ГЛАВА̀ д҃.
Зача́ло рѻ҃є.
41 Сегѡ̀ ра́ди и҆мꙋ́ще слꙋже́нїе сїѐ, ꙗ҆́коже поми́ловани бы́хомъ, не стꙋжа́емъ сѝ: 2 но ѿреко́хомсѧ та́йныхъ сра́ма, не въ лꙋка́вствїи ходѧ́ще, ни льстѧ́ще словесѐ бж҃їѧ, но ꙗ҆вле́нїемъ
Дѣѧ̑н. 23: 9
и҆́стины представлѧ́юще себѐ ко всѧ́цѣй со́вѣсти человѣ́честѣй, пред̾ бг҃омъ. 3 А҆́ще ли же є҆́сть покрове́но бл҃говѣствова́нїе на́ше,
въ ги́бнꙋщихъ є҆́сть покрове́но, 4 въ ни́хже бо́гъ вѣ́ка сегѡ̀ ѡ҆слѣпѝ ра́зꙋмы невѣ́рныхъ, во є҆́же не возсїѧ́ти и҆̀мъ свѣ́тꙋ бл҃говѣствова́нїѧ сла́вы хрⷭ҇то́вы, и҆́же є҆́сть
Колос. 1: 15
Е҆вр. 1: 3
ѡ҆́бразъ бг҃а неви́димагѡ. 5 Не себе́ бо проповѣ́даемъ,
3: 5
но хрⷭ҇та̀ і҆н҃са гдⷭ҇а: себе́ же самѣ́хъ рабѡ́въ ва́мъ і҆н҃са (гдⷭ҇а) ра́ди:
(Заⷱ҇ рѻ҃ѕ.)
6 ꙗ҆́кѡ
бг҃ъ рекі́й и҆з̾ тмы̀ свѣ́тꙋ возсїѧ́ти,
и҆́же возсїѧ̀ въ сердца́хъ на́шихъ, къ просвѣще́нїю ра́зꙋма сла́вы бж҃їѧ ѡ҆ лицы̀ і҆н҃съ хрⷭ҇то́вѣ. 7 И҆́мамы же сокро́вище сїѐ въ скꙋде́льныхъ сосꙋ́дѣхъ,
1 Корі́нѳ. 2: 5
да премно́жество си́лы бꙋ́детъ бж҃їѧ, а҆ не ѿ на́съ: 8 во все́мъ скорбѧ́ще, но не стꙋжа́юще сѝ: неча́еми, но не ѿчаѧва́еми: 9 гони́ми, но не ѡ҆ставлѧ́еми:
низлага́еми, но не погиба́юще: 10 всегда̀
ме́ртвость гдⷭ҇а і҆н҃са въ тѣ́лѣ носѧ́ще, да и҆ живо́тъ і҆н҃совъ въ тѣ́лѣ на́шемъ ꙗ҆ви́тсѧ. 11 Прⷭ҇нѡ бо мы̀ живі́и въ сме́рть предае́мсѧ
і҆н҃са ра́ди, да и҆ живо́тъ і҆н҃совъ ꙗ҆ви́тсѧ въ ме́ртвеннѣй пло́ти на́шей: 12 тѣ́мже сме́рть оу҆́бѡ въ на́съ дѣ́йствꙋетъ, а҆ живо́тъ въ ва́съ.
(Заⷱ҇ рѻ҃з.)
