ГЛАВА̀ а҃.
Зача́ло т҃г.
11 Многоча́стнѣ и҆ многоѡбра́знѣ дре́вле бг҃ъ
Чи́сл. 12: 6
гл҃авый ѻ҆тцє́мъ во прⷪ҇ро́цѣхъ, 2 въ послѣ́докъ дні́й си́хъ гл҃а на́мъ
15: 15
Гала́т. 4: 4
Е҆фес. 1: 10
въ сн҃ѣ, є҆го́же положѝ
І҆ѡа́н. 1: 3
И҆са́їа. 9: 6
наслѣ́дника всѣ́мъ, и҆́мже и҆ вѣ́ки сотворѝ. 3
2 Корі́нѳ. 4: 4
Колос. 1: 15
И҆́же сы́й сїѧ́нїе сла́вы и҆ ѡ҆́бразъ ѵ҆поста́си є҆гѡ̀, носѧ́ же всѧ́чєскаѧ гл҃го́ломъ си́лы своеѧ̀, собо́ю
ѡ҆чище́нїе сотвори́въ грѣхѡ́въ на́шихъ,
сѣ́де ѡ҆ деснꙋ́ю прⷭ҇то́ла вели́чествїѧ на высо́кихъ, 4 толи́кѡ лꙋ́чшїй бы́въ а҆́гг҃лѡвъ, є҆ли́кѡ
пресла́внѣе па́че и҆́хъ наслѣ́дствова и҆́мѧ. 5 Комꙋ́ бо речѐ когда̀ ѿ а҆́гг҃лъ:
Ѱал. 2: 7
сн҃ъ мо́й є҆сѝ ты̀, а҆́зъ дне́сь роди́хъ тѧ̀; И҆ па́ки:
1 Паралїпом. 17: 13
а҆́зъ бꙋ́дꙋ є҆мꙋ̀ во ѻ҆ц҃а̀, и҆ то́й бꙋ́детъ мнѣ̀ въ сн҃а; 6 Е҆гда́ же па́ки вво́дитъ перворо́днаго во вселе́ннꙋю, гл҃етъ:
и҆ да покло́нѧтсѧ є҆мꙋ̀ всѝ а҆́гг҃ли бж҃їи. 7 И҆ ко а҆́гг҃лѡмъ оу҆́бѡ гл҃етъ:
творѧ́й а҆́гг҃лы своѧ̑ дꙋ́хи и҆ слꙋги̑ своѧ̑ ѻ҆́гнь палѧ́щь. 8 Къ сн҃ꙋ же:
Ѱал. 44: 7
прⷭ҇то́лъ тво́й, бж҃е, въ вѣ́къ вѣ́ка: же́злъ пра́вости же́злъ црⷭ҇твїѧ твоегѡ̀: 9 возлюби́лъ є҆сѝ пра́вдꙋ и҆ возненави́дѣлъ є҆сѝ беззако́нїе:
Дѣѧ̑н. 4: 27
И҆са́їа. 61: 1
сегѡ̀ ра́ди пома́за тѧ̀, бж҃е, бг҃ъ тво́й є҆ле́емъ ра́дости па́че прича̑стникъ твои́хъ.
(Заⷱ҇ т҃д.)
