Елизаветинская Библия 1751 (CSELZAN)
4

ГЛАВА̀ д҃.

41 Глаго́лю же: въ є҆ли́ко вре́мѧ наслѣ́дникъ мла́дъ є҆́сть, ничи́мже лꙋ́чшїй є҆́сть раба̀, госпо́дь сы́й всѣ́хъ: 2 но под̾ повели́тєли и҆ приста̑вники є҆́сть да́же до наро́ка ѻ҆́тча. 3 Та́кожде и҆ мы̀, є҆гда̀ бѣ́хомъ мла́ди,

4: 3
Гала́т. 5: 1
Колос. 2: 20
под̾ стїхі́ами бѣ́хомъ мі́ра порабоще́ни:

(Заⷱ҇ с҃ѳ.)

4 Е҆гда́ же прїи́де кончи́на лѣ́та, посла̀ бг҃ъ сн҃а своего̀ є҆диноро́днаго,

4: 4
И҆са́їа. 7: 14
Лꙋк. 1: 31
ражда́емаго ѿ жены̀, быва́ема под̾ зако́номъ, 5 да подзакѡ́нныѧ и҆скꙋ́питъ,
4: 5
Ри́млѧн. 8: 15
да всыновле́нїе воспрїи́мемъ. 6 И҆ поне́же є҆стѐ сн҃ове, посла̀ бг҃ъ дх҃а сн҃а своегѡ̀ въ сердца̀ ва́ша, вопїю́ща: а҆́вва ѻ҆́ч҃е. 7 Тѣ́мже оу҆жѐ нѣ́си ра́бъ, но сы́нъ: а҆́ще ли же сы́нъ,
4: 7
Гала́т. 3: 29
и҆ наслѣ́дникъ бж҃їй і҆н҃съ хрⷭ҇то́мъ.

(Заⷱ҇ с҃і.)

