Елизаветинская Библия 1751 (CSELZAN)
4

ГЛАВА̀ д҃.

Зача́ло р҃л.

41 Та́кѡ на́съ да непщꙋ́етъ человѣ́къ,

4: 1
2 Корі́нѳ. 6: 4
ꙗ҆́кѡ слꙋ́гъ хрⷭ҇то́выхъ и҆ строи́телей та̑инъ бж҃їихъ: 2 а҆
4: 2
Матѳ. 24: 45
Лꙋк. 12: 42
є҆́же про́чее и҆́щетсѧ въ строи́телехъ, да вѣ́ренъ кто̀ ѡ҆брѧ́щетсѧ. 3 Мнѣ́ же не вели́ко є҆́сть, да ѿ ва́съ и҆стѧжꙋ́сѧ, и҆лѝ ѿ человѣ́ческагѡ днѐ4: 3 сꙋда̀: но ни са́мъ себѐ востѧзꙋ́ю. 4
4: 4
Дѣѧ̑н. 23: 1
Ничесѡ́же бо въ себѣ̀ свѣ́мъ,
4: 4
И҆схо́д. 34: 7
І҆́ѡв. 9: 2
но ни ѡ҆ се́мъ ѡ҆правда́юсѧ: востѧзꙋ́ѧй же мѧ̀ гдⷭ҇ь є҆́сть. 5 (Заⷱ҇.)
4: 5
Матѳ. 7: 1
Ри́млѧн. 2: 1
Тѣ́мже пре́жде вре́мене ничто́же сꙋди́те, до́ндеже прїи́детъ гдⷭ҇ь, и҆́же во свѣ́тѣ приведе́тъ та̑йнаѧ тмы̀ и҆ ѡ҆б̾ѧви́тъ совѣ́ты сердє́чныѧ, и҆ тогда̀
4: 5
Матѳ. 25: 21
похвала̀ бꙋ́детъ комꙋ́ждо ѿ бг҃а. 6 Сїѧ̑ же, бра́тїе (моѧ̑), преѡбрази́хъ на себѐ и҆ а҆поллѡ́са ва́съ ра́ди, да ѿ на́ю наꙋчите́сѧ
4: 6
Ри́млѧн. 12: 3
При́тч. 3: 7
не па́че напи́санныхъ мꙋ́дрствовати, да не є҆ди́нъ по є҆ди́номꙋ гордите́сѧ на дрꙋга́го. 7 Кто́ бо тѧ̀ разсꙋжда́етъ;
4: 7
І҆ѡа́н. 3: 27
Что́ же и҆́маши, є҆гѡ́же нѣ́си прїѧ́лъ; А҆́ще же и҆ прїѧ́лъ є҆сѝ, что̀ хва́лишисѧ ꙗ҆́кѡ не прїе́мъ; 8 Сѐ, сы́ти є҆стѐ, сѐ, ѡ҆богати́стесѧ, без̾ на́съ воцари́стесѧ: и҆ ѡ҆̑, дабы̀ воцари́лисѧ є҆стѐ, да и҆ мы̀ бы́хомъ съ ва́ми ца́рствовали.

(Заⷱ҇ рл҃а.)

9 Мню́ бо, ꙗ҆́кѡ бг҃ъ ны̀ посла́нники послѣ́днїѧ ꙗ҆вѝ, ꙗ҆́кѡ

4: 9
Ри́млѧн. 8: 36
2 Корі́нѳ. 4: 11
Ѱал. 43: 23
насме́ртники: занѐ позо́ръ бы́хомъ мі́рꙋ и҆ а҆́гг҃лѡмъ и҆ человѣ́кѡмъ. 10 Мы̀ (оу҆́бѡ) бꙋ́и хрⷭ҇та̀ ра́ди, вы́ же мꙋ́дри ѡ҆ хрⷭ҇тѣ̀: мы̀ не́мощни, вы́ же крѣ́пцы: вы̀ сла́вни, мы́ же безче́стни. 11 До нн҃ѣшнѧгѡ часа̀ и҆ а҆́лчемъ, и҆ жа́ждемъ, и҆ наготꙋ́емъ, и҆ стра́ждемъ, и҆ скита́емсѧ, 12
4: 12
Дѣѧ̑н. 20: 34
1 Солꙋ́н. 2: 9
2 Солꙋ́н. 3: 8
и҆ трꙋжда́емсѧ, дѣ́лающе свои́ми рꙋка́ми.
4: 12
Матѳ. 5: 44
Лꙋк. 23: 34
Дѣѧ̑н. 7: 60
Оу҆корѧ́еми, благословлѧ́емъ: гони́ми, терпи́мъ: 13 хꙋ́лими, оу҆тѣша́емсѧ4: 13 мо́лимъ: ꙗ҆́коже ѡ҆тре́би мі́рꙋ бы́хомъ, всѣ́мъ попра́нїе досе́лѣ. 14 Не срамлѧ́ѧ ва́съ сїѧ̑ пишꙋ̀, но ꙗ҆́коже ча̑да моѧ̑ возлю́блєннаѧ наказꙋ́ю. 15 А҆́ще бо (и҆) мнѡ́ги пѣ́стꙋны и҆́мате ѡ҆ хрⷭ҇тѣ̀, но не мнѡ́ги ѻ҆тцы̀:
4: 15
Гала́т. 4: 19
Філим. 1: 10
ѡ҆ хрⷭ҇тѣ́ бо і҆н҃сѣ бл҃говѣствова́нїемъ а҆́зъ вы̀ роди́хъ. 16 Молю́ же ва́съ: подо́бни мнѣ̀ быва́йте, ꙗ҆́коже а҆́зъ хрⷭ҇тꙋ̀.