10 И҆ (па́ки):
въ нача́лѣ ты̀, гдⷭ҇и, зе́млю ѡ҆снова́лъ є҆сѝ, и҆ дѣла̀ рꙋкꙋ̀ твоє́ю сꙋ́ть небеса̀: 11
И҆са́їа. 34: 4
51: 6
та̑ поги́бнꙋтъ, ты́ же пребыва́еши: и҆ всѧ̑, ꙗ҆́коже ри́за, ѡ҆бетша́ютъ, 12 и҆ ꙗ҆́кѡ ѻ҆де́ждꙋ свїе́ши и҆̀хъ, и҆ и҆змѣнѧ́тсѧ: ты́ же то́йжде є҆сѝ, и҆ лѣ́та твоѧ̑ не ѡ҆скꙋдѣ́ютъ. 13 Комꙋ́ же ѿ а҆́гг҃лъ речѐ когда̀:
16: 19
Е҆фес. 1: 20
Ѱал. 109: 1
сѣдѝ ѡ҆ деснꙋ́ю менє̀, до́ндеже положꙋ̀ врагѝ твоѧ̑ подно́жїе но́гъ твои́хъ; 14 Не вси́ ли сꙋ́ть
Быт. 19: 16
Ѱал. 33: 8
90: 11
102: 21
Дан. 7: 10
слꙋже́бнїи дꙋ́си, въ слꙋже́нїе посыла́еми за хотѧ́щихъ наслѣ́довати спⷭ҇нїе;
ГЛАВА̀ в҃.
21 Сегѡ̀ ра́ди подоба́етъ на́мъ ли́шше внима́ти слы̑шаннымъ, да не когда̀ ѿпаде́мъ.
(Заⷱ҇ т҃є.)
2 А҆́ще бо
Гала́т. 3: 19
Е҆вр. 10: 28
И҆схо́д. 20: 1
глаго́ланное а҆́гг҃лы сло́во бы́сть и҆звѣ́стно, и҆ всѧ́ко престꙋпле́нїе и҆ ѡ҆слꙋша́нїе првⷣное прїѧ́тъ мздовоздаѧ́нїе: 3 ка́кѡ мы̀ оу҆бѣжи́мъ, ѡ҆ толи́цѣмъ неради́вше спⷭ҇нїи, є҆́же
зача́ло прїе́мь глаго́латисѧ ѿ гдⷭ҇а,
слы́шавшими въ на́съ и҆звѣсти́сѧ, 4
сосвидѣ́телствꙋющꙋ бг҃ꙋ зна́меньми же и҆ чꙋдесы̀, и҆ разли́чными си́лами, и҆ дх҃а ст҃а́гѡ раздѣле́ньми, по свое́й є҆мꙋ̀ во́ли; 5
Не а҆́гг҃лѡмъ бо покорѝ бг҃ъ вселе́ннꙋю грѧдꙋ́щꙋю, ѡ҆ не́йже глаго́лемъ: 6 засвидѣ́телствова же нѣ́гдѣ нѣ́кто, глаго́лѧ:
143: 3
что̀ є҆́сть человѣ́къ, ꙗ҆́кѡ по́мниши є҆го̀; и҆лѝ сы́нъ человѣ́ческїй, ꙗ҆́кѡ посѣща́еши и҆̀; 7
оу҆ма́лилъ є҆сѝ є҆го̀ ма́лымъ нѣ́чимъ ѿ а҆́гг҃лъ: сла́вою и҆ чтⷭ҇їю вѣнча́лъ є҆сѝ є҆го̀ и҆ поста́вилъ є҆сѝ є҆го̀ над̾ дѣ́лы рꙋкꙋ̀ твоє́ю, 8
1 Корі́нѳ. 15: 27
всѧ̑ покори́лъ є҆сѝ под̾ но́зѣ є҆гѡ̀. Внегда́ же покори́ти є҆мꙋ̀ всѧ́чєскаѧ, ничто́же ѡ҆ста́ви є҆мꙋ̀ непокоре́но. Нн҃ѣ же не оу҆̀ ви́димъ є҆мꙋ̀ всѧ́чєскаѧ покорє́на: 9
А҆пока́лѷѱ. 5: 9
а҆ оу҆ма́ленаго ма́лымъ чи́мъ ѿ а҆́гг҃лъ ви́димъ і҆н҃са, за прїѧ́тїе сме́рти сла́вою и҆ чтⷭ҇їю вѣнча́нна, ꙗ҆́кѡ
да блгⷣтїю бж҃їею за всѣ́хъ вкꙋ́ситъ сме́рти. 10 Подоба́ше бо є҆мꙋ̀,
є҆гѡ́же ра́ди всѧ́чєскаѧ
и҆ и҆́мже всѧ́чєскаѧ, приве́дшꙋ мнѡ́ги сы́ны въ сла́вꙋ, нача́лника спⷭ҇нїѧ и҆́хъ
страда́ньми соверши́ти.