8 Но тогда̀ оу҆́бѡ не вѣ́дꙋще бг҃а,

4: 8
Е҆фес. 2: 12
слꙋжи́сте не по є҆стествꙋ̀ сꙋ́щымъ бо́гѡмъ: 9
4: 9
1 Корі́нѳ. 13: 12
нн҃ѣ же, позна́вше бг҃а, па́че же позна́ни бы́вше ѿ бг҃а, ка́кѡ
4: 9
Е҆вр. 7: 18
10: 1
возвраща́етесѧ па́ки на немощны̑ѧ и҆ хꙋды́ѧ стїхі́и, и҆̀мже па́ки свы́ше4: 9 вспѧ́ть слꙋжи́ти хо́щете; 10
4: 10
Колос. 2: 16
дни̑ смотрѧ́ете, и҆ мцⷭ҇ы, и҆ времена̀, и҆ лѣ́та. 11 Бою́сѧ ѡ҆ ва́съ, є҆да̀ ка́кѡ всꙋ́е трꙋди́хсѧ въ ва́съ. 12 Бꙋ́дите ꙗ҆́коже а҆́зъ, занѐ и҆ а҆́зъ, ꙗ҆́коже вы̀: бра́тїе, молю̀ вы̀. Ничи́мже менѐ ѡ҆би́дѣсте: 13 вѣ́сте же, ꙗ҆́кѡ за не́мощь пло́ти благовѣсти́хъ ва́мъ пе́рвѣе: 14 и҆ и҆скꙋше́нїѧ моегѡ̀, є҆́же во пло́ти мое́й, не оу҆ничижи́сте, ни ѡ҆плева́сте, но ꙗ҆́коже а҆́гг҃ла бж҃їѧ прїѧ́сте мѧ̀, ꙗ҆́кѡ хрⷭ҇та̀ і҆н҃са. 15 Ко́е оу҆̀бо бѧ́ше бл҃же́нство ва́ше; Свидѣ́телствꙋю бо ва́мъ, ꙗ҆́кѡ, а҆́ще бы бы́ло мо́щно, ѻ҆чеса̀ ва̑ша и҆звертѣ́вше да́ли бы́сте мѝ. 16 Тѣ́мже вра́гъ ва́мъ бы́хъ, и҆́стинꙋ ва́мъ глаго́лѧ; 17 Ревнꙋ́ютъ по ва́съ не до́брѣ, но ѿлꙋчи́ти ва́съ хотѧ́тъ, да и҆̀мъ ревнꙋ́ете. 18 Добро́ же, є҆́же ревнова́ти всегда̀ въ до́брѣмъ, и҆ не то́чїю внегда̀ приходи́ти мѝ къ ва́мъ. 19 Ча̑дца моѧ̑, и҆́миже па́ки болѣ́знꙋю, до́ндеже воѡбрази́тсѧ хрⷭ҇то́съ въ ва́съ: 20 хотѣ́лъ же бы́хъ прїитѝ къ ва́мъ нн҃ѣ и҆ и҆змѣни́ти гла́съ мо́й, ꙗ҆́кѡ не домышлѧ́юсѧ ѡ҆ ва́съ. 21 Глаго́лите мѝ, и҆̀же под̾ зако́номъ хо́щете бы́ти: зако́на ли не слꙋ́шаете; 22 (Заⷱ҇.) Пи́сано бо є҆́сть, ꙗ҆́кѡ а҆враа́мъ два̀ сы̑на и҆мѣ̀:
4: 22
Быт. 16: 15
є҆ди́наго ѿ рабы̀,
4: 22
Быт. 21: 2
а҆ дрꙋга́го ѿ свобо́дныѧ. 23 Но и҆́же ѿ рабы̀, по пло́ти роди́сѧ:
4: 23
Ри́млѧн. 9: 8
а҆ и҆́же ѿ свобо́дныѧ, по ѡ҆бѣтова́нїю. 24 Ꙗ҆̀же сꙋ́ть и҆носказа́єма: сїѧ̑ бо є҆ста̀ два̀ завѣ́та: є҆ди́нъ оу҆́бѡ ѿ горы̀ сїна́йскїѧ,
4: 24
Ри́млѧн. 8: 15
въ рабо́тꙋ ражда́ѧй, и҆́же є҆́сть а҆га́рь: 25 а҆га́рь бо, сїна̀ гора̀ є҆́сть во а҆раві́и, прилага́етсѧ же нн҃ѣшнемꙋ і҆ерⷭ҇ли́мꙋ, рабо́таетъ же съ ча̑ды свои́ми: 26 а҆ вы́шнїй і҆ерⷭ҇ли́мъ
4: 26
И҆са́їа. 60: 1
Е҆вр. 12: 22
А҆пока́лѷѱ. 21: 2
свобо́дь є҆́сть, и҆́же є҆́сть ма́ти всѣ́мъ на́мъ. 27 Пи́сано бо є҆́сть:
4: 27
И҆са́їа. 54: 1
возвесели́сѧ, непло́ды, не ражда́ющаѧ: расто́ргни и҆ возопѝ, неболѧ́щаѧ: ꙗ҆́кѡ мнѡ́га ча̑да пꙋсты́ѧ па́че, не́жели и҆мꙋ́щїѧ мꙋ́жа.

(Заⷱ҇ са҃і.)

28

4: 28
Ри́млѧн. 9: 8
Мы́ же, бра́тїе, по і҆саа́кꙋ ѡ҆бѣтова́нїѧ ча̑да є҆смы̀. 29 Но ꙗ҆́коже тогда̀ по пло́ти роди́выйсѧ
4: 29
Быт. 21: 9
гонѧ́ше дꙋхо́внаго, та́кѡ и҆ нн҃ѣ. 30 Но что̀ глаго́летъ писа́нїе;
4: 30
Быт. 21: 10
И҆зженѝ рабꙋ̀ и҆ сы́на є҆ѧ̀, не и҆́мать бо наслѣ́довати сы́нъ рабы́нинъ съ сы́номъ свобо́дныѧ. 31 Тѣ́мже, бра́тїе, нѣ́смы рабы̑нина ча̑да,
4: 31
Гала́т. 3: 29
но свобо́дныѧ.

