡ҆ седмѣ́мъ си́це:
4: 4
Быт. 2: 2
И҆схо́д. 20: 11
и҆ почѝ бг҃ъ въ де́нь седмы́й ѿ всѣ́хъ дѣ́лъ свои́хъ. 5
4: 5
Ѱал. 94: 11
И҆ въ се́мъ па́ки: а҆́ще вни́дꙋтъ въ поко́й мо́й. 6 Поне́же оу҆̀бо лише́ни нѣ́цыи4: 6 ѡ҆стае́тсѧ нѣ́кїимъ вни́ти въ него̀, и҆ и҆̀мже пре́жде благовѣствова́но бѣ̀, не внидо́ша за непослꙋша́нїе: 7 па́ки нѣ́кїй оу҆ставлѧ́етъ
4: 7
Е҆вр. 3: 7
де́нь, дне́сь, въ дв҃дѣ гл҃ѧ, по толи́цѣхъ лѣ́тѣхъ, ꙗ҆́коже пре́жде глаго́ласѧ: дне́сь, а҆́ще гла́съ є҆гѡ̀ оу҆слы́шите, не ѡ҆жесточи́те серде́цъ ва́шихъ. 8 А҆́ще бо бы ѻ҆́нѣхъ і҆н҃съ оу҆поко́илъ, не бы̀ ѡ҆ и҆нѣ́мъ днѝ глаго́лалъ по си́хъ. 9
4: 9
А҆пока́лѷѱ. 7: 14 и҆ да́л. 14: 13.
Оу҆̀бо ѡ҆ста́влено є҆́сть (и҆ є҆щѐ) сꙋббѡ́тство лю́демъ бж҃їимъ: 10 вше́дый бо въ поко́й є҆гѡ̀, и҆ то́й почѝ ѿ дѣ́лъ свои́хъ, ꙗ҆́коже ѿ свои́хъ бг҃ъ. 11 Потщи́мсѧ оу҆̀бо вни́ти во ѻ҆́ный поко́й, да не кто̀ въ тꙋ́ же при́тчꙋ противле́нїѧ впаде́тъ. 12
4: 12
1 Петр. 1: 23
2 Корі́нѳ. 10: 4
Е҆фес. 6: 17
А҆пока́лѷѱ. 1: 16
И҆са́їа. 49: 2
Жи́во бо сло́во бж҃їе и҆ дѣ́йственно, и҆ ѻ҆стрѣ́йше па́че всѧ́кагѡ меча̀ ѻ҆бою́дꙋ ѻ҆стра̀, и҆ проходѧ́щее да́же до раздѣле́нїѧ дꙋши́ же и҆ дꙋ́ха, членѡ́въ же и҆ мозгѡ́въ, и҆ сꙋди́телно помышле́нїємъ и҆ мы́слемъ сердє́чнымъ. 13
4: 13
Ѱал. 32: 15
І҆ерем. 23: 24
И҆ нѣ́сть тва́рь неѧвле́на пред̾ ни́мъ, всѧ̑ же нага̑ и҆ ѡ҆б̾ѧвлє́на пред̾ ѻ҆чи́ма є҆гѡ̀, къ немꙋ́же на́мъ сло́во.

(Заⷱ҇ та҃і.)

14

4: 14
Е҆вр. 6: 20
И҆мꙋ́ще оу҆̀бо а҆рхїере́а вели́ка, проше́дшаго нб҃са̀, і҆н҃са сн҃а бж҃їѧ, да держи́мсѧ и҆сповѣ́данїѧ. 15
4: 15
Е҆вр. 2: 17
Не и҆́мамы бо а҆рхїере́а не могꙋ́ща спострада́ти не́мощемъ на́шымъ,
4: 15
И҆са́їа. 53: 3
но и҆скꙋше́на по всѧ́чєскимъ по подо́бїю, ра́звѣ грѣха̀. 16 Да пристꙋпа́емъ оу҆̀бо
4: 16
Ри́млѧн. 3: 25
Е҆фес. 3: 2
съ дерзнове́нїемъ къ прⷭ҇то́лꙋ блгⷣти, да прїи́мемъ млⷭ҇ть и҆ блгⷣть ѡ҆брѧ́щемъ во бл҃говре́меннꙋ по́мощь.

5

ГЛАВА̀ є҃.

51 Всѧ́къ бо первосвѧще́нникъ, ѿ человѣ́къ прїе́млемь, за человѣ́ки поставлѧ́етсѧ на слꙋ̑жбы ꙗ҆̀же къ бг҃ꙋ, да прино́ситъ да́ры же и҆ жє́ртвы ѡ҆ грѣсѣ́хъ, 2 спострада́ти могі́й невѣ́жствꙋющымъ и҆ заблꙋжда́ющымъ, поне́же и҆ то́й не́мощїю ѡ҆бложе́нъ є҆́сть: 3 и҆ сегѡ̀ ра́ди до́лженъ є҆́сть ꙗ҆́коже ѡ҆ лю́дехъ, та́кожде и҆ ѡ҆ себѣ̀ приноси́ти за грѣхѝ. 4 (Заⷱ҇.)

