Елизаветинская Библия 1751 (CSELZAN)
3

ГЛАВА̀ г҃.

31 И҆ а҆́зъ, бра́тїе, не мого́хъ ва́мъ глаго́лати ꙗ҆́кѡ дꙋхѡ́внымъ, но

3: 1
Е҆фес. 4: 14
ꙗ҆́кѡ плѡ́тѧнымъ, ꙗ҆́кѡ младе́нцємъ ѡ҆ хрⷭ҇тѣ̀. 2
3: 2
1 Петр. 2: 2
Млеко́мъ вы̀ напои́хъ, а҆ не бра́шномъ: и҆́бо не оу҆̀ можа́сте, но нижѐ є҆щѐ мо́жете нн҃ѣ, 3 є҆ще́ бо пло́тстїи є҆стѐ. И҆дѣ́же бо въ ва́съ за̑висти и҆ рвє́нїѧ и҆ ра́спри, не пло́тстїи ли є҆стѐ и҆ по человѣ́кꙋ хо́дите; 4 Е҆гда́ бо глаго́летъ кто̀:
3: 4
1 Корі́нѳ. 1: 12
а҆́зъ оу҆́бѡ є҆́смь па́ѵловъ, дрꙋгі́й же: а҆́зъ а҆поллѡ́совъ: не пло́тстїи ли є҆стѐ; 5 Кто̀ оу҆̀бо є҆́сть па́ѵелъ; кто́ же ли а҆поллѡ́съ; Но то́чїю слꙋжи́телїе, и҆́миже вѣ́ровасте,
3: 5
Ри́млѧн. 12: 6
и҆ комꙋ́ждо ꙗ҆́коже гдⷭ҇ь дадѐ. 6 А҆́зъ насади́хъ,
3: 6
Дѣѧ̑н. 19: 1
а҆поллѡ́съ напоѝ,
3: 6
Ма́рк. 16: 20
бг҃ъ же возрастѝ: 7 тѣ́мже ни насажда́ѧй є҆́сть что̀, ни напаѧ́ѧй, но возраща́ѧй бг҃ъ. 8 Насажда́ѧй же и҆ напаѧ́ѧй є҆ди́но є҆ста̀: кі́йждо же свою̀ мздꙋ̀ прїи́метъ по своемꙋ̀ трꙋдꙋ̀.

(Заⷱ҇ рк҃и.)

9 Бг҃ꙋ бо є҆смы̀ споспѣ́шницы:

3: 9
И҆са́їа. 5: 1
61: 3
бж҃їе тѧжа́нїе, бж҃їе зда́нїе є҆стѐ. 10 По блгⷣти бж҃їей да́ннѣй мнѣ̀, ꙗ҆́кѡ премꙋ́дръ а҆рхїте́ктѡнъ ѡ҆снова́нїе положи́хъ, и҆́нъ же назида́етъ: кі́йждо же да блюде́тъ, ка́кѡ назида́етъ. 11
3: 11
И҆са́їа. 28: 16
Е҆фес. 2: 22
Ѡ҆снова́нїѧ бо и҆на́гѡ никто́же мо́жетъ положи́ти па́че лежа́щагѡ, є҆́же є҆́сть і҆н҃съ хрⷭ҇то́съ. 12 А҆́ще ли кто̀ назида́етъ на ѡ҆снова́нїи се́мъ зла́то, сребро̀, ка́менїе честно́е, дрова̀, сѣ́но, тро́стїе, 13 когѡ́ждо дѣ́ло ꙗ҆вле́но бꙋ́детъ: де́нь бо ꙗ҆ви́тъ, занѐ ѻ҆гне́мъ ѿкрыва́етсѧ: и҆ когѡ́ждо дѣ́ло, ꙗ҆ково́же є҆́сть,
3: 13
И҆са́їа. 48: 10
1 Петр. 1: 7
ѻ҆́гнь и҆скꙋ́ситъ. 14 (И҆) є҆гѡ́же а҆́ще дѣ́ло пребꙋ́детъ, є҆́же назда̀, мздꙋ̀ прїи́метъ: 15 (а҆) є҆гѡ́же дѣ́ло сгори́тъ, ѡ҆тщети́тсѧ: са́мъ же спасе́тсѧ, та́кожде ꙗ҆́коже ѻ҆гне́мъ. 16 Не вѣ́сте ли, ꙗ҆́кѡ
3: 16
1 Корі́нѳ. 6: 19
І҆ѡа́н. 14: 23
Ри́млѧн. 8: 9
Гала́т. 4: 6
2 Корі́нѳ. 6: 16
Е҆вр. 3: 6
хра́мъ бж҃їй є҆стѐ, и҆ дх҃ъ бж҃їй живе́тъ въ ва́съ; 17 А҆́ще кто̀ бж҃їй хра́мъ растли́тъ, растли́тъ сего̀ бг҃ъ: хра́мъ бо бж҃їй ст҃ъ є҆́сть, и҆́же є҆стѐ вы̀.

