Елизаветинская Библия 1751 (CSELZAN)
1

ГЛАВА̀ а҃.

Зача́ло ѻ҃ѕ.

11 Ста́рецъ га́їеви возлю́бленномꙋ, є҆го́же а҆́зъ люблю̀ вои́стиннꙋ. 2 Возлю́бленне, во всѣ́хъ молю́сѧ (ѡ҆ тебѣ̀) благоспѣ́ѧтисѧ тебѣ̀ и҆ здра́вствовати, ꙗ҆́коже благоспѣ́етсѧ тебѣ̀ дꙋша̀. 3 Возра́довахсѧ ѕѣлѡ̀, прише́дшымъ бра́тїѧмъ и҆ свидѣ́телствꙋющымъ твою̀ и҆́стинꙋ, ꙗ҆́коже ты̀ во и҆́стинѣ хо́диши. 4 Бо́лши сеѧ̀ не и҆́мамъ ра́дости,

1: 4
1 Корі́нѳ. 4: 15
да слы́шꙋ моѧ̑ ча̑да во и҆́стинѣ ходѧ̑ща. 5 Возлю́бленне, вѣ́рнѡ твори́ши, є҆́же а҆́ще дѣ́лаеши въ бра́тїю и҆ въ стра̑нныѧ, 6 и҆̀же свидѣ́телствоваша ѡ҆ твое́й любвѝ пред̾ цр҃ковїю: и҆̀хже предпосла́въ досто́йнѡ бг҃ꙋ, до́брѣ твори́ши, 7 ѡ҆ и҆́мени бо є҆гѡ̀ и҆зыдо́ша, ничто́же прїе́млюще ѿ ꙗ҆зы̑къ. 8 Мы̀ оу҆̀бо до́лжни є҆смы̀
1: 8
Матѳ. 10: 40
прїима́ти таковы́хъ, да поспѣ́шницы бꙋ́демъ и҆́стинѣ. 9 Писа́хъ цр҃кви: но первенстволю́бецъ и҆́хъ дїотре́фъ не прїе́млетъ на́съ. 10 Сегѡ̀ ра́ди, а҆́ще прїидꙋ̀, воспомѧнꙋ̀ є҆гѡ̀ дѣла̀, ꙗ҆́же твори́тъ, словєсы̀ лꙋка́выми оу҆корѧ́ѧ на́съ: и҆ недово́ленъ быва́ѧ ѡ҆ си́хъ, ни са́мъ прїе́млетъ бра́тїю, и҆ хотѧ́щымъ возбранѧ́етъ, и҆ ѿ цр҃кве и҆зго́нитъ. 11 Возлю́бленне, не оу҆подоблѧ́йсѧ ѕло́мꙋ, но бл҃го́мꙋ.
1: 11
1 І҆ѡа́н. 2: 29
Благотворѧ́й ѿ бг҃а є҆́сть: а҆ ѕлотворѧ́й не ви́дѣ бг҃а. 12 Дими́трїеви свидѣ́телствовасѧ ѿ всѣ́хъ и҆ ѿ са́мыѧ и҆́стины: и҆ мы́ же свидѣ́телствꙋемъ, и҆ вѣ́сте, ꙗ҆́кѡ свидѣ́телство на́ше и҆́стинно є҆́сть. 13 Мнѡ́га и҆мѣ́хъ писа́ти, но не хощꙋ̀ черни́ломъ и҆ тро́стїю писа́ти тебѣ̀, 14 оу҆пова́ю же а҆́бїе ви́дѣти тѧ̀ и҆ оу҆сты̑ ко оу҆стѡ́мъ глаго́лати. 15 Ми́ръ тебѣ̀. Цѣлꙋ́ютъ тѧ̀ дрꙋ́зи: цѣлꙋ́й дрꙋ́ги по и҆́мени. А҆ми́нь.