(Заⷱ҇ рл҃в.)

17 Сегѡ̀ ра́ди посла́хъ къ ва́мъ тїмоѳе́а, и҆́же мѝ є҆́сть ча́до возлю́блено и҆ вѣ́рно ѡ҆ гдⷭ҇ѣ, и҆́же ва́мъ воспомѧ́нетъ пꙋти̑ моѧ̑, ꙗ҆̀же ѡ҆ хрⷭ҇тѣ̀ і҆н҃сѣ, ꙗ҆́коже вездѣ̀ и҆ во всѧ́цѣй цр҃кви оу҆чꙋ̀. 18 Ꙗ҆́кѡ не грѧдꙋ́щꙋ мѝ къ ва́мъ, разгордѣ́шасѧ нѣ́цыи: 19 прїидꙋ́ же ско́рѡ къ ва́мъ,

4: 19
Дѣѧ̑н. 18: 21
І҆а́к. 4: 15
а҆́ще гдⷭ҇ь восхо́щетъ, и҆ оу҆разꙋмѣ́ю не сло́во разгордѣ́вшихсѧ, но си́лꙋ: 20 не
4: 20
1 Корі́нѳ. 2: 4
въ словеси́ бо црⷭ҇тво бж҃їе, но въ си́лѣ. 21 Что̀ хо́щете;
4: 21
2 Корі́нѳ. 13: 10
съ па́лицею ли прїидꙋ̀ къ ва́мъ, и҆лѝ съ любо́вїю и҆ дꙋ́хомъ кро́тости;

5

ГЛАВА̀ є҃.

51 Ѿню́дъ слы́шитсѧ въ ва́съ блꙋже́нїе, и҆ таково̀ блꙋже́нїе, ꙗ҆ково́же ни во ꙗ҆зы́цѣхъ и҆менꙋ́етсѧ,

5: 1
Леѵі́т. 18: 8
ꙗ҆́кѡ нѣ́коемꙋ и҆мѣ́ти женꙋ̀ ѻ҆́тчꙋю. 2 И҆ вы̀ разгордѣ́сте, и҆ не па́че пла́касте, да и҆́зметсѧ ѿ среды̀ ва́съ содѣ́ѧвый дѣ́ло сїѐ. 3 Занѐ а҆́зъ оу҆́бѡ а҆́ще
5: 3
Колос. 2: 5
не оу҆ ва́съ сы́й тѣ́ломъ, тꙋ́ же живы́й дꙋ́хомъ, оу҆жѐ сꙋди́хъ, ꙗ҆́кѡ та́мѡ сы́й: содѣ́ѧвшаго си́це сїѐ, 4 ѡ҆ и҆́мени гдⷭ҇а на́шегѡ і҆н҃са хрⷭ҇та̀ собра́вшымсѧ ва́мъ и҆ моемꙋ̀ дꙋ́хꙋ, съ си́лою гдⷭ҇а на́шегѡ і҆н҃са хрⷭ҇та̀, 5
5: 5
1 Тїмоѳ. 1: 20
Ѱал. 108: 6
преда́ти такова́го сатанѣ̀ во и҆зможде́нїе пло́ти, да дꙋ́хъ спасе́тсѧ въ де́нь гдⷭ҇а на́шегѡ і҆н҃са хрⷭ҇та̀. 6 Не добра̀ похвала̀ ва́ша. (Заⷱ҇ рл҃г.)
5: 6
1 Корі́нѳ. 15: 33
Гала́т. 5: 9
2 Тїмоѳ. 2: 17
Не вѣ́сте ли, ꙗ҆́кѡ ма́лъ ква́съ всѐ смѣше́нїе ква́ситъ; 7 Ѡ҆чи́стите оу҆̀бо ве́тхїй ква́съ, да бꙋ́дете но́во смѣше́нїе, ꙗ҆́коже є҆стѐ безква́сни: и҆́бо па́сха на́ша за ны̀
5: 7
И҆са́їа. 53: 7
пожре́нъ бы́сть хрⷭ҇то́съ. 8 Тѣ́мже да пра́зднꙋемъ не въ ква́сѣ ве́тсѣ, ни въ ква́сѣ ѕло́бы и҆ лꙋка́вства, но въ безква́сїихъ чтⷭ҇оты̀ и҆ и҆́стины.