13 И҆мꙋ́ще же то́йже дх҃ъ вѣ́ры, по пи́санномꙋ:
вѣ́ровахъ, тѣ́мже возглаго́лахъ: и҆ мы̀ вѣ́рꙋемъ, тѣ́мже и҆ глаго́лемъ, 14
1 Солꙋ́н. 1: 10
вѣ́дѧще, ꙗ҆́кѡ воздви́гїй гдⷭ҇а і҆н҃са, и҆ на́съ со і҆н҃сомъ воздви́гнетъ, и҆ предпоста́витъ съ ва́ми. 15 Всѧ̑ бо ва́съ ра́ди, да блгⷣть оу҆мно́жившаѧсѧ, мно́жайшими благодарє́нїи и҆збы́точествитъ въ сла́вꙋ бж҃їю. 16 Тѣ́мже не стꙋжа́емъ сѝ: но а҆́ще и҆ внѣ́шнїй на́шъ человѣ́къ тлѣ́етъ,
Е҆фес. 3: 16
ѻ҆ба́че внꙋ́треннїй ѡ҆бновлѧ́етсѧ по всѧ̑ дни̑. 17
Е҆́же бо нн҃ѣ ле́гкое печа́ли на́шеѧ, по преꙋмноже́нїю въ преспѣ́ѧнїе тѧготꙋ̀ вѣ́чныѧ сла́вы содѣ́ловаетъ на́мъ, 18 не смотрѧ́ющымъ на́мъ ви́димыхъ,
но неви́димыхъ: ви̑димаѧ бо вре́мєнна, неви̑димаѧ же вѣ́чна.
ГЛАВА̀ є҃.
Зача́ло рѻ҃и.
51 Вѣ́мы бо, ꙗ҆́кѡ а҆́ще
земна́ѧ на́ша хра́мина тѣ́ла разори́тсѧ, созда́нїе ѿ бг҃а и҆́мамы,
хра́минꙋ нерꙋкотворе́нꙋ, вѣ́чнꙋ на нб҃сѣ́хъ. 2 И҆́бо ѡ҆ се́мъ
воздыха́емъ, въ жили́ще на́ше нбⷭ҇ное ѡ҆блещи́сѧ жела́юще: 3 а҆́ще то́чїю и҆ ѡ҆бле́кшесѧ,
И҆са́їа. 61: 10
не на́зи ѡ҆брѧ́щемсѧ. 4 И҆́бо сꙋ́щїи въ тѣ́лѣ се́мъ воздыха́емъ ѡ҆тѧгча́еми, поне́же не хо́щемъ совлещи́сѧ, но поѡблещи́сѧ,
да поже́рто бꙋ́детъ ме́ртвенное живото́мъ. 5 Сотвори́вый же на́съ въ сїѐ и҆́стое бг҃ъ, и҆́же
и҆ дадѐ на́мъ ѡ҆брꙋче́нїе дх҃а. 6 Дерза́юще оу҆̀бо всегда̀ и҆ вѣ́дѧще, ꙗ҆́кѡ живꙋ́ще въ тѣ́лѣ ѿхо́димъ ѿ гдⷭ҇а: 7
вѣ́рою бо хо́димъ, а҆ не видѣ́нїемъ: 8 дерза́емъ же и҆ благоволи́мъ
па́че ѿитѝ ѿ тѣ́ла и҆ вни́ти ко гдⷭ҇ꙋ: 9 тѣ́мже и҆ тщи́мсѧ, а҆́ще входѧ́ще, а҆́ще ѿходѧ́ще, бл҃гоꙋго́дни є҆мꙋ̀ бы́ти:
(Заⷱ҇ рѻ҃ѳ.)
10
Ри́млѧн. 14: 10
всѣ́мъ бо ꙗ҆ви́тисѧ на́мъ подоба́етъ пред̾ сꙋди́щемъ хрⷭ҇то́вымъ,
І҆́ѡв. 34: 11
да прїи́метъ кі́йждо, ꙗ҆̀же съ тѣ́ломъ содѣ́ла, и҆лѝ бла̑га, и҆лѝ ѕла̑. 11 Вѣ́дꙋще оу҆̀бо стра́хъ гдⷭ҇ень, человѣ́ки оу҆вѣщава́емъ, бг҃ови же ꙗ҆вле́ни є҆смы̀: оу҆пова́емъ же, ꙗ҆́кѡ и҆ въ со́вѣстехъ ва́шихъ ꙗ҆вле́ни є҆смы̀. 12 Не па́ки бо себѐ хва́лимъ пред̾ ва́ми, но винꙋ̀ дае́мъ ва́мъ похвале́нїю ѡ҆ на́съ, да и҆́мате къ хвалѧ́щымсѧ въ лицы̀, а҆ не въ се́рдцы. 13
А҆́ще бо и҆зꙋми́хомсѧ, бг҃ови: а҆́ще ли цѣломꙋ́дрствꙋемъ, ва́мъ. 14 И҆́бо любы̀ бж҃їѧ ѡ҆бдержи́тъ на́съ сꙋ́ждшихъ сїѐ: ꙗ҆́кѡ а҆́ще є҆ди́нъ за всѣ́хъ оу҆́мре, то̀ оу҆́бѡ всѝ оу҆мро́ша.