5

ГЛАВА̀ є҃.

51 Свобо́дою оу҆̀бо, є҆́юже хрⷭ҇то́съ на́съ свободѝ, сто́йте,

5: 1
Дѣѧ̑н. 15: 10
1 Петр. 2: 16
и҆ не па́ки под̾ и҆́гомъ рабо́ты держи́тесѧ. 2 Сѐ а҆́зъ па́ѵелъ глаго́лю ва́мъ,
5: 2
Гала́т. 2: 21
ꙗ҆́кѡ а҆́ще ѡ҆брѣ́заетесѧ, хрⷭ҇то́съ ва́съ ничто́же по́льзꙋетъ. 3 Свидѣ́телствꙋю же па́ки всѧ́комꙋ человѣ́кꙋ ѡ҆брѣ́зающемꙋсѧ, ꙗ҆́кѡ до́лженъ є҆́сть ве́сь зако́нъ твори́ти. 4 Оу҆праздни́стесѧ ѿ хрⷭ҇та̀, и҆̀же зако́номъ ѡ҆правда́етесѧ, ѿ блгⷣти ѿпадо́сте: 5 мы́ бо дꙋ́хомъ ѿ вѣ́ры
5: 5
Ри́млѧн. 5: 5
оу҆пова́нїѧ пра́вды жде́мъ. 6 Ѡ҆ хрⷭ҇тѣ́ бо і҆н҃сѣ ни ѡ҆брѣ́занїе что̀ мо́жетъ, ни неѡбрѣ́занїе,
5: 6
Ри́млѧн. 2: 29
но вѣ́ра любо́вїю поспѣ́шествꙋема. 7 Теча́сте до́брѣ: кто̀ ва́мъ возбранѝ не покарѧ́тисѧ и҆́стинѣ; 8 Препрѣ́нїе не ѿ призва́вшагѡ вы̀. 9
5: 9
1 Корі́нѳ. 5: 6
Ма́лъ ква́съ всѐ смѣше́нїе ква́ситъ. 10 А҆́зъ надѣ́юсѧ ѡ҆ ва́съ въ гдⷭ҇ѣ, ꙗ҆́кѡ ничто́же и҆́но разꙋмѣ́ти бꙋ́дете: смꙋща́ѧй же ва́съ понесе́тъ грѣ́хъ, кто́ бы ни бы́лъ.

(Заⷱ҇ св҃і.)

11 А҆́зъ же, бра́тїе, а҆́ще ѡ҆брѣ́занїе є҆щѐ проповѣ́дꙋю, почто̀ є҆щѐ гони́мь є҆́смь;

