ГЛАВА̀ а҃.
Зача́ло рк҃в.
11 Па́ѵелъ,
зва́нъ а҆пⷭ҇лъ і҆н҃съ хрⷭ҇то́въ во́лею бж҃їею,
и҆ сѡсѳе́нъ бра́тъ, 2 цр҃кви бж҃їей сꙋ́щей въ корі́нѳѣ,
Дѣѧ̑н. 15: 9
1 Солꙋ́н. 4: 7
ѡ҆сщ҃є́ннымъ ѡ҆ хрⷭ҇тѣ̀ і҆н҃сѣ, зва̑ннымъ ст҃ы̑мъ, со всѣ́ми
призыва́ющими и҆́мѧ гдⷭ҇а на́шегѡ і҆н҃са хрⷭ҇та̀, во всѧ́цѣмъ мѣ́стѣ, тѣ́хъ же и҆ на́шемъ:
(Заⷱ҇ рк҃г.)
3
блгⷣть ва́мъ и҆ ми́ръ ѿ бг҃а ѻ҆ц҃а̀ на́шегѡ и҆ гдⷭ҇а і҆н҃са хрⷭ҇та̀. 4
Благодарю̀ бг҃а моего̀ всегда̀ ѡ҆ ва́съ, ѡ҆ блгⷣти бж҃їей да́ннѣй ва́мъ ѡ҆ хрⷭ҇тѣ̀ і҆н҃сѣ, 5
ꙗ҆́кѡ во все́мъ ѡ҆богати́стесѧ ѡ҆ не́мъ, во всѧ́цѣмъ сло́вѣ и҆ всѧ́цѣмъ ра́зꙋмѣ, 6 ꙗ҆́коже
свидѣ́телство хрⷭ҇то́во и҆звѣсти́сѧ въ ва́съ: 7 ꙗ҆́кѡ ва́мъ не лиши́тисѧ
ни во є҆ди́нѣмъ дарова́нїи,
Ті́т. 2: 13
ча́ющымъ ѿкрове́нїѧ гдⷭ҇а на́шегѡ і҆н҃са хрⷭ҇та̀, 8
и҆́же и҆ оу҆тверди́тъ ва́съ да́же до конца̀ непови́нныхъ въ де́нь гдⷭ҇а на́шегѡ і҆н҃са хрⷭ҇та̀. 9
Вѣ́ренъ бг҃ъ, и҆́мже зва́ни бы́сте во ѻ҆бще́нїе сн҃а є҆гѡ̀ і҆н҃са хрⷭ҇та̀, гдⷭ҇а на́шегѡ.
(Заⷱ҇ рк҃д.)
10 Молю́ же вы̀, бра́тїе, и҆́менемъ гдⷭ҇а на́шегѡ і҆н҃са хрⷭ҇та̀,
Фїлїппис. 2: 2
да то́жде глаго́лете всѝ, и҆ да не бꙋ́дꙋтъ въ ва́съ ра̑спри, да бꙋ́дете же оу҆твержде́ни въ то́мже разꙋмѣ́нїи и҆ въ то́йже мы́сли. 11 Возвѣсти́сѧ бо мѝ ѡ҆ ва́съ, бра́тїе моѧ̑, (пѡ́сланнымъ) ѿ хло́иса1: 11 ѿ дома́шнихъ хло́иса, ꙗ҆́кѡ рвє́нїѧ въ ва́съ сꙋ́ть. 12 Глаго́лю же сѐ, ꙗ҆́кѡ кі́йждо ва́съ глаго́летъ: а҆́зъ оу҆́бѡ є҆́смь па́ѵловъ, а҆́зъ же
а҆поллѡ́совъ, а҆́зъ же ки́финъ, а҆́зъ же хрⷭ҇то́въ. 13 Е҆да̀
раздѣли́сѧ хрⷭ҇то́съ, є҆да̀ па́ѵелъ распѧ́тсѧ по ва́съ; и҆лѝ во и҆́мѧ па́ѵлово крести́стесѧ; 14 Благодарю̀ бг҃а, ꙗ҆́кѡ ни є҆ди́наго ѿ ва́съ крести́хъ,
то́чїю крі́спа и҆ га́їа, 15 да не кто̀ рече́тъ, ꙗ҆́кѡ въ моѐ и҆́мѧ крести́хъ. 16 Крести́хъ же и҆ стефани́новъ до́мъ: про́чее не вѣ́мъ, а҆́ще кого̀ и҆но́го крести́хъ. 17 Не посла́ бо менѐ хрⷭ҇то́съ крести́ти, но благовѣсти́ти,
2 Петр. 1: 16
не въ премꙋ́дрости сло́ва, да не и҆спраздни́тсѧ крⷭ҇тъ хрⷭ҇то́въ.
