Елизаветинская Библия 1751 (CSELZAN)
2

ГЛАВА̀ в҃.

21 Сꙋди́хъ же въ себѣ̀ сїѐ, не па́ки ско́рбїю къ ва́мъ прїитѝ. 2 А҆́ще бо а҆́зъ ско́рбь творю̀ ва́мъ, то̀ кто̀ є҆́сть веселѧ́ѧй мѧ̀, то́чїю прїе́млѧй ско́рбь ѿ менє̀; 3 И҆ писа́хъ ва́мъ сїѐ и҆́стое, да не прише́дъ ско́рбь на ско́рбь прїимꙋ̀, ѡ҆ ни́хже подоба́ше мѝ ра́доватисѧ, надѣ́ѧсѧ на всѧ̑ вы̀, ꙗ҆́кѡ

(Заⷱ҇ рѻ҃а.)

2: 3
2 Корі́нѳ. 1: 14
моѧ̀ ра́дость всѣ́хъ ва́съ є҆́сть. 4 Ѿ
2: 4
1 Корі́нѳ. 5: 1
печа́ли бо мно́гїѧ и҆ тꙋгѝ се́рдца написа́хъ ва́мъ мно́гими слеза́ми, не ꙗ҆́кѡ да ѡ҆скорби́тесѧ, но любо́вь да позна́ете, ю҆́же и҆́мамъ и҆з̾ѻби́лнѡ къ ва́мъ. 5 А҆́ще ли кто̀ ѡ҆скорби́лъ (менѐ), не менѐ ѡ҆скорбѝ, но ѿ ча́сти, да не ѡ҆тѧгчꙋ̀, всѣ́хъ ва́съ. 6
2: 6
1 Корі́нѳ. 5: 4
Дово́лно (бо) таково́мꙋ запреще́нїе сїѐ, є҆́же ѿ мно́гихъ: 7 тѣ́мже сопроти́вное па́че вы̀ да да́рꙋете и҆ оу҆тѣ́шите, да не ка́кѡ мно́гою ско́рбїю поже́ртъ бꙋ́детъ таковы́й: 8 тѣ́мже молю̀ вы̀, оу҆тверди́те къ немꙋ̀ любо́вь. 9 На сїе́ бо и҆ писа́хъ, да разꙋмѣ́ю и҆скꙋ́сство ва́ше, а҆́ще во все́мъ послꙋшли́ви є҆стѐ. 10 Е҆мꙋ́же а҆́ще что̀ да́рꙋете, и҆ а҆́зъ: и҆́бо а҆́зъ а҆́ще что̀ дарова́хъ, є҆мꙋ́же дарова́хъ, ва́съ ра́ди, ѡ҆ лицы̀ і҆н҃съ хрⷭ҇то́вѣ, 11 да не ѡ҆би́дими бꙋ́демъ ѿ сатаны̀:
2: 11
Лꙋк. 22: 31
1 Петр. 5: 8
не не разꙋмѣва́емъ бо оу҆мышле́нїй є҆гѡ̀. 12 Прише́дъ же въ трѡа́дꙋ во бл҃говѣ́стїе хрⷭ҇то́во, и҆ две́ри ѿве́рзенѣ мѝ бы́вшей ѡ҆ гдⷭ҇ѣ, 13 не и҆мѣ́хъ поко́ѧ дꙋ́хꙋ моемꙋ̀, не ѡ҆брѣ́тшꙋ мѝ ті́та бра́та моегѡ̀: но ѿре́ксѧ и҆̀мъ2: 13 цѣлова́въ и҆̀хъ, и҆зыдо́хъ въ македо́нїю.

(Заⷱ҇ рѻ҃в.)

