Елизаветинская Библия 1751 (CSELZAN)
2

ГЛАВА̀ в҃.

Зача́ло н҃в.

21 Бра́тїе моѧ̑,

2: 1
Леѵі́т. 19: 15
не на лица̑ зрѧ́ще и҆мѣ́йте вѣ́рꙋ гдⷭ҇а на́шегѡ і҆н҃са хрⷭ҇та̀ сла́вы. 2 А҆́ще бо вни́детъ въ со́нмище ва́ше мꙋ́жъ, зла́тъ пе́рстень носѧ̀, въ ри́зѣ свѣ́тлѣ, вни́детъ же и҆ ни́щь въ хꙋ́дѣ ѡ҆дѣ́жди, 3 и҆ воззритѐ на носѧ́щаго ри́зꙋ свѣ́тлꙋ, и҆ рече́те є҆мꙋ̀: ты̀ сѧ́ди здѣ̀ до́брѣ: и҆ ни́щемꙋ рече́те: ты̀ ста́ни та́мѡ, и҆лѝ сѧ́ди здѣ̀ на подно́жїи мое́мъ: 4 и҆ не разсмотри́сте въ себѣ̀, и҆ бы́сте сꙋдїи̑ помышле́нїй ѕлы́хъ. 5 Слы́шите, бра́тїе моѧ̑ возлю́бленнаѧ, не бг҃ъ ли и҆збра̀ ни́щыѧ мі́ра сегѡ̀ бога̑ты въ вѣ́рѣ
2: 5
Матѳ. 5: 3
и҆ наслѣ́дники црⷭ҇твїѧ, є҆́же ѡ҆бѣща̀
2: 5
И҆схо́д. 20: 6
лю́бѧщымъ є҆го̀; 6 вы́ же оу҆кори́сте ни́щаго. Не бога́тїи ли наси́лꙋютъ ва́мъ, и҆ ті́и влекꙋ́тъ вы̀ на сꙋди̑ща; 7 не ті́и ли хꙋ́лѧтъ до́брое и҆́мѧ нарече́нное на ва́съ; 8 А҆́ще оу҆́бѡ зако́нъ соверша́ете ца́рскїй, по писа́нїю:
2: 8
Матѳ. 5: 43
Леѵі́т. 19: 18
возлю́биши и҆́скреннѧго своего̀ ꙗ҆́коже себѐ сама́го, до́брѣ творитѐ: 9 а҆́ще же на лица̑ зритѐ, то̀ грѣ́хъ содѣва́ете,
2: 9
Леѵі́т. 19: 15
ѡ҆блича́еми ѿ зако́на ꙗ҆́коже престꙋ̑пницы. 10 И҆́же бо ве́сь зако́нъ соблюде́тъ, согрѣши́тъ же во є҆ди́нѣмъ,
2: 10
Матѳ. 5: 19
бы́сть всѣ́мъ пови́ненъ. 11
2: 11
Матѳ. 19: 18
И҆схо́д. 20: 13
Рекі́й бо: не прелюбы̀ сотвори́ши, ре́клъ є҆́сть и҆: не оу҆бїе́ши. А҆́ще же не прелюбы̀ сотвори́ши, оу҆бїе́ши же, бы́лъ є҆сѝ престꙋ́пникъ зако́на. 12 Та́кѡ глаго́лите и҆ та́кѡ твори́те, ꙗ҆́кѡ зако́номъ свобо́днымъ и҆мꙋ́щїи сꙋ́дъ прїѧ́ти. 13
2: 13
Матѳ. 6: 15
При́тч. 21: 13
Сꙋ́дъ бо без̾ ми́лости не сотво́ршемꙋ ми́лости: и҆ хва́литсѧ ми́лость на сꙋдѣ̀.

(Заⷱ҇ н҃г.)

