Елизаветинская Библия 1751 (CSELZAN)
1

ГЛАВА̀ а҃.

Зача́ло рѯ҃з.

11 Па́ѵелъ, посла́нникъ і҆н҃съ хрⷭ҇то́въ во́лею бж҃їею, и҆ тїмоѳе́й бра́тъ, цр҃кви бж҃їей сꙋ́щей въ корі́нѳѣ, со ст҃ы́ми всѣ́ми сꙋ́щими во все́й а҆ха́їи: 2

1: 2
1 Корі́нѳ. 1: 3
блгⷣть ва́мъ и҆ ми́ръ ѿ бг҃а ѻ҆ц҃а̀ на́шегѡ, и҆ гдⷭ҇а і҆н҃са хрⷭ҇та̀. 3 (Заⷱ҇.)
1: 3
1 Петр. 1: 3
Блгⷭ҇ве́нъ бг҃ъ и҆
1: 3
И҆схо́д. 34: 6
ѻ҆ц҃ъ гдⷭ҇а на́шегѡ і҆н҃са хрⷭ҇та̀, ѻ҆ц҃ъ щедро́тъ и҆ бг҃ъ всѧ́кїѧ оу҆тѣ́хи, 4
1: 4
Ѱал. 33: 20
оу҆тѣша́ѧй на́съ ѡ҆ всѧ́цѣй ско́рби на́шей, ꙗ҆́кѡ возмощѝ на́мъ оу҆тѣ́шити сꙋ́щыѧ во всѧ́цѣй ско́рби, оу҆тѣше́нїемъ, и҆́мже оу҆тѣша́емсѧ са́ми ѿ бг҃а. 5
1: 5
Колос. 1: 24
Занѐ ꙗ҆́коже и҆збы́точествꙋютъ страда̑нїѧ хрⷭ҇тѡ́ва въ на́съ, та́кѡ хрⷭ҇то́мъ и҆збы́точествꙋетъ и҆ оу҆тѣше́нїе на́ше. 6 А҆́ще ли же скорби́мъ, ѡ҆ ва́шемъ оу҆тѣше́нїи и҆ спⷭ҇нїи, дѣ́йствꙋющемсѧ въ терпѣ́нїи тѣ́хже страда́нїй, ꙗ҆̀же и҆ мы̀ стра́ждемъ: 7 и҆ оу҆пова́нїе на́ше и҆звѣ́стно ѡ҆ ва́съ. А҆́ще ли оу҆тѣша́емсѧ, ѡ҆ ва́шемъ оу҆тѣше́нїи и҆ спⷭ҇нїи, вѣ́дѧще, занѐ ꙗ҆́коже ѡ҆́бщницы є҆стѐ страсте́мъ на́шымъ, та́кожде и҆ оу҆тѣше́нїю.

(Заⷱ҇ рѯ҃и.)

8 Не бо̀ хо́щемъ ва́съ, бра́тїе, не вѣ́дѣти ѡ҆ ско́рби на́шей бы́вшей на́мъ во а҆сі́и, ꙗ҆́кѡ по премно́гꙋ (и҆) па́че си́лы ѡ҆тѧготи́хомсѧ, ꙗ҆́кѡ не надѣ́ѧтисѧ на́мъ и҆ жи́ти. 9 Но са́ми въ себѣ̀ ѡ҆сꙋжде́нїе сме́рти и҆мѣ́хомъ, да не надѣ́ющесѧ бꙋ́демъ на сѧ̀, но на бг҃а возставлѧ́ющаго мє́ртвыѧ, 10 и҆́же ѿ толи́кїѧ сме́рти и҆зба́вилъ ны̀ є҆́сть и҆ и҆збавлѧ́етъ, на́ньже и҆ оу҆пова́хомъ, ꙗ҆́кѡ и҆ є҆щѐ и҆зба́витъ, 11

1: 11
Ри́млѧн. 15: 30
споспѣшествꙋ́ющымъ и҆ ва́мъ по на́съ моли́твою,
1: 11
2 Корі́нѳ. 4: 15
да ѿ мно́гихъ ли́цъ, є҆́же въ на́съ дарова́нїе, мно́гими благодари́тсѧ ѡ҆ ва́съ1: 11 въ нѣ́кїихъ: ѡ҆ на́съ.