14 Бг҃ꙋ же бл҃годаре́нїе, всегда̀ побѣди́тєли на́съ творѧ́щемꙋ ѡ҆ хрⷭ҇тѣ̀ і҆н҃сѣ

2: 14
Пѣ́сн. Пѣ́сн. 1: 3
и҆ воню̀ ра́зꙋма є҆гѡ̀ ꙗ҆влѧ́ющꙋ на́ми во всѧ́цѣмъ мѣ́стѣ. 15 Ꙗ҆́кѡ
2: 15
2 Корі́нѳ. 4: 3
1 Корі́нѳ. 1: 18
хрⷭ҇то́во бл҃гоꙋха́нїе є҆смы̀ бг҃ови въ спаса́емыхъ и҆ въ погиба́ющихъ. 16
2: 16
Лꙋк. 2: 34
Ѡ҆́вѣмъ оу҆́бѡ во́нѧ сме́ртнаѧ въ сме́рть, ѡ҆́вѣмъ же во́нѧ живо́тнаѧ въ живо́тъ.
2: 16
2 Корі́нѳ. 3: 5
И҆ къ си̑мъ кто̀ дово́ленъ; 17 Нѣ́смы бо,
2: 17
2 Корі́нѳ. 1: 12
4: 2
11: 15
1 Тїмоѳ. 6: 5
Ті́т. 1: 11
ꙗ҆́коже мно́зи, нечи́стѡ проповѣ́дающїи сло́во бж҃їе, но ꙗ҆́кѡ ѿ чтⷭ҇оты̀, но ꙗ҆́кѡ ѿ бг҃а, пред̾ бг҃омъ, во хрⷭ҇тѣ̀ глаго́лемъ.

3

ГЛАВА̀ г҃.

31 Зачина́емъ ли

3: 1
2 Корі́нѳ. 1: 12
па́ки на́съ самѣ́хъ и҆звѣщава́ти ва́мъ; И҆лѝ тре́бꙋемъ, ꙗ҆́коже нѣ́цыи, и҆звѣщава́телныхъ посла́нїй къ ва́мъ, и҆лѝ ѿ ва́съ и҆звѣсти́телныхъ; 2
3: 2
1 Корі́нѳ. 9: 2
Посла́нїе (бо) на́ше вы̀ є҆стѐ, напи́саное въ сердца́хъ на́шихъ, зна́емое и҆ прочита́емое ѿ всѣ́хъ человѣ́къ: 3 ꙗ҆влѧ́еми, ꙗ҆́кѡ є҆стѐ посла́нїе хрⷭ҇то́во слꙋ́женое на́ми, напи́сано не черни́ломъ, но дх҃омъ бг҃а жи́ва, не на скрижа́лехъ ка́менныхъ,
3: 3
І҆езек. 11: 19
8: 10
но на скрижа́лехъ се́рдца пло́тѧныхъ.

(Заⷱ҇ рѻ҃г.)

4 Надѣ́ѧнїе же таково̀ и҆́мамы хрⷭ҇то́мъ къ бг҃ꙋ, 5 не ꙗ҆́кѡ дово́лни є҆смы̀ ѿ себє̀ помы́слити что̀, ꙗ҆́кѡ ѿ себє̀,

3: 5
І҆ѡа́н. 15: 5
1 Корі́нѳ. 15: 10
но дово́лство на́ше ѿ бг҃а: 6 и҆́же и҆ оу҆дово́ли на́съ слꙋжи́тели бы́ти
3: 6
І҆ерем. 31: 33
но́вꙋ завѣ́тꙋ, не пи́смени, но дꙋ́хꙋ:
3: 6
І҆ѡа́н. 6: 63
писмѧ́ бо оу҆бива́етъ, а҆ дꙋ́хъ животвори́тъ. 7 А҆́ще ли слꙋже́нїе сме́рти писмены̀, ѡ҆бразова́но въ ка́менехъ, бы́сть въ сла́вꙋ, ꙗ҆́кѡ
3: 7
И҆схо́д. 34: 30
не мощѝ взира́ти сынѡ́мъ і҆н҃лєвымъ на лицѐ мѡѷсе́ово, сла́вы ра́ди лица̀ є҆гѡ̀ престаю́щїѧ: 8 ка́кѡ не мно́жае па́че слꙋже́нїе дꙋ́ха бꙋ́детъ въ сла́вѣ; 9 А҆́ще бо слꙋже́нїе ѡ҆сꙋжде́нїѧ, сла́ва, мно́гѡ па́че и҆збы́точествꙋетъ слꙋже́нїе пра́вды въ сла́вѣ. 10 И҆́бо не просла́висѧ просла́вленное въ ча́сти се́й, за превосходѧ́щꙋю сла́вꙋ. 11 А҆́ще бо престаю́щее, сла́вою: мно́гѡ па́че пребыва́ющее, въ сла́вѣ.

