Елизаветинская Библия 1751 (CSELZAN)
1

ГЛАВА̀ а҃.

11 Сло́во гдⷭ҇не, є҆́же бы́сть ко ѡ҆сі́и сы́нꙋ веирі́инꙋ, во дне́хъ ѻ҆зі́и и҆ і҆ѡаѳа́ма, и҆ а҆ха́за и҆ і҆езекі́и царе́й і҆ꙋ́диныхъ, и҆ во дни̑

1: 1
4 Ца́рств. 14: 23
і҆еровоа́ма сы́на і҆ѡа́сова царѧ̀ і҆н҃лева. 2 Нача́ло словесѐ гдⷭ҇нѧ ко ѡ҆сі́и. И҆ речѐ гдⷭ҇ь ко ѡ҆сі́и: и҆дѝ, поимѝ себѣ̀
1: 2
Ѡ҆сі́а. 3: 1
женꙋ̀ блꙋже́нїѧ, (и҆ родѝ) ча̑да блꙋже́нїѧ: поне́же блꙋдѧ́щи
1: 2
І҆езек. 23: 3
соблꙋ́дитъ землѧ̀ ѿ гдⷭ҇а. 3 И҆ и҆́де и҆ поѧ̀ го́мерь дще́рь девилаі́млю: и҆ зача́тъ и҆ родѝ є҆мꙋ̀ сы́на. 4 И҆ речѐ гдⷭ҇ь къ немꙋ̀: прозовѝ и҆́мѧ є҆мꙋ̀
1: 4
Ѡ҆сі́а. 2: 22
і҆езрае́ль: занѐ є҆щѐ ма́лѡ, и҆ ѿмщꙋ̀
1: 4
4 Ца́рств. 10: 14
кро́вь і҆езрае́левꙋ на домꙋ̀ і҆ꙋ́довѣ
1: 4
4 Ца́рств. 17: 18
и҆ оу҆поко́ю ца́рство до́мꙋ і҆н҃лева: 5 и҆ бꙋ́детъ въ то́й де́нь, сокрꙋшꙋ̀ лꙋ́къ і҆н҃левъ во оу҆до́лѣ
1: 5
І҆ис. Наѵ. 17: 16
Сꙋд. 6: 33
і҆езрае́левѣ. 6 И҆ зача́тъ є҆щѐ и҆ родѝ дще́рь. И҆ речѐ є҆мꙋ̀ (гдⷭ҇ь): прозовѝ и҆́мѧ є҆́й непоми́лована: занѐ не приложꙋ̀ ксемꙋ̀ поми́ловати до́мꙋ і҆н҃лева, но противлѧ́ѧсѧ возсопроти́влюсѧ и҆̀мъ: 7 сы́ны же і҆ꙋ̑дины поми́лꙋю и҆ сп҃сꙋ̀ ѧ҆̀
1: 7
І҆ѡа́н. 20: 28
Лꙋк. 1: 47
ѡ҆ гдѣ̀ бз҃ѣ и҆́хъ: и҆ не сп҃сꙋ̀ и҆̀хъ лꙋ́комъ, ни мече́мъ, ни бра́нїю, ни ко́ньми, нижѐ ко́нниками. 8 И҆ ѿдоѝ непоми́лованнꙋю: и҆ зача́тъ па́ки и҆ родѝ сы́на. 9 И҆ речѐ (гдⷭ҇ь): прозовѝ и҆́мѧ є҆мꙋ̀ не лю́дїе моѝ:
1: 9
4 Ца́рств. 17: 18
Ѡ҆сі́а. 2: 23
занѐ вы̀ не лю́дїе моѝ, и҆ а҆́зъ нѣ́смь бг҃ъ ва́шъ: 10 и҆ бꙋ́детъ число̀ сынѡ́въ і҆н҃левыхъ а҆́ки песо́къ морскі́й, и҆́же не и҆змѣ́ритсѧ, ни и҆зочте́тсѧ:
1: 10
Ѡ҆сі́а. 2: 23
Ри́млѧн. 9: 26
и҆ бꙋ́детъ, на мѣ́стѣ, на не́мже рече́сѧ и҆̀мъ: не лю́дїе моѝ вы̀: сі́и та́мѡ
1: 10
И҆са́їа. 62: 4
І҆ѡа́н. 10: 16
1 Петр. 2: 10
прозовꙋ́тсѧ сы́нове бг҃а жива́гѡ. 11
1: 11
И҆са́їа. 11: 12
І҆ерем. 3: 18
Мїх. 2: 12
И҆ соберꙋ́тсѧ сы́нове і҆ꙋ̑дины и҆ сы́нове і҆н҃лєвы вкꙋ́пѣ, и҆ поста́вѧтъ себѣ̀ вла́сть є҆ди́нꙋ, и҆ и҆зы́дꙋтъ ѿ землѝ, ꙗ҆́кѡ вели́къ де́нь і҆езрае́левъ.