(Заⷱ҇ рк҃є.)
18 Сло́во бо крⷭ҇тное
погиба́ющымъ оу҆́бѡ ю҆ро́дство є҆́сть, а҆ спаса́ємымъ на́мъ
си́ла бж҃їѧ є҆́сть. 19 Пи́сано бо є҆́сть:
погꙋблю̀ премꙋ́дрость премꙋ́дрыхъ, и҆ ра́зꙋмъ разꙋ́мныхъ ѿве́ргꙋ. 20
44: 25
Гдѣ̀ премꙋ́дръ; гдѣ̀ кни́жникъ; гдѣ̀ совопро́сникъ вѣ́ка сегѡ̀; Не ѡ҆бꙋи́ ли бг҃ъ премꙋ́дрость мі́ра сегѡ̀; 21 Поне́же бо въ премⷣрости бж҃їей
не разꙋмѣ̀ мі́ръ премꙋ́дростїю бг҃а, бл҃гоизво́лилъ бг҃ъ бꙋ́йствомъ про́повѣди спⷭ҇тѝ вѣ́рꙋющихъ. 22
16: 1
Поне́же и҆ і҆ꙋде́є зна́менїѧ про́сѧтъ, и҆ є҆́ллини премꙋ́дрости и҆́щꙋтъ: 23 мы́ же проповѣ́дꙋемъ хрⷭ҇та̀ ра́спѧта,
Ри́млѧн. 9: 32
і҆ꙋде́ємъ оу҆́бѡ собла́знъ,
є҆́ллинѡмъ же безꙋ́мїе, 24 самѣ́мъ же зва̑ннымъ
Колос. 2: 3
і҆ꙋде́ємъ же и҆ є҆́ллинѡмъ хрⷭ҇та̀, бж҃їю си́лꙋ и҆ бж҃їю премⷣрость: 25 занѐ бꙋ́ее бж҃їе премⷣрѣе человѣ́къ є҆́сть, и҆ немощно́е бж҃їе крѣпча́е человѣ́къ є҆́сть. 26 (Заⷱ҇.) Ви́дите бо зва́нїе ва́ше, бра́тїе, ꙗ҆́кѡ не мно́зи премꙋ́дри по пло́ти,
І҆а́к. 2: 5
не мно́зи си́льни, не мно́зи благоро́дни: 27 но бꙋ̑ѧѧ мі́ра и҆збра̀ бг҃ъ,
да премꙋ̑дрыѧ посрами́тъ, и҆ не́мѡщнаѧ мі́ра и҆збра̀ бг҃ъ, да посрами́тъ крѣ́пкаѧ: 28 и҆ хꙋдорѡ́днаѧ мі́ра и҆ оу҆ничижє́ннаѧ и҆збра̀ бг҃ъ, и҆ не сꙋ̑щаѧ, да сꙋ̑щаѧ оу҆праздни́тъ, 29 ꙗ҆́кѡ
Е҆фес. 2: 9
да не похва́литсѧ всѧ́ка пло́ть пред̾ бг҃омъ. 30 И҆з̾ негѡ́же вы̀ є҆стѐ ѡ҆ хрⷭ҇тѣ̀ і҆н҃сѣ, и҆́же бы́сть на́мъ
премⷣрость ѿ бг҃а,
пра́вда же
и҆ ѡ҆сщ҃е́нїе
и҆ и҆збавле́нїе, 31 да, ꙗ҆́коже пи́шетсѧ:
І҆ерем. 9: 24
хвалѧ́йсѧ, ѡ҆ гдⷭ҇ѣ да хва́литсѧ.
ГЛАВА̀ в҃.
21 И҆ а҆́зъ прише́дъ къ ва́мъ, бра́тїе, прїидо́хъ
не по превосхо́дномꙋ словесѝ и҆лѝ премꙋ́дрости возвѣща́ѧ ва́мъ свидѣ́телство бж҃їе: 2
15: 3
Фїлїппис. 3: 8
не сꙋди́хъ бо вѣ́дѣти что̀ въ ва́съ, то́чїю і҆н҃са хрⷭ҇та̀, и҆ сего̀ ра́спѧта: 3 и҆ а҆́зъ въ не́мощи
и҆ стра́сѣ и҆ тре́петѣ мно́зѣ бы́хъ въ ва́съ. 4 И҆ сло́во моѐ и҆ про́повѣдь моѧ̀
не въ препрѣ́телныхъ человѣ́ческїѧ премꙋ́дрости словесѣ́хъ, но въ ꙗ҆вле́нїи дꙋ́ха и҆ си́лы, 5 да вѣ́ра ва́ша не въ мꙋ́дрости человѣ́честѣй,
но въ си́лѣ бж҃їей бꙋ́детъ.