(Заⷱ҇ рѻ҃д.)

12 И҆мꙋ́ще оу҆̀бо таково̀ оу҆пова́нїе, мно́гимъ дерзнове́нїемъ дѣ́йствꙋемъ, 13 и҆ не ꙗ҆́коже мѡѷсе́й полага́ше покрыва́ло на лицы̀ свое́мъ, за є҆́же не мощѝ взира́ти сынѡ́мъ і҆н҃лєвымъ

3: 13
Ри́млѧн. 10: 4
на коне́цъ престаю́щагѡ. 14
3: 14
1 Корі́нѳ. 2: 8
И҆са́їа. 6: 10
Но ѡ҆слѣпи́шасѧ помышлє́нїѧ и҆́хъ: да́же бо до сегѡ̀ днѐ то́жде покрыва́ло во чте́нїи ве́тхагѡ завѣ́та пребыва́етъ не ѿкрове́но, занѐ ѡ҆ хрⷭ҇тѣ̀ престае́тъ. 15 Но да́же до дне́сь, внегда̀ чте́тсѧ мѡѷсе́й, покрыва́ло на се́рдцѣ и҆́хъ лежи́тъ: 16
3: 16
И҆схо́д. 34: 34
внегда́ же ѡ҆братѧ́тсѧ ко гдⷭ҇ꙋ, взима́етсѧ покрыва́ло. 17
3: 17
І҆ѡа́н. 4: 24
Гдⷭ҇ь же дх҃ъ є҆́сть: а҆ и҆дѣ́же дх҃ъ гдⷭ҇ень, тꙋ̀ свобо́да. 18 Мы́ же всѝ
3: 18
2 Корі́нѳ. 4: 6
ѿкрове́ннымъ лице́мъ сла́вꙋ гдⷭ҇ню взира́юще, въ то́йже ѡ҆́бразъ
3: 18
1 Корі́нѳ. 15: 49
преѡбразꙋ́емсѧ ѿ сла́вы въ сла́вꙋ, ꙗ҆́коже ѿ гдⷭ҇нѧ дх҃а.

4

ГЛАВА̀ д҃.

Зача́ло рѻ҃є.

41 Сегѡ̀ ра́ди и҆мꙋ́ще слꙋже́нїе сїѐ, ꙗ҆́коже поми́ловани бы́хомъ, не стꙋжа́емъ сѝ: 2 но ѿреко́хомсѧ та́йныхъ сра́ма, не въ лꙋка́вствїи ходѧ́ще, ни льстѧ́ще словесѐ бж҃їѧ, но ꙗ҆вле́нїемъ

4: 2
2 Корі́нѳ. 2: 17
Дѣѧ̑н. 23: 9
и҆́стины представлѧ́юще себѐ ко всѧ́цѣй со́вѣсти человѣ́честѣй, пред̾ бг҃омъ. 3 А҆́ще ли же є҆́сть покрове́но бл҃говѣствова́нїе на́ше,
4: 3
1 Корі́нѳ. 1: 18
въ ги́бнꙋщихъ є҆́сть покрове́но, 4 въ ни́хже бо́гъ вѣ́ка сегѡ̀ ѡ҆слѣпѝ ра́зꙋмы невѣ́рныхъ, во є҆́же не возсїѧ́ти и҆̀мъ свѣ́тꙋ бл҃говѣствова́нїѧ сла́вы хрⷭ҇то́вы, и҆́же є҆́сть
4: 4
І҆ѡа́н. 14: 9
Колос. 1: 15
Е҆вр. 1: 3
ѡ҆́бразъ бг҃а неви́димагѡ. 5 Не себе́ бо проповѣ́даемъ,
4: 5
1 Корі́нѳ. 2: 2
3: 5
но хрⷭ҇та̀ і҆н҃са гдⷭ҇а: себе́ же самѣ́хъ рабѡ́въ ва́мъ і҆н҃са (гдⷭ҇а) ра́ди:

(Заⷱ҇ рѻ҃ѕ.)