5: 4
Чи́сл. 16: 5,40
И҆ никто́же са́мъ себѣ̀ прїе́млетъ че́сть, но зва́нный ѿ бг҃а, ꙗ҆́коже и҆ а҆арѡ́нъ. 5 Та́кѡ и҆ хрⷭ҇то́съ
5: 5
І҆ѡа́н. 8: 54
не себѐ просла́ви бы́ти первосщ҃е́нника, но гл҃авый къ немꙋ̀:
5: 5
Е҆вр. 1: 5
Ѱал. 2: 7
сн҃ъ мо́й є҆сѝ ты̀, а҆́зъ дне́сь роди́хъ тѧ̀: 6 ꙗ҆́коже и҆ и҆́ндѣ гл҃етъ:
5: 6
Е҆вр. 7: 17
Ѱал. 109: 4
ты̀ є҆сѝ сщ҃е́нникъ во вѣ́къ по чи́нꙋ мелхїседе́ковꙋ. 7
5: 7
Матѳ. 26: 39
Ма́рк. 14: 35,36
Лꙋк. 22: 44
І҆ѡа́н. 12: 27
И҆́же во дне́хъ пл҃ти своеѧ̀ молє́нїѧ же и҆ мл҃твы къ могꙋ́щемꙋ спⷭ҇тѝ є҆го̀ ѿ сме́рти съ во́племъ крѣ́пкимъ и҆ со слеза́ми прине́съ, и҆ оу҆слы́шанъ бы́въ ѿ бл҃гоговѣ́инства, 8
5: 8
Е҆вр. 1: 5
а҆́ще и҆ сн҃ъ бѧ́ше, ѻ҆ба́че навы́че ѿ си́хъ, ꙗ҆̀же
5: 8
Фїлїппис. 2: 7,8
пострада̀, послꙋша́нїю, 9 и҆ соверши́всѧ бы́сть всѣ́мъ послꙋ́шающымъ є҆гѡ̀ вино́венъ спⷭ҇нїѧ вѣ́чнагѡ, 10 нарѣче́нъ ѿ бг҃а первосщ҃е́нникъ по чи́нꙋ мелхїседе́ковꙋ.

(Заⷱ҇ тв҃і.)

11 Ѡ҆ не́мже мно́гое на́мъ сло́во и҆ неꙋдо́бь сказа́емое глаго́лати, поне́же

5: 11
Матѳ. 13: 15
І҆ѡа́н. 16: 12
не́мощни бы́сте слꙋ̑хи. 12
5: 12
І҆ѡа́н. 3: 10
1 Петр. 2: 2
1 Корі́нѳ. 3: 1
И҆́бо, до́лжни сꙋ́ще бы́ти оу҆чи́телїе лѣ́тъ ра́ди, па́ки тре́бꙋете оу҆чи́тисѧ, ка̑ѧ пи́смена нача́ла слове́съ бж҃їихъ: и҆ бы́сте тре́бꙋюще млека̀, а҆ не крѣ́пкїѧ пи́щи. 13 Всѧ́къ бо причаща́ѧйсѧ млека̀ неискꙋ́сенъ сло́ва пра́вды,
5: 13
1 Корі́нѳ. 13: 11
14: 20
младе́нецъ бо є҆́сть: 14
5: 14
Е҆фес. 4: 11,13
Фїлїппис. 3: 15
соверше́нныхъ же є҆́сть тве́рдаѧ пи́ща, и҆мꙋ́щихъ чꙋ̑вствїѧ ѡ҆бꙋчє́на до́лгимъ оу҆че́нїемъ въ разсꙋжде́нїе добра́ же и҆ ѕла̀.

6

ГЛАВА̀ ѕ҃.

61 Тѣ́мже ѡ҆ста́вльше нача́ла хрⷭ҇то́ва сло́во, на соверше́нїе да веде́мсѧ, не па́ки ѡ҆снова́нїе покаѧ́нїѧ полага́юще ѿ ме́ртвыхъ дѣ́лъ, и҆ вѣ́ры въ бг҃а, 2 кр҃ще́нїй оу҆че́нїѧ, возложе́нїѧ же рꙋ́къ, воскрⷭ҇нїѧ же ме́ртвыхъ и҆ сꙋда̀ вѣ́чнагѡ. 3 И҆ сїѐ сотвори́мъ, а҆́ще бг҃ъ повели́тъ. 4

