Елизаветинская Библия 1751 (CSELZAN)
10

ГЛАВА̀ і҃.

101 Не хощꙋ́ же ва́съ не вѣ́дѣти, бра́тїе,

10: 1
И҆схо́д. 13: 21
Чи́сл. 9: 18
ꙗ҆́кѡ ѻ҆тцы̀ на́ши всѝ под̾ ѡ҆́блакомъ бы́ша,
10: 1
И҆схо́д. 14: 22
и҆ всѝ сквозѣ̀ мо́ре проидо́ша: 2 и҆ всѝ въ мѡѷсе́а крести́шасѧ во ѡ҆́блацѣ и҆ въ мо́ри: 3
10: 3
И҆схо́д. 16: 14
Ѱал. 77: 24
Премꙋ́др. 16: 20
и҆ всѝ то́жде бра́шно дꙋхо́вное ꙗ҆до́ша: 4
10: 4
И҆схо́д. 17: 6
и҆ всѝ то́жде пи́во дꙋхо́вное пи́ша, пїѧ́хꙋ бо ѿ дꙋхо́внагѡ послѣ́дꙋющагѡ ка́мене: ка́мень же бѣ̀ хрⷭ҇то́съ.

(Заⷱ҇ рм҃д.)

5 Но не во мно́жайшихъ и҆́хъ бл҃говолѝ бг҃ъ,

10: 5
Чи́сл. 14: 23
26: 65
пораже́ни бо бы́ша въ пꙋсты́ни. 6 Сїѧ̑ же ѡ҆́брази на́мъ бы́ша, ꙗ҆́кѡ не бы́ти на́мъ похотникѡ́мъ ѕлы́хъ,
10: 6
Чи́сл. 11: 4
ꙗ҆́коже и҆ ѻ҆нѝ похотѣ́ша. 7
10: 7
Ѱал. 105: 19
Ни і҆дѡлослꙋжи́телє быва́йте, ꙗ҆́коже нѣ́цыи ѿ ни́хъ,
10: 7
И҆схо́д. 32: 6
ꙗ҆́коже є҆́сть пи́сано: сѣдо́ша лю́дїе ꙗ҆́сти и҆ пи́ти, и҆ воста́ша и҆гра́ти. 8 Нижѐ соблꙋ́димъ, ꙗ҆́коже нѣ́цыи ѿ ни́хъ соблꙋди́ша,
10: 8
Чи́сл. 25: 1,9
и҆ падо́ша во є҆ди́нъ де́нь два́десѧть трѝ ты́сѧщы. 9 Ни да и҆скꙋша́имъ хрⷭ҇та̀, ꙗ҆́коже нѣ́цыи ѿ ни́хъ и҆скꙋси́ша
10: 9
Чи́сл. 21: 6
Ѱал. 105: 14
и҆ ѿ ѕмі́й погибо́ша. 10
10: 10
Чи́сл. 14: 36,37
Ни ропщи́те, ꙗ҆́коже нѣ́цыи ѿ ни́хъ ропта́ша и҆ погибо́ша ѿ всегꙋби́телѧ. 11 Сїѧ̑ же всѧ̑ ѡ҆́брази прилꙋча́хꙋсѧ ѡ҆́нѣмъ: пи̑сана же бы́ша
10: 11
Ри́млѧн. 15: 4
въ наꙋче́нїе на́ше, въ ни́хже концы̑ вѣ́къ достиго́ша.

(Заⷱ҇ рм҃є.)