2

ГЛАВА̀ в҃.

21 Рцы́те

2: 1
И҆са́їа. 19: 25
54: 8
бра́тꙋ своемꙋ̀: лю́дїе моѝ: и҆ сестрѣ̀ свое́й: поми́лованнаѧ. 2
2: 2
І҆езек. 16: 15
23: 5
Сꙋди́тесѧ съ ма́терїю свое́ю, сꙋди́тесѧ, ꙗ҆́кѡ та̀ не жена̀ моѧ̀, и҆ а҆́зъ не мꙋ́жъ є҆ѧ̀: и҆ ѿве́ргꙋ блꙋжє́нїѧ є҆ѧ̀ ѿ лица̀ моегѡ̀ и҆ любодѣ́йство є҆ѧ̀ ѿ среды̀ сосцꙋ̑ є҆ѧ̀: 3 ꙗ҆́кѡ да совлекꙋ̀ ю҆̀ на́гꙋ и҆ поста́влю ю҆̀
2: 3
І҆езек. 16: 4
ꙗ҆́коже въ де́нь рожде́нїѧ є҆ѧ̀, и҆ положꙋ̀ ю҆̀ ꙗ҆́кѡ пꙋсты́ню, и҆ оу҆чиню̀ ю҆̀
2: 3
Ѡ҆сі́а. 5: 9
ꙗ҆́кѡ зе́млю безво́днꙋ,
2: 3
А҆мѡ́с. 8: 12
и҆ оу҆бїю̀ ѻ҆́нꙋю жа́ждею: 4 и҆ ча̑дъ є҆ѧ̀ не поми́лꙋю,
2: 4
Ѡ҆сі́а. 5: 7
ꙗ҆́кѡ ча̑да блꙋже́нїѧ сꙋ́ть, 5 ꙗ҆́кѡ
2: 5
І҆езек. 16: 44
соблꙋдѝ ма́ти и҆́хъ, посрами́сѧ роди́вшаѧ и҆̀хъ, рече́ бо: пойдꙋ̀ в̾слѣ́дъ похотникѡ́въ мои́хъ,
2: 5
І҆ерем. 44: 17
даю́щихъ мнѣ̀ хлѣ́бы моѧ̑ и҆ во́дꙋ мою̀, и҆ ри̑зы моѧ̑ и҆ плащани̑цы моѧ̑, и҆ ма́сло моѐ и҆ всѧ̑, є҆ли̑ка мнѣ̀ досто́ѧтъ. 6 Сегѡ̀ ра́ди, сѐ, а҆́зъ
2: 6
Пла́ч. І҆ерем. 3: 9
заграждꙋ̀ пꙋ́ть є҆ѧ̀ те́рнїемъ и҆ возграждꙋ̀ распꙋ̑тїѧ є҆ѧ̀, и҆ стезѝ своеѧ̀ не ѡ҆брѧ́щетъ: 7 и҆ пожене́тъ похотникѝ своѧ̑ и҆ не пости́гнетъ и҆́хъ, и҆ взы́щетъ и҆̀хъ и҆ не ѡ҆брѧ́щетъ, и҆ рече́тъ:
2: 7
Второзак. 31: 17
Ѡ҆сі́а. 14: 3
пойдꙋ̀ и҆ возвращꙋ́сѧ къ мꙋ́жꙋ моемꙋ̀ пе́рвомꙋ, ꙗ҆́кѡ добрѣ́е мѝ бѣ̀ тогда̀, не́жели нн҃ѣ. 8 Но та̀ не оу҆разꙋмѣ̀, ꙗ҆́кѡ а҆́зъ да́хъ є҆́й пшени́цꙋ и҆ вїно̀ и҆ ма́сло,
