Елизаветинская Библия 1751 (CSELZAN)
67

Ѱало́мъ ѯ҃з.

671 Въ коне́цъ, ѱало́мъ пѣ́сни дв҃дꙋ.

2 Да

67: 2
Чи́сл. 10: 35
воскрⷭ҇нетъ бг҃ъ, и҆ расточа́тсѧ вразѝ є҆гѡ̀, и҆ да бѣжа́тъ ѿ лица̀ є҆гѡ̀ ненави́дѧщїи є҆го̀. 3 Ꙗ҆́кѡ и҆зчеза́етъ ды́мъ, да и҆зче́знꙋтъ:
67: 3
І҆ꙋді́ѳ. 16: 15
ꙗ҆́кѡ та́етъ во́скъ ѿ лица̀ ѻ҆гнѧ̀, та́кѡ да поги́бнꙋтъ грѣ́шницы ѿ лица̀ бж҃їѧ: 4
67: 4
Ѱал. 63: 11
а҆ првⷣницы да возвеселѧ́тсѧ, да возра́дꙋютсѧ пред̾ бг҃омъ, да насладѧ́тсѧ въ весе́лїи. 5
67: 5
И҆са́їа. 40: 3
57: 14
Воспо́йте бг҃ꙋ, по́йте и҆́мени є҆гѡ̀: пꙋтесотвори́те возше́дшемꙋ на за́пады, гдⷭ҇ь и҆́мѧ є҆мꙋ̀: и҆ ра́дꙋйтесѧ пред̾ ни́мъ. 6 Да смѧтꙋ́тсѧ ѿ лица̀ є҆гѡ̀,
67: 6
Ѱал. 145: 9
І҆ѡа́н. 14: 18
ѻ҆ц҃а̀ си́рыхъ и҆ сꙋдїѝ вдови́цъ: бг҃ъ въ мѣ́стѣ ст҃ѣ́мъ свое́мъ. 7
67: 7
Ѱал. 112: 9
Бг҃ъ вселѧ́етъ є҆диномы́слєнныѧ въ до́мъ, и҆зводѧ̀ ѡ҆кова̑нныѧ мꙋ́жествомъ, та́кожде преѡгорчева́ющыѧ живꙋ́щыѧ во гробѣ́хъ. 8
67: 8
И҆схо́д. 13
20
Чи́сл. 14: 14
Бж҃е, внегда̀ и҆сходи́ти тебѣ̀ пред̾ людьмѝ твои́ми, внегда̀ мимоходи́ти тебѣ̀ въ пꙋсты́ни, 9
67: 9
Быт. 20: 18
землѧ̀ потрѧсе́сѧ, и҆́бо небеса̀ ка́нꙋша ѿ лица̀ бг҃а сїна́ина, ѿ лица̀ бг҃а і҆н҃лева. 10
67: 10
И҆са́їа. 32: 15
44: 3
І҆ѡи́л. 2: 28
До́ждь во́ленъ ѿлꙋчи́ши, бж҃е, достоѧ́нїю твоемꙋ̀, и҆ и҆знемо́же, ты́ же соверши́лъ є҆сѝ є҆̀. 11 Живѡ́тнаѧ твоѧ̑ живꙋ́тъ на не́й: оу҆гото́валъ є҆сѝ бл҃гостїю твое́ю ни́щемꙋ, бж҃е. 12
67: 12
И҆са́їа. 52: 7
Гдⷭ҇ь да́стъ глаго́лъ благовѣствꙋ́ющымъ си́лою мно́гою: 13 цр҃ь си́лъ возлю́бленнагѡ, красото́ю67: 13 ра́ди красоты̀ до́мꙋ раздѣли́ти кѡры́сти. 14 А҆́ще поспитѐ посредѣ̀ предѣ́лъ, крилѣ́ голꙋби̑нѣ посре́брєнѣ, и҆ междора̑мїѧ є҆ѧ̀ въ блеща́нїи зла́та: 15 внегда̀ ра́знствитъ нбⷭ҇ный цари̑ на не́й, ѡ҆снѣжа́тсѧ
67: 15
Сꙋд. 9: 48
въ селмѡ́нѣ. 16 Гора̀ бж҃їѧ, гора̀ тꙋ́чнаѧ, гора̀ оу҆сыре́ннаѧ, гора̀ тꙋ́чнаѧ. 17
67: 17
І҆́ѡв. 2: 5
Ѱал. 113: 4
Вскꙋ́ю непщꙋ́ете, го́ры оу҆сырє́нныѧ; гора̀, ю҆́же бл҃говолѝ бг҃ъ жи́ти въ не́й: и҆́бо гдⷭ҇ь всели́тсѧ до конца̀. 18
67: 18
Второзак. 33: 2
