Елизаветинская Библия 1751 (CSELZAN)
54

ГЛАВА̀ н҃д.

541 Возвесели́сѧ,

54: 1
Лꙋк. 23: 29
Гала́т. 4: 27
непло́ды, неражда́ющаѧ, возгласѝ и҆ возопі́й, нечревоболѣ́вшаѧ, ꙗ҆́кѡ мнѡ́га ча̑да пꙋсты́ѧ па́че, не́жели и҆мꙋ́щїѧ мꙋ́жа. 2 Рече́ бо гдⷭ҇ь: разширѝ мѣ́сто кꙋ́щи твоеѧ̀ и҆ покро́вѡвъ твои́хъ, водрꙋзѝ, не пощадѝ, продолжѝ оу҆́жѧ твоѧ̑ и҆ ко́лїе твоѐ оу҆крѣпѝ, 3 є҆щѐ на де́сно и҆ на лѣ́во прострѝ:
54: 3
Быт. 9: 27
и҆ сѣ́мѧ твоѐ ꙗ҆зы́ки наслѣ́дитъ, и҆ гра́ды ѡ҆пꙋстѣ́вшыѧ насели́ши. 4
54: 4
Заха́р. 8: 15
Не бо́йсѧ, ꙗ҆́кѡ посра́млена є҆сѝ, нижѐ оу҆стыди́сѧ, ꙗ҆́кѡ оу҆коре́на є҆сѝ: поне́же срамотꙋ̀ вѣ́чнꙋю забꙋ́деши и҆ оу҆кори́зны вдовства̀ твоегѡ̀ не помѧне́ши ктомꙋ̀. 5 Ꙗ҆́кѡ гдⷭ҇ь творѧ́й тѧ̀, гдⷭ҇ь саваѡ́ѳъ и҆́мѧ є҆мꙋ̀: и҆ и҆зба́вивый тѧ̀,
54: 5
Лꙋк. 1: 31,32
ст҃ы́й бг҃ъ і҆н҃левъ, все́й землѝ прозове́тсѧ. 6 Не ꙗ҆́кѡ женꙋ̀
54: 6
И҆са́їа. 62: 4
ѡ҆ста́вленꙋ и҆ малодꙋ́шнꙋ призва́ тѧ гдⷭ҇ь, нижѐ ꙗ҆́кѡ женꙋ̀ и҆з̾ ю҆́ности возненави́дѣнꙋ, речѐ бг҃ъ тво́й. 7 На вре́мѧ ма́ло ѡ҆ста́вихъ тѧ̀,
54: 7
Премꙋ́др. 3: 5
а҆ съ млⷭ҇тїю вели́кою поми́лꙋю тѧ̀: 8
54: 8
И҆са́їа. 26: 20
во ꙗ҆́рости ма́лѣ ѿврати́хъ лицѐ моѐ ѿ тебє̀, но млⷭ҇тїю вѣ́чною поми́лꙋю тѧ̀, речѐ и҆зба́вивый тѧ̀ гдⷭ҇ь. 9 Ѿ воды̀, ꙗ҆́же при нѡ́и,
54: 9
Быт. 9: 11
сїѐ мѝ є҆́сть, ꙗ҆́коже клѧ́хсѧ є҆мꙋ̀ во вре́мѧ ѻ҆́но на зе́млю, не разгнѣ́ватисѧ ѡ҆ тебѣ̀ ктомꙋ̀, нижѐ во преще́нїи твое́мъ 10
54: 10
І҆ерем. 31: 31
А҆ввак. 3: 6
го́ры преста́вити, и҆ хо́лми твоѝ не предви́гнꙋтсѧ: та́кѡ нижѐ, ꙗ҆́же ѿ менє̀ къ тебѣ̀, млⷭ҇ть ѡ҆скꙋдѣ́етъ,
54: 10
І҆езек. 34: 25
нижѐ завѣ́тъ ми́ра твоегѡ̀ преста́витсѧ: рече́ бо млⷭ҇тивъ къ тебѣ̀ гдⷭ҇ь. 11 Смире́ннаѧ и҆ коле́блемаѧ не и҆мѣ́ла є҆сѝ оу҆тѣше́нїѧ: сѐ, а҆́зъ оу҆готовлѧ́ю тебѣ̀ а҆́нѳраз̆ъ ка́мень тво́й и҆ на ѡ҆снова́нїе твоѐ сапфі́ръ: 12 и҆ положꙋ̀ забра̑ла твоѧ̑
54: 12
А҆пока́лѷѱ. 21: 12
і҆а́спїсъ, и҆ врата̀ твоѧ̑ ка́менїе крѷста́лла, и҆ ѡ҆гражде́нїе твоѐ ка́менїе и҆збра́нное, 13
54: 13
І҆ѡа́н. 6: 45
Е҆вр. 8: 11
и҆ всѧ̑ сы́ны твоѧ̑ наꙋчє́ны бг҃омъ,
54: 13
Ри́млѧн. 5: 1
и҆ во мно́зѣ ми́рѣ ча̑да твоѧ̑. 14 И҆ пра́вдою возгради́шисѧ: оу҆дали́сѧ ѿ непра́веднагѡ, и҆ не оу҆бои́шисѧ, и҆ тре́петъ не прибли́житсѧ тебѣ̀. 15 Сѐ, прише́лцы прїи́дꙋтъ къ тебѣ̀ мно́ю и҆ вселѧ́тсѧ оу҆ тебє̀ и҆ къ тебѣ̀ прибѣ́гнꙋтъ. 16 Сѐ, а҆́зъ созда́хъ тѧ̀, не ꙗ҆́коже кꙋзне́цъ раздꙋва́ѧй оу҆́глїе и҆ и҆зносѧ̀ сосꙋ́дъ на дѣ́ло: а҆́зъ же созда́хъ тѧ̀ не на па́гꙋбꙋ, є҆́же и҆стли́ти. 17
54: 17
Лꙋк. 21: 15
Дѣѧ̑н. 6: 10
Всѧ́къ сосꙋ́дъ содѣ́ланъ на тѧ̀ не бл҃гопоспѣшꙋ̀, и҆ всѧ́къ гла́съ, и҆́же на тѧ̀ воста́нетъ на прю̀, ѡ҆долѣ́еши и҆̀мъ всѣ́мъ: пови́ннїи же твоѝ бꙋ́дꙋтъ въ не́мъ. Е҆́сть наслѣ́дїе слꙋжа́щымъ гдⷭ҇еви, и҆ вы̀ бꙋ́дете мнѣ̀ првⷣни, гл҃етъ гдⷭ҇ь.