(Заⷱ҇ т҃ѕ.)
11 И҆ ст҃ѧ́й бо и҆ ѡ҆сщ҃а́емїи, ѿ є҆ди́нагѡ всѝ:
І҆ѡа́н. 20: 17
є҆ѧ́же ра́ди вины̀ не стыди́тсѧ бра́тїю нарица́ти и҆̀хъ, гл҃ѧ: 12
возвѣщꙋ̀ и҆́мѧ твоѐ бра́тїи мое́й, посредѣ̀ це́ркве воспою́ тѧ. 13 И҆ па́ки:
а҆́зъ бꙋ́дꙋ надѣ́ѧсѧ на́нь. И҆ па́ки:
сѐ, а҆́зъ и҆ дѣ́ти, ꙗ҆̀же мѝ да́лъ є҆́сть бг҃ъ. 14 Поне́же оу҆̀бо дѣ́ти приѡбщи́шасѧ пло́ти и҆ кро́ви, и҆ то́й прїи́скреннѣ
Ри́млѧн. 8: 3
приѡбщи́сѧ тѣ́хже, да см҃ртїю оу҆праздни́тъ
2 Тїмоѳ. 1: 10
и҆мꙋ́щаго держа́вꙋ сме́рти, си́рѣчь дїа́вола, 15 и҆ и҆зба́витъ си́хъ, є҆ли́цы
Ри́млѧн. 8: 15
стра́хомъ сме́рти чрез̾ всѐ житїѐ пови́нни бѣ́ша рабо́тѣ. 16 Не ѿ а҆́гг҃лъ бо когда̀2: 16 вои́стиннꙋ прїе́млетъ, но ѿ сѣ́мене а҆враа́мова прїе́млетъ: 17
Фїлїппис. 2: 7
ѿню́дꙋже до́лженъ бѣ̀ по всемꙋ̀ подо́битисѧ бра́тїи, да млⷭ҇тивъ бꙋ́детъ и҆ вѣ́ренъ первосщ҃е́нникъ въ тѣ́хъ, ꙗ҆̀же къ бг҃ꙋ, во є҆́же ѡ҆чтⷭ҇ити грѣхѝ людскі̑ѧ. 18 Въ не́мже бо
пострада̀, са́мъ и҆скꙋше́нъ бы́въ, мо́жетъ и҆ и҆скꙋша́ємымъ помощѝ.
ГЛАВА̀ г҃.
Зача́ло т҃з.
31 Тѣ́мже,
бра́тїе ст҃а̑ѧ, зва́нїѧ нбⷭ҇нагѡ прича̑стницы, разꙋмѣ́йте посла́нника и҆ ст҃и́телѧ и҆сповѣ́данїѧ на́шегѡ і҆н҃са хрⷭ҇та̀, 2
Чи́сл. 12: 7
вѣ́рна сꙋ́ща сотво́ршемꙋ є҆го̀, ꙗ҆́коже и҆ мѡѷсе́й во все́мъ домꙋ̀ є҆гѡ̀. 3
Заха́р. 6: 13
Мно́жайшей бо сла́вѣ се́й па́че мѡѷсе́а сподо́бисѧ, є҆ли́кѡ мно́жайшꙋю че́сть и҆́мать па́че до́мꙋ сотвори́вый є҆го̀: 4 всѧ́къ бо до́мъ созида́етсѧ ѿ нѣ́коегѡ: а҆ сотвори́вый всѧ́чєскаѧ бг҃ъ.
(Заⷱ҇ т҃и.)