5: 11
1 Корі́нѳ. 1: 23
оу҆̀бо оу҆праздни́сѧ собла́знъ крⷭ҇та̀. 12 Ѡ҆̑, да́бы ѿсѣче́ни бы́ли развраща́ющїи ва́съ. 13 Вы́ бо на свобо́дꙋ зва́ни бы́сте, бра́тїе:
5: 13
1 Корі́нѳ. 8: 9
1 Петр. 2: 16
то́чїю да не свобо́да ва́ша въ винꙋ̀ пло́ти, но любо́вїю рабо́тайте дрꙋ́гъ дрꙋ́гꙋ. 14 И҆́бо ве́съ зако́нъ въ є҆ди́нѣмъ словесѝ и҆сполнѧ́етсѧ,
5: 14
Матѳ. 5: 43
Ма́рк. 12: 31
Ри́млѧн. 13: 8
І҆а́к. 2: 8
Леѵі́т. 19: 18
во є҆́же: возлю́биши бли́жнѧго твоего̀ ꙗ҆́коже себѐ. 15 А҆́ще же дрꙋ́гъ дрꙋ́га оу҆грыза́ете и҆ снѣда́ете, блюди́тесѧ, да не дрꙋ́гъ ѿ дрꙋ́га и҆стребле́ни бꙋ́дете. 16 Глаго́лю же: дꙋ́хомъ ходи́те, и҆ по́хоти плотскі́ѧ не соверша́йте: 17
5: 17
1 Петр. 2: 11
Ри́млѧн. 7: 23
пло́ть бо похотствꙋ́етъ на дꙋ́ха, дꙋ́хъ же на пло́ть: сїѧ̑ же дрꙋ́гъ дрꙋ́гꙋ проти́вѧтсѧ, да не ꙗ҆̀же хо́щете, сїѧ̑ творитѐ. 18 А҆́ще ли дꙋ́хомъ води́ми є҆стѐ,
5: 18
Ри́млѧн. 6: 14
нѣ́сте под̾ зако́номъ. 19 Ꙗ҆влє́на же сꙋ́ть дѣла̀ плотска̑ѧ, ꙗ҆̀же сꙋ́ть
5: 19
1 Корі́нѳ. 6: 9
прелюбодѣѧ́нїе, блꙋ́дъ, нечистота̀, стꙋдодѣѧ́нїе, 20 і҆дѡлослꙋже́нїе, чародѣѧ̑нїѧ, вражды̑, рвє́нїѧ, зави̑ды, ꙗ҆́рѡсти, разжжє́нїѧ, ра́спри, собла́зны, є҆́рєси, 21 за̑висти, оу҆бі̑йства, пїѧ̑нства, безчи́нни кли̑чи и҆ подѡ́бнаѧ си̑мъ: ꙗ҆̀же предглаго́лю ва́мъ, ꙗ҆́коже и҆ предреко́хъ, ꙗ҆́кѡ такова́ѧ творѧ́щїи црⷭ҇твїѧ бж҃їѧ не наслѣ́дѧтъ.

(Заⷱ҇ сг҃і.)

22

5: 22
Колос. 3: 12
Пло́дъ же дꙋхо́вный є҆́сть любы̀, ра́дость, ми́ръ, долготерпѣ́нїе, бла́гость, милосе́рдїе, вѣ́ра, 23 кро́тость, воздержа́нїе: на таковы́хъ нѣ́сть зако́на. 24
5: 24
Гала́т. 2: 20
А҆ и҆̀же хрⷭ҇тѡ́вы сꙋ́ть, пло́ть распѧ́ша со страстьмѝ и҆ похотьмѝ. 25 А҆́ще живе́мъ дꙋ́хомъ, дꙋ́хомъ и҆ да хо́димъ. 26
5: 26
Фїлїппис. 2: 3
Не быва́имъ тщесла́вни, дрꙋ́гъ дрꙋ́га раздража́юще, дрꙋ́гъ дрꙋ́гꙋ зави́дѧще.

6

ГЛАВА̀ ѕ҃.

61 Бра́тїе, а҆́ще и҆ впаде́тъ человѣ́къ въ нѣ́кое прегрѣше́нїе, вы̀ дꙋхо́внїи и҆справлѧ́йте такова́го дꙋ́хомъ кро́тости:

6: 1
1 Корі́нѳ. 10: 12
блюды́й себѐ, да не и҆ ты̀ и҆скꙋше́нъ бꙋ́деши.

(Заⷱ҇ сд҃і.)

