Елизаветинская Библия 1751 (CSELZAN)
4

ГЛАВА̀ д҃.

Зача́ло сѯ҃ѳ.

41 Тѣ́мже оу҆̀бо, бра́тїе, про́симъ вы̀ и҆ мо́лимъ ѡ҆ хрⷭ҇тѣ̀ і҆н҃сѣ,

4: 1
Фїлїппис. 1: 27
ꙗ҆́коже прїѧ́сте ѿ на́съ, ка́кѡ подоба́етъ ва́мъ ходи́ти и҆ оу҆гожда́ти бг҃ови, ꙗ҆́коже и҆ хо́дите, да и҆збы́точествꙋете па́че: 2 вѣ́сте бо, какѡва̀ повелѣ́нїѧ да́хомъ ва́мъ гдⷭ҇емъ і҆н҃сомъ. 3
4: 3
Ри́млѧн. 6: 22
12: 2
Сїѧ́ бо є҆́сть во́лѧ бж҃їѧ, ст҃ость ва́ша, храни́ти себѐ самѣ́хъ ѿ блꙋда̀, 4 (и҆) вѣ́дѣти комꙋ́ждо ѿ ва́съ сво́й
4: 4
1 Корі́нѳ. 6: 18
сосꙋ́дъ стѧжава́ти во ст҃ы́ни и҆ че́сти, 5 (а҆) не въ стра́сти по́хотнѣй, ꙗ҆́коже и҆ ꙗ҆зы́цы не вѣ́дѧщїи бг҃а, 6
4: 6
1 Тїмоѳ. 6: 10
(и҆) є҆́же не престꙋпа́ти и҆ лихои́мствовати въ ве́щи бра́та своегѡ̀: занѐ мсти́тель є҆́сть гдⷭ҇ь ѡ҆ всѣ́хъ си́хъ, ꙗ҆́коже и҆ пре́жде реко́хомъ къ ва́мъ и҆ засвидѣ́телствовахомъ. 7
4: 7
1 Корі́нѳ. 1: 2
Е҆фес. 1: 4
Не призва́ бо на́съ бг҃ъ на нечистотꙋ̀, но во ст҃ость. 8 Тѣ́мже оу҆̀бо
4: 8
Лꙋк. 10: 16
ѿмета́ѧй не человѣ́ка ѿмета́етъ, но бг҃а,
4: 8
1 Корі́нѳ. 2: 10
да́вшаго дх҃а своего̀ ст҃а́го въ на́съ. 9 Ѡ҆ братолю́бїи же, не тре́бꙋете, да пи́шетсѧ къ ва́мъ,
4: 9
І҆ѡа́н. 13: 34
15: 12
1 І҆ѡа́н. 3: 11
са́ми бо вы̀ бг҃омъ оу҆че́ни є҆стѐ, є҆́же люби́ти дрꙋ́гъ дрꙋ́га: 10 и҆́бо творитѐ то̀ ко все́й бра́тїи, сꙋ́щей во все́й македо́нїи. Мо́лимъ же вы̀, бра́тїе, и҆збы́точествовати па́че, 11 и҆ любе́знѡ прилѣжа́ти, є҆́же безмо́лвствовати и҆ дѣ́ѧти своѧ̑
4: 11
Е҆фес. 4: 28
2 Солꙋ́н. 3: 10
и҆ дѣ́лати свои́ма рꙋка́ма, ꙗ҆́коже повелѣ́хомъ ва́мъ: 12 да хо́дите
4: 12
Ри́млѧн. 13: 13
благоѡбра́знѡ ко внѣ́шнимъ и҆ ни чесогѡ́же тре́бꙋете.

(Заⷱ҇ с҃ѻ.)

13 Не хощꙋ́ же ва́съ, бра́тїе, не вѣ́дѣти ѡ҆ оу҆ме́ршихъ, да не скорбитѐ, ꙗ҆́коже и҆ про́чїи не и҆мꙋ́щїи оу҆пова́нїѧ. 14 А҆́ще бо вѣ́рꙋемъ, ꙗ҆́кѡ і҆н҃съ оу҆́мре и҆ воскр҃се, та́кѡ и҆ бг҃ъ оу҆ме́ршыѧ

4: 14
1 Корі́нѳ. 15: 20
во і҆н҃сѣ приведе́тъ съ ни́мъ. 15 Сїе́ бо ва́мъ глаго́лемъ сло́вомъ гдⷭ҇нимъ,
4: 15
1 Корі́нѳ. 15: 51
ꙗ҆́кѡ мы̀ живꙋ́щїи, ѡ҆ста́вшїи въ прише́ствїе гдⷭ҇не, не и҆́мамы предвари́ти оу҆ме́ршихъ: 16 ꙗ҆́кѡ са́мъ гдⷭ҇ь въ повелѣ́нїи, во гла́сѣ а҆рха́гг҃ловѣ
4: 16
Матѳ. 24: 31
2 Солꙋ́н. 1: 7
и҆ въ трꙋбѣ̀ бж҃їи сни́детъ съ нб҃сѐ, и҆ ме́ртвїи ѡ҆ хрⷭ҇тѣ̀ воскре́снꙋтъ пе́рвѣе: 17 пото́мъ же мы̀, живꙋ́щїи ѡ҆ста́вшїи, кꙋ́пнѡ съ ни́ми восхище́ни бꙋ́демъ на ѡ҆́блацѣхъ въ срѣ́тенїе гдⷭ҇не на воздꙋ́сѣ,
4: 17
І҆ѡа́н. 14: 3
17: 24
и҆ та́кѡ всегда̀ съ гдⷭ҇емъ бꙋ́демъ. 18 Тѣ́мже оу҆тѣша́йте дрꙋ́гъ дрꙋ́га въ словесѣ́хъ си́хъ.