Елизаветинская Библия 1751 (CSELZAN)
2

ГЛАВА̀ в҃.

21 Ѿло́жше

2: 1
Колос. 3: 8
Е҆вр. 12: 1
оу҆̀бо всѧ́кꙋ ѕло́бꙋ и҆ всѧ́кꙋ ле́сть и҆ лицемѣ́рїе и҆ за́висть и҆ всѧ̑ клевєты̑, 2 ꙗ҆́кѡ
2: 2
Матѳ. 18: 3
Ма́рк. 10: 14
новорожде́ни младе́нцы, слове́сное и҆ неле́стное мле́ко возлюби́те, ꙗ҆́кѡ да ѡ҆ не́мъ возрасте́те во сп҃се́нїе: 3 поне́же
2: 3
Ѱал. 33: 9
вкꙋси́сте, ꙗ҆́кѡ бл҃гъ гдⷭ҇ь. 4 Къ немꙋ́же приходѧ́ще,
2: 4
Матѳ. 16: 18
21: 42
ка́мени жи́вꙋ, ѿ человѣ́къ оу҆́бѡ оу҆ничиже́нꙋ, ѿ бг҃а же и҆збра́нꙋ, чтⷭ҇нꙋ, 5 и҆ са́ми ꙗ҆́кѡ ка́менїе жи́во зижди́тесѧ во хра́мъ дх҃о́венъ,
2: 5
А҆пока́лѷѱ. 1: 6
Малах. 1: 11
ст҃и́телство ст҃о, возноси́ти жє́ртвы дх҃ѡ́вны, бл҃гопрїѧ̑тны бг҃ови і҆н҃съ хрⷭ҇то́мъ. 6 Занѐ пи́сано є҆́сть въ писа́нїи:
2: 6
И҆са́їа. 28: 16
Ри́млѧн. 9: 33
сѐ полага́ю въ сїѡ́нѣ ка́мень краеꙋго́ленъ, и҆збра́нъ, чтⷭ҇енъ: и҆ вѣ́рꙋѧй во́нь не постыди́тсѧ. 7 Ва́мъ оу҆̀бо че́сть вѣ́рꙋющымъ, а҆ проти́вѧщымсѧ
2: 7
Матѳ. 21: 42
Ѱал. 117: 22
И҆са́їа. 8: 14
ка́мень, є҆гѡ́же небрего́ша зи́ждꙋщїи, се́й бы́сть во главꙋ̀ оу҆́гла, и҆ ка́мень претыка́нїѧ и҆ ка́мень собла́зна: 8 ѡ҆ не́мже и҆ претыка́ютсѧ сло́вꙋ противлѧ́ющїисѧ, на не́же и҆ положе́ни бы́ша. 9
2: 9
И҆схо́д. 19: 6
И҆са́їа. 61: 6
Вы́ же ро́дъ и҆збра́нъ, ца́рское свѧще́нїе, ꙗ҆зы́къ ст҃ъ, лю́дїе ѡ҆бновле́нїѧ, ꙗ҆́кѡ да добродѣ́тєли возвѣститѐ
2: 9
Дѣѧ̑н. 26: 18
и҆з̾ тмы̀ ва́съ призва́вшагѡ въ чꙋ́дный сво́й свѣ́тъ: 10 и҆̀же
2: 10
Ѡ҆сі́а. 1: 10
Ри́млѧн. 9: 25
и҆ногда̀ не лю́дїе, нн҃ѣ же лю́дїе бж҃їи: и҆̀же не поми́ловани, нн҃ѣ же поми́ловани бы́сте. 11 (Заⷱ҇.) Возлю́бленнїи, молю̀ ꙗ҆́кѡ
2: 11
Ѱал. 38: 13
прише́лцєвъ и҆ стра́нникѡвъ,
2: 11
Гала́т. 5: 16
Ри́млѧн. 13: 13
ѡ҆греба́тисѧ ѿ плотски́хъ похоте́й, ꙗ҆̀же вою́ютъ на дꙋ́шꙋ, 12 житїѐ ва́ше и҆мꙋ́ще добро̀ во ꙗ҆зы́цѣхъ, да ѡ҆ не́мже клеве́щꙋтъ ва́съ а҆́ки ѕлодѣ́євъ,
2: 12
Матѳ. 5: 16