(Заⷱ҇ рк҃ѕ.)
6 Премⷣрость же глаго́лемъ въ соверше́нныхъ, премⷣрость же
не вѣ́ка сегѡ̀, ни кнѧзе́й вѣ́ка сегѡ̀ престаю́щихъ, 7 но глаго́лемъ премⷣрость бж҃їю,
Е҆фес. 3: 9
въ та́йнѣ сокрове́ннꙋю, ю҆́же пред̾ꙋста́ви бг҃ъ пре́жде вѣ́къ въ сла́вꙋ на́шꙋ, 8 ю҆́же
Дѣѧ̑н. 13: 27
2 Корі́нѳ. 3: 14
никто́же ѿ кнѧзе́й вѣ́ка сегѡ̀ разꙋмѣ̀: а҆́ще бо бы́ша разꙋмѣ́ли, не бы́ша гдⷭ҇а сла́вы ра́спѧли. 9 Но ꙗ҆́коже є҆́сть пи́сано: (Заⷱ҇ рк҃з.)
и҆́хже ѻ҆́ко не ви́дѣ, и҆ оу҆́хо не слы́ша, и҆ на се́рдце человѣ́кꙋ не взыдо́ша, ꙗ҆̀же оу҆гото́ва бг҃ъ лю́бѧщымъ є҆го̀. 10
Ма́рк. 4: 11
І҆ѡа́н. 14: 26
На́мъ же бг҃ъ ѿкры́лъ є҆́сть дх҃омъ свои́мъ: дх҃ъ бо всѧ̑ и҆спытꙋ́етъ, и҆ глꙋбины̑ бж҃їѧ. 11 Кто́ бо вѣ́сть ѿ человѣ́къ, ꙗ҆̀же въ человѣ́цѣ, то́чїю дꙋ́хъ человѣ́ка, живꙋ́щїй въ не́мъ;
Та́кожде и҆ бж҃їѧ никто́же вѣ́сть, то́чїю дх҃ъ бж҃їй. 12
Мы́ же не дꙋ́ха мі́ра сегѡ̀ прїѧ́хомъ, но дх҃а и҆́же ѿ бг҃а, да вѣ́мы ꙗ҆̀же ѿ бг҃а дарова̑ннаѧ на́мъ, 13 ꙗ҆̀же и҆ глаго́лемъ
не въ наꙋче́ныхъ человѣ́ческїѧ премꙋ́дрости словесѣ́хъ, но въ наꙋче́ныхъ дх҃а ст҃а́гѡ, дꙋхѡ́внаѧ дꙋхо́вными сразсꙋжда́юще. 14
Дꙋше́венъ же человѣ́къ не прїе́млетъ ꙗ҆̀же дх҃а бж҃їѧ: ю҆ро́дство бо є҆мꙋ̀ є҆́сть, и҆ не мо́жетъ разꙋмѣ́ти, занѐ дꙋхо́внѣ востѧзꙋ́етсѧ. 15
Дꙋхо́вный же востѧзꙋ́етъ оу҆́бѡ всѧ̑, а҆ са́мъ то́й ни ѿ є҆ди́нагѡ востѧзꙋ́етсѧ. 16
И҆са́їа. 40: 13
Ри́млѧн. 11: 34
Кто́ бо разꙋмѣ̀ оу҆́мъ гдⷭ҇ень, и҆́же и҆з̾ѧсни́тъ и҆̀; Мы́ же оу҆́мъ хрⷭ҇то́въ и҆́мамы.
ГЛАВА̀ г҃.
31 И҆ а҆́зъ, бра́тїе, не мого́хъ ва́мъ глаго́лати ꙗ҆́кѡ дꙋхѡ́внымъ, но
ꙗ҆́кѡ плѡ́тѧнымъ, ꙗ҆́кѡ младе́нцємъ ѡ҆ хрⷭ҇тѣ̀. 2
Млеко́мъ вы̀ напои́хъ, а҆ не бра́шномъ: и҆́бо не оу҆̀ можа́сте, но нижѐ є҆щѐ мо́жете нн҃ѣ, 3 є҆ще́ бо пло́тстїи є҆стѐ. И҆дѣ́же бо въ ва́съ за̑висти и҆ рвє́нїѧ и҆ ра́спри, не пло́тстїи ли є҆стѐ и҆ по человѣ́кꙋ хо́дите; 4 Е҆гда́ бо глаго́летъ кто̀:
а҆́зъ оу҆́бѡ є҆́смь па́ѵловъ, дрꙋгі́й же: а҆́зъ а҆поллѡ́совъ: не пло́тстїи ли є҆стѐ; 5 Кто̀ оу҆̀бо є҆́сть па́ѵелъ; кто́ же ли а҆поллѡ́съ; Но то́чїю слꙋжи́телїе, и҆́миже вѣ́ровасте,
и҆ комꙋ́ждо ꙗ҆́коже гдⷭ҇ь дадѐ. 6 А҆́зъ насади́хъ,
а҆поллѡ́съ напоѝ,
бг҃ъ же возрастѝ: 7 тѣ́мже ни насажда́ѧй є҆́сть что̀, ни напаѧ́ѧй, но возраща́ѧй бг҃ъ. 8 Насажда́ѧй же и҆ напаѧ́ѧй є҆ди́но є҆ста̀: кі́йждо же свою̀ мздꙋ̀ прїи́метъ по своемꙋ̀ трꙋдꙋ̀.
