Елизаветинская Библия 1751 (CSELZAN)
5

ГЛАВА̀ є҃.

51 И҆ прїидо́ша

5: 1
1 Паралїпом. 11: 1
всѧ̑ племена̀ і҆н҃лєва къ даві́дꙋ въ хеврѡ́нъ и҆ глаго́лаша є҆мꙋ̀: сѐ, кѡ́сти твоѧ̑ и҆ пло́ть твоѧ̀ мы̀ є҆смы̀: 2 и҆ вчера̀ и҆ тре́тїѧгѡ днѐ саꙋ́лꙋ сꙋ́щꙋ царю̀ над̾ на́ми, ты̀ бы́лъ є҆сѝ
5: 2
1 Ца́рств. 18: 16
вводѧ́й и҆ и҆зводѧ́й і҆н҃лѧ, и҆ речѐ гдⷭ҇ь къ тебѣ̀: ты̀ оу҆пасе́ши лю́ди моѧ̑ і҆н҃лѧ и҆
5: 2
1 Ца́рств. 25: 30
ты̀ бꙋ́деши во́ждь лю́демъ мои̑мъ і҆н҃лю. 3
5: 3
1 Паралїпом. 11: 3
И҆ прїидо́ша всѝ старѣ́йшины і҆н҃лєвы къ царю̀ въ хеврѡ́нъ, и҆ положѝ и҆̀мъ ца́рь даві́дъ завѣ́тъ въ хеврѡ́нѣ пред̾ гдⷭ҇емъ: и҆ пома́заша даві́да на ца́рство над̾ всѣ́мъ і҆н҃лемъ. 4
5: 4
3 Ца́рств. 2: 11
Сы́нъ три́десѧти лѣ́тъ даві́дъ внегда̀ воцари́тисѧ є҆мꙋ̀, и҆ ца́рствова четы́редесѧть лѣ́тъ: 5
5: 5
2 Ца́рств. 2: 11
се́дмь лѣ́тъ и҆ мцⷭ҇ей ше́сть ца́рствова въ хеврѡ́нѣ над̾ і҆ꙋ́дою, и҆ три́десѧть трѝ лѣ́та ца́рствова над̾ всѣ́мъ і҆н҃лемъ и҆ і҆ꙋ́дою во і҆ерⷭ҇ли́мѣ. 6
5: 6
1 Паралїпом. 11: 4
И҆ по́йде даві́дъ и҆ всѝ мꙋ́жїе є҆гѡ̀
5: 6
Сꙋд. 19: 10
во і҆ерⷭ҇ли́мъ
5: 6
І҆ис. Наѵ. 15: 63
ко і҆евꙋсе́ю, живꙋ́щемꙋ на землѝ то́й. И҆ рѣ́ша даві́дꙋ: не вни́деши сѣ́мѡ, ꙗ҆́кѡ воста́ша хромі́и и҆ слѣпі́и глаго́люще: ꙗ҆́кѡ не вни́детъ даві́дъ сѣ́мѡ. 7 И҆ взѧ̀ даві́дъ крѣ́пость сїѡ́ню:
5: 7
3 Ца́рств. 2: 10
сїѧ̀ є҆́сть гра́дъ даві́довъ. 8 И҆ речѐ даві́дъ въ де́нь то́й: всѧ́къ поража́ѧй
5: 8
І҆ис. Наѵ. 15: 63
1 Паралїпом. 11: 6
і҆евꙋсе́а да каса́етсѧ мече́мъ и҆ хромы́хъ и҆ слѣпы́хъ и҆ ненави́дѧщихъ дꙋшѝ даві́довы. Сегѡ̀ ра́ди рекꙋ́тъ:
5: 8
Ѱал. 114: 5,6,7
слѣпі́и и҆ хромі́и не вни́дꙋтъ въ до́мъ гдⷭ҇ень. 9 И҆ сѣ́де даві́дъ въ крѣ́пости, и҆ нарече́сѧ сїѧ̀ гра́дъ даві́довъ: и҆ созда̀ то́й гра́дъ ѡ҆́колѡ
5: 9
3 Ца́рств. 9: 15
1 Паралїпом. 11: 8
ѿ краегра́дїѧ, и҆ до́мъ сво́й. 10 И҆ и҆дѧ́ше даві́дъ и҆ды́й и҆ велича́емь, и҆ гдⷭ҇ь вседержи́тель съ ни́мъ. 11
5: 11
1 Паралїпом. 14: 1
И҆ посла̀ хїра́мъ ца́рь тѵ́рскїй послы̀ къ даві́дꙋ, и҆ дре́ва ке́дрѡва, и҆ древодѣ́лей, и҆ каменодѣ́лателей, и҆ созда́ша до́мъ даві́дꙋ. 12 И҆ оу҆разꙋмѣ̀ даві́дъ,
5: 12
1 Паралїпом. 14: 2
ꙗ҆́кѡ оу҆гото́ва є҆го̀ гдⷭ҇ь въ царѧ̀ над̾ і҆н҃лемъ,
5: 12
Ѱал. 29: 2