Колесни́ца бж҃їѧ тма́ми те́мъ, ты́сѧща гобзꙋ́ющихъ: гдⷭ҇ь въ ни́хъ въ сїна́и во ст҃ѣ́мъ. 19
67: 19
Е҆фес. 4: 10
Возше́лъ є҆сѝ на высотꙋ̀, плѣни́лъ є҆сѝ плѣ́нъ: прїѧ́лъ є҆сѝ даѧ̑нїѧ въ человѣ́цѣхъ, и҆́бо не покарѧ́ющыѧсѧ, є҆́же всели́тисѧ. 20 Гдⷭ҇ь бг҃ъ блгⷭ҇ве́нъ, блгⷭ҇ве́нъ гдⷭ҇ь де́нь днѐ: поспѣши́тъ на́мъ бг҃ъ спⷭ҇нїй на́шихъ. 21
67: 21
Второзак. 32: 39
1 Ца́рств. 2: 6
Премꙋ́др. 16: 13
Бг҃ъ на́шъ бг҃ъ є҆́же сп҃са́ти: и҆ гдⷭ҇нѧ, гдⷭ҇нѧ и҆схѡ́дища смє́ртнаѧ. 22 Ѻ҆ба́че бг҃ъ сокрꙋши́тъ главы̑ врагѡ́въ свои́хъ, ве́рхъ вла̑съ преходѧ́щихъ въ прегрѣше́нїихъ свои́хъ. 23
67: 23
Быт. 21: 33
Речѐ гдⷭ҇ь: ѿ васа́на ѡ҆бращꙋ̀, ѡ҆бращꙋ̀ во глꙋбина́хъ морски́хъ: 24
67: 24
Ѱал. 57: 11
А҆пока́лѷѱ. 14: 20
ꙗ҆́кѡ да ѡ҆мо́читсѧ нога̀ твоѧ̀ въ кро́ви, ѧ҆зы́къ пє́съ твои́хъ ѿ вра̑гъ ѿ негѡ̀. 25 Ви̑дѣна бы́ша шє́ствїѧ твоѧ̑, бж҃е, шє́ствїѧ бг҃а моегѡ̀ цр҃ѧ̀, и҆́же во ст҃ѣ́мъ. 26
67: 26
И҆схо́д. 15: 20
1 Ца́рств. 18: 6
Предвари́ша кнѧ̑зи бли́з̾ пою́щихъ, посредѣ̀ дѣ́въ тѷмпа́нницъ. 27
67: 27
Ѱал. 21: 23
І҆ѡа́н. 20: 17
Въ цр҃квахъ благослови́те бг҃а, гдⷭ҇а ѿ и҆стѡ́чникъ і҆н҃левыхъ. 28 Та́мѡ венїамі́нъ ю҆нѣ́йшїй во оу҆́жасѣ, кнѧ̑зи і҆ꙋ́довы влады́ки и҆́хъ, кнѧ̑зи завꙋлѡ̑ни, кнѧ́зи нефѳалі̑мли. 29 Заповѣ́ждь, бж҃е, си́лою твое́ю: оу҆крѣпѝ, бж҃е, сїѐ, є҆́же содѣ́лалъ є҆сѝ въ на́съ. 30 Ѿ хра́ма твоегѡ̀ во і҆ерⷭ҇ли́мъ
67: 30
Ѱал. 71: 10
И҆са́їа. 60: 6
тебѣ̀ принесꙋ́тъ ца́рїе да́ры. 31 Запретѝ ѕвѣрє́мъ трѡ́стнымъ: со́нмъ ю҆нє́цъ въ ю҆́ницахъ людски́хъ, є҆́же затвори́ти и҆скꙋшє́нныѧ сребро́мъ: расточѝ ꙗ҆зы́ки хотѧ́щыѧ бра́немъ. 32 Прїи́дꙋтъ моли̑твенницы ѿ є҆гѵ́пта:
67: 32
И҆са́їа. 18: 7
є҆ѳїо́пїа предвари́тъ рꙋ́кꙋ свою̀ къ бг҃ꙋ. 33 Ца̑рства земна̑ѧ, по́йте бг҃ꙋ, воспо́йте гдⷭ҇еви, 34
67: 34
Ѱал. 28: 3
Заха́р. 9: 14
возше́дшемꙋ на нб҃о нб҃сѐ на восто́ки:
67: 34
А҆пока́лѷѱ. 4: 5
сѐ, да́стъ гла́сꙋ своемꙋ̀ гла́съ си́лы. 35 Дади́те сла́вꙋ бг҃ови: на і҆н҃ли велелѣ́пота є҆гѡ̀, и҆ си́ла є҆гѡ̀ на ѡ҆́блацѣхъ. 36 Ди́венъ бг҃ъ во ст҃ы́хъ свои́хъ: бг҃ъ і҆н҃левъ, то́й да́стъ си́лꙋ и҆ держа́вꙋ лю́демъ свои̑мъ. Блгⷭ҇ве́нъ бг҃ъ.