2

6: 2
І҆ѡа́н. 13: 34
1 Солꙋ́н. 5: 14
Дрꙋ́гъ дрꙋ́га тѧгѡты̀ носи́те, и҆ та́кѡ и҆спо́лните зако́нъ хрⷭ҇то́въ. 3
6: 3
1 Корі́нѳ. 8: 2
А҆́ще бо кто̀ мни́тъ себѐ бы́ти что̀, ничто́же сы́й, оу҆мо́мъ льсти́тъ себѐ. 4 Дѣ́ло же своѐ да и҆скꙋша́етъ кі́йждо, и҆ тогда̀ въ себѣ̀ то́чїю хвале́нїе да и҆́мать, а҆ не во и҆нѣ́мъ: 5
6: 5
Ри́млѧн. 14: 12
1 Корі́нѳ. 3: 8
кі́йждо бо своѐ бре́мѧ понесе́тъ. 6 Да ѡ҆бща́етсѧ же
6: 6
Ри́млѧн. 15: 27
1 Корі́нѳ. 9: 7
оу҆чѧ́йсѧ словесѝ оу҆ча́щемꙋ во всѣ́хъ благи́хъ. 7 Не льсти́тесѧ: бг҃ъ порꙋга́емь не быва́етъ.
6: 7
Ри́млѧн. 2: 6
Е҆́же бо а҆́ще сѣ́етъ человѣ́къ, то́жде и҆ по́жнетъ: 8 ꙗ҆́кѡ сѣ́ѧй въ пло́ть свою̀, ѿ пло́ти по́жнетъ и҆стлѣ́нїе: а҆ сѣ́ѧй въ дꙋ́хъ, ѿ дꙋ́ха по́жнетъ живо́тъ вѣ́чный. 9
6: 9
Матѳ. 24: 13
2 Солꙋ́н. 3: 13
До́брое же творѧ́ще, да не стꙋжа́емъ сѝ: во вре́мѧ бо своѐ по́жнемъ, не ѡ҆слабѣ́юще. 10 Тѣ́мже оу҆̀бо, до́ндеже вре́мѧ и҆́мамы, да дѣ́лаимъ благо́е ко всѣ́мъ, па́че же къ прⷭ҇нымъ въ вѣ́рѣ.

(Заⷱ҇ сє҃і.)

11 Ви́дите, коли́цѣми кни́гами писа́хъ ва́мъ мое́ю рꙋко́ю. 12 Е҆ли́цы хотѧ́тъ хвали́тисѧ по пло́ти, сі́и нꙋ́дѧтъ вы̀ ѡ҆брѣ́затисѧ, то́чїю да не крⷭ҇та̀ ра́ди хрⷭ҇то́ва гони́ми бꙋ́дꙋтъ: 13 ни бо̀ ѡ҆брѣ́зающїисѧ са́ми зако́нъ хранѧ́тъ, но хотѧ́тъ ва́мъ ѡ҆брѣ́зоватисѧ, да въ ва́шей пло́ти похва́лѧтсѧ: 14 (Заⷱ҇.) мнѣ́ же да не бꙋ́детъ хвали́тисѧ, то́кмѡ ѡ҆ крⷭ҇тѣ̀ гдⷭ҇а на́шегѡ і҆н҃са хрⷭ҇та̀,

6: 14
Ри́млѧн. 6: 6
и҆́мже мнѣ̀ мі́ръ распѧ́тсѧ, и҆ а҆́зъ мі́рꙋ. 15
6: 15
Гала́т. 5: 6
Колос. 3: 11
Ѡ҆ хрⷭ҇тѣ́ бо і҆н҃сѣ ни ѡ҆брѣ́занїе что̀ мо́жетъ, ни неѡбрѣ́занїе, но но́ва тва́рь. 16
6: 16
Фїлїппис. 3: 16
И҆ є҆ли́цы пра́виломъ си́мъ жи́телствꙋютъ, ми́ръ на ни́хъ и҆ млⷭ҇ть, и҆ на і҆н҃ли бж҃їи. 17 Про́чее, трꙋды̀ да никто́же мѝ дае́тъ:
6: 17
2 Корі́нѳ. 4: 10
а҆́зъ бо ꙗ҆́звы гдⷭ҇а і҆н҃са на тѣ́лѣ мое́мъ ношꙋ̀. 18 Блгⷣть гдⷭ҇а на́шегѡ і҆н҃са хрⷭ҇та̀ со дꙋ́хомъ ва́шимъ, бра́тїе. А҆ми́нь.