и҆ ꙗ҆́кѡ вознесе́сѧ ца́рство є҆гѡ̀ люді́й є҆гѡ̀ ра́ди і҆н҃лѧ. 13 И҆ поѧ́тъ даві́дъ є҆щѐ жєны̀ и҆ подлѡ́жницы ѿ і҆ерⷭ҇ли́ма по прише́ствїи свое́мъ ѿ хеврѡ́на:
5: 13
1 Паралїпом. 3: 5
и҆ бы́ша даві́дꙋ є҆щѐ сы́нове и҆ дщє́ри. 14 И҆ сїѧ̑ и҆мена̀ роди́вшымсѧ є҆мꙋ̀ во і҆ерⷭ҇ли́мѣ: самꙋ́съ и҆ сѡва́въ,
5: 14
Лꙋк. 3: 31
и҆ наѳа́нъ и҆ соломѡ́нъ, 15 и҆ є҆веа́ръ и҆ є҆лїсꙋ́е, и҆ нафе́къ и҆ і҆ефїѐ, 16 и҆ є҆лїсама̀
5: 16
1 Паралїпом. 14: 7
и҆ є҆лїдаѐ и҆ є҆лїфала́ѳъ, самаѐ, і҆есїва́ѳъ, наѳа́нъ, галамаа́нъ, і҆еваа́ръ, ѳеисꙋ́съ, є҆лїфала́ѳъ, наге́ѳъ, нафе́къ, і҆анаѳа́нъ и҆ леасамѵ́съ, ваалїма́ѳъ, є҆лїфаа́ѳъ. 17
5: 17
1 Паралїпом. 14: 8
И҆ оу҆слы́шаша и҆ноплемє́нницы, ꙗ҆́кѡ пома́засѧ даві́дъ ца́рь над̾ і҆н҃лемъ, и҆ взыдо́ша всѝ и҆ноплемє́нницы и҆ска́ти даві́да. И҆ оу҆слы́ша даві́дъ, и҆ сни́де въ крѣ́пость. 18 И҆ноплемє́нницы же прїидо́ша и҆ соедини́шасѧ
5: 18
І҆ис. Наѵ. 15: 8
во ю҆до́ли тїта́нстѣй. 19 И҆ вопросѝ даві́дъ гдⷭ҇а, глаго́лѧ:
5: 19
1 Ца́рств. 23: 2
30: 8
взы́дꙋ ли ко и҆ноплеме́нникѡмъ; и҆ преда́си ли ѧ҆̀ въ рꙋ́цѣ моѝ; И҆ речѐ гдⷭ҇ь къ даві́дꙋ: взы́ди, ꙗ҆́кѡ предаѧ̀ преда́мъ и҆ноплеме́нники въ рꙋ́цѣ твоѝ. 20 И҆ прїи́де даві́дъ
5: 20
1 Паралїпом. 14: 11
И҆са́їа. 28: 21
съ вы́шнихъ сѣ́чей и҆ посѣчѐ и҆ноплеме́нники та́мѡ. И҆ речѐ даві́дъ: и҆зсѣчѐ гдⷭ҇ь врагѝ моѧ̑ и҆ноплеме́нники предо мно́ю, ꙗ҆́коже пресѣка́ютсѧ во́ды. Сегѡ̀ ра́ди нарече́сѧ и҆́мѧ мѣ́ста тогѡ̀ свы́ше сѣ́чей. 21
5: 21
1 Ца́рств. 31: 9
И҆ ѡ҆ста́виша та́мѡ (и҆ноплемє́нницы) бо́ги своѧ̑, и҆ взѧ̀ и҆̀хъ даві́дъ и҆ мꙋ́жїе и҆̀же съ ни́мъ (и҆ речѐ даві́дъ
5: 21
Второзак. 7: 5
1 Паралїпом. 14: 12
сожещѝ и҆̀хъ во ѻ҆гнѝ). 22 И҆ приложи́ша па́ки прїитѝ и҆ноплемє́нницы и҆ собра́шасѧ на ю҆до́ли тїта́нстѣй. 23 И҆ вопросѝ даві́дъ гдⷭ҇а: взы́дꙋ ли ко и҆ноплеме́нникѡмъ; и҆ преда́си ли и҆̀хъ въ рꙋ́цѣ моѝ; И҆ речѐ є҆мꙋ̀ гдⷭ҇ь: не и҆сходѝ на срѣ́тенїе и҆̀мъ, но оу҆клони́сѧ ѿ ни́хъ, и҆ пристꙋ́пиши къ ни̑мъ бли́з̾ дꙋбра́вы пла́ча: 24 и҆ бꙋ́детъ, є҆гда̀ оу҆слы́шиши гла́съ шꙋ́ма ѿ дꙋбра́вы пла́ча, тогда̀ сни́деши къ ни̑мъ,
5: 24
Сꙋд. 4: 14
ꙗ҆́кѡ тогда̀ и҆зы́детъ гдⷭ҇ь пред̾ тобо́ю сѣщѝ на бра́ни и҆ноплеме́нники. 25 И҆ сотворѝ даві́дъ, ꙗ҆́коже заповѣ́да є҆мꙋ̀ гдⷭ҇ь,
5: 25
Сꙋд. 19: 13
1 Паралїпом. 14: 16
и҆ и҆збѝ и҆ноплеме́нники ѿ гаваѡ́на да́же до землѝ гази́ра.