Елизаветинская Библия 1751 (CSELZAN)
1

ГЛАВА̀ а҃.

Зача́ло см҃ѳ.

11 Па́ѵелъ, а҆пⷭ҇лъ і҆н҃съ хрⷭ҇то́въ во́лею бж҃їею, и҆ тїмоѳе́й бра́тъ, 2 сꙋ́щымъ въ колосса́ехъ ст҃ы̑мъ и҆ вѣ́рнымъ бра́тїѧмъ ѡ҆ хрⷭ҇тѣ̀ і҆н҃сѣ: 3 (Заⷱ҇.) блгⷣть ва́мъ и҆ ми́ръ ѿ бг҃а ѻ҆ц҃а̀ на́шегѡ, и҆ гдⷭ҇а і҆н҃са хрⷭ҇та̀.

1: 3
Фїлїппис. 1: 3
Благодари́мъ бг҃а и҆ ѻ҆ц҃а̀ гдⷭ҇а на́шегѡ і҆н҃са хрⷭ҇та̀, всегда̀ ѡ҆ ва́съ молѧ́щесѧ, 4 слы́шавше
1: 4
Е҆вр. 6: 10
вѣ́рꙋ ва́шꙋ, ꙗ҆́же ѡ҆ хрⷭ҇тѣ̀ і҆н҃сѣ, и҆ любо́вь, ю҆́же и҆́мате ко всѣ́мъ ст҃ы́мъ, 5 за оу҆пова́нїе ѿложе́нное ва́мъ на нб҃сѣ́хъ, є҆́же пре́жде слы́шасте въ словесѝ и҆́стины бл҃говѣствова́нїѧ, 6 сꙋ́щагѡ въ ва́съ, ꙗ҆́коже и҆ во все́мъ мі́рѣ: и҆ є҆́сть
1: 6
Матѳ. 13: 8
І҆ѡа́н. 15: 16
плодоно́сно и҆ расти́мо, ꙗ҆́коже и҆ въ ва́съ, ѿ негѡ́же днѐ слы́шасте и҆ разꙋмѣ́сте блгⷣть бж҃їю во и҆́стинѣ: 7 ꙗ҆́коже и҆ оу҆вѣ́дѣсте ѿ є҆пафра́са, возлю́бленнагѡ сорабо́тника на́шегѡ, и҆́же є҆́сть вѣ́ренъ ѡ҆ ва́съ слꙋжи́тель хрⷭ҇то́въ, 8 и҆́же и҆ ꙗ҆вѝ на́мъ ва́шꙋ любо́вь въ дꙋ́сѣ. 9 Сегѡ̀ ра́ди и҆ мы̀, ѿ негѡ́же днѐ слы́шахомъ, не престае́мъ ѡ҆ ва́съ молѧ́щесѧ и҆ просѧ́ще,
1: 9
Ри́млѧн. 12: 2
да и҆спо́лнитесѧ въ ра́зꙋмѣ во́ли є҆гѡ̀, во всѧ́цѣй премꙋ́дрости и҆ ра́зꙋмѣ дꙋхо́внѣмъ, 10
1: 10
Е҆фес. 4: 1
Фїлїппис. 1: 27
1 Солꙋ́н. 2: 12
ꙗ҆́кѡ ходи́ти ва́мъ досто́инѣ бг҃ꙋ во всѧ́цѣмъ оу҆гожде́нїи (и҆) всѧ́цѣмъ дѣ́лѣ бла́зѣ, плодоносѧ́ще и҆ возраста́юще въ ра́зꙋмѣ бж҃їи, 11 всѧ́кою си́лою возмога́юще по держа́вѣ сла́вы є҆гѡ̀, во всѧ́цѣмъ
1: 11
Дѣѧ̑н. 5: 41
терпѣ́нїи и҆ долготерпѣ́нїи съ ра́достїю,

(Заⷱ҇ с҃н.)

12

1: 12
Дѣѧ̑н. 26: 18
благодарѧ́ще бг҃а и҆ ѻ҆ц҃а̀, призва́вшаго ва́съ въ прича́стїе наслѣ́дїѧ ст҃ы́хъ во свѣ́тѣ, 13
1: 13
Е҆вр. 2: 15
и҆́же и҆зба́ви на́съ ѿ вла́сти те́мныѧ и҆ преста́ви въ црⷭ҇тво
1: 13
Матѳ. 3: 17
сн҃а любвѐ своеѧ̀, 14 ѡ҆ не́мже и҆́мамы
1: 14
Ри́млѧн. 3: 25
и҆збавле́нїе кро́вїю є҆гѡ̀ и҆ ѡ҆ставле́нїе грѣ́хѡвъ, 15
1: 15
Е҆вр. 1: 3
и҆́же є҆́сть ѡ҆́бразъ бг҃а неви́димагѡ,
1: 15
При́тч. 8: 22
перворожде́нъ всеѧ̀ тва́ри: 16 ꙗ҆́кѡ
1: 16
І҆ѡа́н. 1: 3
тѣ́мъ создана̑ бы́ша всѧ́чєскаѧ, ꙗ҆̀же на нб҃сѝ и҆ ꙗ҆̀же на землѝ, ви̑димаѧ и҆ неви̑димаѧ, а҆́ще престо́ли, а҆́ще госпѡ́дствїѧ, а҆́ще нача́ла, а҆́ще вла́сти:
1: 16
Е҆фес. 3: 9
Е҆вр. 1: 2
всѧ́чєскаѧ тѣ́мъ и҆ ѡ҆ не́мъ созда́шасѧ: 17
1: 17
І҆ѡа́н. 1: 1
и҆ то́й є҆́сть пре́жде всѣ́хъ, и҆ всѧ́чєскаѧ въ не́мъ состоѧ́тсѧ.