(Заⷱ҇ рк҃ѳ.)

18 Никто́же себѐ да прельща́етъ: а҆́ще кто̀

3: 18
И҆са́їа. 5: 21
мни́тсѧ мꙋ́дръ бы́ти въ ва́съ въ вѣ́цѣ се́мъ, бꙋ́й да быва́етъ, ꙗ҆́кѡ да премꙋ́дръ бꙋ́детъ. 19 Премꙋ́дрость бо мі́ра сегѡ̀ бꙋ́йство оу҆ бг҃а є҆́сть, пи́сано бо є҆́сть:
3: 19
І҆́ѡв. 5: 13
запина́ѧй премꙋ̑дрымъ въ кова́рствѣ и҆́хъ. 20 И҆ па́ки:
3: 20
Ѱал. 93: 11
гдⷭ҇ь вѣ́сть помышлє́нїѧ человѣ́чєска3: 20 мꙋ́дрыхъ, ꙗ҆́кѡ сꙋ́ть сꙋ́єтна. 21 Тѣ́мже никто́же да хва́литсѧ въ человѣ́цѣхъ, всѧ̑ бо ва̑ша сꙋ́ть: 22 а҆́ще па́ѵелъ, и҆лѝ а҆поллѡ́съ, и҆лѝ ки́фа, и҆лѝ мі́ръ, и҆лѝ живо́тъ, и҆лѝ сме́рть, и҆лѝ настоѧ̑щаѧ, и҆лѝ бꙋ̑дꙋщаѧ, всѧ̑ ва̑ша сꙋ́ть: 23 вы́ же хрⷭ҇тѡ́вы, хрⷭ҇то́съ же бж҃їй.

4

ГЛАВА̀ д҃.

Зача́ло р҃л.

41 Та́кѡ на́съ да непщꙋ́етъ человѣ́къ,

4: 1
2 Корі́нѳ. 6: 4
ꙗ҆́кѡ слꙋ́гъ хрⷭ҇то́выхъ и҆ строи́телей та̑инъ бж҃їихъ: 2 а҆
4: 2
Матѳ. 24: 45
Лꙋк. 12: 42
є҆́же про́чее и҆́щетсѧ въ строи́телехъ, да вѣ́ренъ кто̀ ѡ҆брѧ́щетсѧ. 3 Мнѣ́ же не вели́ко є҆́сть, да ѿ ва́съ и҆стѧжꙋ́сѧ, и҆лѝ ѿ человѣ́ческагѡ днѐ4: 3 сꙋда̀: но ни са́мъ себѐ востѧзꙋ́ю. 4
4: 4
Дѣѧ̑н. 23: 1
Ничесѡ́же бо въ себѣ̀ свѣ́мъ,
4: 4
И҆схо́д. 34: 7
І҆́ѡв. 9: 2
но ни ѡ҆ се́мъ ѡ҆правда́юсѧ: востѧзꙋ́ѧй же мѧ̀ гдⷭ҇ь є҆́сть. 5 (Заⷱ҇.)
4: 5
Матѳ. 7: 1
Ри́млѧн. 2: 1
Тѣ́мже пре́жде вре́мене ничто́же сꙋди́те, до́ндеже прїи́детъ гдⷭ҇ь, и҆́же во свѣ́тѣ приведе́тъ та̑йнаѧ тмы̀ и҆ ѡ҆б̾ѧви́тъ совѣ́ты сердє́чныѧ, и҆ тогда̀
4: 5
Матѳ. 25: 21
похвала̀ бꙋ́детъ комꙋ́ждо ѿ бг҃а. 6 Сїѧ̑ же, бра́тїе (моѧ̑), преѡбрази́хъ на себѐ и҆ а҆поллѡ́са ва́съ ра́ди, да ѿ на́ю наꙋчите́сѧ
4: 6
Ри́млѧн. 12: 3
При́тч. 3: 7
не па́че напи́санныхъ мꙋ́дрствовати, да не є҆ди́нъ по є҆ди́номꙋ гордите́сѧ на дрꙋга́го. 7 Кто́ бо тѧ̀ разсꙋжда́етъ;
4: 7
І҆ѡа́н. 3: 27
Что́ же и҆́маши, є҆гѡ́же нѣ́си прїѧ́лъ; А҆́ще же и҆ прїѧ́лъ є҆сѝ, что̀ хва́лишисѧ ꙗ҆́кѡ не прїе́мъ; 8 Сѐ, сы́ти є҆стѐ, сѐ, ѡ҆богати́стесѧ, без̾ на́съ воцари́стесѧ: и҆ ѡ҆̑, дабы̀ воцари́лисѧ є҆стѐ, да и҆ мы̀ бы́хомъ съ ва́ми ца́рствовали.