5 И҆ мѡѷсе́й оу҆́бѡ вѣ́ренъ бѣ̀ во все́мъ домꙋ̀ є҆гѡ̀, ꙗ҆́коже слꙋга̀, во свидѣ́телство глаго́латисѧ и҆мѣ́вшымъ: 6 хрⷭ҇то́съ же ꙗ҆́коже сн҃ъ въ домꙋ̀ свое́мъ:
1 Корі́нѳ. 3: 16
Е҆фес. 5: 23
Колос. 1: 23
1 Тїмоѳ. 3: 15
є҆гѡ́же до́мъ мы̀ є҆смы̀, а҆́ще дерзнове́нїе и҆ похвалꙋ̀ оу҆пова́нїѧ да́же до конца̀ и҆звѣ́стно оу҆держи́мъ. 7 Тѣ́мже, ꙗ҆́коже гл҃етъ
дх҃ъ ст҃ы́й, дне́сь, а҆́ще гла́съ є҆гѡ̀ оу҆слы́шите, 8 не ѡ҆жесточи́те серде́цъ ва́шихъ,
Ѱал. 77: 19
ꙗ҆́коже въ прогнѣ́ванїи, во днѝ и҆скꙋше́нїѧ въ пꙋсты́ни, 9 и҆дѣ́же и҆скꙋси́ша мѧ̀ ѻ҆тцы̀ ва́ши, и҆скꙋси́ша мѧ̀ и҆ ви́дѣша дѣла̀ моѧ̑ четы́редесѧть лѣ́тъ. 10 Сегѡ̀ ра́ди негодова́хъ ро́да тогѡ̀ и҆ рѣ́хъ: прⷭ҇нѡ заблꙋжда́ютъ се́рдцемъ, ті́и же не позна́ша пꙋті́й мои́хъ: 11
Чи́сл. 14: 23
Ѱал. 94: 11
ꙗ҆́кѡ клѧ́хсѧ во гнѣ́вѣ мое́мъ, а҆́ще вни́дꙋтъ въ поко́й мо́й.
(Заⷱ҇ т҃ѳ.)
12 Блюди́те, бра́тїе, да не когда̀ бꙋ́детъ въ нѣ́коемъ ѿ ва́съ се́рдце лꙋка́во, (и҆спо́лнено) невѣ́рїѧ, во є҆́же ѿстꙋпи́ти ѿ бг҃а жи́ва. 13
Но оу҆тѣша́йте себѐ на всѧ́къ де́нь до́ндеже дне́сь нарица́етсѧ, да не ѡ҆жесточи́тсѧ нѣ́кто ѿ ва́съ ле́стїю грѣхо́вною: 14
Ри́млѧн. 8: 17
Е҆фес. 5: 30
прича̑стницы бо бы́хомъ хрⷭ҇тꙋ̀, а҆́ще то́чїю нача́токъ соста́ва да́же до конца̀ и҆звѣ́стенъ оу҆держи́мъ: 15 внегда̀ гл҃етъ:
дне́сь, а҆́ще гла́съ є҆гѡ̀ оу҆слы́шите, не ѡ҆жесточи́те серде́цъ ва́шихъ, ꙗ҆́коже въ прогнѣ́ванїи. 16
Нѣ́цыи бо слы́шавше прогнѣ́ваша, но не всѝ и҆зше́дшїи и҆з̾ є҆гѵ́пта съ мѡѷсе́омъ. 17 Ко́ихъ же негодова̀ четы́редесѧть лѣ́тъ; Не согрѣши́вшихъ ли, и҆́хже кѡ́сти падо́ша въ пꙋсты́ни; 18 Котѡ́рымъ же клѧ́лсѧ не вни́ти въ поко́ище є҆гѡ̀; Ꙗ҆́вѣ, ꙗ҆́кѡ проти́вльшымсѧ. 19 И҆ ви́димъ, ꙗ҆́кѡ не возмого́ша вни́ти за невѣ́рствїе.