(Заⷱ҇ рѯ҃ѳ.)

12 Похвале́нїе бо на́ше сїѐ є҆́сть,

1: 12
2 Корі́нѳ. 2: 17
4: 2
7: 14
Дѣѧ̑н. 23: 1
свидѣ́телство со́вѣсти на́шеѧ, ꙗ҆́кѡ въ простотѣ̀ и҆ чтⷭ҇отѣ̀ бж҃їей, (а҆) не въ мꙋ́дрости пло́ти, но блгⷣтїю бж҃їею жи́хомъ въ мі́рѣ, мно́жае же оу҆ ва́съ. 13 Не и҆на̑ѧ бо пи́шемъ ва́мъ, но ꙗ҆̀же чтетѐ и҆ разꙋмѣва́ете: оу҆пова́ю же, ꙗ҆́кѡ и҆ до конца̀ оу҆разꙋмѣ́ете, 14 ꙗ҆́коже и҆ разꙋмѣ́сте на́съ ѿ ча́сти, ꙗ҆́кѡ похвале́нїе ва́мъ є҆смы̀, ꙗ҆́коже и҆ вы̀ на́мъ, въ де́нь гдⷭ҇а на́шегѡ і҆н҃са хрⷭ҇та̀. 15 И҆ си́мъ оу҆пова́нїемъ хотѣ́хъ къ ва́мъ
1: 15
1 Корі́нѳ. 4: 19
прїитѝ пре́жде, да вторꙋ́ю блгⷣть и҆́мате, 16 и҆ ва́ми проитѝ въ македо́нїю, и҆ па́ки ѿ македо́нїи прїитѝ къ ва́мъ, и҆ ва́ми проводи́тисѧ во і҆ꙋде́ю. 17 Сїе́ же хотѧ̀, є҆да̀ что̀ оу҆́бѡ легкото́ю дѣ́ѧхъ; И҆лѝ ꙗ҆̀же совѣщава́ю, по пло́ти совѣщава́ю, да бꙋ́детъ оу҆ менє̀ є҆́же
1: 17
Матѳ. 5: 37
є҆́й, є҆́й, и҆ є҆́же нѝ, нѝ. 18 Вѣ́ренъ же бг҃ъ, ꙗ҆́кѡ сло́во на́ше, є҆́же къ ва́мъ, не бы́сть є҆́й и҆ нѝ. 19 И҆́бо бж҃їй сн҃ъ і҆н҃съ хрⷭ҇то́съ, и҆́же оу҆ ва́съ на́ми проповѣ́данный, мно́ю и҆ сїлꙋа́номъ и҆ тїмоѳе́емъ, не бы́сть є҆́й и҆ нѝ, но въ не́мъ самѣ́мъ є҆́й бы́сть: 20 є҆ли̑ка бо ѡ҆бѣтѡва́нїѧ бж҃їѧ, въ то́мъ є҆́й и҆
1: 20
Чи́сл. 23: 19
въ то́мъ а҆ми́нь: бг҃ꙋ къ сла́вѣ на́ми.

(Заⷱ҇ р҃ѻ.)

21 И҆звѣствꙋ́ѧй же на́съ съ ва́ми во хрⷭ҇та̀

1: 21
1 І҆ѡа́н. 2: 20
и҆ пома́завый на́съ, бг҃ъ, 22 и҆́же и҆ запечатлѣ̀ на́съ, и҆ дадѐ
1: 22
Ри́млѧн. 8: 15
2 Корі́нѳ. 5: 5
А҆пока́лѷѱ. 2: 17
ѡ҆брꙋче́нїе дх҃а въ сердца̀ на̑ша. 23 А҆́зъ же свидѣ́телѧ бг҃а призыва́ю на мою̀ дꙋ́шꙋ, ꙗ҆́кѡ щадѧ̀ ва́съ, ктомꙋ̀ не прїидо́хъ въ корі́нѳъ, 24 не ꙗ҆́кѡ ѡ҆блада́емъ вѣ́рою ва́шею, но (ꙗ҆́кѡ) споспѣ́шницы є҆смы̀ ва́шей ра́дости: вѣ́рою бо стоитѐ.