Елизаветинская Библия 1751 (CSELZAN)
16

ГЛАВА̀ ѕ҃і.

161 И҆ бы́сть сло́во гдⷭ҇не рꙋко́ю і҆ꙋ́а сы́на

16: 1
1 Паралїпом. 25: 4
а҆нані́ева ко ваа́сѣ, гл҃ѧ: 2 поне́же вознесо́хъ тѧ̀ ѿ землѝ и҆ да́хъ тѧ̀ вла́стелѧ над̾ людьмѝ мои́ми і҆н҃лемъ, и҆ поше́лъ є҆сѝ пꙋте́мъ і҆еровоа́млимъ и҆ вве́лъ є҆сѝ въ грѣ́хъ лю́ди моѧ̑ і҆н҃лѧ, є҆́же прогнѣ́вати мѧ̀ сꙋ́етными и҆́хъ: 3
16: 3
4 Ца́рств. 9: 9
сѐ, а҆́зъ ѿве́ргꙋ наслѣ́дїе ваа́сы и҆ наслѣ́дїе до́мꙋ є҆гѡ̀, и҆ сотворю̀ до́мъ тво́й
16: 3
3 Ца́рств. 15: 29
ꙗ҆́кѡ до́мъ і҆еровоа́ма сы́на нава́това: 4
16: 4
3 Ца́рств. 21: 24
оу҆ме́ршаго ваа́сова во гра́дѣ снѣдѧ́тъ є҆го̀ псѝ, и҆ оу҆ме́ршаго на по́ли снѣдѧ́тъ є҆го̀ пти̑цы небє́сныѧ. 5 И҆ прѡ́чаѧ слове́съ ваа́совыхъ, и҆ всѧ̑ ꙗ҆̀же сотворѝ, и҆ си̑льнаѧ є҆гѡ̀,
16: 5
2 Паралїпом. 16: 11
не се́ ли, сꙋ́ть пи̑сана въ кни́зѣ слове́съ дні́й царе́й і҆н҃левыхъ; 6 И҆ оу҆́спе ваа́са со ѻ҆тцы̑ свои́ми, и҆ погребе́нъ бы́сть во фе́рсѣ, и҆ воцари́сѧ и҆ла̀ сы́нъ є҆гѡ̀ вмѣ́стѡ є҆гѡ̀. 7
16: 7
4 Ца́рств. 9: 9
И҆ рꙋко́ю і҆ꙋ́а сы́на а҆нані́и прⷪ҇ро́ка гл҃а гдⷭ҇ь на ваа́сꙋ и҆ на до́мъ є҆гѡ̀ всю̀ ѕло́бꙋ, ю҆́же сотворѝ пред̾ гдⷭ҇емъ, є҆́же прогнѣ́вати є҆го̀ дѣла́ми рꙋ́къ свои́хъ, бы́ти є҆мꙋ̀ ꙗ҆́коже и҆ до́мꙋ і҆еровоа́млю,
16: 7
3 Ца́рств. 15: 28,29
и҆ ѡ҆ є҆́же є҆мꙋ̀ пораже́нꙋ бы́ти. 8 Въ лѣ́то два́десѧть шесто́е а҆́сы царѧ̀ і҆ꙋ́дина, ца́рствова и҆ла̀ сы́нъ ваа́синъ над̾ і҆н҃лемъ
16: 8
3 Ца́рств. 14: 17
15: 21
во фе́рсѣ два̀ лѣ́та. 9 И҆ воздви́же (гдⷭ҇ь) на него̀ ѻ҆́троки є҆гѡ̀, и҆ замврі́а воево́дꙋ полови́ны ко́нникѡвъ: и҆ и҆ла̀ бѣ̀ во фе́рсѣ оу҆пива́ѧсѧ, и҆ пїѧ́нъ сы́й въ домꙋ̀ а҆́рсы домострои́телѧ во фе́рсѣ: 10
16: 10
4 Ца́рств. 9: 31
и҆ вни́де замврі́й, и҆ поразѝ є҆го̀, и҆ оу҆мертвѝ є҆го̀, въ лѣ́то два́десѧть седмо́е а҆́сы царѧ̀ і҆ꙋ́дина, и҆ воцари́сѧ вмѣ́стѡ є҆гѡ̀. 11 И҆ бы́сть ца́рствꙋющꙋ є҆мꙋ̀, внегда̀ сѣ́сти є҆мꙋ̀ на престо́лѣ є҆гѡ̀, и҆ и҆збѝ ве́сь до́мъ ваа́совъ: не ѡ҆ста́ви є҆мꙋ̀ моча́щагѡ къ стѣнѣ̀, и҆ оу҆́жикѡвъ є҆гѡ̀, и҆ дрꙋ́га є҆гѡ̀. 12
