Елизаветинская Библия 1751 (CSELZAN)
3

ГЛАВА̀ г҃.

31 Ѡ҆̑, несмы́сленнїи гала́тє, кто̀ вы̀ прельсти́лъ є҆́сть не покори́тисѧ и҆́стинѣ, и҆̀мже пред̾ ѻ҆чи́ма і҆н҃съ хрⷭ҇то́съ преднапи́санъ бы́сть, въ ва́съ распѧ́тъ; 2 Сїѐ є҆ди́но хощꙋ̀ оу҆вѣ́дѣти ѿ ва́съ: ѿ дѣ́лъ ли зако́на

3: 2
Дѣѧ̑н. 2: 38
10: 43
дх҃а прїѧ́сте, и҆лѝ ѿ слꙋ́ха вѣ́ры; 3 Та́кѡ ли несмы́сленни є҆стѐ;
3: 3
Гала́т. 5: 7
наче́нше дꙋ́хомъ, нн҃ѣ пло́тїю скончава́ете; 4 Толи̑ка пострада́сте тꙋ́не; А҆́ще то́чїю и҆ тꙋ́не. 5 Подаѧ́й оу҆̀бо ва́мъ дх҃а и҆ дѣ́йствꙋѧй си̑лы въ ва́съ, ѿ дѣ́лъ ли зако́на, и҆лѝ ѿ слꙋ́ха вѣ́ры; 6
3: 6
Быт. 15: 6
Ри́млѧн. 4: 3
І҆а́к. 2: 23
Ꙗ҆́коже а҆враа́мъ вѣ́рова бг҃ꙋ, и҆ вмѣни́сѧ є҆мꙋ̀ въ пра́вдꙋ. 7
3: 7
І҆ѡа́н. 8: 39
Разꙋмѣ́йте оу҆̀бо, ꙗ҆́кѡ сꙋ́щїи ѿ вѣ́ры, сі́и сꙋ́ть сы́нове а҆враа̑мли.

(Заⷱ҇ с҃є.)

8 Пред̾ꙋви́дѣвшее же писа́нїе, ꙗ҆́кѡ ѿ вѣ́ры ѡ҆правда́етъ ꙗ҆зы́ки бг҃ъ, пре́жде благовѣствова̀ а҆враа́мꙋ,

3: 8
Быт. 12: 3
ꙗ҆́кѡ блгⷭ҇вѧ́тсѧ ѡ҆ тебѣ̀ всѝ ꙗ҆зы́цы. 9 Тѣ́мже сꙋ́щїи ѿ вѣ́ры, блгⷭ҇вѧ́тсѧ съ вѣ́рнымъ а҆враа́момъ: 10 є҆ли́цы бо ѿ дѣ́лъ зако́на сꙋ́ть, под̾ клѧ́твою сꙋ́ть. Пи́сано бо є҆́сть:
3: 10
Второзак. 27: 26
І҆ерем. 11: 3
про́клѧтъ всѧ́къ, и҆́же не пребꙋ́детъ во всѣ́хъ пи́санныхъ въ кни́зѣ зако́ннѣй, ꙗ҆́кѡ твори́ти ѧ҆̀. 11 А҆ ꙗ҆́кѡ въ зако́нѣ никто́же ѡ҆правда́етсѧ ѿ бг҃а, ꙗ҆́вѣ,
3: 11
Ри́млѧн. 1: 17
Е҆вр. 10: 38
А҆ввак. 2: 4
ꙗ҆́кѡ пра́ведный ѿ вѣ́ры жи́въ бꙋ́детъ. 12 Зако́нъ же нѣ́сть ѿ вѣ́ры:
3: 12
Леѵі́т. 18: 5
но сотвори́вый та̑ человѣ́къ жи́въ бꙋ́детъ въ ни́хъ.

(Заⷱ҇ с҃ѕ.)

13 Хрⷭ҇то́съ ны̀ и҆скꙋпи́лъ є҆́сть ѿ клѧ́твы зако́нныѧ, бы́въ по на́съ клѧ́тва: пи́сано бо є҆́сть:

3: 13
Второзак. 21: 23
Ри́млѧн. 8: 3
1 Петр. 2: 24
про́клѧтъ всѧ́къ висѧ́й на дре́вѣ: 14
3: 14
И҆са́їа. 44: 5
Дѣѧ̑н. 3: 25
да въ ꙗ҆зы́цѣхъ блгⷭ҇ве́нїе а҆враа́мле бꙋ́детъ ѡ҆ хрⷭ҇тѣ̀ і҆н҃сѣ, да ѡ҆бѣтова́нїе дх҃а прїи́мемъ вѣ́рою.

(Заⷱ҇ с҃з.)