(Заⷱ҇ сн҃а.)

18

1: 18
Е҆фес. 1: 22
1 Корі́нѳ. 15: 20
Ри́млѧн. 8: 29
И҆ то́й є҆́сть глава̀ тѣ́лꙋ цр҃кве, и҆́же є҆́сть нача́токъ, перворожде́нъ и҆з̾ ме́ртвыхъ, ꙗ҆́кѡ да бꙋ́детъ во всѣ́хъ то́й пе́рвенствꙋѧ: 19 ꙗ҆́кѡ въ не́мъ благоизво́ли всемꙋ̀
1: 19
Колос. 2: 9
и҆сполне́нїю всели́тисѧ, 20 и҆ тѣ́мъ
1: 20
И҆са́їа. 9: 6
Лꙋк. 2: 14
примири́ти всѧ́чєскаѧ къ себѣ̀, оу҆миротвори́въ кро́вїю крⷭ҇та̀ є҆гѡ̀, чрез̾ него̀, а҆́ще земна̑ѧ, а҆́ще ли нбⷭ҇наѧ. 21 И҆ ва́съ, и҆ногда̀ сꙋ́щихъ ѿчꙋжде́нныхъ и҆ врагѡ́въ помышле́ньми въ дѣ́лѣхъ лꙋка́выхъ, 22 нн҃ѣ же
1: 22
Ри́млѧн. 5: 10
примирѝ въ тѣ́лѣ пло́ти є҆гѡ̀ сме́ртїю є҆гѡ̀,
1: 22
Лꙋк. 1: 75
1 Корі́нѳ. 1: 2
Е҆фес. 1: 4
Ті́т. 2: 14
предста́вити ва́съ ст҃ы́хъ и҆ непоро́чныхъ и҆ непови́нныхъ пред̾ собо́ю, 23 а҆́ще оу҆̀бо пребыва́ете въ вѣ́рѣ ѡ҆снова́ни и҆ тве́рди, и҆ неподви́жими ѿ оу҆пова́нїѧ бл҃говѣствова́нїѧ, є҆́же слы́шасте, проповѣ́данное все́й тва́ри поднебе́снѣй, є҆мꙋ́же бы́хъ а҆́зъ па́ѵелъ слꙋжи́тель.

(Заⷱ҇ сн҃в.)

24

1: 24
Ри́млѧн. 5: 3
Нн҃ѣ ра́дꙋюсѧ во страда́нїихъ мои́хъ ѡ҆ ва́съ, ꙗ҆́кѡ и҆сполнѧ́ю лише́нїе скорбе́й хрⷭ҇то́выхъ во пло́ти мое́й за тѣ́ло є҆гѡ̀, є҆́же є҆́сть цр҃ковь, 25 є҆́йже
1: 25
1 Корі́нѳ. 4: 1
9: 17
бы́хъ а҆́зъ слꙋжи́тель по смотре́нїю бж҃їю, да́нномꙋ мнѣ̀ въ ва́съ, и҆спо́лнити сло́во бж҃їе, 26
1: 26
Ри́млѧн. 14: 24
Е҆фес. 3: 9
та́йнꙋ сокрове́ннꙋю ѿ вѣ́къ и҆ ѿ родѡ́въ: нн҃ѣ же ꙗ҆ви́сѧ ст҃ы́мъ є҆гѡ̀, 27 и҆̀мже восхотѣ̀ бг҃ъ сказа́ти, ко́е
1: 27
Ри́млѧн. 9: 23
бога́тство сла́вы та́йны сеѧ̀ во ꙗ҆зы́цѣхъ, и҆́же є҆́сть хрⷭ҇то́съ
1: 27
Е҆фес. 3: 17
въ ва́съ, оу҆пова́нїе сла́вы, 28 є҆го́же мы̀ проповѣ́дꙋемъ, наказꙋ́юще всѧ́каго человѣ́ка и҆ оу҆ча́ще всѧ́цѣй премꙋ́дрости,
1: 28
2 Корі́нѳ. 11: 2
да предста́вимъ всѧ́каго человѣ́ка соверше́нна ѡ҆ хрⷭ҇тѣ̀ і҆н҃сѣ: 29 въ не́мже и҆ трꙋжда́юсѧ и҆ подвиза́юсѧ
1: 29
1 Корі́нѳ. 15: 10
Фїлїппис. 2: 13
по дѣ́йствꙋ є҆гѡ̀ дѣ́йствꙋемомꙋ во мнѣ̀ си́лою.