(Заⷱ҇ рл҃а.)

9 Мню́ бо, ꙗ҆́кѡ бг҃ъ ны̀ посла́нники послѣ́днїѧ ꙗ҆вѝ, ꙗ҆́кѡ

4: 9
Ри́млѧн. 8: 36
2 Корі́нѳ. 4: 11
Ѱал. 43: 23
насме́ртники: занѐ позо́ръ бы́хомъ мі́рꙋ и҆ а҆́гг҃лѡмъ и҆ человѣ́кѡмъ. 10 Мы̀ (оу҆́бѡ) бꙋ́и хрⷭ҇та̀ ра́ди, вы́ же мꙋ́дри ѡ҆ хрⷭ҇тѣ̀: мы̀ не́мощни, вы́ же крѣ́пцы: вы̀ сла́вни, мы́ же безче́стни. 11 До нн҃ѣшнѧгѡ часа̀ и҆ а҆́лчемъ, и҆ жа́ждемъ, и҆ наготꙋ́емъ, и҆ стра́ждемъ, и҆ скита́емсѧ, 12
4: 12
Дѣѧ̑н. 20: 34
1 Солꙋ́н. 2: 9
2 Солꙋ́н. 3: 8
и҆ трꙋжда́емсѧ, дѣ́лающе свои́ми рꙋка́ми.
4: 12
Матѳ. 5: 44
Лꙋк. 23: 34
Дѣѧ̑н. 7: 60
Оу҆корѧ́еми, благословлѧ́емъ: гони́ми, терпи́мъ: 13 хꙋ́лими, оу҆тѣша́емсѧ4: 13 мо́лимъ: ꙗ҆́коже ѡ҆тре́би мі́рꙋ бы́хомъ, всѣ́мъ попра́нїе досе́лѣ. 14 Не срамлѧ́ѧ ва́съ сїѧ̑ пишꙋ̀, но ꙗ҆́коже ча̑да моѧ̑ возлю́блєннаѧ наказꙋ́ю. 15 А҆́ще бо (и҆) мнѡ́ги пѣ́стꙋны и҆́мате ѡ҆ хрⷭ҇тѣ̀, но не мнѡ́ги ѻ҆тцы̀:
4: 15
Гала́т. 4: 19
Філим. 1: 10
ѡ҆ хрⷭ҇тѣ́ бо і҆н҃сѣ бл҃говѣствова́нїемъ а҆́зъ вы̀ роди́хъ. 16 Молю́ же ва́съ: подо́бни мнѣ̀ быва́йте, ꙗ҆́коже а҆́зъ хрⷭ҇тꙋ̀.

(Заⷱ҇ рл҃в.)

17 Сегѡ̀ ра́ди посла́хъ къ ва́мъ тїмоѳе́а, и҆́же мѝ є҆́сть ча́до возлю́блено и҆ вѣ́рно ѡ҆ гдⷭ҇ѣ, и҆́же ва́мъ воспомѧ́нетъ пꙋти̑ моѧ̑, ꙗ҆̀же ѡ҆ хрⷭ҇тѣ̀ і҆н҃сѣ, ꙗ҆́коже вездѣ̀ и҆ во всѧ́цѣй цр҃кви оу҆чꙋ̀. 18 Ꙗ҆́кѡ не грѧдꙋ́щꙋ мѝ къ ва́мъ, разгордѣ́шасѧ нѣ́цыи: 19 прїидꙋ́ же ско́рѡ къ ва́мъ,

4: 19
Дѣѧ̑н. 18: 21
І҆а́к. 4: 15
а҆́ще гдⷭ҇ь восхо́щетъ, и҆ оу҆разꙋмѣ́ю не сло́во разгордѣ́вшихсѧ, но си́лꙋ: 20 не
4: 20
1 Корі́нѳ. 2: 4
въ словеси́ бо црⷭ҇тво бж҃їе, но въ си́лѣ. 21 Что̀ хо́щете;
4: 21
2 Корі́нѳ. 13: 10
съ па́лицею ли прїидꙋ̀ къ ва́мъ, и҆лѝ съ любо́вїю и҆ дꙋ́хомъ кро́тости;

5

ГЛАВА̀ є҃.