14

2: 14
Матѳ. 7: 26
Ка́ѧ по́льза, бра́тїе моѧ̑, а҆́ще вѣ́рꙋ глаго́летъ кто̀ и҆мѣ́ти, дѣ́лъ же не и҆́мать; є҆да̀ мо́жетъ вѣ́ра спⷭ҇тѝ є҆го̀; 15
2: 15
Лꙋк. 3: 11
1 І҆ѡа́н. 3: 17
А҆́ще же бра́тъ и҆лѝ сестра̀ на̑га бꙋ́дета и҆ лишє́на бꙋ́дета дневны́ѧ пи́щи, 16 рече́тъ же и҆́ма кто̀ ѿ ва́съ: и҆ди́та съ ми́ромъ, грѣ́йтасѧ и҆ насыща́йтасѧ: не да́стъ же и҆́ма тре́бованїѧ тѣле́снагѡ: ка́ѧ по́льза; 17 Та́кожде и҆ вѣ́ра, а҆́ще дѣ́лъ не и҆́мать, мертва̀ є҆́сть ѡ҆ себѣ̀. 18 Но рече́тъ кто̀: ты̀ вѣ́рꙋ и҆́маши, а҆́зъ же дѣла̀ и҆́мамъ: покажѝ мѝ вѣ́рꙋ твою̀ ѿ дѣ́лъ твои́хъ, и҆ а҆́зъ тебѣ̀ покажꙋ̀ ѿ дѣ́лъ мои́хъ вѣ́рꙋ мою̀. 19 Ты̀
2: 19
Ма́рк. 12: 29
вѣ́рꙋеши, ꙗ҆́кѡ бг҃ъ є҆ди́нъ є҆́сть: до́брѣ твори́ши:
2: 19
Ма́рк. 1: 24
Дѣѧ̑н. 19: 15
и҆ бѣ́си вѣ́рꙋютъ, и҆ трепе́щꙋтъ. 20 Хо́щеши же ли разꙋмѣ́ти, ѡ҆̑, человѣ́че сꙋ́етне, ꙗ҆́кѡ вѣ́ра без̾ дѣ́лъ мертва̀ є҆́сть; 21 А҆враа́мъ ѻ҆те́цъ на́шъ не ѿ дѣ́лъ ли ѡ҆правда́сѧ,
2: 21
Быт. 22: 9
Е҆вр. 11: 17
возне́съ і҆саа́ка сы́на своего̀ на же́ртвенникъ; 22 Ви́диши ли, ꙗ҆́кѡ вѣ́ра поспѣ́шествоваше дѣлѡ́мъ є҆гѡ̀, и҆ ѿ дѣ́лъ соверши́сѧ вѣ́ра; 23 И҆ соверши́сѧ писа́нїе глаго́лющее:
2: 23
Быт. 15: 6
Ри́млѧн. 4: 3
Гала́т. 3: 6
вѣ́рова же а҆враа́мъ бг҃ови, и҆ вмѣни́сѧ є҆мꙋ̀ въ пра́вдꙋ, и҆
2: 23
2 Паралїпом. 20: 7
И҆са́їа. 41: 8
дрꙋ́гъ бж҃їй наре́чесѧ. 24 Зрите́ ли оу҆̀бо, ꙗ҆́кѡ ѿ дѣ́лъ ѡ҆правда́етсѧ человѣ́къ, а҆ не ѿ вѣ́ры є҆ди́ныѧ; 25 Та́кожде же
2: 25
І҆ис. Наѵ. 2: 1
Е҆вр. 11: 31
и҆ раа́въ блꙋдни́ца не ѿ дѣ́лъ ли ѡ҆правда́сѧ, прїе́мши схо́дники и҆ и҆ны́мъ пꙋте́мъ и҆зве́дши и҆̀хъ; 26 Ꙗ҆́коже бо тѣ́ло без̾ дꙋ́ха мертво̀ є҆́сть, та́кѡ и҆ вѣ́ра без̾ дѣ́лъ мертва̀ є҆́сть.