6: 4
Матѳ. 12: 45
Невозмо́жно бо просвѣще́нныхъ є҆ди́ною и҆ вкꙋси́вшихъ да́ра нбⷭ҇нагѡ, и҆ прича́стникѡвъ бы́вшихъ дх҃а ст҃а́гѡ, 5 и҆ до́брагѡ вкꙋси́вшихъ бж҃їѧ гл҃го́ла и҆ си́лы грѧдꙋ́щагѡ вѣ́ка, 6
6: 6
Е҆вр. 10: 29
2 Петр. 2: 20
1 І҆ѡа́н. 5: 16
и҆ ѿпа́дшихъ, па́ки ѡ҆бновлѧ́ти въ покаѧ́нїе, второ́е распина́ющихъ сн҃а бж҃їѧ себѣ̀ и҆ ѡ҆блича́ющихъ. 7 Землѧ́ бо пи́вшаѧ сходѧ́щїй на ню̀ мно́жицею до́ждь и҆ ражда́ющаѧ бы̑лїѧ дѡ́браѧ ѡ҆́нымъ, и҆́миже и҆ дѣ́лаема быва́етъ, прїе́млетъ блгⷭ҇ве́нїе ѿ бг҃а: 8 а҆ и҆зносѧ́щаѧ тє́рнїѧ и҆ волче́цъ непотре́бна є҆́сть
6: 8
Ма́рк. 11: 21
І҆ерем. 26: 6
44: 22
и҆ клѧ́твы бли́з̾, є҆ѧ́же кончи́на въ пожже́нїе.

(Заⷱ҇ тг҃і.)

9 Надѣ́емсѧ же ѡ҆ ва́съ, возлю́бленнїи, лꙋ́чшихъ и҆ придержа́щихсѧ спⷭ҇нїѧ, а҆́ще и҆ та́кѡ глаго́лемъ. 10 Не ѡ҆би́дливъ бо бг҃ъ, забы́ти дѣ́ла ва́шегѡ и҆ трꙋда̀ любвѐ,

6: 10
Матѳ. 10: 42
25: 40
ю҆́же показа́сте во и҆́мѧ є҆гѡ̀, послꙋжи́вше ст҃ы̑мъ и҆ слꙋжа́ще. 11 Жела́емъ же, да кі́йждо ва́съ ꙗ҆влѧ́етъ то́жде тща́нїе ко и҆звѣще́нїю оу҆пова́нїѧ да́же до конца̀, 12 да не лѣни́ви бꙋ́дете, но подража́телє наслѣ́дствꙋющихъ ѡ҆бѣтова̑нїѧ вѣ́рою и҆ долготерпѣ́нїемъ.

(Заⷱ҇ тд҃і.)

13

6: 13
Лꙋк. 1: 73
Быт. 22: 16
Ѱал. 104: 9
А҆враа́мꙋ бо ѡ҆бѣтова́ѧ бг҃ъ, поне́же ни є҆ди́нѣмъ и҆мѧ́ше бо́лшимъ клѧ́тисѧ, клѧ́тсѧ собо́ю, 14 гл҃ѧ: вои́стиннꙋ блгⷭ҇вѧ̀ блгⷭ҇влю́ тѧ и҆ оу҆множа́ѧ оу҆мно́жꙋ тѧ̀. 15
6: 15
Ри́млѧн. 4: 17
И҆ та́кѡ долготерпѣ́въ, полꙋчѝ ѡ҆бѣтова́нїе. 16 Человѣ́цы бо бо́лшимъ кленꙋ́тсѧ, и҆ всѧ́комꙋ и҆́хъ
6: 16
И҆схо́д. 22: 11
прекосло́вїю кончи́на во и҆звѣще́нїе клѧ́тва (є҆́сть). 17 Въ не́мже ли́шше хотѧ̀ бг҃ъ показа́ти наслѣ́дникѡмъ ѡ҆бѣтова́нїѧ
6: 17
Ѱал. 32: 11
При́тч. 19: 21
непрело́жное совѣ́та своегѡ̀, хода́тайствова клѧ́твою: 18 да двѣма̀ ве́щьми непрело́жными, въ ни́хже невозмо́жно солга́ти бг҃ꙋ, крѣ́пкое оу҆тѣше́нїе и҆́мамы прибѣ́гшїи ꙗ҆́тисѧ за предлежа́щее оу҆пова́нїе, 19 є҆́же а҆́ки ко́твꙋ и҆́мамы дꙋшѝ, тве́рдꙋ же и҆ и҆звѣ́стнꙋ,
6: 19
Леѵі́т. 16: 15
и҆ входѧ́щꙋю во внꙋ́треннѣйшее завѣ́сы, 20 и҆дѣ́же прⷣте́ча ѡ҆ на́съ
6: 20
Е҆вр. 4: 14
І҆ѡа́н. 14: 2
вни́де і҆н҃съ, по чи́нꙋ мелхїседе́ковꙋ первосщ҃е́нникъ бы́въ во вѣ́ки.