Елизаветинская Библия 1751 (CSELZAN)
1

ГЛАВА̀ а҃.

Зача́ло сѯ҃в.

11 Па́ѵелъ и҆ сїлꙋа́нъ и҆

1: 1
Дѣѧ̑н. 16: 1
тїмоѳе́й цр҃кви солꙋ́нстѣй ѡ҆ бз҃ѣ ѻ҆ц҃ѣ̀ и҆ гдⷭ҇ѣ і҆н҃сѣ хрⷭ҇тѣ̀:
1: 1
Гала́т. 1: 3
блгⷣть ва́мъ и҆ ми́ръ ѿ бг҃а ѻ҆ц҃а̀ на́шегѡ и҆ гдⷭ҇а і҆н҃са хрⷭ҇та̀. 2
1: 2
2 Солꙋ́н. 1: 3
Благодари́мъ бг҃а всегда̀ ѡ҆ всѣ́хъ ва́съ,
1: 2
Фїлїппис. 1: 3
помина́нїе ѡ҆ ва́съ творѧ́ще въ моли́твахъ на́шихъ, 3 непреста́ннѡ помина́юще
1: 3
Дѣѧ̑н. 17: 4
ва́ше дѣ́ло вѣ́ры, и҆ трꙋ́дъ любвѐ, и҆ терпѣ́нїе оу҆пова́нїѧ гдⷭ҇а на́шегѡ і҆н҃са хрⷭ҇та̀, пред̾ бг҃омъ и҆ ѻ҆ц҃е́мъ на́шимъ, 4 вѣ́дѧще, бра́тїе возлю́бленнаѧ, ѿ бг҃а и҆збра́нїе ва́ше: 5 ꙗ҆́кѡ бл҃говѣствова́нїе на́ше не бы́сть къ ва́мъ въ сло́вѣ то́чїю,
1: 5
Ри́млѧн. 15: 19
но и҆ въ си́лѣ, и҆ въ дс҃ѣ ст҃ѣ, и҆ во и҆звѣще́нїи мно́зѣ, ꙗ҆́коже и҆ вѣ́сте, каковѝ бы́хомъ въ ва́съ ра́ди ва́съ.

(Заⷱ҇ сѯ҃г.)

6 И҆ вы̀

1: 6
Фїлїппис. 3: 17
подѡ́бницы бы́сте на́мъ и҆ гдⷭ҇ꙋ, прїе́мше сло́во въ ско́рби мно́зѣ съ ра́достїю дх҃а ст҃а́гѡ, 7 ꙗ҆́кѡ бы́ти ва́мъ ѡ҆́бразъ всѣ́мъ вѣ́рꙋющымъ въ македо́нїи и҆ а҆ха́їи. 8 Ѿ ва́съ бо промче́сѧ сло́во гдⷭ҇не не то́кмѡ въ македо́нїи и҆ а҆ха́їи, но и҆ во всѧ́ко мѣ́сто вѣ́ра ва́ша, ꙗ҆́же къ бг҃ꙋ, и҆зы́де, ꙗ҆́кѡ не тре́бовати на́мъ глаго́лати что̀. 9 Ті́и бо ѡ҆ на́съ возвѣща́ютъ, како́въ вхо́дъ и҆мѣ́хомъ къ ва́мъ, и҆ ка́кѡ ѡ҆брати́стесѧ къ бг҃ꙋ ѿ і҆́дѡлъ, рабо́тати бг҃ꙋ жи́вꙋ и҆ и҆́стиннꙋ 10 и҆ жда́ти сн҃а є҆гѡ̀ съ нб҃съ, є҆го́же воскр҃сѝ и҆з̾ ме́ртвыхъ, і҆н҃са,
1: 10
Ѡ҆сі́а. 13: 14
и҆збавлѧ́ющаго на́съ ѿ гнѣ́ва грѧдꙋ́щагѡ.