Елизаветинская Библия 1751 (CSELZAN)
1

ГЛАВА̀ а҃.

Зача́ло ѻ҃з.

11 І҆ꙋ́да,

1: 1
Лꙋк. 6: 16
І҆ѡа́н. 14: 22
і҆н҃са хрⷭ҇та̀ ра́бъ, бра́тъ же і҆а́кѡва, сꙋ́щымъ ѡ҆ бз҃ѣ ѻ҆ц҃ѣ̀ ѡ҆свѧщє́ннымъ, і҆н҃съ хрⷭ҇то́мъ
1: 1
І҆ѡа́н. 17: 11
соблюдє́ннымъ зва̑ннымъ: 2 млⷭ҇ть ва́мъ и҆ ми́ръ и҆ любы̀ да оу҆мно́житсѧ. 3 Возлю́бленнїи, всѧ́ко тща́нїе творѧ̀ писа́ти ва́мъ ѡ҆ ѻ҆́бщемъ спⷭ҇нїи ва́шемъ, нꙋ́ждꙋ воз̾имѣ́хъ писа́ти ва́мъ, молѧ̀
1: 3
Фїлїппис. 1: 27
подвиза́тисѧ ѡ҆ преда́ннѣй вѣ́рѣ ст҃ы̑мъ є҆ди́ною. 4 Привнидо́ша бо нѣ́цыи человѣ́цы, дре́вле пред̾ꙋста́вленнїи на сїѐ
1: 4
Ма́рк. 16: 16
І҆ѡа́н. 3: 18
ѡ҆сꙋжде́нїе, нечести́вїи, бг҃а на́шегѡ блгⷣть прелага́ющїи въ скве́рнꙋ, и҆ є҆ди́нагѡ влⷣки бг҃а и҆ гдⷭ҇а на́шегѡ і҆н҃са хрⷭ҇та̀ ѿмета́ющїисѧ. 5 Воспомѧнꙋ́ти же ва́мъ хощꙋ̀, вѣ́дꙋщымъ и҆ ва́мъ є҆ди́ною сїѐ, ꙗ҆́кѡ гдⷭ҇ь
1: 5
И҆схо́д. 12: 37
14: 13
лю́ди ѿ землѝ є҆гѵ́петскїѧ сп҃сѐ, послѣдѝ
1: 5
Чи́сл. 14: 29
невѣ́ровавшыѧ погꙋбѝ: 6
1: 6
2 Петр. 2: 4
І҆́ѡв. 4: 18
І҆ѡа́н. 8: 44
а҆́ггелы же не соблю́дшыѧ своегѡ̀ нача́лства, но ѡ҆ста́вльшыѧ своѐ жили́ще, на сꙋ́дъ вели́кагѡ днѐ оу҆́зами вѣ́чными под̾ мра́комъ соблюдѐ. 7
1: 7
Быт. 19: 24
Лꙋк. 17: 29
2 Петр. 2: 6
Ꙗ҆́коже содо́ма и҆ гомо́рра и҆ ѡ҆кре́стнїи и҆́хъ гра́ды, подо́бнымъ и҆̀мъ ѡ҆́бразомъ преблꙋди́вше и҆ ходи́вше в̾слѣ́дъ пло́ти и҆ны́ѧ, предлежа́тъ въ показа́нїе, ѻ҆гнѧ̀ вѣ́чнагѡ сꙋ́дъ под̾е́мше, 8 та́кожде оу҆̀бо и҆ сі́и, сѡ́нїѧ ви́дѧще, пло́ть оу҆́бѡ сквернѧ́тъ, госпо́дства же ѿмета́ютсѧ, сла́вы же хꙋ́лѧще (не трепе́щꙋтъ). 9
1: 9
Второзак. 34: 6
Мїхаи́лъ же а҆рха́гг҃лъ, є҆гда̀ со дїа́воломъ разсꙋжда́ѧ1: 9 препира́ѧсѧ глаго́лаше ѡ҆ мѡѷсе́овѣ тѣлесѝ, не смѣ́ѧше сꙋда̀ навестѝ хꙋ́лна, но речѐ:
1: 9
Заха́р. 3: 2
да запрети́тъ тебѣ̀ гдⷭ҇ь. 10 Сі́и же, є҆ли̑ка оу҆́бѡ не вѣ́дѧтъ,
1: 10
2 Петр. 2: 11
хꙋ́лѧтъ: є҆ли̑ка же по є҆стествꙋ̀ ꙗ҆́кѡ безсловє́снаѧ живѡ́тнаѧ вѣ́дѧтъ, въ си́хъ сквернѧ́тсѧ1: 10 растлѣва́ютсѧ.

(Заⷱ҇ ѻ҃и.)

