Елизаветинская Библия 1751 (CSELZAN)
6

ГЛАВА̀ ѕ҃.

61 Е҆ли́цы

6: 1
Ті́т. 2: 9
сꙋ́ть под̾ и҆́гомъ рабѝ, свои́хъ госпо́дїй всѧ́кїѧ че́сти да сподоблѧ́ютъ,
6: 1
І҆езек. 36: 23
да и҆́мѧ бж҃їе не хꙋ́литсѧ и҆ оу҆ч҃нїе. 2 И҆мꙋ́щїи же вѣ́рныхъ госпо́дїй да не нерадѧ́тъ ѡ҆ ни́хъ, поне́же бра́тїѧ сꙋ́ть: но па́че да рабо́таютъ, занѐ вѣ́рни сꙋ́ть и҆ возлю́блени, и҆̀же благода́ть воспрїе́млющїи. Сїѧ̑ оу҆чѝ и҆ молѝ. 3 А҆́ще ли кто̀ и҆́накѡ оу҆чи́тъ и҆ не пристꙋпа́етъ
6: 3
1 Корі́нѳ. 2: 2
къ здра̑вымъ словесє́мъ гдⷭ҇а на́шегѡ і҆н҃са хрⷭ҇та̀ и҆ оу҆че́нїю, є҆́же по бл҃говѣ́рїю, 4 разгордѣ́сѧ, ничто́же вѣ́дый, но недꙋ́гꙋѧй ѡ҆ стѧза́нїихъ и҆ словопрѣ́нїихъ, ѿ ни́хже быва́етъ за́висть, рве́нїе, хꙋлы̑, непщева̑нїѧ лꙋка̑ва, 5 бесѣ́ды ѕлы̑ѧ растлѣ́нныхъ человѣ́кѡвъ оу҆мо́мъ и҆ лише́нныхъ и҆́стины, непщꙋ́ющихъ приѡбрѣ́тенїе бы́ти бл҃гочтⷭ҇їе. Ѿстꙋпа́й ѿ таковы́хъ. 6
6: 6
При́тч. 15: 17
Е҆́сть же сниска́нїе ве́лїе бл҃гочтⷭ҇їе съ дово́лствомъ. 7
6: 7
І҆́ѡв. 1: 21
Ѱал. 48: 18
Ничто́же бо внесо́хомъ въ мі́ръ се́й: ꙗ҆́вѣ, ꙗ҆́кѡ нижѐ и҆знестѝ что̀ мо́жемъ. 8
6: 8
Быт. 28: 20
И҆мѣ́юще же пи́щꙋ и҆ ѡ҆дѣѧ́нїе, си́ми дово́лни бꙋ́демъ. 9 А҆
6: 9
Ма́рк. 4: 19
Лꙋк. 12: 15
хотѧ́щїи богати́тисѧ впа́даютъ въ напа̑сти и҆ сѣ́ть, и҆ въ по́хѡти мнѡ́ги несмы́слєнны и҆ врежда́ющыѧ, ꙗ҆̀же погрꙋжа́ютъ человѣ́ки во всегꙋби́телство и҆ поги́бель: 10 ко́рень бо всѣ́мъ ѕлы̑мъ сребролю́бїе є҆́сть, є҆гѡ́же нѣ́цыи жела́юще заблꙋди́ша ѿ вѣ́ры, и҆ себѐ пригвозди́ша болѣ́знемъ мнѡ́гимъ. 11 Ты́ же, ѡ҆̑, человѣ́че бж҃їй, си́хъ бѣ́гай:

(Заⷱ҇ сп҃и)

гони́ же пра́вдꙋ, бл҃гочтⷭ҇їе, вѣ́рꙋ, любо́вь, терпѣ́нїе, кро́тость: 12 подвиза́йсѧ до́брымъ по́двигомъ вѣ́ры, є҆́млисѧ за вѣ́чнꙋю жи́знь, въ ню́же и҆ зва́нъ бы́лъ є҆сѝ, и҆ и҆сповѣ́далъ є҆сѝ до́брое и҆сповѣ́данїе пред̾ мно́гими свидѣ́тєли. 13

6: 13
1 Тїмоѳ. 5: 21
Завѣщава́ю тѝ пред̾ бг҃омъ ѡ҆живлѧ́ющимъ всѧ́чєскаѧ, и҆ хрⷭ҇то́мъ і҆н҃сомъ свидѣ́телствовавшимъ при
6: 13
Матѳ. 27: 11
Ма́рк. 15: 2
Лꙋк. 23: 3
І҆ѡа́н. 18: 37
понті́йстѣмъ пїла́тѣ до́брое и҆сповѣ́данїе: 14 соблюстѝ тебѣ̀ за́повѣдь нескве́рнꙋ и҆ незазо́рнꙋ, да́же до ꙗ҆вле́нїѧ гдⷭ҇а на́шегѡ і҆н҃са хрⷭ҇та̀, 15 є҆́же во своѧ̑ времена̀ ꙗ҆ви́тъ
6: 15
1 Тїмоѳ. 1: 11
А҆пока́лѷѱ. 17: 14
бл҃же́нный и҆ є҆ди́нъ си́льный, цр҃ь ца́рствꙋющихъ и҆ гдⷭ҇ь госпо́дствꙋющихъ, 16 є҆ди́нъ и҆мѣ́ѧй безсм҃ртїе и҆ во свѣ́тѣ живы́й непристꙋ́пнѣмъ,
6: 16
І҆ѡа́н. 1: 18
1 І҆ѡа́н. 4: 12
є҆го́же никто́же ви́дѣлъ є҆́сть ѿ человѣ́къ, нижѐ ви́дѣти мо́жетъ: є҆мꙋ́же чтⷭ҇ь и҆ держа́ва вѣ́чнаѧ. А҆ми́нь.

(Заⷱ҇ сп҃ѳ.)

17

6: 17
Ма́рк. 4: 19
Лꙋк. 12: 15
Бога̑тымъ въ нн҃ѣшнемъ вѣ́цѣ запреща́й не высокомꙋ́дрствовати, нижѐ оу҆пова́ти на бога́тство погиба́ющее, но на бг҃а жи́ва, даю́щаго на́мъ всѧ̑ ѻ҆би́лнѡ въ наслажде́нїе: 18 бл҃го́е дѣ́лати, богати́тисѧ въ дѣ́лѣхъ до́брыхъ, благопода̑тливымъ бы́ти, ѻ҆бщи́тєлнымъ, 19
6: 19
Матѳ. 6: 20
Лꙋк. 12: 33
сокро́вищꙋюще себѣ̀ ѡ҆снова́нїе добро̀ въ бꙋ́дꙋщее, да прїи́мꙋтъ вѣ́чнꙋю жи́знь. 20 Ѡ҆̑, тїмоѳе́е, преда́нїе сохранѝ,
6: 20
1 Тїмоѳ. 1: 4
4: 1
оу҆клонѧ́ѧсѧ скве́рныхъ сꙋесло́вїй и҆ прекосло́вїй лжеиме́ннагѡ ра́зꙋма: 21 ѡ҆ не́мже нѣ́цыи хва́лѧщесѧ, ѡ҆ вѣ́рѣ погрѣши́ша. Блгⷣть съ тобо́ю. А҆ми́нь.