(Заⷱ҇ р҃п.)
15
Гала́т. 2: 20
Хрⷭ҇то́съ же за всѣ́хъ оу҆́мре, да живꙋ́щїи не ктомꙋ̀ себѣ̀ живꙋ́тъ, но оу҆ме́ршемꙋ за ни́хъ и҆ воскрⷭ҇шемꙋ. 16 Тѣ́мже и҆ мы̀ ѿнн҃ѣ ни є҆ди́нагѡ вѣ́мы по пло́ти: а҆́ще же и҆ разꙋмѣ́хомъ по пло́ти хрⷭ҇та̀, но нн҃ѣ ктомꙋ̀ не разꙋмѣ́емъ. 17 Тѣ́мже а҆́ще кто̀ во хрⷭ҇тѣ̀,
нова̀ тва́рь:
А҆пока́лѷѱ. 21: 5
дрє́внѧѧ мимоидо́ша, сѐ бы́ша всѧ̑ нѡва̀: 18 всѧ́чєскаѧ же ѿ бг҃а,
Е҆фес. 2: 16
Колос. 1: 20
примири́вшагѡ на́съ себѣ̀ і҆н҃съ хрⷭ҇то́мъ и҆ да́вшагѡ на́мъ слꙋже́нїе примире́нїѧ: 19 занѐ бг҃ъ бѣ̀ во хрⷭ҇тѣ̀ мі́ръ примирѧ́ѧ себѣ̀, не вмѣнѧ́ѧ и҆̀мъ согрѣше́нїй и҆́хъ и҆ положи́въ въ на́съ сло́во примире́нїѧ. 20 По хрⷭ҇тѣ̀ оу҆̀бо мо́лимъ5: 20 посо́лствꙋемъ, ꙗ҆́кѡ бг҃ꙋ молѧ́щꙋ на́ми, мо́лимъ по хрⷭ҇тѣ̀: примири́тесѧ съ бг҃омъ. 21
1 Петр. 2: 22
1 І҆ѡа́н. 3: 5
И҆са́їа. 53: 9
Не вѣ́дѣвшаго бо грѣха̀ по на́съ грѣ́хъ сотворѝ, да мы̀ бꙋ́демъ пра́вда бж҃їѧ ѡ҆ не́мъ.
ГЛАВА̀ ѕ҃.
Зача́ло рп҃а.