16: 12
3 Ца́рств. 16: 1,2,3,7
И҆ и҆збѝ замврі́й ве́сь до́мъ ваа́совъ по гл҃ꙋ гдⷭ҇ню, є҆го́же гл҃а на до́мъ ваа́совъ и҆ ко і҆ꙋ́ю прⷪ҇ро́кꙋ, 13 ѡ҆ всѣ́хъ грѣсѣ́хъ ваа́совыхъ и҆ и҆лы̀ сы́на є҆гѡ̀,
16: 13
3 Ца́рств. 15: 34
ꙗ҆́кѡ сотворѝ согрѣши́ти і҆н҃лю, є҆́же разгнѣ́вати гдⷭ҇а бг҃а і҆н҃лева сꙋ́етными и҆́хъ. 14 Прѡ́чаѧ же слове́съ и҆лы̀, ꙗ҆̀же сотворѝ, не се́ ли, сїѧ̑ пи̑сана въ кни́зѣ слове́съ дні́й царе́й і҆н҃левыхъ; 15 Въ лѣ́то два́десѧть седмо́е а҆́сы царѧ̀ і҆ꙋ́дина ца́рствова замврі́й се́дмь дні́й во фе́рсѣ: и҆ бѣ̀ по́лкъ і҆н҃левъ на
16: 15
3 Ца́рств. 15: 27
гавафѡ́нъ и҆ноплеме́нническїй. 16 И҆ слы́шаша лю́дїе сꙋ́щїи въ полцѣ̀, глаго́лющихъ: преврати́сѧ замврі́й и҆ поразѝ царѧ̀.
16: 16
4 Ца́рств. 8: 26
И҆ поста́виша царе́мъ во і҆н҃ли а҆мврі́а воево́дꙋ, и҆́же над̾ во́ѧми во і҆н҃ли въ де́нь ѻ҆́нъ въ полцѣ̀. 17
16: 17
4 Ца́рств. 15: 14
И҆ взы́де а҆мврі́й и҆ ве́сь і҆н҃ль съ ни́мъ ѿ гавафѡ́на и҆ ѡ҆бсѣ́де фе́рсꙋ. 18 И҆ бы́сть є҆гда̀ оу҆ви́дѣ замврі́й, ꙗ҆́кѡ предвзѧ́тъ бы́сть гра́дъ є҆гѡ̀, и҆ вни́де во внꙋ́треннїй до́мъ ца́рскїй, и҆ зажжѐ над̾ собо́ю до́мъ царе́въ ѻ҆гне́мъ,
16: 18
Мїх. 6: 16
и҆ оу҆́мре 19 за грѣхѝ своѧ̑, ꙗ҆̀же сотворѝ, сотворе́нїѧ ра́ди лꙋка́вагѡ пред̾ гдⷭ҇емъ,
16: 19
3 Ца́рств. 15: 26,34
є҆́же ходи́ти пꙋте́мъ і҆еровоа́ма сы́на нава́това, и҆ во грѣсѣ́хъ є҆гѡ̀, ꙗ҆́же сотворѝ, ꙗ҆́кѡ введѐ во грѣ́хъ і҆н҃лѧ. 20 И҆ прѡ́чаѧ слове́съ замврі́иныхъ, и҆ навѣ́ты є҆гѡ̀, ꙗ҆̀же совѣща̀, не се́ ли, сїѧ̑ сꙋ́ть пи̑сана въ кни́гахъ слове́съ дні́й царе́й і҆н҃левыхъ; 21 Тогда̀ раздѣли́шасѧ лю́дїе і҆н҃лстїи, по́лъ люді́й бы́сть за фамні́емъ сы́номъ гѡна́фовымъ, ꙗ҆́кѡ да ца́рствꙋетъ ѻ҆́нъ, и҆ по́лъ люді́й бы́сть со а҆мврі́емъ. 22 Лю́дїе же сꙋ́щїи по а҆мврі́и превозмого́ша люді́й бы́вшихъ со фамні́емъ сы́номъ гѡна́фовымъ И҆ оу҆́мре фамні́й и҆ і҆ѡра́мъ бра́тъ є҆гѡ̀ во вре́мѧ ѻ҆́но, и҆ воцари́сѧ а҆мврі́й по фамні́и. 23 Въ лѣ́то три́десѧть пе́рвое а҆́сы царѧ̀ і҆ꙋ́дина ца́рствова а҆мврі́й во і҆н҃ли двана́десѧть лѣ́тъ, во фе́рсѣ же ше́сть лѣ́тъ ца́рствова. 