6 ꙗ҆́кѡ

4: 6
Быт. 1: 3
бг҃ъ рекі́й и҆з̾ тмы̀ свѣ́тꙋ возсїѧ́ти,
4: 6
1 Петр. 2: 9
и҆́же возсїѧ̀ въ сердца́хъ на́шихъ, къ просвѣще́нїю ра́зꙋма сла́вы бж҃їѧ ѡ҆ лицы̀ і҆н҃съ хрⷭ҇то́вѣ. 7 И҆́мамы же сокро́вище сїѐ въ скꙋде́льныхъ сосꙋ́дѣхъ,
4: 7
2 Корі́нѳ. 3: 5
1 Корі́нѳ. 2: 5
да премно́жество си́лы бꙋ́детъ бж҃їѧ, а҆ не ѿ на́съ: 8 во все́мъ скорбѧ́ще, но не стꙋжа́юще сѝ: неча́еми, но не ѿчаѧва́еми: 9 гони́ми, но не ѡ҆ставлѧ́еми:
4: 9
Ѱал. 36: 24
низлага́еми, но не погиба́юще: 10 всегда̀
4: 10
Гала́т. 6: 17
ме́ртвость гдⷭ҇а і҆н҃са въ тѣ́лѣ носѧ́ще, да и҆ живо́тъ і҆н҃совъ въ тѣ́лѣ на́шемъ ꙗ҆ви́тсѧ. 11 Прⷭ҇нѡ бо мы̀ живі́и въ сме́рть предае́мсѧ
4: 11
Ри́млѧн. 8: 17
і҆н҃са ра́ди, да и҆ живо́тъ і҆н҃совъ ꙗ҆ви́тсѧ въ ме́ртвеннѣй пло́ти на́шей: 12 тѣ́мже сме́рть оу҆́бѡ въ на́съ дѣ́йствꙋетъ, а҆ живо́тъ въ ва́съ.

(Заⷱ҇ рѻ҃з.)

13 И҆мꙋ́ще же то́йже дх҃ъ вѣ́ры, по пи́санномꙋ:

4: 13
Ѱал. 115: 1
вѣ́ровахъ, тѣ́мже возглаго́лахъ: и҆ мы̀ вѣ́рꙋемъ, тѣ́мже и҆ глаго́лемъ, 14
4: 14
1 Корі́нѳ. 6: 14
1 Солꙋ́н. 1: 10
вѣ́дѧще, ꙗ҆́кѡ воздви́гїй гдⷭ҇а і҆н҃са, и҆ на́съ со і҆н҃сомъ воздви́гнетъ, и҆ предпоста́витъ съ ва́ми. 15 Всѧ̑ бо ва́съ ра́ди, да блгⷣть оу҆мно́жившаѧсѧ, мно́жайшими благодарє́нїи и҆збы́точествитъ въ сла́вꙋ бж҃їю. 16 Тѣ́мже не стꙋжа́емъ сѝ: но а҆́ще и҆ внѣ́шнїй на́шъ человѣ́къ тлѣ́етъ,
4: 16
1 Петр. 3: 4
Е҆фес. 3: 16
ѻ҆ба́че внꙋ́треннїй ѡ҆бновлѧ́етсѧ по всѧ̑ дни̑. 17
4: 17
Ри́млѧн. 8: 18
Е҆́же бо нн҃ѣ ле́гкое печа́ли на́шеѧ, по преꙋмноже́нїю въ преспѣ́ѧнїе тѧготꙋ̀ вѣ́чныѧ сла́вы содѣ́ловаетъ на́мъ, 18 не смотрѧ́ющымъ на́мъ ви́димыхъ,
4: 18
Е҆вр. 11: 1
но неви́димыхъ: ви̑димаѧ бо вре́мєнна, неви̑димаѧ же вѣ́чна.