Елизаветинская Библия 1751 (CSELZAN)
9

ГЛАВА̀ ѳ҃.

Зача́ло р҃.

91 И҆́стинꙋ глаго́лю ѡ҆ хрⷭ҇тѣ̀, не лгꙋ̀, послꙋшествꙋ́ющей мѝ со́вѣсти мое́й дх҃омъ ст҃ы́мъ, 2 ꙗ҆́кѡ ско́рбь мѝ є҆́сть ве́лїѧ и҆ непрестаю́щаѧ болѣ́знь се́рдцꙋ моемꙋ̀: 3

9: 3
И҆схо́д. 32: 32
моли́лъ бы́хъ сѧ̀ бо са́мъ а҆́зъ ѿлꙋче́нъ бы́ти ѿ хрⷭ҇та̀ по бра́тїи мое́й, сро́дницѣхъ мои́хъ по пло́ти, 4 и҆̀же сꙋ́ть і҆н҃лі́те, и҆́хже
9: 4
И҆схо́д. 4: 22
всн҃овле́нїе
9: 4
1 Ца́рств. 4: 21
и҆ сла́ва, и҆ завѣ́ти
9: 4
И҆схо́д. 20: 1
и҆ законоположе́нїе, и҆ слꙋже́нїе и҆ ѡ҆бѣтова̑нїѧ: 5
9: 5
Матѳ. 1: 1
и҆́хже ѻ҆тцы̀,
9: 5
Лꙋк. 3: 23
и҆ ѿ ни́хже хрⷭ҇то́съ по пло́ти, сы́й над̾ всѣ́ми бг҃ъ блгⷭ҇ве́нъ во вѣ́ки, а҆ми́нь.

(Заⷱ҇р҃а.)

6

9: 6
Ри́млѧн. 3: 3
Чи́сл. 23: 19
Не та́коже, ꙗ҆́кѡ ѿпадѐ сло́во бж҃їе: не вси́ бо сꙋ́щїи ѿ і҆н҃лѧ, сі́и і҆н҃ль, 7 ни занѐ сꙋ́ть сѣ́мѧ а҆враа́мле, всѝ ча̑да:
9: 7
Быт. 21: 12
Е҆вр. 11: 18
но во і҆саа́цѣ, речѐ, нарече́тсѧ тѝ сѣ́мѧ. 8 Си́рѣчь, не ча̑да пло́тскаѧ, сїѧ̑ ча̑да бж҃їѧ:
9: 8
Гала́т. 4: 28
но ча̑да ѡ҆бѣтова́нїѧ причита́ютсѧ въ сѣ́мѧ. 9
9: 9
Быт. 18: 10
Ѡ҆бѣтова́нїѧ бо сло́во сїѐ: на сїѐ вре́мѧ прїидꙋ̀, и҆ бꙋ́детъ са́ррѣ сы́нъ. 10 Не то́чїю же,
9: 10
Быт. 25: 21
но и҆ реве́кка ѿ є҆ди́нагѡ ло́жа і҆саа́ка ѻ҆́тца на́шегѡ и҆мꙋ́щи: 11 є҆ще́ бо не ро́ждшымсѧ, ни сотвори́вшымъ что̀ бл҃го и҆лѝ ѕло̀, да по и҆збра́нїю предложе́нїе бж҃їе пребꙋ́детъ 12 не ѿ дѣ́лъ, но ѿ призыва́ющагѡ, рече́сѧ є҆́й,
9: 12
Быт. 25: 23
ꙗ҆́кѡ бо́лїй порабо́таетъ ме́ншемꙋ, 13 ꙗ҆́коже є҆́сть пи́сано:
9: 13
Малах. 1: 2
і҆а́кѡва возлюби́хъ, и҆са́ѵа же возненави́дѣхъ. 14 Что̀ оу҆̀бо рече́мъ;
9: 14
Второзак. 32: 4
Е҆да̀ непра́вда оу҆ бг҃а; Да не бꙋ́детъ. 15 Мѡѷсе́ови бо гл҃етъ:
9: 15
И҆схо́д. 33: 19
поми́лꙋю, є҆го́же а҆́ще поми́лꙋю, и҆ оу҆ще́дрю, є҆го́же а҆́ще оу҆ще́дрю. 16 Тѣ́мже оу҆̀бо ни хотѧ́щагѡ, ни текꙋ́щагѡ, но ми́лꙋющагѡ бг҃а. 17 Глаго́летъ бо писа́нїе фараѡ́нови:
9: 17
И҆схо́д. 9: 16
14: 4
ꙗ҆́кѡ на и҆́стое сі́е воздвиго́хъ тѧ̀, ꙗ҆́кѡ да покажꙋ̀ тобо́ю си́лꙋ мою̀, и҆ да возвѣсти́тсѧ и҆́мѧ моѐ по все́й землѝ.

(Заⷱ҇р҃в.)