24 И҆ кꙋпѝ а҆мврі́й го́рꙋ семерѡ́нъ оу҆ семи́ра господи́на горы̀ двѣма̀ тала̑нты сребра̀, и҆ созда̀ го́рꙋ, и҆ наречѐ и҆́мѧ горѣ̀, ю҆́же созда̀, во и҆́мѧ семи́ра господи́на горы̀ ѻ҆́ныѧ, гора̀ семирѡ́нъ. 25 И҆ сотворѝ а҆мврі́й лꙋка́вое пред̾ гдⷭ҇емъ, и҆ прелꙋка́внова па́че всѣ́хъ бы́вшихъ пред̾ ни́мъ: 26
16: 26
3 Ца́рств. 15: 26
и҆ хожда́ше по всѣ́мъ пꙋтє́мъ і҆еровоа́ма сы́на нава́това и҆ во грѣсѣ́хъ є҆гѡ̀, и҆́миже введѐ во грѣ́хъ і҆н҃лѧ, є҆́же разгнѣ́вати гдⷭ҇а бг҃а і҆н҃лева въ сꙋ́етныхъ и҆́хъ. 27 И҆ прѡ́чаѧ слове́съ а҆мврі́евыхъ, и҆ всѧ̑ ꙗ҆́же сотворѝ, и҆ всѧ̑ си́ла є҆гѡ̀, не се́ ли, сїѧ̑ пи̑сана въ кни́зѣ слове́съ дні́й царе́й і҆н҃левыхъ; 28 И҆ оу҆́спе а҆мврі́й со ѻ҆тцы̑ свои́ми, и҆ погребе́нъ бы́сть въ самарі́и. И҆ воцари́сѧ а҆хаа́въ сы́нъ є҆гѡ̀ вмѣ́стѡ є҆гѡ̀. 29 А҆хаа́въ же сы́нъ а҆мврі́евъ воцари́сѧ над̾ і҆н҃лемъ въ лѣ́то три́десѧть ѻ҆смо́е а҆́сы царѧ̀ і҆ꙋ́дина: ца́рствова же а҆хаа́въ сы́нъ а҆мврі́евъ над̾ і҆н҃лемъ въ самарі́и два́десѧть два̀ лѣ́та: 30 и҆ сотворѝ а҆хаа́въ лꙋка́вое пред̾ гдⷭ҇емъ,
16: 30
4 Ца́рств. 10: 18
и҆ прелꙋка́внова па́че всѣ́хъ бы́вшихъ пре́жде є҆гѡ̀: 31 и҆ не бѣ̀ є҆мꙋ̀ дово́лно, є҆́же ходи́ти во грѣсѣ́хъ
16: 31
А҆пока́лѷѱ. 2: 20
і҆еровоа́ма сы́на нава́това, и҆ взѧ̀ женꙋ̀ і҆езаве́ль дще́рь і҆ефеваа́ла царѧ̀ сїдѡ́нскагѡ: и҆ и҆́де, и҆ нача̀ слꙋжи́ти ваа́лꙋ, и҆ поклони́сѧ є҆мꙋ̀, 32 и҆ поста́ви тре́бище ваа́лꙋ въ домꙋ̀ ме́рзостей є҆гѡ̀, є҆го́же созда̀ въ самарі́и: 33 и҆ сотворѝ а҆хаа́въ
16: 33
Второзак. 7: 5
4 Ца́рств. 13: 6
дꙋбра́вꙋ: и҆ приложѝ а҆хаа́въ твори́ти прогнѣ́ванїѧ, є҆́же разгнѣ́вати гдⷭ҇а бг҃а і҆н҃лева и҆ дꙋ́шꙋ свою̀ погꙋби́ти: ѕлодѣ́йствова па́че всѣ́хъ царе́й і҆н҃левыхъ бы́вшихъ пре́жде є҆гѡ̀. 34 Во дни̑ же є҆гѡ̀ созда̀ а҆хїи́лъ вефи́лѧнинъ і҆ерїхѡ́нъ:
16: 34
І҆ис. Наѵ. 6: 25
на а҆вїрѡ́нѣ перворо́днѣмъ свое́мъ ѡ҆снова̀ є҆го̀, и҆ на сегꙋ́вѣ ю҆нѣ́йшемъ свое́мъ поста́ви двє́ри є҆гѡ̀, по гл҃ꙋ гдⷭ҇ню, є҆го́же гл҃а рꙋко́ю і҆исꙋ́са сы́на наѵи́на.