15 Бра́тїе, по человѣ́кꙋ глаго́лю:

3: 15
Е҆вр. 9: 17
ѻ҆ба́че человѣ́ческагѡ пред̾ꙋтвержде́нна завѣ́та никто́же ѿмета́етъ и҆лѝ приповелѣва́етъ. 16
3: 16
Быт. 12: 7
15: 5
А҆враа́мꙋ же рече́ни бы́ша ѡ҆бѣ́ты, и҆ сѣ́мени є҆гѡ̀. Не глаго́летъ (же): и҆ сѣ́менємъ, ꙗ҆́кѡ ѡ҆ мно́зѣхъ, но ꙗ҆́кѡ ѡ҆ є҆ди́номъ: и҆ сѣ́мени твоемꙋ̀, и҆́же є҆́сть хрⷭ҇то́съ. 17
3: 17
И҆схо́д. 12: 40
Дѣѧ̑н. 7: 6
Сїе́ же глаго́лю, завѣ́та пред̾ꙋтвержде́ннагѡ ѿ бг҃а во хрⷭ҇та̀, бы́вый по лѣ́тѣхъ четы́риста и҆ три́десѧтихъ зако́нъ не ѿмета́етъ, во є҆́же разори́ти ѡ҆бѣтова́нїе. 18 А҆́ще бо ѿ зако́на
3: 18
Гала́т. 2: 21
Ри́млѧн. 8: 17
наслѣ́дїе, не ктомꙋ̀ (оу҆жѐ) ѿ ѡ҆бѣтова́нїѧ: а҆враа́мꙋ же ѡ҆бѣтова́нїемъ дарова̀ бг҃ъ. 19 Что̀ оу҆̀бо зако́нъ; Престꙋпле́нїй ра́ди приложи́сѧ, до́ндеже прїи́детъ сѣ́мѧ, є҆мꙋ́же ѡ҆бѣтова́сѧ,
3: 19
И҆схо́д. 19: 3
Дѣѧ̑н. 7: 38
вчине́нъ а҆́гг҃лы, рꙋко́ю хода́таѧ. 20 Хода́тай же є҆ди́нагѡ нѣ́сть, бг҃ъ же є҆ди́нъ є҆́сть. 21 Зако́нъ ли оу҆̀бо проти́вꙋ ѡ҆бѣтова́нїємъ бж҃їимъ; Да не бꙋ́детъ. А҆́ще бо да́нъ бы́сть зако́нъ могі́й ѡ҆живи́ти, вои́стиннꙋ ѿ зако́на бы была̀ пра́вда: 22
3: 22
Ри́млѧн. 3: 9
но затворѝ писа́нїе всѣ́хъ под̾ грѣхо́мъ, да ѡ҆бѣтова́нїе ѿ вѣ́ры і҆н҃съ хрⷭ҇то́вы да́стсѧ вѣ́рꙋющымъ.

(Заⷱ҇ с҃и.)

23 Пре́жде же прише́ствїѧ вѣ́ры, под̾ зако́номъ стрего́ми бѣ́хомъ, затворе́ни въ хотѧ́щꙋю вѣ́рꙋ ѿкры́тисѧ. 24

3: 24
Ри́млѧн. 10: 4
Тѣ́мже зако́нъ пѣ́стꙋнъ на́мъ бы́сть во хрⷭ҇та̀, да ѿ вѣ́ры ѡ҆правди́мсѧ: 25 прише́дшей же вѣ́рѣ, оу҆жѐ не под̾ пѣ́стꙋномъ є҆смы̀. 26
3: 26
І҆ѡа́н. 1: 12
Ри́млѧн. 8: 15
Вси́ бо вы̀ сн҃ове бж҃їи є҆стѐ вѣ́рою ѡ҆ хрⷭ҇тѣ̀ і҆н҃сѣ: 27
3: 27
Ри́млѧн. 6: 3
є҆ли́цы бо во хрⷭ҇та̀ крести́стесѧ, во хрⷭ҇та̀ ѡ҆блеко́стесѧ. 28 Нѣ́сть і҆ꙋде́й, ни є҆́ллинъ: нѣ́сть ра́бъ, ни свобо́дь: нѣ́сть мꙋ́жескїй по́лъ, ни же́нскїй: вси́ бо вы̀
3: 28
І҆ѡа́н. 17: 21
Ри́млѧн. 10: 12
є҆ди́но є҆стѐ ѡ҆ хрⷭ҇тѣ̀ і҆н҃сѣ. 29 А҆́ще ли вы̀ хрⷭ҇тѡ́вы, оу҆̀бо а҆враа́мле сѣ́мѧ є҆стѐ, и҆ по ѡ҆бѣтова́нїю
3: 29
Е҆фес. 3: 6
наслѣ́дницы.