ѿ до́брыхъ дѣ́лъ ви́дѣвше, просла́вѧтъ бг҃а въ де́нь посѣще́нїѧ. 13
2: 13
Ри́млѧн. 13: 1
Ті́т. 3: 1
Повини́тесѧ оу҆̀бо всѧ́комꙋ человѣ́чꙋ созда́нїю2: 13 нача́лствꙋ гдⷭ҇а ра́ди: а҆́ще царю̀, ꙗ҆́кѡ преѡблада́ющꙋ: 14 а҆́ще ли же кнѧзє́мъ, ꙗ҆́кѡ ѿ негѡ̀ пѡ́сланнымъ, во ѿмще́нїе оу҆́бѡ ѕлодѣ́ємъ, въ похвалꙋ́ же бл҃готво́рцємъ. 15 Ꙗ҆́кѡ та́кѡ є҆́сть во́лѧ бж҃їѧ, благотворѧ́щымъ ѡ҆бꙋздова́ти безꙋ́мныхъ человѣ́къ невѣ́жство: 16 ꙗ҆́кѡ свобо́дни, а҆ не ꙗ҆́кѡ прикрове́нїе и҆мꙋ́ще ѕло́бы
2: 16
Гала́т. 5: 13
свобо́дꙋ, но ꙗ҆́кѡ рабѝ бж҃їи. 17 Всѣ́хъ почита́йте,
2: 17
1 Петр. 1: 22
Ри́млѧн. 12: 10
бра́тство возлюби́те, бг҃а бо́йтесѧ, царѧ̀ чти́те. 18 Рабѝ, повинꙋ́йтесѧ во всѧ́цѣмъ стра́сѣ влады́камъ, не то́кмѡ благи̑мъ и҆ крѡ́ткимъ, но и҆ стропти̑вымъ. 19 Се́ бо є҆́сть оу҆го́дно пред̾ бг҃омъ, а҆́ще
2: 19
Матѳ. 5: 10
со́вѣсти ра́ди бж҃їѧ терпи́тъ кто̀ скѡ́рби, стражда̀ без̾ пра́вды. 20 Ка́ѧ бо похвала̀, а҆́ще согрѣша́юще мꙋ́чими терпитѐ;
2: 20
1 Петр. 3: 14
4: 14
Но а҆́ще добро̀ творѧ́ще и҆ стра́ждꙋще терпитѐ, сїѐ оу҆го́дно пред̾ бг҃омъ, 21 на сїе́ бо и҆ зва́ни бы́сте: (Заⷱ҇ н҃ѳ.) занѐ и҆ хрⷭ҇то́съ
2: 21
Матѳ. 16: 24
Фїлїппис. 2: 5
пострада̀ по на́съ, на́мъ ѡ҆ста́вль ѡ҆́бразъ, да послѣ́дꙋемъ стопа́мъ є҆гѡ̀: 22
2: 22
1 І҆ѡа́н. 3: 5
И҆са́їа. 53: 9
и҆́же грѣха̀ не сотворѝ, ни ѡ҆брѣ́тесѧ ле́сть во оу҆стѣ́хъ є҆гѡ̀: 23 и҆́же оу҆карѧ́емь
2: 23
И҆са́їа. 50: 6
53: 7
проти́вꙋ не оу҆карѧ́ше, стражда̀ не преща́ше, предаѧ́ше же сꙋдѧ́щемꙋ првⷣнѡ: 24
2: 24
Матѳ. 8: 17
Ри́млѧн. 6: 2
И҆са́їа. 53: 4
и҆́же грѣхѝ нашѧ̀ са́мъ вознесѐ на тѣ́лѣ свое́мъ на дре́во, да ѿ грѣ́хъ и҆збы́вше, пра́вдою поживе́мъ: є҆гѡ́же ꙗ҆́звою и҆сцѣлѣ́сте. 25 Бѣ́сте бо ꙗ҆́кѡ
2: 25
І҆ѡа́н. 10: 11
И҆са́їа. 53: 6
І҆езек. 34: 5,23
ѻ҆́вцы заблꙋ́ждшыѧ (не и҆мꙋ́щѧ па́стырѧ): но возврати́стесѧ нн҃ѣ къ па́стырю и҆ посѣти́телю дꙋ́шъ ва́шихъ.