11

1: 11
Быт. 4: 8
Го́ре и҆́мъ, ꙗ҆́кѡ въ пꙋ́ть ка́їновъ поидо́ша, и҆ въ ле́сть
1: 11
Чи́сл. 22: 23
31: 16
вала́амовы мзды̀ оу҆стреми́шасѧ, и҆ въ пререка́нїи
1: 11
Чи́сл. 16: 2
2 Петр. 2: 15
корре́овѣ погибо́ша. 12 Сі́и сꙋ́ть въ любва́хъ ва́шихъ скверни́тєли, съ ва́ми ꙗ҆дꙋ́ще, без̾ боѧ́зни себѐ пасꙋ́ще:
1: 12
2 Петр. 2: 17
При́тч. 25: 14
ѡ҆́блацы безво́дни, ѿ вѣ́тръ преноси́ми: древеса̀ є҆сє́нна, безплѡ́дна, два́жды оу҆мє́рша, и҆скоренє́на: 13 вѡ́лны свирѣ́пыѧ мо́рѧ, воспѣнѧ́ющѧ своѧ̑ стыдѣ́нїѧ: ѕвѣ́зды пре́лєстныѧ, и҆̀мже мра́къ тмы̀ во вѣ́ки блюде́тсѧ. 14 Прⷪ҇ро́чествова же и҆ ѡ҆ си́хъ седмы́й ѿ а҆да́ма є҆нѡ́хъ, глаго́лѧ:
1: 14
Матѳ. 25: 31
А҆пока́лѷѱ. 1: 7
сѐ прїи́детъ гдⷭ҇ь
1: 14
Дан. 7: 10
во тма́хъ ст҃ы́хъ а҆́гг҃лъ свои́хъ, 15 сотвори́ти сꙋ́дъ ѡ҆ всѣ́хъ и҆ и҆з̾ѡбличи́ти всѣ́хъ нечести́выхъ ѡ҆ всѣ́хъ дѣлѣ́хъ нече́стїѧ и҆́хъ, и҆́миже нече́ствоваша,
1: 15
Матѳ. 12: 36
и҆ ѡ҆ всѣ́хъ же́стокихъ словесѣ́хъ и҆́хъ, ꙗ҆́же глаго́лаша на́нь грѣ́шницы нечести́вїи. 16 Сі́и сꙋ́ть ропотницы̀, оу҆кори́тєли, (ча́сть поро́чна,) въ по́хотехъ свои́хъ ходѧ́ще нече́стїемъ и҆ законопрестꙋпле́нїемъ:
1: 16
1 Тїмоѳ. 6: 5
Ѱал. 16: 10
и҆ оу҆ста̀ и҆́хъ глаго́лютъ прегѡ́рдаѧ: чꙋдѧ́щесѧ ли́цамъ по́льзы ра́ди. 17 Вы́ же, возлю́бленнїи, помина́йте глаго́лы преждеречє́нныѧ ѿ а҆пⷭ҇лъ гдⷭ҇а на́шегѡ і҆н҃са хрⷭ҇та̀: 18 занѐ глаго́лахꙋ ва́мъ,
1: 18
2 Петр. 3: 3
1 Тїмоѳ. 4: 1
ꙗ҆́кѡ въ послѣ́днее вре́мѧ бꙋ́дꙋтъ рꙋга́тєли, по свои́хъ по́хотехъ ходѧ́ще и҆ нече́стїихъ. 19
1: 19
Е҆вр. 10: 25
Сі́и сꙋ́ть ѿдѣлѧ́юще себѐ (ѿ є҆ди́ности вѣ́ры, и҆ сꙋ́ть)
1: 19
1 Корі́нѳ. 2: 14
тѣле́сни1: 19 дꙋше́вни, дꙋ́ха не и҆мꙋ́ще. 20 Вы́ же, возлю́бленнїи, ст҃о́ю ва́шею вѣ́рою
1: 20
Колос. 2: 7
назида́юще себѐ, дх҃омъ ст҃ы́мъ молѧ́щесѧ, 21 са́ми себѐ въ любвѝ бж҃їей соблю́дайте, ждꙋ́ще млⷭ҇ти гдⷭ҇а на́шегѡ і҆н҃са хрⷭ҇та̀, въ жи́знь вѣ́чнꙋю. 22 И҆ ѻ҆́вѣхъ оу҆́бѡ ми́лꙋйте разсꙋжда́юще, 23 ѻ҆́вѣхъ же стра́хомъ спаса́йте,
1: 23
А҆мѡ́с. 4: 11
ѿ ѻ҆гнѧ̀ восхища́юще: ѡ҆блича́йте же съ боѧ́знїю, ненави́дѧще и҆ ꙗ҆́же
1: 23
Е҆фес. 4: 22
ѿ пло́ти ѡ҆скверне́нꙋю ри́зꙋ. 24 Могꙋ́щемꙋ же сохрани́ти вы̀ без̾ грѣха̀ и҆ без̾ скве́рны и҆ поста́вити пред̾ сла́вою свое́ю непоро́чныхъ въ ра́дости, 25 є҆ди́номꙋ премⷣромꙋ бг҃ꙋ и҆ сп҃сꙋ на́шемꙋ, і҆н҃сомъ хрⷭ҇то́мъ гдⷭ҇емъ на́шимъ, сла́ва и҆ вели́чїе, держа́ва и҆ вла́сть, пре́жде всегѡ̀ вѣ́ка, и҆ нн҃ѣ, и҆ во всѧ̑ вѣ́ки. А҆ми́нь.