61 Споспѣ́шествꙋюще же и҆ мо́лимъ, не вотщѐ блгⷣть бж҃їю прїѧ́ти ва́мъ. 2 Гл҃етъ бо:
Е҆вр. 3: 7
И҆са́їа. 49: 8
во вре́мѧ прїѧ́тно послꙋ́шахъ тебє̀, и҆ въ де́нь спⷭ҇нїѧ помого́хъ тѝ. Сѐ нн҃ѣ вре́мѧ бл҃гопрїѧ́тно, сѐ нн҃ѣ де́нь спⷭ҇нїѧ. 3 Ни є҆ди́но ни въ че́мже даю́ще претыка́нїе, да слꙋже́нїе безпоро́чно бꙋ́детъ, 4
1 Корі́нѳ. 4: 1
но во все́мъ представлѧ́юще себѐ ꙗ҆́коже бж҃їѧ слꙋги̑, въ терпѣ́нїи мно́зѣ, въ ско́рбехъ, въ бѣда́хъ, въ тѣснота́хъ, 5 въ ра́нахъ, въ темни́цахъ, въ нестрое́нїихъ, въ трꙋдѣ́хъ, во бдѣ́нїихъ, въ поще́нїихъ, 6 во ѡ҆чище́нїи, въ ра́зꙋмѣ, въ долготерпѣ́нїи, въ бл҃гости, въ дс҃ѣ ст҃ѣ, въ любвѝ нелицемѣ́рнѣ, 7 въ словесѝ и҆́стины, въ си́лѣ бж҃їей, ѻ҆рꙋ̑жїи пра́вды десны́ми и҆ шꙋ́ими, 8 сла́вою и҆ безче́стїемъ, гажде́нїемъ и҆ благохвале́нїемъ: ꙗ҆́кѡ лестцы̀, и҆ и҆́стинни: 9 ꙗ҆́кѡ незна́еми, и҆ познава́еми: ꙗ҆́кѡ оу҆мира́юще, и҆ сѐ жи́ви є҆смы̀: ꙗ҆́кѡ наказꙋ́еми, а҆ не оу҆мерщвлѧ́еми: 10 ꙗ҆́кѡ скорбѧ́ще, прⷭ҇нѡ же ра́дꙋющесѧ: ꙗ҆́кѡ
ни̑щи, а҆ мнѡ́ги богатѧ́ще: ꙗ҆́кѡ ничто́же и҆мꙋ́ще, а҆ всѧ̑ содержа́ще.
(Заⷱ҇ рп҃в.)
11 Оу҆ста̀ на̑ша ѿверзо́шасѧ къ ва́мъ, корі́нѳѧне, се́рдце на́ше распространи́сѧ. 12 Не тѣ́снѡ вмѣща́етесѧ въ на́съ, оу҆тѣснѧ́етесѧ же во оу҆тро́бахъ ва́шихъ. 13 То́жде же возме́здїе, ꙗ҆́коже ча́дѡмъ глаго́лю, распространи́тесѧ и҆ вы̀. 14 Не быва́йте (оу҆до́бь) прело́жни ко и҆но́мꙋ ꙗ҆рмꙋ̀, ꙗ҆́коже невѣ́рнїи6: 14 не быва́йте прело́жни ко и҆но́мꙋ ꙗ҆рмꙋ̀ невѣ́рныхъ. Ко́е бо прича́стїе пра́вдѣ къ беззако́нїю; И҆лѝ ко́е ѻ҆бще́нїе свѣ́тꙋ ко тмѣ̀; 15
Ко́е же согла́сїе хрⷭ҇то́ви съ велїа́ромъ;
И҆лѝ ка́ѧ ча́сть вѣ́рнꙋ съ невѣ́рнымъ; 16 И҆лѝ ко́е сложе́нїе цр҃кви бж҃їей со і҆́дѡлы; (Заⷱ҇.)
6: 19
Вы́ бо є҆стѐ цр҃кви бг҃а жи́ва, ꙗ҆́коже речѐ бг҃ъ:
ꙗ҆́кѡ вселю́сѧ въ ни́хъ и҆ похождꙋ̀, и҆ бꙋ́дꙋ и҆̀мъ бг҃ъ, и҆ ті́и бꙋ́дꙋтъ мнѣ̀ лю́дїе. 17
І҆ерем. 50: 8
А҆пока́лѷѱ. 18: 4
Тѣ́мже и҆зыди́те ѿ среды̀ и҆́хъ и҆ ѿлꙋчи́тесѧ, гл҃етъ гдⷭ҇ь, и҆ нечистотѣ̀ не прикаса́йтесѧ, и҆ а҆́зъ прїимꙋ̀ вы̀: 18
и҆ бꙋ́дꙋ ва́мъ во ѻ҆ц҃а̀, и҆ вы̀ бꙋ́дете мнѣ̀ въ сы́ны и҆ дщє́ри, гл҃етъ гдⷭ҇ь вседержи́тель.