(Заⷱ҇ рл҃д.)

9 Писа́хъ ва́мъ въ посла́нїи не примѣша́тисѧ блꙋдникѡ́мъ: 10 и҆ не всѧ́кѡ блꙋдникѡ́мъ мі́ра сегѡ̀, и҆лѝ лихои́мцємъ, и҆лѝ хи́щникѡмъ, и҆лѝ і҆дѡлослꙋжи́телємъ, поне́же оу҆̀бо до́лжни бы є҆стѐ бы́ли ѿ мі́ра (сегѡ̀) и҆зы́ти: 11 нн҃ѣ же писа́хъ ва́мъ

5: 11
Матѳ. 18: 17
Ри́млѧн. 16: 17
2 Солꙋ́н. 3: 14
не примѣша́тисѧ, а҆́ще нѣ́кїй, бра́тъ и҆менꙋ́емь, бꙋ́детъ блꙋдни́къ, и҆лѝ лихои́мецъ, и҆лѝ і҆дѡлослꙋжи́тель, и҆лѝ досади́тель, и҆лѝ пїѧ́ница, и҆лѝ хи́щникъ: съ таковы́мъ нижѐ ꙗ҆́сти. 12 Что́ бо мѝ и҆ внѣ́шнихъ сꙋди́ти; Не внꙋ́треннихъ ли вы̀ сꙋ́дите; 13 Внѣ́шнихъ же бг҃ъ сꙋ́дитъ. И҆ и҆зми́те ѕла́го ѿ ва́съ самѣ́хъ.

6

ГЛАВА̀ ѕ҃.

61 Смѣ́етъ ли кто̀ ѿ ва́съ, ве́щь и҆мѣ́ѧ ко и҆но́мꙋ, сꙋди́тисѧ ѿ непра́ведныхъ, а҆ не ѿ ст҃ы́хъ; 2

6: 2
Премꙋ́др. 3: 8
Матѳ. 19: 28
А҆пока́лѷѱ. 20: 4
Не вѣ́сте ли, ꙗ҆́кѡ ст҃і́и мі́рови и҆́мꙋтъ сꙋди́ти; и҆ а҆́ще ва́ми сꙋ́дъ прїи́метъ мі́ръ, недосто́йни є҆стѐ сꙋди́щємъ хꙋды̑мъ; 3 Не вѣ́сте ли, ꙗ҆́кѡ а҆́ггелѡвъ сꙋди́ти и҆́мамы, а҆ не то́чїю жите́йскихъ; 4 Житє́йскаѧ бо сꙋди̑ща а҆́ще и҆́мате, оу҆ничиже́нныхъ въ цр҃кви, си́хъ посажда́ете. 5 Къ сра́мꙋ ва́мъ глаго́лю: та́кѡ ли нѣ́сть въ ва́съ мꙋ́дръ ни є҆ди́нъ, и҆́же мо́жетъ разсꙋди́ти междꙋ̀ бра́тїй свои́хъ; 6 Но бра́тъ съ бра́томъ сꙋ́дитсѧ, и҆ то̀ пред̾ невѣ́рными. 7 Оу҆жѐ оу҆̀бо ѿню́дъ ва́мъ сра́мъ є҆́сть, ꙗ҆́кѡ тѧжбы̑ и҆́мате междꙋ̀ собо́ю.
6: 7
Матѳ. 5: 40
Лꙋк. 6: 29
Ри́млѧн. 12: 19
1 Солꙋ́н. 5: 15
Почто̀ не па́че ѡ҆би́дими є҆стѐ; почто̀ не па́че лише́ни быва́ете; 8 Но вы̀ (са́ми) ѡ҆би́дите и҆ лиша́ете, да є҆щѐ бра́тїю. 9 И҆лѝ не вѣ́сте, ꙗ҆́кѡ непра́вєдницы
6: 9
Гала́т. 5: 21
Е҆фес. 5: 5
црⷭ҇твїѧ бж҃їѧ не наслѣ́дѧтъ; Не льсти́те себѐ: ни блꙋдницы̀, ни і҆дѡлослꙋжи́телє, ни прелюбодѣ́є, (ни скверни́телє,) ни малакі̑и, ни мꙋжело́жницы, 10 ни лихои́мцы, ни та́тїе, ни пїѧ̑ницы, ни досади́телє, ни хи̑щницы црⷭ҇твїѧ бж҃їѧ не наслѣ́дѧтъ. 11
6: 11
Е҆фес. 2: 2
Ті́т. 3: 3
И҆ си́ми (оу҆́бѡ) нѣ́цыи бѣ́сте, но ѡ҆мы́стесѧ, но ѡ҆ст҃и́стесѧ, но ѡ҆правди́стесѧ и҆́менемъ гдⷭ҇а на́шегѡ і҆н҃са хрⷭ҇та̀ и҆ дх҃омъ бг҃а на́шегѡ.