2: 8
І҆езек. 28: 4
и҆ сребро̀ оу҆мно́жихъ є҆́й: сїѧ́ же срє́брѧны и҆ зла̑ты сотворѝ
2: 8
І҆езек. 16: 16
Ѡ҆сі́а. 8: 4
ваа́лꙋ. 9 Сегѡ̀ ра́ди
2: 9
Ѡ҆сі́а. 9: 2
ѡ҆бращꙋ́сѧ и҆ возмꙋ̀ пшени́цꙋ мою̀ во вре́мѧ є҆ѧ̀ и҆ вїно̀ моѐ во вре́мѧ є҆гѡ̀, и҆ ѿимꙋ̀ ри̑зы моѧ̑ и҆ плащани̑цы моѧ̑, да не покрыва́етъ стꙋда̀ своегѡ̀: 10
2: 10
І҆ерем. 13: 22
І҆езек. 16: 37
и҆ нн҃ѣ ѿкры́ю нечистотꙋ̀ є҆ѧ̀ пред̾ похотника́ми є҆ѧ̀,
2: 10
Ѡ҆сі́а. 5: 14
и҆ никто́же ѿи́метъ є҆ѧ̀ ѿ рꙋкѝ моеѧ̀: 11 и҆ ѿвращꙋ̀ всѧ̑ весє́лїѧ є҆ѧ̀ и҆ пра́здники є҆ѧ̀, и҆ новомчⷭ҇їѧ є҆ѧ̀ и҆ сꙋббѡ̑ты є҆ѧ̀ и҆ всѧ̑
2: 11
И҆са́їа. 24: 8
І҆ерем. 7: 34
Пла́ч. І҆ерем. 5: 15
пра́зднєства є҆ѧ̀, 12
2: 12
І҆ѡ́на. 1: 12
и҆ погꙋблю̀ вїногра́дъ є҆ѧ̀ и҆ смѡ́квы є҆ѧ̀, ѡ҆ ни́хже речѐ:
2: 12
Ѡ҆сі́а. 5: 9
мзды̑ мѝ сꙋ́ть сїѧ̑, ꙗ҆̀же да́ша мнѣ̀ похотницы̀ моѝ: и҆ положꙋ̀ ѧ҆̀ въ свидѣ́нїе, и҆ поѧдѧ́тъ ѧ҆̀ ѕвѣ́рїе се́лнїи и҆ пти̑цы небє́сныѧ и҆ га́ди земні́и: 13 и҆ ѿмщꙋ̀ на не́й дни̑ ваалі́мѡвы, въ нѧ́же трє́бы кладѧ́ше и҆̀мъ, и҆ вдѣва́ше оу҆серѧ̑зи своѧ̑ и҆ мони̑ста своѧ̑, и҆ хожда́ше в̾слѣ́дъ похотникѡ́въ свои́хъ,
2: 13
І҆ерем. 2: 32
а҆ менѐ забы̀, гл҃етъ гдⷭ҇ь. 14 Сегѡ̀ ра́ди, сѐ, а҆́зъ соблажню̀ ю҆̀, и҆ оу҆чиню̀ ю҆̀ ꙗ҆́кѡ пꙋсты́ню,
2: 14
И҆са́їа. 40: 2
Софо́н. 3: 9
и҆ возгл҃ю въ се́рдце є҆ѧ̀, 15 и҆ да́мъ є҆́й притѧжа́нїе є҆ѧ̀ ѿтꙋ́дꙋ
2: 15