51 Ѿню́дъ слы́шитсѧ въ ва́съ блꙋже́нїе, и҆ таково̀ блꙋже́нїе, ꙗ҆ково́же ни во ꙗ҆зы́цѣхъ и҆менꙋ́етсѧ,

5: 1
Леѵі́т. 18: 8
ꙗ҆́кѡ нѣ́коемꙋ и҆мѣ́ти женꙋ̀ ѻ҆́тчꙋю. 2 И҆ вы̀ разгордѣ́сте, и҆ не па́че пла́касте, да и҆́зметсѧ ѿ среды̀ ва́съ содѣ́ѧвый дѣ́ло сїѐ. 3 Занѐ а҆́зъ оу҆́бѡ а҆́ще
5: 3
Колос. 2: 5
не оу҆ ва́съ сы́й тѣ́ломъ, тꙋ́ же живы́й дꙋ́хомъ, оу҆жѐ сꙋди́хъ, ꙗ҆́кѡ та́мѡ сы́й: содѣ́ѧвшаго си́це сїѐ, 4 ѡ҆ и҆́мени гдⷭ҇а на́шегѡ і҆н҃са хрⷭ҇та̀ собра́вшымсѧ ва́мъ и҆ моемꙋ̀ дꙋ́хꙋ, съ си́лою гдⷭ҇а на́шегѡ і҆н҃са хрⷭ҇та̀, 5
5: 5
1 Тїмоѳ. 1: 20
Ѱал. 108: 6
преда́ти такова́го сатанѣ̀ во и҆зможде́нїе пло́ти, да дꙋ́хъ спасе́тсѧ въ де́нь гдⷭ҇а на́шегѡ і҆н҃са хрⷭ҇та̀. 6 Не добра̀ похвала̀ ва́ша. (Заⷱ҇ рл҃г.)
5: 6
1 Корі́нѳ. 15: 33
Гала́т. 5: 9
2 Тїмоѳ. 2: 17
Не вѣ́сте ли, ꙗ҆́кѡ ма́лъ ква́съ всѐ смѣше́нїе ква́ситъ; 7 Ѡ҆чи́стите оу҆̀бо ве́тхїй ква́съ, да бꙋ́дете но́во смѣше́нїе, ꙗ҆́коже є҆стѐ безква́сни: и҆́бо па́сха на́ша за ны̀
5: 7
И҆са́їа. 53: 7
пожре́нъ бы́сть хрⷭ҇то́съ. 8 Тѣ́мже да пра́зднꙋемъ не въ ква́сѣ ве́тсѣ, ни въ ква́сѣ ѕло́бы и҆ лꙋка́вства, но въ безква́сїихъ чтⷭ҇оты̀ и҆ и҆́стины.

(Заⷱ҇ рл҃д.)

9 Писа́хъ ва́мъ въ посла́нїи не примѣша́тисѧ блꙋдникѡ́мъ: 10 и҆ не всѧ́кѡ блꙋдникѡ́мъ мі́ра сегѡ̀, и҆лѝ лихои́мцємъ, и҆лѝ хи́щникѡмъ, и҆лѝ і҆дѡлослꙋжи́телємъ, поне́же оу҆̀бо до́лжни бы є҆стѐ бы́ли ѿ мі́ра (сегѡ̀) и҆зы́ти: 11 нн҃ѣ же писа́хъ ва́мъ

5: 11
Матѳ. 18: 17
Ри́млѧн. 16: 17
2 Солꙋ́н. 3: 14
не примѣша́тисѧ, а҆́ще нѣ́кїй, бра́тъ и҆менꙋ́емь, бꙋ́детъ блꙋдни́къ, и҆лѝ лихои́мецъ, и҆лѝ і҆дѡлослꙋжи́тель, и҆лѝ досади́тель, и҆лѝ пїѧ́ница, и҆лѝ хи́щникъ: съ таковы́мъ нижѐ ꙗ҆́сти. 12 Что́ бо мѝ и҆ внѣ́шнихъ сꙋди́ти; Не внꙋ́треннихъ ли вы̀ сꙋ́дите; 13 Внѣ́шнихъ же бг҃ъ сꙋ́дитъ. И҆ и҆зми́те ѕла́го ѿ ва́съ самѣ́хъ.