(Заⷱ҇ рк҃и.)
9 Бг҃ꙋ бо є҆смы̀ споспѣ́шницы:
61: 3
бж҃їе тѧжа́нїе, бж҃їе зда́нїе є҆стѐ. 10 По блгⷣти бж҃їей да́ннѣй мнѣ̀, ꙗ҆́кѡ премꙋ́дръ а҆рхїте́ктѡнъ ѡ҆снова́нїе положи́хъ, и҆́нъ же назида́етъ: кі́йждо же да блюде́тъ, ка́кѡ назида́етъ. 11
Е҆фес. 2: 22
Ѡ҆снова́нїѧ бо и҆на́гѡ никто́же мо́жетъ положи́ти па́че лежа́щагѡ, є҆́же є҆́сть і҆н҃съ хрⷭ҇то́съ. 12 А҆́ще ли кто̀ назида́етъ на ѡ҆снова́нїи се́мъ зла́то, сребро̀, ка́менїе честно́е, дрова̀, сѣ́но, тро́стїе, 13 когѡ́ждо дѣ́ло ꙗ҆вле́но бꙋ́детъ: де́нь бо ꙗ҆ви́тъ, занѐ ѻ҆гне́мъ ѿкрыва́етсѧ: и҆ когѡ́ждо дѣ́ло, ꙗ҆ково́же є҆́сть,
1 Петр. 1: 7
ѻ҆́гнь и҆скꙋ́ситъ. 14 (И҆) є҆гѡ́же а҆́ще дѣ́ло пребꙋ́детъ, є҆́же назда̀, мздꙋ̀ прїи́метъ: 15 (а҆) є҆гѡ́же дѣ́ло сгори́тъ, ѡ҆тщети́тсѧ: са́мъ же спасе́тсѧ, та́кожде ꙗ҆́коже ѻ҆гне́мъ. 16 Не вѣ́сте ли, ꙗ҆́кѡ
І҆ѡа́н. 14: 23
Ри́млѧн. 8: 9
Гала́т. 4: 6
2 Корі́нѳ. 6: 16
Е҆вр. 3: 6
хра́мъ бж҃їй є҆стѐ, и҆ дх҃ъ бж҃їй живе́тъ въ ва́съ; 17 А҆́ще кто̀ бж҃їй хра́мъ растли́тъ, растли́тъ сего̀ бг҃ъ: хра́мъ бо бж҃їй ст҃ъ є҆́сть, и҆́же є҆стѐ вы̀.
(Заⷱ҇ рк҃ѳ.)
18 Никто́же себѐ да прельща́етъ: а҆́ще кто̀
мни́тсѧ мꙋ́дръ бы́ти въ ва́съ въ вѣ́цѣ се́мъ, бꙋ́й да быва́етъ, ꙗ҆́кѡ да премꙋ́дръ бꙋ́детъ. 19 Премꙋ́дрость бо мі́ра сегѡ̀ бꙋ́йство оу҆ бг҃а є҆́сть, пи́сано бо є҆́сть:
запина́ѧй премꙋ̑дрымъ въ кова́рствѣ и҆́хъ. 20 И҆ па́ки:
гдⷭ҇ь вѣ́сть помышлє́нїѧ человѣ́чєска3: 20 мꙋ́дрыхъ, ꙗ҆́кѡ сꙋ́ть сꙋ́єтна. 21 Тѣ́мже никто́же да хва́литсѧ въ человѣ́цѣхъ, всѧ̑ бо ва̑ша сꙋ́ть: 22 а҆́ще па́ѵелъ, и҆лѝ а҆поллѡ́съ, и҆лѝ ки́фа, и҆лѝ мі́ръ, и҆лѝ живо́тъ, и҆лѝ сме́рть, и҆лѝ настоѧ̑щаѧ, и҆лѝ бꙋ̑дꙋщаѧ, всѧ̑ ва̑ша сꙋ́ть: 23 вы́ же хрⷭ҇тѡ́вы, хрⷭ҇то́съ же бж҃їй.