І҆ис. Наѵ. 7: 24
И҆са́їа. 65: 10
и҆ полѧ́нꙋ а҆хѡ́ровꙋ, ѿве́рсти смы́слъ є҆ѧ̀: и҆ смири́тсѧ та́мѡ по днє́мъ дѣ́тства своегѡ̀ и҆ по днє́мъ
2: 15
И҆схо́д. 15: 1
Мїх. 7: 15
и҆зведе́нїѧ своегѡ̀ ѿ землѝ є҆гѵ́петски. 16 И҆ бꙋ́детъ въ то́й де́нь, нарече́тъ мѧ̀ мꙋ́жъ мо́й, гл҃етъ гдⷭ҇ь, а҆ не прозове́тъ менѐ ктомꙋ̀ ваалі́мъ. 17
2: 17
И҆схо́д. 23: 13
Второзак. 12: 3
И҆ ѿве́ргꙋ и҆мена̀ ваалі̑млѧ ѿ оу҆́стъ є҆ѧ̀, и҆ не воспомѧнꙋ́тсѧ ксемꙋ̀ и҆мена̀ и҆́хъ. 18
2: 18
І҆́ѡв. 5: 23
И҆ завѣща́ю и҆̀мъ завѣ́тъ въ то́й де́нь со ѕвѣрьмѝ се́лными и҆ со пти́цами небе́сными и҆ съ га̑ды зємны́ми, и҆ лꙋ́къ и҆ ме́чь и҆ бра́нь сокрꙋшꙋ̀ ѿ землѝ,
2: 18
І҆езек. 34: 25
и҆ вселю̀ ѧ҆̀ со оу҆пова́нїемъ: 19
2: 19
Ѱал. 44: 10
и҆ ѡ҆брꙋчꙋ́ тѧ себѣ̀ во вѣ́къ и҆ ѡ҆брꙋчꙋ́ тѧ себѣ̀
2: 19
2 Корі́нѳ. 11: 2
А҆пока́лѷѱ. 19: 7
въ пра́вдѣ и҆ въ сꙋдѣ̀ и҆ въ ми́лости и҆ въ щедро́тахъ: 20 и҆ ѡ҆брꙋчꙋ́ тѧ себѣ̀ въ вѣ́рѣ,
2: 20
И҆са́їа. 53: 11
І҆ѡа́н. 17: 3
и҆ оу҆вѣ́си гдⷭ҇а. 21 И҆ бꙋ́детъ въ то́й де́нь, гл҃етъ гдⷭ҇ь, послꙋ́шаю небесѐ, а҆ ѻ҆́ное послꙋ́шаетъ землѝ, 22
2: 22
І҆ѡи́л. 3: 18
А҆мѡ́с. 9: 14
и҆ землѧ̀ послꙋ́шаетъ пшени́цы и҆ вїна̀ и҆ ма́сла, и҆ сі́и послꙋ́шаютъ і҆езрае́лѧ: 23
2: 23
Ѡ҆сі́а. 1: 10
и҆ всѣ́ю ѻ҆́нꙋю себѣ̀ на землѝ и҆ поми́лꙋю непоми́лованнꙋю: и҆ рекꙋ̀ не лю́демъ мои̑мъ: лю́дїе моѝ є҆стѐ вы̀: и҆ ті́и рекꙋ́тъ: гдⷭ҇ь бг҃ъ на́шъ ты̀ є҆сѝ.