(Заⷱ҇ рл҃є.)

12

6: 12
1 Корі́нѳ. 10: 23
Сїрах. 37: 31
Всѧ̑ мѝ лѣ́ть сꙋ́ть, но не всѧ̑ на по́льзꙋ: всѧ̑ мѝ лѣ́ть сꙋ́ть, но не а҆́зъ ѡ҆блада́нъ бꙋ́дꙋ ѿ чегѡ̀. 13 Бра̑шна чре́вꙋ, и҆ чре́во бра́шнѡмъ:
6: 13
Матѳ. 22: 30
бг҃ъ же и҆ сїѐ и҆ сїѧ̑ оу҆праздни́тъ.
6: 13
Ри́млѧн. 6: 13,19
Тѣ́ло же не блꙋже́нїю, но гдⷭ҇еви, и҆ гдⷭ҇ь тѣ́лꙋ. 14 Бг҃ъ же
6: 14
2 Корі́нѳ. 4: 14
1 Солꙋ́н. 4: 14
и҆ гдⷭ҇а воздви́же, и҆ на́съ воздви́гнетъ си́лою свое́ю. 15 Не вѣ́сте ли, ꙗ҆́кѡ тѣлеса̀ ва̑ша
6: 15
Е҆фес. 5: 30
оу҆́дове хрⷭ҇тѡ́вы сꙋ́ть; Взе́мь ли оу҆̀бо оу҆́ды хрⷭ҇тѡ́вы, сотворю̀ оу҆́ды блꙋдни̑чи; Да не бꙋ́детъ. 16 И҆лѝ не вѣ́сте, ꙗ҆́кѡ прилѣплѧ́ѧйсѧ сквернодѣ́йцѣ є҆ди́но тѣ́ло є҆́сть (съ блꙋдодѣ́йцею);
6: 16
Быт. 2: 24
Матѳ. 19: 5
Ма́рк. 10: 7
Е҆фес. 5: 31
бꙋ́дета бо, речѐ, ѻ҆́ба въ пло́ть є҆ди́нꙋ. 17 Прилѣплѧ́ѧйсѧ же гдⷭ҇еви є҆ди́нъ дꙋ́хъ є҆́сть (съ гдⷭ҇емъ). 18 Бѣ́гайте блꙋдодѣѧ́нїѧ: всѧ́къ (бо) грѣ́хъ, є҆го́же а҆́ще сотвори́тъ человѣ́къ, кромѣ̀ тѣ́ла є҆́сть: а҆ блꙋдѧ́й во своѐ тѣ́ло согрѣша́етъ. 19
6: 19
1 Корі́нѳ. 3: 17
2 Корі́нѳ. 6: 16
1 Петр. 2: 5
И҆лѝ не вѣ́сте, ꙗ҆́кѡ тѣлеса̀ ва̑ша хра́мъ живꙋ́щагѡ въ ва́съ ст҃а́гѡ дх҃а сꙋ́ть, є҆го́же и҆́мате ѿ бг҃а, и҆ нѣ́сте своѝ; 20
6: 20
Дѣѧ̑н. 20: 28
Гала́т. 3: 13
1 Петр. 1: 19
кꙋ́плени бо є҆стѐ цѣно́ю. (Заⷱ҇ рл҃ѕ.) Просла́вите оу҆̀бо бг҃а въ тѣлесѣ́хъ ва́шихъ и҆ въ дꙋша́хъ ва́шихъ, ꙗ҆̀же сꙋ́ть бж҃їѧ.