18 Тѣ́мже оу҆̀бо є҆го́же хо́щетъ, ми́лꙋетъ: а҆ є҆го́же хо́щетъ, ѡ҆жесточа́етъ. 19 Рече́ши оу҆̀бо мѝ: чесѡ̀ ра́ди є҆щѐ оу҆корѧ́етъ,

9: 19
И҆са́їа. 46: 10
І҆ерем. 49: 19
во́ли бо є҆гѡ̀ кто̀ проти́витисѧ мо́жетъ; 20 Тѣ́мже оу҆̀бо, ѡ҆̑, человѣ́че, ты̀ кто̀ є҆сѝ, проти́въ ѿвѣща́ѧй бг҃ови;
9: 20
И҆са́їа. 29: 16
45: 9
є҆да̀ рече́тъ зда́нїе созда́вшемꙋ є҆̀: почто̀ мѧ̀ сотвори́лъ є҆сѝ та́кѡ; 21
9: 21
І҆ерем. 18: 4,6
2 Тїмоѳ. 2: 20
И҆лѝ не и҆́мать вла́сти скꙋде́льникъ на бре́нїи, ѿ тогѡ́жде смѣше́нїѧ сотвори́ти ѻ҆́въ оу҆́бѡ сосꙋ́дъ въ че́сть, ѻ҆́въ же не въ че́сть; 22 А҆́ще же хотѧ̀ бг҃ъ показа́ти гнѣ́въ сво́й и҆ ꙗ҆ви́ти си́лꙋ свою̀, пренесѐ во мно́зѣ
9: 22
Ри́млѧн. 2: 4
долготерпѣ́нїи сосꙋ́ды гнѣ́ва совершє́ны въ поги́бель: 23 и҆ да ска́жетъ бога́тство сла́вы своеѧ̀ на сосꙋ́дѣхъ млⷭ҇ти,
9: 23
Ри́млѧн. 8: 28
ꙗ҆̀же пред̾ꙋгото́ва въ сла́вꙋ, 24 и҆̀хже и҆ призва̀ на́съ
9: 24
Ри́млѧн. 3: 29
не то́чїю ѿ і҆ꙋдє́й, но и҆ ѿ ꙗ҆зы̑къ: 25 ꙗ҆́коже и҆ во ѡ҆сі́и гл҃етъ:
9: 25
Ѡ҆сі́а. 2: 23
1 Петр. 2: 10
нарекꙋ̀ не лю́ди моѧ̑ лю́ди моѧ̑, и҆ невозлю́бленꙋю возлю́бленꙋ: 26 и҆ бꙋ́детъ, на мѣ́стѣ, и҆дѣ́же рече́сѧ и҆̀мъ:
9: 26
Ѡ҆сі́а. 1: 10
не лю́дїе моѝ є҆стѐ вы̀, та́мѡ нарекꙋ́тсѧ сн҃ове бг҃а жива́гѡ. 27
9: 27
И҆са́їа. 10: 22,23
И҆са́їа же вопїе́тъ ѡ҆ і҆н҃ли: а҆́ще бꙋ́детъ число̀ сынѡ́въ і҆н҃левыхъ ꙗ҆́кѡ песо́къ морскі́й, ѡ҆ста́нокъ спасе́тсѧ: 28 сло́во бо скончава́ѧ и҆ сокраща́ѧ въ пра́вдѣ, ꙗ҆́кѡ сло́во сокраще́но сотвори́тъ гдⷭ҇ь на землѝ, 29 и҆ ꙗ҆́коже проречѐ и҆са́їа:
9: 29
И҆са́їа. 1: 9
а҆́ще не бы гдⷭ҇ь саваѡ́ѳъ ѡ҆ста́вилъ на́мъ сѣ́мене,
9: 29
Быт. 19: 24
ꙗ҆́коже содо́мъ оу҆́бѡ бы́ли бы́хомъ, и҆ ꙗ҆́коже гомо́ррꙋ оу҆подо́билисѧ бы́хомъ. 30 Что̀ оу҆̀бо рече́мъ,
9: 30
Ри́млѧн. 10: 20
ꙗ҆́кѡ ꙗ҆зы́цы, не гонѧ́щїи пра́вдꙋ, постиго́ша пра́вдꙋ, пра́вдꙋ же, ꙗ҆́же ѿ вѣ́ры: 31
9: 31
Ри́млѧн. 11: 7
і҆н҃ль же, гонѧ̀ зако́нъ пра́вды, въ зако́нъ пра́вды не пости́же. 32 Чесѡ̀ ра́ди; Занѐ не ѿ вѣ́ры, но ѿ дѣ́лъ зако́на: преткнꙋ́шасѧ бо ѡ҆ ка́мень претыка́нїѧ, 33
9: 33
И҆са́їа. 8: 14
28: 16
Ѱал. 117: 22
Матѳ. 21: 44
Ма́рк. 12: 10
Лꙋк. 2: 34
20: 17
ꙗ҆́коже є҆́сть пи́сано: сѐ, полага́ю въ сїѡ́нѣ ка́мень претыка́нїѧ и҆ ка́мень собла́зна: и҆ всѧ́къ вѣ́рꙋѧй въ ѻ҆́нь не постыди́тсѧ.