12 Тѣ́мже

10: 12
Ри́млѧн. 11: 20
мнѧ́йсѧ стоѧ́ти да блюде́тсѧ, да не паде́тъ. 13
10: 13
Е҆вр. 12: 4
И҆скꙋше́нїе ва́съ не дости́же, то́чїю человѣ́ческое: вѣ́ренъ же бг҃ъ,
10: 13
1 Петр. 2: 9
и҆́же не ѡ҆ста́витъ ва́съ и҆скꙋси́тисѧ па́че, є҆́же мо́жете, но сотвори́тъ со и҆скꙋше́нїемъ и҆ и҆збы́тїе, ꙗ҆́кѡ возмощѝ ва́мъ понестѝ. 14 Тѣ́мже, бра́тїе моѧ̑ возлю́блєннаѧ, бѣ́гайте ѿ і҆дѡлослꙋже́нїѧ. 15 Ꙗ҆́кѡ
10: 15
1 Корі́нѳ. 1: 5
мꙋ̑дрымъ глаго́лю: сꙋди́те вы̀, є҆́же глаго́лю: 16 ча́ша блгⷭ҇ве́нїѧ, ю҆́же
10: 16
Матѳ. 26: 26
благословлѧ́емъ, не ѻ҆бще́нїе ли кро́ве хрⷭ҇то́вы є҆́сть;
10: 16
Дѣѧ̑н. 2: 42,46
хлѣ́бъ, є҆го́же ло́мимъ, не ѻ҆бще́нїе ли тѣ́ла хрⷭ҇то́ва є҆́сть; 17 Ꙗ҆́кѡ
10: 17
І҆ѡа́н. 6: 33
є҆ди́нъ хлѣ́бъ, є҆ди́но тѣ́ло є҆смы̀ мно́зи: вси́ бо ѿ є҆ди́нагѡ хлѣ́ба причаща́емсѧ. 18 Ви́дите
10: 18
Леѵі́т. 7: 15
і҆н҃лѧ по пло́ти: не ꙗ҆дꙋ́щїи ли жє́ртвы ѡ҆́бщницы ѻ҆лтаре́ви сꙋ́ть; 19 Что̀ оу҆̀бо глаго́лю;
10: 19
1 Корі́нѳ. 8: 4
ꙗ҆́кѡ і҆́дѡлъ что̀ є҆́сть; и҆лѝ і҆дѡложе́ртвенное что̀ є҆́сть; 20 Но занѐ, ꙗ҆̀же жрꙋ́тъ ꙗ҆зы́цы,
10: 20
Второзак. 32: 17
бѣсѡ́мъ жрꙋ́тъ, а҆ не бг҃ови: не хощꙋ́ же ва́съ ѻ҆́бщникѡвъ бы́ти бѣсѡ́мъ. 21 Не
10: 21
2 Корі́нѳ. 6: 15
мо́жете ча́шꙋ гдⷭ҇ню пи́ти и҆ ча́шꙋ бѣсо́вскꙋю: не мо́жете трапе́зѣ гдⷭ҇ней причаща́тисѧ и҆ трапе́зѣ бѣсо́встѣй. 22 И҆лѝ раздража́емъ гдⷭ҇а; Е҆да̀ крѣпча́йши є҆гѡ̀ є҆смы̀;

(Заⷱ҇ рм҃ѕ.)

23

10: 23
1 Корі́нѳ. 6: 12
Всѧ̑ мѝ лѣ́ть сꙋ́ть, но не всѧ̑ на по́льзꙋ: всѧ̑ мѝ лѣ́ть сꙋ́ть, но не всѧ̑ назида́ютъ. 24
10: 24
Ри́млѧн. 15: 2
Никто́же своегѡ́ си да и҆́щетъ, но є҆́же бли́жнѧгѡ кі́йждо. 25 Всѐ, є҆́же на то́ржищи продае́мое, ꙗ҆ди́те, ничто́же сꙋмнѧ́щесѧ, за со́вѣсть: 26
10: 26
Второзак. 10: 14
Ѱал. 23: 1
гдⷭ҇нѧ бо землѧ̀ и҆ и҆сполне́нїе є҆ѧ̀. 27 А҆́ще ли кто̀ ѿ невѣ́рныхъ призыва́етъ вы̀, и҆ хо́щете и҆тѝ, всѐ предлага́емое ва́мъ ꙗ҆ди́те, ничто́же сꙋмнѧ́щесѧ, за со́вѣсть.

(Заⷱ҇ рм҃з.)

28 А҆́ще ли же кто̀ ва́мъ рече́тъ: сїѐ і҆дѡложе́ртвенно є҆́сть: не ꙗ҆ди́те за ѻ҆́ного повѣ́давшаго, и҆ со́вѣсть: гдⷭ҇нѧ бо землѧ̀ и҆ и҆сполне́нїе є҆ѧ̀. 29 Со́вѣсть же глаго́лю не свою̀, но дрꙋга́гѡ: вскꙋ́ю бо свобо́да моѧ̀ сꙋ́дитсѧ ѿ и҆ны́ѧ со́вѣсти; 30 А҆́ще а҆́зъ благода́тїю

10: 30
Ри́млѧн. 14: 6
причаща́юсѧ, почто̀ хꙋлꙋ̀ прїе́млю, ѡ҆ не́мже а҆́зъ благодарю̀; 31
10: 31
Колос. 3: 17
А҆́ще оу҆̀бо ꙗ҆́сте, а҆́ще ли пїетѐ, а҆́ще ли и҆́но что̀ творитѐ, всѧ̑ во сла́вꙋ бж҃їю твори́те. 32 Безпреткнове́ни быва́йте і҆ꙋде́ємъ и҆ є҆́ллинѡмъ и҆ цр҃кви бж҃їей, 33 ꙗ҆́коже и҆ а҆́зъ во
10: 33
Ри́млѧн. 15: 2
все́мъ всѣ́мъ оу҆гожда́ю, не и҆скі́й своеѧ̀ по́льзы, но мно́гихъ, да спасꙋ́тсѧ.